Sa Da Ba Wa (2026)

24/12/2021

(၃)
ktvစော်နဲ့ငြိကြတဲ့ ယောကျ်ားတွေရဲ့ပုံစံက အမျိုးမျိုးရှိတယ်၊ လည်တဲ့ဘဲတွေက မကြာခဏခိုးစားတတ်ပေမယ့် အိမ်ကမသိအောင်ပိပိရိရိနေတယ်၊ စော်ကိုလည်းသူ့သြဇာကိုမကျော်အောင်ထိန်းထားနိုင်တယ်၊ အချိန်မရွေးခေါက်လိုက်လို့ရတဲ့ အနေအထားမျိုးမှာပဲထားတယ်၊သံယောဇဥ်လေးနည်းနည်းပိုရင် အချိန်တခုကြာထိငြိတတ်ကြပေမယ် စားလို့၀ရင်ခေါက်လိုက်ပြီးဇာတ်လမ်းပြတ်သွားတာပါပဲ၊စားနေကြကြောင်ပါးကြီးတွေပေါ့၊ တချို့ဘဲတွေကျအိမ်ကမိန်းမရိပ်မိသွားလို့နားလိုက်ရတာ.. မင်းကိုလည်းချစ်တယ် အိမ်ကမိန်းမကိုလည်းကြောက်တယ်ဆိုတဲ့အစားမျိုးပေါ့....။

တချို့ဘဲတွေကျပုံစံတမျိုး.. ktvဂျိုးတွေ...ဆိုင်တကာအနှံ့သွားတယ်၊ ရောက်တဲ့ဆိုင်တိုင်းလည်း တစ်ခါထိုင်တစ်ယောက် ရှိသမျှစော်အကုန်ထိုင်တယ်၊ by nameမထားဘူး၊ လူမရွေးဘူး၊ ပုဂ္ဂိုလ်စွဲမရှိဘူး...သူတို့ဖို့က ဟေးလား၀ါးလားပျော်ဖို့သက်သက်ပဲ၊ အဲဒီလိုလူမျိုးတောင် တခါတရံသူတို့ taste နဲ့ငြိတဲ့စော်နဲ့လည်းတွေ့ရော "မင်းနဲ့မှချစ်တတ်ပြီပေါ့"သီချင်းဆိုရတော့တာပဲ၊ လည်လွန်းတဲ့ဘီး ချေးနင်းသွားတာ...။

ktvကဇာတ်လမ်းတွေအကြောင်းပြောရရင် ktvမယ်တိုင်းမှာဇာတ်လမ်းကိုယ်စီရှိနေကြတော့ ရေးလို့ကုန်မှာမဟုတ်ဘူး...။ သို့ပေမင့်လည်း ဇာတ်လမ်းကျောရိုးအားလုံးကတော့ အများသိထားကြတဲ့အတိုင်း အတူတူပါပဲ။ အဓိက point ဖြစ်တဲ့ အိမ်ထောင်တစ်ခုမှာဒါမျိုးဖြစ်လာရင် အိမ်ထောင်ရှင်မတွေ ဘယ်လိုအကောင်းဆုံးနည်းနဲ့ ဖြေရှင်းရမလဲမေးလာရင်လည်း ပုံသေနည်း မရှိပါဘူး၊ တွေ့ဖူးတာတွေကတော့ အကြမ်းနည်း အနုနည်း အပျော့ဆွဲနည်း စုံလို့ပေါ့၊အဲဒီနည်းတွေနဲ့ အဆင်ပြေသွားတာရှိသလို ပိုဆိုးသွားတာလည်းမြင်ဖူးတယ်။

ဒီစာရေးကတည်းကလည်း ktv လောကအကြောင်း sharing တာသက်သက်ပါလို့ပြောထားပြီးသားမို့ ဒီပြဿနာအပေါ်ktvမယ်ဘက်က သဘောထားကိုပဲရေးပြနိုင်ပါတယ်။ အိမ်ထောင်ရှင်အမျိုးသမီးတွေအနေနဲ့လည်း တစ်ဖက်ကသူတို့အကြောကိုသိထားတော့ ပိုကောင်းတာပေါ့။

အပေါ်ယံအပျော်ဆက်ဆံရေးတွေသာ အများဆုံးကြုံရတဲ့ ktvစော်တွေက သူတို့အပေါ် အမှန်တကယ်တွယ်ငြိသူတွေ့တဲ့အခါသာယာမိတာပါပဲ၊ လူဆိုတာ ကိုယ့်သဘောကိုယ်ဆောင်ကိုယ့်ကိုယ်ကို ဗဟိုပြုလည်နေတာပါ၊ သူများတကာကို ကိုယ်ချင်းစာပေးပါတယ်ဆိုရင်တောင် ကိုယ့်အတ္တလိုအင်ထက်တော့ ကျော်မှာမဟုတ်ပါဘူး၊ သုံးပွင့်ဆိုင်ဇာတ်လမ်းမှာ ကိုယ့်လင်ကိုယ်နိုင်အောင်ထိန်းဆိုတဲ့စကားနဲ့ အသံကောင်းဟစ်ပြီး တစ်ဖက်မှာကျ မရမကဆွဲထားတာပါ၊ သံသယမရှိနဲ့ အတိအကျပဲ။

ktvစော်နဲ့ငြိတဲ့ဇာတ်လမ်းအများစုက ခဏတာပါပဲ....ခြံခုန်၀တဲ့နွားကအချိန်တန်ရင် ကိုယ့်ချည်တိုင်ကိုယ်ပြန်၊ စော်ကအသဲကွဲပြီး ktvခန်းထဲရောက်ရင် " ဒသမလူအဖြစ်နဲ့ပြီးဆုံးသွား..မင်းပေးခဲ့တဲ့ဆုလာဘ်များနဲ့" လို့ဆိုရင်းကျန်ရစ်၊ တချို့စော်တွေကတော့ အရေထူနေပြီ အသဲမကွဲတော့ဘူး...spair parts တွေကအသင့်ဆိုတော့...၊ဒီမှာတင် တစ်ခန်းရပ်ဇာတ်ကို ပြည်ဖုံးကားချ ပြီးသွားကြလေသတည်းပေါ့၊ ဒါပေမယ့် အထူးသဖြင့်ပေါ့လေ အမျိုးသားဘက်က လွယ်လွယ်မပြတ်နိုင်ဘဲ သံယောဇဥ်တွေ..ချစ်တာတွေ..မေတ္တာတွေ..ရွှေမန်းသဘင်တွေပါလာရင်တော့ shock ရှိလာပါပြီ။

လူတွေကအိမ်ထောင်ရေးပြဿနာတွေအပေါ်မှာ ထင်မြင်ချက် စကားလုံးများစွာပြောကြပါတယ်၊အိမ်ထောင်ရေးဆိုတာ အခြေအနေတွေပါ၊ စကားလုံးတွေမဟုတ်ပါဘူး၊ ကြိုက်သလောက်စကားကြွယ်ပါစေ ကာယကံရှင်တွေ ကိုယ်တိုင်ကိုယ်ကျကြုံနေရတဲ့အခြေအနေတွေကို ကိုယ်စားမပြုနိုင်ပါဘူး။

အိမ်ထောင်ရှင်အမျိုးသမီးတွေအနေနဲ့ ဖောက်ပြန်မိတဲ့ကိုယ့်အမျ်ိုးသားကို ကိုယ့်အိိမ်ထောင်အပေါ်ပြန်ကယ်တင်ဖို့ဆိုတဲ့အခွင့်အရေးကိုပေးပါ၊ ကိုယ့်လင်သားကဒါမျိုးလုပ်ရက်လေခြင်းလို့ ခံစားမယ့်အစား အမှားလုပ်တတ်တဲ့သာမန်လူတစ်ယောက်လို့မြင်ပေးပါ၊ အဓိကအကျဆုံးကတော့ အမျိုးသားပါပဲ သူ့ရဲ့အိမ်ထောင်အပေါ်ရပ်တည်ချက်၊ brain level , personality , နောက် သူ့ emotional ကိုဘယ်လောက်ချုပ်ထိန်းနိုင်တယ်ဆိုတဲ့ EQ တွေပေါ်မှာ မူတည်ပါလိမ့်မယ်။

ကာကွယ်ခြင်းသည်ကုသခြင်းထက်ထိရောက်သည် ဆိုတဲ့အတိုင်းပဲ အိမ်ထောင်ရှင်အမျိုးသားတွေ ktvမသွားတာအကောင်းဆုံးပေါ့၊ ဒါပေမယ့်လည်း သွားနေကြတာပါပဲ၊ အမျိုးသမီးတွေလည်း ကိုယ့်လင်ယောကျ်ားဘယ်ခြေလှမ်း လှမ်းနေပြီဆိုတာ ပါးနပ်ဖို့လိုပြီး ကူထိန်းရပါမယ်၊ စောစောသိစောစောကုနိုင်ရင် အရေးပေါ်အခြေနေမရောက်တော့ဘူးပေါ့။

ကျမစာရေးရင် ktvကစော်နဲ့ဧည့်သည်တွေကိုရည်ညွှန်းတဲ့နေရာတွေမှာ_ အများစု.. တော်တော်များများ.. အကြမ်းဖျင်း.. တချို့တွေလို့ သုံးတာတွေ့မှာပါ၊ ဘာလို့လဲဆို အားလုံးကို၀ါးလုံးချေးသုတ်မရမ်းချင်လို့ပါ၊ ktvရောက်လာတဲ့ ရှားရှားပါးပါးဧည့်သည်သူတော်ကောင်းအပေါင်းရဲ့အကြောင်းကို နောက်တစ်ပိုင်းကျရေးပါမယ်။ရှားရှားပါးပါးဆိုတော့ များများစားစားရေးစရာတော့မရှိဘူးပေါ့။

ဆက်ရန်.....

24/12/2021

(၂)
မိန်းကလေးတွေ ktvလောကထဲကိုမတူညီတဲ့အခြေအနေပေါင်းစုံကရောက်လာကြပေမယ့် အကြမ်းဖျင်းတူညီတဲ့တစ်ချက်ကတော့ စား၀တ်နေရေးအကျပ်အတည်းတွေဖြေရှင်းဖို့ပါပဲ၊ ပြောကြပါလိမ့်မယ်... တခြားအလုပ် ရိုးရိုးသားသားလုပ်ပါလား... ဒါကိုမှလုပ်ချင်ကြတယ်... အလွယ်လမ်းပဲလိုက်ချင်ကြတယ်... လက်ကြောတင်းရမယ့်အလုပ်ကျမလုပ်ချင်ဘဲ...စိတ်အခြေခံကိုက ဖာဆန်တာကိုးဆိုပြီး....၊မှန်သင့်သလောက်မှန်ပါတယ်...ဒါပေမယ့် လက်ရှိကြုံနေရတဲ့အခက်အခဲပြဿနာတွေ.. ထမင်းကိုရေဆမ်းစားနေရတဲ့အခြေအနေတွေ.. ကိုယ်ကနေနိုင်ရင်တောင် ကိုယ့်မိဘ ကိုယ့်သားသမီးကိုမကြည့်ရက်နိုင်တာတွေ...ကိုယ့်မှာရှိတဲ့အတန်းပညာနဲ့ဘယ်အလုပ်နေရာမှာမှ ဘောင်မ၀င်တာတွေ...ကိုယ်စွမ်းနိုင်တာထက် ဘ၀ရဲ့ရုပ်၀တ္ထုလိုအပ်ချက်က အဆမတန်ကွာခြားနေတဲ့အခါ အမြန်ဆုံးဖြေရှင်းနိုင်မယ့် ktvအလုပ်ကို အရှက်တွေမာနတွေခ၀ါချပြီး လျှောက်လှမ်းတော့တာပါပဲ။တချို့ကျတော့လည်း ၀တ်ချင်စားချင်လှချင်တဲ့အရွယ် အိမ်ကလည်းချို့ချို့တဲ့တဲ့အခြေအနေဆိုတော့ကိုယ်တိုင်ရှာမယ်သုံးမယ်ဆိုတဲ့ရည်ရွယ်ချက်နဲ့ပေါ့။

အစိမ်းသက်သက်မိန်းကလေးတစ်ယောက် ktvလောကထဲစ၀င်လာရင် သိပ်သိသာပါတယ်၊ ရှက်ရွံ့အားငယ်နေတတ်တယ်၊ အဲ့ဒါခဏပါပဲ... စီနီယာမမကြီးတွေကသင်ပေးရင်း သိပ်မကြာတဲ့အချိန်အတွင်းဘ၀တူတွေကြားထဲဒီအလုပ်ထဲမှာ ပျော်မွေ့သွားတာပါပဲ၊ နဂိုခပ်နန့်နန့်မိန်းကလေးဆိုရင် အထူးသင်စရာတောင်မလိုဘဲ ထိန်းမရတဲ့အခြေအနေတောင်ရောက်တတ်ပါသေးတယ်၊ အခန်းထဲရောက်လို့ဧည့်သည်နဲ့ရင်းနှီးတာမကြာသေး သူကတက်ခွထိုင်တာမျိုးပေါ့၊ မနူးမနပ်လက်လက်ထပြီး ဒီနေရာမျိုးမှာ ငါ့ကိုထူးပြီးကဲ့ရဲ့မယ့်သူလည်းမရှိပါဘူး ဘယ်သူ့ဂရုစ်ိုက်ရမှာလဲဆိုတဲ့ အပေါစားအတွေးမျိုးနဲ့ ဧည့်သည်ကို သူ့လင်ပမာပြုမူနေတော့တာပါပဲ။ စည်းလွတ်၀ါးလွတ်ဗရမ်းဗတာ နေထိုင်တတ်တဲ့စော်ဆိုတာလည်း ဆိုင်တိုင်းမှာ အမြဲရှိတတ်တယ်။

ktvလုပ်ဖို့ရုပ်ရည်နဲ့အသက်အရွယ်ကလည်း နည်းနည်းအရေးပါတယ်၊မဆန်းဘူးလေ.. ရုပ်လေးလှရင် customerပိုကြိုက်တာကိုး၊ ရုပ်ရည်ဆိုတာထက်ပြင်တတ်ဆင်တတ်၀တ်စားတတ်ဖို့ကပိုအရေးကြီးတယ်၊ ဒါကလည်း ၀င်ငွေလေးဖြောင့်လာရင်သူ့ဘာသူဖြစ်သွားတာပါပဲ၊ သူဌေးကိုယ်တိုင်လူရွေးအလုပ်ခန့်တဲ့ဆိုင်ဆိုရင် စော်တွေက အလန်းတွေချည်းပဲ၊ ကျောက်ရေတွင်းလမ်းက မိုးထက်ဆိုတဲ့ဆိုင်ဆိုရင် သူဌေးကသာ ကုလားဒိန်ရုပ် သူကိုယ်တိုင်ခန့်ထားတာက ဖြူဖြူဖွေးဖွေးလှလှလေးတွေ၊ နောက် ၇မိုင်ခွဲက ကိုရီးယားလူမျိုးပိုင်တဲ့ melody၊ ဗမာစကားသာရေလည်အောင်မတတ်တာ မိန်းကလေးတွေကို သူကိုယ်တိုင် interview ခန့်တာ အမှန်ကတော့ရုပ်ကြည့်တာပါ၊ နောက်တခုက ဓမ္မစေတီလမ်းက simpactico၊အဲဒါတွေက 2005တုန်းက အခြေအနေတွေပါ။

ktvဆိုတာ အမျိုးသားတွေလာပျော်ကြတဲ့နေရာဆိုတာလူတိုင်းလက်ခံပြီးသား.... ဟုတ်ပြီ..ဘာကြောင့်ပျော်ကြတာလဲ..?? ရှင်းပါတယ် သူတို့ရဲ့ဖို၀ါဒကြီးစိုးလိုစိတ်ကို အဆင့်နိမ့်သတ်မှတ်ထားတဲ့ second s*x ဆီမှာလွတ်လွတ်လပ်လပ်ပြခွင့်ရပြီး သာယာကြလို့ပဲဖြစ်တယ်။ (it's my just opinion ) အဲဒီသာယာမှူကို ktvမယ်လေးတွေက အရောင်တင်ပေးတဲ့အခါ မပျော်ရှိပါ့မလား...။

လည်သလိုလုပ်စားကြတဲ့ဒီလောကမှာ ktvမိန်းကလေးတစ်ယောက်ချင်းစီရဲ့၀င်ငွေကလည်း ဘယ်တူပါ့မလဲ၊ by name များလေ income များလေပေါ့၊ နောက်ဆိုင်အနေအထားပေါ်လည်းမူတည်သေးတယ်၊ လာသမျှအစုတ်အပြတ်ဧည့်သည်မှန်သမျှလက်ခံတဲ့ဆိုင်ရှိသလို စီစစ်ပြီးလက်ခံတဲ့ဆိုင်မျိုးလည်းရှိတယ်၊ အစုတ်အပြတ်ဧည့်သည်ဆိုတာ ဘာဟင်းပွဲမှထုတ်မရ section ကြေးနဲ့ရေတစ်ဘူးစာလောက်ပဲ ပါပြီး စော်တွေကို ဖရော်စီးသွားတတ်တဲ့ ၀ိုင်းမျိုးပေါ့။ ဧည့်သည်သန့်လေ ဆိုင်အတွက်ရောမိန်းကလေးအတွက်ပါ အဆင်ပြေလေပါပဲ။ ktvသွားနေကျလူတွေသိကြမှာပါ၊ ktvခန်းထဲရောက်ရင် menuတွေက စျေး၂ဆတင်ထားကြတာ...မိန်းကလေးတွေကဖြုန်းပေးကြတယ်၊ ဖြုန်းပေးတဲ့ ဟင်းပွဲ၊ cocktail စတာတွေကို ဆိုင်ဘက်က%နဲ့ပြန်ရှင်းပေးရတယ်။ မိန်းကလေးတချို့က လာနေကြby name ဧည့်သည်တွေဆိုရင် သက်ညှာတဲ့အနေနဲ့ ဖြုန်းတာနည်းနည်းလျှော့ပေးတတ်ကြတယ်၊ billအရမ်းကျသွားရင် သူတို့အတွက်မုံ့ဖိုးနည်းမှာ ကြောက်တာလည်းပါတယ်။

နောက်ထပ်၀င်ငွေလမ်းကြောင်းတခုက အပြင်မှာပါdate ပြီးစပွန်ဆာထားကြတာပါ၊ ktv လာသမျှဧည့်သည်တော်တော်များများက by nameနဲ့အမြဲခေါ်ထိုင်ရာကတဆင့်ရင်းနှီးမှူရလာတာနဲ့ အပြင်ခေါ်ကြတော့တာပါပဲ၊ ဆိုင်လာတွေ့ပြန်ရုံနဲ့အားမရတော့ပါဘူး၊ဇာတ်လမ်းကအဲ့ဒီမှာ စတာပါပဲ၊ ဒီအချိန်မှာ မိန်းကလေးအခရာပါပဲ....သူတို့ကြိုက်ရင်လိုက်တယ်၊ မကြိုက်ရင်မလိုက်ဘူး။ တချို့ကဘဲအပေါ်ညွတ်နေဘီ မငြင်းနိုင်တော့ဘူး..ဒုတ်ကြောင်ပြီးလိုက်တယ်၊ တချို့စော် စီးပွားရေးအမြင်သက်သက် gold digger သမားတွေက ဘယ်လောက်များအမ်းနိုင်မလဲလို့စဥ်းစားပြီး လိုက်မလိုက်ဆုံးဖြတ်တယ်၊ တချို့ကျချီတုံချတုံ လိုက်လည်းမလိုက်ချင်ဘူး by name ပြုတ်မှာလည်းကြောက်တယ်၊ ဟုတ်တယ်လေ.. တချို့ယောကျ်ားတွေက ခေါ်လို့မလိုက်ရင် နောက်တစ်ယောက်ပြောင်းထိုင်စည်းရုံးရော...အချိန်ကုန်ခံမနေဘူး...။

မယုံမရှိနဲ့... ktvမှာလုပ်ပြီးမွဲနေတဲ့အဖွဲ့ကလည်းသက်သက်ရှိသေးတယ်၊ နံမယ်ကြီးထမင်းငတ်ပေါ့၊ အသက်ကကြီးရုပ်ကလည်းတော်တော်ဂွမ်းနေတော့ ဘယ်အခန်းထည့်ထည့်အလဲခံရ၊ by name ကလည်းမရ၊ သဘောကောင်းတဲ့ဧည့်သည်တွေကျ သည်းခံပြီးထိုင်ပေးပါတယ်၊ ဘာမှမပြောရှာဘူး၊စိတ်တော့ဘယ်ပါပါ့မလဲ၊ အဲ့ဒီလိုအမတွေဆို တခါတရံအိမ်ပြန်ဖို့လမ်းစားရိတ်မရှိတဲ့ထိအခြေနေကဆိုးတတ်တာ...၊ သူတို့ကိုကျ မိန်းကလေးချင်းကူညီရတာပေါ့ ကိုယ်ပိုင်တဲ့ by name၀ိုင်းလာရင် တွဲခေါ်ထည့်ရတာပေါ့။ ဧည့်သည်တွေကလည်း နံမယ်ပေးတတ်တယ် သူတို့ကို မေကြွိ တွေတဲ့..။

ဆက်ရန်......

24/12/2021

ktv တွေစပေါ်တာ 2000 ခုနှစ်၀န်းကျင်လောက်ပါ၊ အဲဒီမတိုင်ခင်က စင်တင်လောကကခေတ်စားနေပါပြီ။ နောက်ပိုင်းမှစင်တင်ဆိုင်တွေက ktvတွဲဖွင့်ရင်းပိုခေတ်စားလာတယ်ဆိုပါတော့။ ktvပေါ်စက social network ခေတ်မဟုတ်သေးတော့ အဲဒီချိန်သာမာန်ဆင်ခြေဖုံးရပ်ကွက်ကလူတွေက ktvဆိုတာ ကြားတောင်မကြားဖူးကြပါဘူး။ ktvလုပ်တဲ့မိန်းကလေးလည်းရှားပါးကြပါတယ်။ ktvမပြောနဲ့ စားသောက်ဆိုင်မှာလုပ်တယ်ကြားတာနဲ့နှာခေါင်းရှုံ့ကြတဲ့ခေတ်ပေါ့။

စစ်အစိုးရလက်ထက်မို့ ပြည်သူတွေရှားပါးကျပ်တည်းကြချိန် အထည်ချုပ်မှာ ဖင်ဂျွတ်တက်အောင်လုပ်ရတဲ့ စက်ရုံဆင်းအလုပ်သမတွေပဲများပါတယ်။ တစတစနဲ့ ktvလုပ်ငန်းတွေ အတော်တွင်ကျယ်လာတယ်၊ အဲဒီခေတ်က ktvဆိုတာ တကယ်သုံးဖြုံးနိုင်တဲ့ လူကုံတန်တွေပဲသွားကြတာပါ၊ ခုလို မာကက်တင်းသမား ကုမ္ပဏီ၀န်ထမ်းကစ ပန်းရံခေါင်းထိ သွားကြတဲ့ချိန်မဟုတ်ပါဘူး။ ဒါကြောင့် ktvခေတ်ကောင်းချိန်ဆိုမမှားဘူးပေါ့။

ရန်ကုန်ktvနဲ့နယ် ktv အနည်းငယ်ခြားနားပါတယ်၊ နယ်ဘက်ktvတွေက ktvမယ်အတွက်section ကြေးပါကောက်ပါတယ်၊ နယ်ဘက်ကတချို့ဧည့်သည်တွေက မိန်းကလေးကို မုံ့ဖိုးပေးရမှန်းနားမလည်ကြလို့ပါ၊ ဆက်ရှင်ကြေးကို မိန်းကလေးကအပြည့်မရပါဘူး half ပဲရတယ်၊ ဆိုင်ရှင်က တစ်၀က်ယူပါတယ်၊ အဲဒီတုန်းက 1hrကို 2000 ကောက်တယ်၊ ခုတော့မသိဘူး၊ တနေ့ ၅ဆက်ရှင်လောက်ထိုင်ရရင် မုံ့ဖိုးမပါတောင် မိန်းကလေးအဖို့ 5000 ခိုင်ပါပြီ၊ တနေ့အိမ်စျေးဖိုး 1000 လောက်တဲ့ခေတ်ပါ။

ktv ဆိုင်တွေမှာ များသောအားဖြင့် vocal အမျိုးသမီး အယောက် ၃၀ ၀န်းကျင်ရှိတတ်တယ်၊ ဆိုင်အကြီးအသေးပေါ်မူတည်ပြီး လူအနည်းအများကွာနိုင်ပါတယ်၊ ဆိုင်အကြီးအသေးဆိုတာ အခန်းအရေအတွက်ပေါ်မူတည်တယ်၊ တစ်ခန်းကိုဧည့်သည် ၅ယောက်လောက်၀င်ရင် ၅ခန်းလောက်ဆို ဆိုင်ရှိမိန်းကလေးကုန်သလောက်ဖြစ်သွားပါပြီ၊ မိန်းကလေးမလောက်ရင် အခန်းခွခိုင်းပါတယ်၊ နှစ်ခန်းမျှ၀င်ပေးတာမျိုးပေါ့၊ အဲဒီခါကျ မိန်းကလေးက ပြောတတ်ဆိုတတ်ချုပ်တတ်မှအဆင်ပြေတာပါ၊ တချို့ဧည့်သည်တွေက ဘေးကမိန်းကလေးကို သေးပေါက်တောင်လွှတ်ချင်ကြတာမဟုတ်ပါဘူး၊ အခန်းခွမှန်းသိရင် တချို့ဧည့်သည်တွေက ရစ်ပါတယ်၊ စိတ်သဘောထားပြည့်တဲ့ဧည့်သည်ကတော့နားလည်ပေးပါတယ်။

လူအမျိုးမျိုးစိတ်အထွေထွေဆိုတဲ့အတိုင်း ktvတခုမှာလုပ်ကြတဲ့မိန်းကလေးတွေလည်းကွဲပြားပါသေးတယ်၊ အပြောကောင်းတဲ့သူအကြမ်းခံတဲ့သူ အထိမခံတဲ့သူစသဖြင့်ပါပဲ၊အလုပ်သဘောအရ ပခုံးဖက်လက်ကိုင်သီချင်းဆိုက ပုံမှန်ပါပဲ၊ ကြမ်းတဲ့ဧည့်သည်နဲ့အကြမ်းမခံတဲ့မိန်းကလေးနဲ့တွေ့ရင်ပြဿနာကတက်ရော၊ အ့ခါကျလူလဲပေးရတယ်၊ လာနေကျဧည့်သည်အထာနားလည်လာတဲ့အခါကျတော့ သူ့ဟာသူအဆင်ပြေသွားတာပါပဲ။

ktv ကလိုင်စင်ရလုပ်ငန်းလုံး၀မဟုတ်ပါဘူး၊ သက်ဆိုင်ရာအဖွဲ့အစည်း ၂၀လောက်ကို လစဥ်လိုင်းကြေးသွင်းပြီး နားလည်မှုယူဖွင့်ကြတာပါ၊ ဒါကြောင့်ဆိုင်မှာ ရန်ဖြစ်လို့လုံး၀မရပါဘူး.. ဖြစ်လာရင်ပြေလည်အောင်ကြိတ်ရှင်းရပါတယ်၊ ရှိသမျှဆိုင်၀န်ထမ်းအကုန်လုံးက ဧည့်သည်နဲ့ပတ်သက်ရင် အဆုံးစွန်သည်းခံရပါတယ်၊ နေ့တိုင်း meeting ထိုင်ရပါတယ်၊ ပြဿနာသေးသေးလေးကစ အကြီးကြီးဖြစ်မလာခင်ထိကြိုရှင်းထားရပါတယ်၊ ktvဆိုင်မှာ အဓ်ိကကမိန်းကလေးပါ၊ သူတို့ကဧည့်သည်နဲ့အနီးကပ်ဆုံးနေရတာကိုး၊ မနေ့ညကအခန်းထဲကဖြစ်သမျှကိစ္စများကို ဒီနေ့ညနေmeeting မှာပြန်ရှင်းရပါတယ်။

ဥပမာ_ head waiter ဖြစ်ဖြစ် supervisor ဖြစ်ဖြစ်က "မနေ့ညက အခန်းနံပတ် ၂မှာ၀င်တဲ့ သဲသဲ ဧည့်သည်နဲ့ဘာဖြစ်တာလဲ" "ဟုတ်..ဧည့်သည်ကနို့အတင်းလိုက်နှိုက်လို့ပါ" "ဒါဆိုနင်ပြေပြေလည်လည်နားလည်အောင်ပြောပြီး အလိမ္မာနဲ့ရှောင်လေ ဘာလို့ စွာကျယ်ကျယ်နဲ့ရန်တွေ့တာလဲ ဧည့်သည် complain တက်တော့ရှင်းရရော" .....အ့လိုမျိုးတွေပေါ့။ ဒီနေရာမှာဧည့်သည် complain ဆိုတာက မင်းတို့ဆိုင်ကကောင်မက ဘာအထာလဲ၊ ငါကအလှထိုင်ကြည့်နေရမှာလား ငါ့ကိုဘာအချိုးချိုးပြီးအခန်းထဲကတံခါးစောင့်ပိတ်ထွက်သွားတာလဲအ့ကောင်မ ခုပြန်ခေါ်ပေးစမ်း ...အဲ့ဒီလိုမျိုးပေါ့။

ဧည့်သည်ဆိုတာလည်းအမျိုးစုံပါပဲ၊ ယောကျ်ားဆိုတာမျိုးကအပြင်မှာသာ လိပ်ဂျပိုးသုံးစားမရဖြစ်ချင်ဖြစ်နေမယ် ktvကစော်တွေရှေ့ရောက်လာရင်တော့ ဆရာကြီးဆိုက်ဖမ်းကြတာခပ်များများရယ်၊ဒါကို တနေ့သူစိမ်းယောကျ်ား၃ယောက်လောက်အနည်းဆုံးဆက်ဆံနေရတဲ့ktvကစော်တွေကလည်း သူတို့အထာကိုနားမလည်ဘဲနေပါ့မလား၊ ဘယ်လောက်တော်ကီညက်ညက် ရုပ်ဘယ်လောက်ချောချော ရေမလောင်းနိုင်ဘဲလာဖွန်တဲ့ကောင်မှန်သမျှကို ကွယ်ရာမှာချီးထုပ်ကောင်လို့ခေါ်ပြီးနောက်တခါလာရင်ရှောင်ကြတာ... မတတ်သာလို့ထိုင်ရမယ်ဆိုလည်း စိတ်ပျက်သွားအောင်ပြုမူတတ်ကြတယ်၊ပြောရရင် ရေမကျရင်ဘယ်စော်မှမငြိချင်ဘူး၊ ktvကစော်ဆိုတာ ပိုက်ဆံရှိတဲ့ယောကျ်ားတွေကိုကျားချောင်း ချောင်းနေကြတာ.... ဇာတ်လမ်းစစချင်းရေမလောင်းနိုင်ရင်ဘယ်စော်မှအထင်မကြီးကြဘူး၊ အလုပ်ကိုက ချူစားမြှူစားတဲ့အလုပ်လေ....၊ဒါကktvစော်တွေရဲ့ ယေဘုယျသဘောထားပဲ။

ကျားဆိုတဲ့သတ္တ၀ါတွေကလည်း လွယ်လှတာတော့မဟုတ်ဘူး ပုံပြောသိပ်ကောင်းကြတာ..သေရည်လေးကလည်းသောက်ထားတော့ ညီမလေးအကူအညီလိုရင်ဖုန်းဆက်လိုက်ဆိုပြီး သဘောတွေကောင်းပြနေတာ၊ တကယ်ကူညီလားဆိုတော့ ပုံပြောသွားတာ တစ်ရာမှာ ကိုးဆယ့်ကိုးယောက်နဲ့တစ်ပိုင်းရယ်...။

ktvလောကဆိုတာ လူ့အဖွဲ့အစည်းကျင့်၀တ် ဂုဏ်သိက္ခာတွေကနေ သွေဖည်နေတဲ့ အမှောင်ကမ္ဘာခြမ်းသက်သက်မျှသာပါပဲ၊ ktvမိန်းကလေးတွေရင်ဆိုင်ရတဲ့ mentalပိုင်းဆိုင်ရာ အခက်ခဲဆုံးကိုပြောပါဆိုရင်လည်း လူအဖွဲ့အစည်းကသူတို့အပေါ်မြင်တဲ့အမြင်တွေနဲ့ဆက်ဆံမှူတွေပါပဲ၊ ဘယ်တော့မှချစ်ခြင်းမေတ္တာနဲ့မထိုက်တန်သလိုမျိုး၊ ဘယ်တော့မှအချစ်စစ်ဆိုတာရှာတွေ့မှာမဟုတ်သလိုမျိုး ၊အဖြည့်ခံ အပျော်ခံဘ၀ ၀ါးပြီးထွေးထုတ်ခံရမယ့်အတန်းအစားလိုမျိုး....ဒီလိုအမြင်တွေတင်မက လက်တွေ့ဘ၀မှာလည်း ဒါမျိုးပဲထပ်ကာထပ်ကာကြုံကြရတယ်၊ ဒီနေရာမှာ ပန်းနုသွေးတွေခင်မို့မို့အေးတွေဆိုတာထက် တကယ့် Reality ကိုမြင်စေချင်ပါတယ်၊ ktvစော်ဆိုရင်99.99%သောဘယ်ယောကျ်ားကမှအတည်မယူချင်ပါဘူး၊ ဒါကြောင့်လည်း ktvစော်တွေက သူတို့ကိုချစ်လှပါချည်ရဲ့ဆိုတဲ့ ဘယ်လိုယောကျ်ားမျိုးနဲ့ပတ်သက်ပါစေ 99.99% အသဲကွဲရတာချည်းပါပဲ။

ktvကမိန်းကလေးအများစုကအတန်းပညာနိမ့်ပါးကြပါတယ်၊ တက္ကသိုလ်ကျောင်းသူဘွဲ့ရရှိတတ်ကြပေမယ့် အလွန်နည်းပါတယ်၊ ပညာမဲ့တွေများတော့ တွေးခေါ်ဆင်ခြင်နိုင်စွမ်းလည်းနည်းပါးပါတယ်။အဲဒီတော့ပတ်သက်မိတဲ့ယောကျ်ားတွေအပေါ်မှာ personal နဲ့အလုပ်ကို ခွဲခြားနိုင်စွမ်း ကိုယ့်ကိုယ်ကို control လုပ်နိုင်စွမ်းမရှိဘဲ စိတ်အလိုလိုက်ပြီးနစ်မွန်းသထက်နစ်မွန်းကုန်ကြတာအများစုပါပဲ။

ကြားဖြတ်အနေနဲ့ကျမပြောချင်တာက ဒီမိသားစုဆန်တဲ့ဂရုလေးထဲမှာကိုယ့်အမျိုးသားက ktvကမိန်းကလေးနဲ့ပတ်သက်နေလို့စိတ်သောကဖြစ်နေရတဲ့အိမ်ထောင်ရှင်အမျိုးသမီးတွေအတွက် ktvလောကအကြောင်းsharing လုပ်ချင်ယုံသက်သက်ပါ။
ဟုတ်ကဲ့ ကျမကတော့2014ကမှ အဲဒီလောကကနေအငြိမ်းစားယူထားတဲ့ktvမယ်ပါ။

ဆက်ရန်....။

Address

Website

facebook.com

Alerts

Be the first to know and let us send you an email when Sa Da Ba Wa posts news and promotions. Your email address will not be used for any other purpose, and you can unsubscribe at any time.

Sa Da Ba Wa

24/12/2021

24/12/2021

24/12/2021

Address

Website

Alerts

Shortcuts

Share