Jitegemee Holdings Company Ltd

03/04/2026

Ijumaa Kuu Njema

24/02/2026

Wananchi wameitaka Kampuni ya Jitegemee Holdings kuzalisha kwa wingi nishati safi ya kupikia ya JITEGEMEE COAL BRIQUETTES maarufu Mkaa wa Jitegemee kwani wameridhika nao na mahitaji yake ni makubwa.

24/02/2026

Nishati safi ya kupikia ya JITEGEMEE COAL BRIQUETTES maarufu Mkaa wa Jitegemee umezidi kupokelewa na kukubalika na wananchi pamoja na wadau wa nishati safi kote nchini.

Katika wiki ya Tamasha la 17 la kumbukizi ya miaka 120 ya Mashujaa wa Vita vya Maji maji linalofanyika katika viwanja vya Mashujaa vilivyopo Songea Kampuni ya Jitegemee Holdings inashiriki na katika banda lake lililopo viwanjani hapo kumeshuhudiwa wananchi wakienda kupata elimu ya nishati hii ya Mkaa wa Jitegemee.

Tamasha hilo la 17 la kumbukizi ya miaka 120 ya Mashujaa wa vita vya Maji maji limefunguliwa na Mkuu wa Mkoa wa Ruvuma Mheshimiwa Brigedia Jenerali Ahmed Abbas Ahmed tarehe 23 februari,2026 na litafungwa tarehe 27 februari,2026 na mgeni rasmi akitarajiwa kuwa Makamu wa Rais wa Jamhuri ya Muungano wa Tanzania Mheshimiwa Balozi Dkt.Emmanuel John Nchimbi.

18/02/2026

Meneja wa mgodi wa Jitegemee Holding upande wa nishati safi, ndugu Bosco Mabena, amewahimiza wananchi na wafanyabiashara kuchangamkia fursa zinazopatikana katika maeneo ya migodi ili kujiongezea kipato na kukuza uchumi wa mkoa. Wito huo umeelekezwa kwa makundi yote, hususan vijana na wajasiriamali wadogo, ili waweze kutumia vizuri rasilimali zilizopo kwa maendeleo yao na taifa kwa ujumla.

Mabena ametoa kauli hiyo wakati wa uwasilishaji wa mradi katika Baraza la Biashara la Mkoa wa Ruvuma, mkutano uliofanyika katika ukumbi wa Songea Club uliopo Manispaa ya Songea. Amesema kuwa uwekezaji katika sekta ya madini umefungua milango kwa sekta binafsi kushiriki kikamilifu katika utoaji wa huduma na bidhaa zinazohitajika migodini.

Akizungumza katika mkutano huo, Mabena ameeleza kuwa licha ya kampuni yao kujihusisha na uchimbaji wa makaa ya mawe, pia wamezingatia utunzaji wa mazingira kwa kuongezea thamani rasilimali hiyo ili iweze kutumika k**a nishati safi majumbani. Amesisitiza kuwa wanaunga mkono juhudi za Mheshimiwa Rais za kulinda mazingira kwa kuhakikisha matumizi bora na salama ya makaa ya mawe.

Aidha, amefafanua kuwa nishati hiyo inaweza kutumika katika shughuli mbalimbali zikiwemo viwandani, taasisi za umma na matumizi ya majumbani, hatua itakayosaidia kupunguza gharama za nishati na utegemezi wa vyanzo visivyo rafiki kwa mazingira. Ameongeza kuwa mradi huo unalenga kuongeza ajira na kuinua kipato cha wananchi wa maeneo yanayozunguka mgodi.

Naye mfanyabiashara mdogo Rose Marry Amesema ushiriki wa wafanyabiashara wa ndani katika shughuli za mgodi utasaidia kukuza uchumi wa mtu mmoja mmoja na kuchochea maendeleo ya mkoa wa Ruvuma kwa ujumla.

12/02/2026

Jitegemee Coal Briquettes maarufu Mkaa wa Jitegemee ni suluhisho la kisasa na bora la nishati kwa matumizi ya nyumbani na taasisi.imetengenezwa kwa teknolojia ya hali ya juu inayohakikisha mwako wa muda mrefu, joto la uhakika na matumizi yenye ufanisi mkubwa.ukiwa na nishati hii,unapata nguvu zaidi kwa gharama nafuu.

Bidhaa hii iina sifa ya kutoa joto kali linalodumu kwa muda mrefu bila kutoa moshi mwingi wala harufu kali. Hii inazifanya kuwa rafiki kwa mazingira na salama kwa afya ya mtumiaji.

Jitegemee Coal Briquettes au MKAA WA JITEGEMEE Unafaa kwa matumizi mbalimbali ikiwemo migahawa, viwanda, hoteli, shule, na matumizi ya majumbani. Ubora wake umehakikiwa ili kuhakikisha kila mteja anapata thamani halisi ya fedha yake pamoja na utendaji wa kuaminika kila siku.

Chagua Jitegemee Coal Briquettes leo na ujiunge na maelfu ya wateja wanaoamini ubora, uimara na ufanisi wa bidhaa zetu. Jitegemee Holdings – Tunatoa Nishati ya Kuaminika kwa Maendeleo Endelevu.

29/01/2026

Mkuu wa Mkoa wa Songwe Mheshimiwa Jabir Omar Makame ameziagiza Halmashauri za Mkoa huo pamoja na Kampuni ya Jitegemee Holdings kuhakikisha elimu ya matumizi pamoja na ile ya mawakala wanaohitaji kufanya biashara ya mkaa huo inawafikia wananchi wote wa ngazi zote mkoani humo.

29/01/2026

Kampuni ya Jitegemee Holdings imeutambulisha rasmi mradi wake wa nishati safi ya kupikia ya Mkaa wa Jitegemee katika Jukwaa la Wadau wa Mazingira,Maji na Nishati safi ya kupikia lililofanyika Mkoani Songwe leo Januari 29 2026.

24/01/2026

Nishati safi ya kupikia ya Mkaa wa Jitegemee imeendelea kuwa mkambozi kwa watanzania.

22/01/2026