19/04/2026
Монгол Улсын Төрийн шагналт,
Ардын зураач, профессор Д.Амгалангийн нэрэмжит
“АМГАЛАН ОРЧЛОН - 2026” Ерөнхий боловсролын сургуулийн сурагчдийн гар зургийн уралдааны удирдамж
Нэг. Зорилго:
Эх орны минь ирээдүй болсон хүүхэд багачуудынхаа итгэл тэмүүлэл, хайр энэрэл, хүсэл мөрөөдөл, өөрсдийн дотоод ертөнц, үзэл бодлоо чөлөөтэй, бүтээлч байдлаар илэрхийлэх чадварыг дэмжих, авьяас сонирхлыг нээн хөгжүүлэхэд оршино.
Хоёр. Сэдэв, чиглэл:
МОНГОЛЧУУДЫН ЭРХЭМЛЭН ДЭЭДЛЭХ ҮНЭТ ЗҮЙЛС
( Дараах есөн үнэт зүйлийн аль ч төрлөөр бүтээлээ хийж болно.)
1. Ургийн алтан хэлхээ, улс гэрийн эзэн, мөнх тэнгэрээс заяат МОНГОЛ ХҮН нэгэн эрдэнэ
2. Өвгөдийн тулсан голомт, өвлөсөн ариун өргөө, үргэлжлэх удмын хэлхээ ГЭР БҮЛ нэгэн эрдэнэ
3. Алтан төрийн сүлд, ашдын тусгаар тогтнол, амгалангийн эрх хүчин ТӨРТ ЁС нэгэн эрдэнэ
4. Үзэмж төгс байгаль, үлэмж тэгш баялаг, үүрд орших өлгий ЭХ НУТАГ нэгэн эрдэнэ
5. Үндэсний язгуур сэтгэлгээ, өнөд оршихуйн дархлаа, мянган билиг төгөлдөр МОНГОЛ ХЭЛ нэгэн эрдэнэ
6. Өрлөг түүхийн дээжис, өндөр дээдсийн буян, үргэлж дээдлэх тунгаамал ӨВ СОЁЛ нэгэн эрдэнэ
7. Онгон байгальдаа зохилдсон, орчлонгийн хуульд нийцсэн, цагийн хүрдэнд таацсан НҮҮДЭЛЧНИЙ УХААН нэгэн эрдэнэ
8. Оюун билгийн охь, оньсыг тайлах түлхүүр, орчлонг таних мэлмий ЭРДЭМ БОЛОВСРОЛ нэгэн эрдэнэ
9. Нинжин сэтгэлийг дээдэлж, нийтийн амгаланг хүндэлж, чин шударгыг эрхэмлэх ЁС СУРТАХУУН нэгэн эрдэнэ
Гурав. Уралдаан зохион байгуулагдах чиглэл
-Уран зураг ( Уран зураг, Монгол зураг, Зураасан зураг )
Дөрөв. Ангилал
-10 - 13 нас
-14 - 16 нас
-12 дугаар ангийн сурагчид
Тав. Уралдааны зохион байгуулалт, бүтээл хүлээн авах хугацаа
Бүтээлийг 2026.05.06 -ны өдрийг хүртэл Дүрслэх Урлагийн Академийн 307 тоот өрөөнд хүлээн авна.
Зургаа. Бүтээлд тавигдах шаардлага, шалгаруулалтын журам
-Оролцогч ӨӨРИЙН НЭР, ЗУРГИЙН НЭР, НАС, СУРГУУЛЬ АНГИ болон ХАРИЛЦАХ УТАСНЫ ДУГААР -аа гаргацтай, тодорхой бичнэ..
-Уралдаанд оролцох ажлууд 30х40 см -ээс багагүй байна.
-Бүтээлд цэвэрхэн цаасан хүрээ, эсвэл жааз хийсэн байна ( Цаасан хүрээ, эсвэл жаазгүй бүтээл уралдаанд оролцох боломжгүй )
-Уралдаанд оролцох бүтээл нь уран бүтээлч хандлагаар бүтээгдсэн байх ( хуулбарласан буюу бусдын тусламжаар зурсан зургийг уралдаанд оролцуулахгүй )
-Бүтээлийг сонгон шалгаруулахдаа бүтээлийн санаа, уран сэтгэмж, ур чадвар, гүйцэтгэлийг давуу тал болгоно.
Долоо. Шагнал урамшуулал
10– 13 насны ангилал: Монголын Урчуудын Эвлэлийн нэрэмжит шагнал:
-Тэргүүн байр - 1. Монголын Урчуудын Эвлэлийн нэрэмжит шагнал, үнэ бүхий зүйл
-Дэд байр - 1. Монголын Урчуудын Эвлэлийн нэрэмжит шагнал, үнэ бүхий зүйл
-Гутгаар байр - 1. Монголын Урчуудын Эвлэлийн нэрэмжит шагнал, үнэ бүхий зүйл
14 – 16 насны ангилал: “Амгалан ертөнц” сангийн нэрэмжит шагнал:
-Тэргүүн байр - 300 000 төг
-Дэд байр - 200 000 төг,
-Гутгаар байр - 100 000 төг
12 -р ангийн сурагчид: Д.Амгалангийн нэрэмит Дүрслэх Урлагийн Академийн нэрэмжит шагнал:
-Тэргүүн байр - 1. ДУА -д элсэн суралцах эрх,
Сургалтын төлбөрийн хөнгөлөлт - 500 000 төг
-Дэд байр - 1. ДУА -д элсэн суралцах эрх,
Сургалтын төлбөрийн хөнгөлөлт - 300 000 төг
-Гутгаар байр - 1. ДУА -д элсэн суралцах эрх,
Сургалтын төлбөрийн хөнгөлөлт - 200 000 төг
Найм. Бусад
Байр эзэлсэн сурагчдын шагнал гардуулах товыг “Дүрслэх Урлагийн Академи” болон “Амгалан орчлон” фэйсбүк хуудсаар зарлана.
Уралдаанд шалгарсан бүтээлүүдээр Ардын зураач, Төрийн шагналт, Профессор Д.Амгалангийн нэрэмжит Дүрслэх Урлагийн Академийн үзэсгэлэнгийн танхимд үзэсгэлэн зохион байгуулна.
Зохион байгуулагч: СУИС -ийн Дүрслэх Урлагийн Академи
Холбоо барих утас: 88518061, 99838315
