Information Technology Zone

21/10/2026

Real iOS on Android hardware.

iOS 16.7.16 just booted run on a Android hardware Xiaomi Redmi Note 12 Phone.

the real XNU kernel SpringBoard, system daemons it reaches the lock screen, home screen, and Settings as an iPhone X.

This isn’t a launcher or a theme.
One of the more impressive reverse-engineering efforts we’ve seen on mobile hardware.

09/10/2026

زونگ نے Z HomeFi 5G Indoor CPE متعارف کرا دیا ہے، جو زونگ کے 5G نیٹ ورک کے ذریعے گھر یا چھوٹے دفتر میں تیز رفتار انٹرنیٹ فراہم کرتا ہے۔ یہ Fixed Wireless Access (FWA) سروس ہے، جس کے لیے فائبر یا روایتی وائرڈ کنکشن کی ضرورت نہیں۔

📡 Z HomeFi 5G Indoor CPE کی نمایاں خصوصیات:
• 5G اور LTE کنیکٹیویٹی
• Wi-Fi 6 سپورٹ
• 2.4GHz اور 5GHz Wi-Fi بینڈز
• ایک وقت میں 64 ڈیوائسز تک کنیکٹ کرنے کی سہولت
• 1× Gigabit Ethernet LAN/WAN پورٹ
• Nano-SIM سپورٹ
• Web UI کے ذریعے مینجمنٹ اور FOTA اپڈیٹس
• Plug & Play، یعنی آسان Self-Installation
• ڈیوائس کے ساتھ 2 سال کی وارنٹی

💰 ڈیوائس کی قیمت:
22,000 روپے، تمام ٹیکسز سمیت

تمام پیکیجز کی مدت ایک ماہ ہے اور قیمتیں ٹیکسز سمیت ہیں۔ زونگ کے مطابق پیکیجز میں درج رفتار زیادہ سے زیادہ رفتار ہے، جبکہ اصل اسپیڈ نیٹ ورک، سگنل، CPE کی جگہ، نیٹ ورک لوڈ اور ٹاور سے فاصلے کے باعث مختلف ہوسکتی ہے۔

📍 اہم بات: Z HomeFi 5G تمام علاقوں میں دستیاب نہیں؛ سروس صرف منتخب اور منظور شدہ 5G FWA علاقوں میں فراہم کی جارہی ہے۔ خریداری سے پہلے آپ کے پتے کی Feasibility/Coverage Check ضروری ہے۔

🔒 یہ سروس رجسٹرڈ مقام کے ساتھ لاک ہوتی ہے، اس لیے ڈیوائس کو کسی دوسرے مقام پر عام طور پر منتقل کرکے استعمال نہیں کیا جاسکتا۔ مقام تبدیل کرنے کے لیے زونگ سے باضابطہ Relocation Request دینا ہوگی۔

📱 باقی ڈیٹا اور پیکیج کی میعاد
*My Zong App، 6969 # یا زونگ کال سینٹر کے ذریعے چیک کی جاسکتی ہے۔ 100٪ ڈیٹا استعمال ہونے پر انٹرنیٹ رک جاتا ہے، جس کے بعد ریچارج یا نیا بنڈل درکار ہوگا۔

06/10/2026

پاکستان میں سستی 5G ڈیوائسز کی تیاری کی جانب اہم قدم!

جاز نے DIGIT اور UNISOC کے ساتھ شراکت داری کی ہے تاکہ پاکستان میں کم قیمت 5G ڈیوائسز، 5G MiFi اور اسمارٹ فونز تیار کیے جا سکیں۔

UNISOC کی 5G ٹیکنالوجی اور DIGIT کی ڈیوائس ڈیزائن و مینوفیکچرنگ صلاحیت کے ذریعے مقامی طور پر تیار ہونے والی یہ ڈیوائسز مستقبل میں GCC سمیت بین الاقوامی مارکیٹس میں بھی متعارف کرائی جا سکتی ہیں۔

DIGIT
ماضی میں بھی Jazz کے لیے مختلف 3G/4G Wi-Fi devices، MiFi، Wingle اور موبائل فونز تیار کر چکا ہے۔

عالمی مارکیٹ میں مائی فائی ڈیوائسز کی مجموعی صورتحال پاکستان روپے کے مقابلے میں
• Huawei 5G CPE 5 — تقریباً 84,900 روپے
• OPPO 5G CPE T2 — تقریباً 84,900 روپے
• Nokia FastMile 5G Gateway — تقریباً 84,900 روپے
• GreenPacket 5G Router — تقریباً 84,900 روپے
• Inseego 5G MiFi — تقریباً 84,900 روپے
• Huawei 5G MiFi 5 Pro — تقریباً 44,200 روپے
یہ قیمتیں مختلف ممالک میں مختلف ہوسکتی ہیں۔
پاکستان میں ان ڈیوائسز کی مجموعی لاگت کو کم کرنے کے لیے جاز نے یہ شراکت داری کی ہے تاکہ صارفین کو کم قیمت میں 5G ڈیوائسز مہیا کروائی جا سکیں۔

02/10/2026

یہ حیران کن واقعہ مئی 2017 میں کویت اور عراق کی سرحد کے قریب عبدلی کسٹمز چیک پوسٹ پر پیش آیا، جہاں کسٹم اہلکاروں نے ایک ایسے کبوتر کو پکڑا جو مبینہ طور پر منشیات کی ترسیل کے لیے استعمال ہو رہا تھا۔

رپورٹس کے مطابق اہلکار پہلے ہی اس کبوتر کی نقل و حرکت پر نظر رکھے ہوئے تھے۔ جب اسے کسٹم کی عمارت کے قریب پکڑا گیا تو اس کے جسم کے ساتھ کپڑے کی ایک چھوٹی سی تھیلی بندھی ہوئی تھی، جو دیکھنے میں ایک ننھے سے بیگ جیسی لگ رہی تھی۔

اس تھیلی کے اندر 178 گولیاں موجود تھیں۔ کویتی اخبار الرائے نے اس وقت رپورٹ کیا تھا کہ یہ گولیاں ممکنہ طور پر کیٹامین ہو سکتی ہیں، تاہم کویت کسٹمز کی جانب سے اس شناخت کی باضابطہ تصدیق نہیں کی گئی تھی۔

رپورٹس میں یہ بھی بتایا گیا کہ کویتی حکام پہلے سے جانتے تھے کہ کبوتروں کو منشیات کی ترسیل کے لیے استعمال کیا جا سکتا ہے، لیکن یہ مبینہ طور پر پہلا موقع تھا جب وہاں ایک کبوتر کو منشیات لے جاتے ہوئے پکڑا گیا۔

یعنی پورا طریقہ انتہائی سادہ تھا: ایک ہومنگ کبوتر، جسم سے بندھی ایک چھوٹی تھیلی اور اس میں 178 گولیاں۔ لیکن اس بار یہ غیر معمولی ’’کورئیر‘‘ کسٹمز سے آگے نہ جا سکا۔

27/09/2026

جاز نے پاکستان میں 15.1 Gbps گنجائش کا حامل مائیکرو ویو بیک ہال لنک نصب کیا ہے، جسے کمپنی کے مطابق پاکستان کا سب سے زیادہ capacity والا مائیکرو ویو لنک قرار دیا گیا ہے۔

اس deployment میں Huawei کی microwave technology اور Super Dual Band configuration استعمال کی گئی ہے، جس کے تحت ایک ہی antenna پر multiple carrier outdoor units کو deploy کیا گیا ہے۔ اس architecture سے اضافی spectrum اور equipment کو مؤثر انداز میں استعمال کرتے ہوئے backhaul capacity بڑھانے کے ساتھ tower footprint کو بھی کم کرنے میں مدد ملتی ہے۔

یہ microwave backhaul link موبائل ٹاورز سے Jazz کے مرکزی نیٹ ورک تک high-capacity data transport فراہم کرے گا، جس سے بڑھتی ہوئی mobile data traffic کو handle کرنے اور network capacity کو بہتر بنانے میں مدد ملے گی۔

اس اضافی بیک ہال گنجائش سے زیادہ ڈیٹا ٹریفک کو مؤثر انداز میں سنبھالنے میں مدد ملے گی، جس کے نتیجے میں مصروف اوقات میں نیٹ ورک کی کارکردگی، ڈیٹا کنکشن کی مستقل مزاجی اور مجموعی صارف تجربہ بہتر ہونے کی توقع ہے۔ تاہم، صارف کی اصل انٹرنیٹ رفتار مقام، نیٹ ورک لوڈ، دستیاب اسپیکٹرم اور دیگر عوامل پر بھی منحصر ہوتی ہے۔

24/09/2026

Adobe Premiere has finally landed on Android and the core editor is free! 🔥

• Multi-track timeline
• 4K video export
• Templates, effects & transitions
• No watermark
• No forced login or upgrade prompts
• Zero ads

Requires Android 13+ and at least 5GB RAM.

16/09/2026

گوگل کروم میں ایک نئے فیچر کا اضافہ کیا جا رہا ہے۔ایک رپورٹ کے مطابق گوگل کروم میں ایک نئے پی ٹی ایف ٹرانسلیشن فیچر کی آزمائش کی جا رہی ہے۔یہ فیچر ابھی کروم Canary میں نظر آیا ہے اور اس میں تمام ڈیسک ٹاپ آپریٹنگ سسٹمز کا حوالہ موجود ہے، مگر ابھی یہ فیچر فعال نہیں تو یہ کہنا مشکل ہے کہ یہ کب تک تمام صارفین کو دستیاب ہوگا، ابھی گوگل کروم میں پی ڈی ایف فائلز کو ٹرانسلیٹ نہیں کیا جاسکتا۔رپورٹ میں بتایا گیا کہ اس فیچر میں پی ڈی ایف فائل کو کسی اور زبان میں ترجمہ کیا جاسکے گا، ابھی اس فیچر کے حوالے سے کافی تفصیلات موجود نہیں۔

15/09/2026

ایپل کے سی ای او نے آج میڈیا کے سامنے دھوپ میں آئی فون فولڈ نکال لیا اب اس پر چین میں تنقید ہو رہی ہے
وجہ تصویروں میں ہے کہ ڈسپلے وزیبلٹی بہت کم ہے ڈسپلے دھندلا ہے
ایپل نے ڈسپلے کی کریز کو چھپانے اور ریفلیکشن کم کرنے کے لیے نینو ٹیکسچر میٹ کوٹنگ استعمال کی ہے جس سے ریفلیکشن تو کم ہوئی ہے لیکن ڈسپلے سے نکلنے والی لائٹ بکھر جاتی ہے نتیجہ ڈسپلے کی شارپنس اور کنٹرانس میں کمی کی صورت میں آیا ہے ڈسپلے ہلکا دھندلا نظر آتا ہے

13/09/2026

اسلام آباد میں سینیٹ کی قائمہ کمیٹی برائے انفارمیشن ٹیکنالوجی و ٹیلی کمیونیکیشن کے اہم اجلاس میں پاکستان کے ٹیلی کام اور ڈیجیٹل شعبے سے متعلق متعدد اہم معاملات زیرِ غور آئیں گے۔ کمیٹی کی صدارت سینیٹر پلوشہ خان کریں گی۔
اجلاس کے ایجنڈے میں یوفون اور ٹیلی نار انضمام کے بعد یوفون کی مبینہ ری برانڈنگ اور نام تبدیل کرکے e& رکھنے کی خبروں پر وزارتِ آئی ٹی سے بریفنگ شامل ہے۔ مسابقتی کمیشن آف پاکستان کے مطابق انضمام کا عمل آخری مراحل میں ہے۔
جاز کی مبینہ اوور چارجنگ بھی اہم ایجنڈا ہے۔ آڈیٹر جنرل کی رپورٹ میں مالی سال 2023-24 کے دوران پی ٹی اے کی منظور شدہ شرح سے زیادہ ٹیرف وصول کیے جانے کے حوالے سے 6.58 ارب روپے کے کیس کی نشاندہی کی گئی۔ کمیٹی اس معاملے پر پی ٹی اے اور آڈیٹر جنرل سے تفصیلات طلب کرے گی اور اگر الزامات ثابت ہوتے ہیں تو صارفین کے حقوق کے تحفظ کے لیے کیے گئے اقدامات کا جائزہ لیا جائے گا۔
اجلاس میں اسٹار لنک کے پاکستان میں آپریشنز کے آغاز اور لائسنسنگ پر بھی تازہ ترین بریفنگ دی جائے گی، خصوصاً دور دراز اور پسماندہ علاقوں میں سیٹلائٹ انٹرنیٹ کی بڑھتی ہوئی اہمیت کے تناظر میں۔
ایک اور اہم معاملہ اتصالات کے ذمے 80 کروڑ ڈالر کے بقایا جات اور پی ٹی سی ایل کے آڈٹ سے متعلق ہے۔ کمیٹی گزشتہ چھ ماہ کے پی ٹی سی ایل بورڈ اجلاسوں کے منٹس بھی طلب کرے گی۔
اس کے علاوہ انٹرنیٹ کی بندش، ٹیلی کام مسابقتی قوانین، سیٹلائٹ کنیکٹیویٹی سے متعلق قومی سلامتی کے خدشات، حساس سرکاری افسران کے ڈیٹا کی مبینہ غیر ملکی اداروں کو منتقلی اور سائبر سیکیورٹی جیسے معاملات بھی زیرِ بحث آئیں گے۔ NCCIA سے مبینہ حساس ڈیٹا لیک کے معاملے، خطرے کی شدت اور مستقبل میں ایسے واقعات کی روک تھام کے اقدامات پر بھی بریفنگ لی جائے گی۔
کمیٹی لکی مروت میں موبائل سروسز کی بندش، بلوچستان کے ضلع قلعہ عبداللہ میں USF کے تحت انٹرنیٹ و ٹیلی کام منصوبوں، دور دراز علاقوں میں ڈیجیٹل رسائی، ٹیلی کام مسابقتی قوانین کی صورتحال اور ملک کے مختلف حصوں میں ٹیلی کام ٹاورز کے لیے مختص ڈیزل کی مبینہ گمشدگی سے متعلق ذیلی کمیٹی کی رپورٹ کا بھی جائزہ لے گی۔
پاکستان ریلوے کی 40 ٹرینوں میں موبائل سگنلز اور وائی فائی کنیکٹیویٹی کے مسائل بھی ایجنڈے کا حصہ ہیں، جبکہ پاک ڈیٹا کام کے ملازمین کی جانب سے ملازمتوں کے خاتمے سے متعلق درخواست اور LDI/FLL کمپنیوں کے عدالتی مقدمات و حکمِ امتناعی کی صورتحال بھی زیرِ غور آئے گی۔
مختصراً، پیر کا اجلاس پاکستان کے موبائل صارفین کے حقوق، ٹیلی کام مارکیٹ میں مسابقت، 5G و سیٹلائٹ کنیکٹیویٹی، سائبر سیکیورٹی، قومی ڈیٹا کے تحفظ اور ڈیجیٹل انفراسٹرکچر کے حوالے سے اہم پیش رفت کا باعث بن سکتا ہے۔
#پاکستان #سینیٹ

20/08/2026