https://www.facebook.com/267525013777929/

فروشګاه حاجی محمد زمان و پسران, Kabul (2026)

21/05/2025

فروشګاه حاجي محمد زمان و پسران
ستاسې د اعتماد وړ د سرفرشیو پلورنځی!

💠 له موږ سره هر ډول ښکلي، لوړ کیفیت لرونکي ابریشم، زریدار، بخملي، نخي، سرفرشۍ پیدا کولی شئ.

📏 مختلفې اندازې چې زموږ سره موجود دي:
۳ متره | ۶ متره | ۹ متره | ۱۲ متره | ۱۵ متره
(د هر کور، دفتر او تالار لپاره مناسب!)

💰 مناسب قیمتونه
📦 عمده او پرچون خرڅلاو

📍پته: [ چوک جاده میوند د علي رضا خان کوڅه د عزیز امین مارکیټ ]
📞 اړیکه: [ 0799327388 _ 0777191319 _ 0786468666 ]

د کیفیت، ښکلا او ارزښت ګډ انتخاب!

17/11/2022

#جنت
که د جنت په اړه د معلوماتو، پوهاوي تلوسه او لېوالتیا لرې لیکنه تر پایه ولوله هغه ژمنې دي چې الله ج له خپلو بندګانو سره کړې!

۱- جنت د سدرة المنتهی په څنګ دی چې سدرة منتهی په اووم اسمان کې موقعیت لري د سورت ال عمران په ۱۳۳ او سورت حدید ۲۱ آیت کې ذکر شوی.

۲- جنت په ۱۲ نومونو یاد شوی لکه: جنت، فردوس، دارالسلام، دارالخلد، دارالمقامة، جنة الماوی، جنات عدن، دارالحیوان، جنات نعیم، المقام الامین، مقعدالصدق، قدم الصدق

۳- د جنت پلنوالی یا سور دومره دی چې که اووه آسمانونه او ځمکې خلاص کړې د ټوکر په شان یو پر بل پسې وتړې دومره پلنوالی لري.

۴- جنت سل درجې لري چې د دوو درجو تر منځ دومره فاصله لري لکه د ځمکې او آسمانونو تر منځ.

۵- فرودس جنت لوړه درجه ده چې له پاسه یې د الله ج عرش دی، ټول جنت ته نهرونه او ویالې له دغه ځایه بهېدلي دي.

۶- څلور جنتونه دی چې دوه د سرو زرو، دوه هم د سپینو زرو دي.

۷- الله ج جنت الفردوس په خپل لاس جوړ کړی چې په هر مشرک، کبرجن، دایمي شراب خور او دیوث باندې حرام ګرځولی.

۸- جنت تلپاتې، نه پای ته رسېدونکی دی چې ناروغي، جنګ، زړښت، نابودي او هېڅ درد او ستړیا به نلري.

۹- جنت ۸ دروازې لري چا چې په غور اودس وکړ بیا یې ۳ ځلې ( اشهد ان لا اله الله وحده لا شریک له و اشهد ان محمداً عبده ورسوله) وویل او یا د کوم مسلمان اولادونه داسې مهال مړه شي چې بلوغ ته نه وي رسېدلي نو دوی ته به د جنت ۸ واړه دروازې پرانیستل شي.

۱۰- د جنت د دروازې تر منځ فاصله د ۴۰ کالو واټن په اندازه ده، چې یوه ورځ به داسې هم راځي چې له جنتیانو به مالامال وي.

۱۱- د جنتیانو قدونه به د آدم ع، ښکلا د یوسف ع، ژبې به یې د محمد ص په څېر عربی وي د ټولو عمرونه به ۳۳ کاله وي په بدن به ویښته، ږیره او برېتونه نلري ول ول ګړګوتي ویښتان او سترګې به یې سرمه یې وي.

۱۲- د جنت کلۍ ( لا اله الا الله محمد الرسول الله) د شهادت کلیمه ده چې اصلي کلۍ به یې د حضرت محمد ص سره وي.

۱۳- د نېک صالح اولاد په دوعا سره په جنت کې د انسان درجې او مرتبې لوړیږي.

۱۴- کله چې انسان له الله ج نه د جنت غوښتنه وکړي جنت الله ج ته ووايي دا انسان ما ته را ننباسه، او کله چې یو څوک له دوزخ څخه پناه وغواړي دوزخ الله ج ته ووايي دی له ما څخه وژغوره.

۱۵- لومړنۍ امت چې جنت ته به داخلیږي هغه به د حضرت محمد ص امت وي.

۱۶ - لومړنی کس چې جنت ته به داخلیږي هغه حضرت محمد مصطفی ص دی.

۱۷- د رسول الله ص د امت لپاره د جنت ځانګړې دروازه ده، چې ددغې دروازې پلنوالی د یوه سپاره کس د درېیو کلونو د مزل په اندازه دی. بیا هم د دروازې د دومره پلنوالي سره جنت ته تلوونکي به د تنګۍ احساس کړي او اوږې به یې یو له بل سره جنګیږي.

۱۸- د جنت د څوکیدارانو مشر (رضوان) نومیږي.

۱۹- د جنت ډېری استوګن به د محمد ص امت وي د عبدالله بن مسعود رض په خبره د جنت درېیمه برخه به د حضرت محمد ص امتیان وي، بریده د حصیب زوی وایي: د جنتیانو به ۱۲۰ صفونه وي چې ۸۰ صفه به د حضرت محمد ص امت وي.

۲۰ - د حضرت محمد ص له امت څخه به (۷۰۰۰۰) اویا زره کسان له حساب پرته جنت ته داخلیږي او هر زر کسان به د نورو ۷۰ زرو کسانو شفاعت کوي او دا به د الله په لپو دری لپې وي.

۲۱- تر ټولو وروستی کس چې جنت ته داخلیږي د نوي زېږدلي ماشوم په څېر به له دوزخ د جنت په لور ځی الله ج به ورته ووايي: لاړ شه جنت ته ننوځه، ستا لپاره د دنیا په څېر لس برابره ځای په جنت کې دی.

۲۲- په قاتل، چغل خور، د مور او پلار عاق، قمارباز، دایمي شراب خور، ګاونډی ته ضرر رسوونکی او نصب بدلونکي جنت حرام دی.

۲۳- تر هر فرض لمانځه وروسته د ایت کرسۍ ویل د ژبې او عورت ساتل جنت ته د ننوتلو ضمانت کوي.

۲۴- د جنت دری تضمین لیکونه دي له ابي امامة څخه روایت دی چې رسول الله ص ویلي: زه د هغه چا لپاره په جنت کې د کور ضامن یم چې پر چا یې حق وي او جګړه نه کوي، د ټوکو ټکالو په توګه هم دروغ نه وايي او د جنت په لوړه برخه کې هغه چا ته د کور ضمانت ورکوم چې ښه او غوره اخلاق ولري.

۲۵- هغه ښځینوو ته د جنت زېری دی چې د خپلو مېړونو ناشکري ونکړي، لعنت پرې و نه وايي، پنځه وخته لمونځ وکړي، روژه ونیسي د خپل عزت ساتنه وکړي، د خپل مېړه خبره ومني دوی ته به د جنت اته واړه دوازې پرانیستل شي ورته و به ویل شي په کومه دروازه مو چې خوښه وي ننوځئ.

۲۶- رسول الله ص ویلي: کله چې جنت ته ننوتم د سرو زرو په اوبو دری کرښې لیکلې وې لومړۍ ( لا اله الا الله محمد الرسول الله)، دویم هغه چې وړاندې مو ولیږل د هغوی بدله مو وموندله هغه چې مو وخوړل له هغو مو ګټه پورته کړه او هغه چې وروسته مو پرېښودل زیان مو وکړ. درېیم امت ګنهګار دی او رب بښونکی دی.

۲۷- د جنت خوشبويي د درجو او مرتبو له مخې توپیر لري او دغه خوشبويي د څلوېښت کلونو د لارې د مزل په اندازه لرې رسیږي.

۲۸- د جنت ودانۍ به له سرو او سپینو زرو جوړې وي، خټه یې له مشکو نه ده، لرګي ېې مرغلرې او یاقوت دي، خاوره یې زعفران ده څوک چې هغو ته ننوزي په خوښیو او نعمتونو کې به وي.

۲۹- د امام ترمذي په خبره جنت کې به لوړې ودانۍ او ښکلې بنګلې وي چې له داخل څخه به یې بیرون لیدل کیږي او له باندې څخه به یې داخل نه لیدل کیږي.

۳۰- د ابو موسی رض په قول چا چې د اولاد د مړینې پر مهال د الله ج حمد ادا کړ ( انالله واناالیه راجعون) یې وویل الله ج به پرښتو ته ووايي ده ته په جنت کې کور جوړ کړی د بیت الحمد په نامه یې ونوموئ.

۳۱- د هر جنتي په بڼ کې به بېلابېلې ونې وي داسې ونې که یو چټک اس سل کاله منډه ووهي نو د هغې ونې د سیوري پای ته به و نه رسیږي.

۳۲- سلمان فارسی رض وايي د جنت د ونو بیخونه به له مرغلرو او سرو زرو وي او برو څانګو کې به یې مېوې وي.

۳۳- په جنت کې به په زیاته کچه بېلا بېل خواړه وي چې یو له بل سره به ډېر توپیر لري.

۳۳- په جنت کې به هر جنتي باغونه لري او ډول ډول مېوې به لري د میوو په اړه ژباړه( ستاسې لپاره دلته پرېمانه ښې غوره مېوې شته چې تاسو به یې خورئ) ۷۳ سورت الزخرف.

۳۴- په جنت کې چې څه وغواړې هغه به موجود وي ژباړه( او هر خوښونکی او سترګې خوښوونکی شی به هلته موجود وي).

۳۵- ژباړه (د هر جنتي لپاره سمسور بې خزانه باغونه دي چې تر هغې لاندې به ویالې بهیږي په هغو کې به د تل لپاره اوسیږي دا د هغه چا مکافات دي چې سپېڅلتیا یې غوره کړې) ۷۶ سورة طهٔ.

۳۶- په جنت کې به د ویالو سربېره د شرابو، شېدو، شاتو او نورو نعمتونو چینې هم وي چې د کوثر او سلسبېل چینې یادولی شو.

۳۷- د رسول الله ص په خبره د جنتیانو لومړی خوراک به د کب د ځیګر زیاته برخه، غویي او اوښان وي.

۳۸- په جنت کې به هر ډول خوراکونه وي خو د خولې لاړې به نلري، متیازې او د قضا حاجت به نکوي، له پوزې څخه به یې اوبه نه راوځي او ارګمی به یې د مشکو بوی لري.

۳۹- په جنت کې ډول ډول ښکلی لوښي له سرو او سپینو زرو، مرغلو او زېوراتو جوړ وي لکه صحاف، اکواب او اباریق.

۴۰- په جنت النعیم کې ګاڼه د نارینه او ښځینوو ګډ لباس دی د دوی په سرونو به داسې تاجونه (التیجان) وي چې کوچنۍ مرغلره به یې د ختیځ او لودیځ تر منځ ټوله سیمه رڼا کوي.

۴۱- الله ج د خپلو بندګانو لپاره په جنت کې د نورو نعمتونو تر څنګ د ځانګړي لباس ژمنه هم کړې چې شین رنګه جامې به د نریو او پېرړو ورېښمو څخه وي.

۴۲- په جنت کې به ښکلې غالۍ هم وي ژباړه:( هغوی به پر جنتي شنو غالیو نفیسو او نادرو فرشونو باندې تکیه وهلي ناست وي) ۷۶ سورت الرحمن. الله ج د جنت له څلور ډوله فروشونو یادونه کړې ۱- نمارق ۲- زرابي ۳- رفرف ۴- عبقر.

۴۳- په جنت کې د مؤمن لپاره د مرغلرو خېمه وي، منځ یې تش او پلنوالی یې شپېته میله دی د مؤمن اهل او مېرمنې به په هغو کې چکرې وهي نور به یې نه ویني.

۴۴- په جنت کې به ځوانې، سپینې، پېغلې، د تکو تور غټو سترګو واله او ښایسته د ښکلو مخونو لرونکې حورې وي، چې د هر جنتي لپاره دوه حوري او د شهید لپاره ۷۲ حورې دي. ټولې حورې په ښایست کې یو شان دي د ټولو عمرونه به ۳۳ کلن وي یا دا چې له خپلو خاوندانو سره هم عمره دي.

۴۵- حورې به دومره ښایسته او پستې وي چې انسان یې تصور نشي کولی ۷۰ جوړه کالي به یې اغوستي وي بیا به یې هم له ښایست څخه د پښو هډوکي معلومیږي. چې مخکې له دې به نه پېریانو نه انسانو لمس کړې وي.

۴۶- حورې به یوازې د جنتي د قدر خوند اخیستو او خوشاله ساتلو لپاره وي جنتیانو ته به خوږې سندرې او ترانې وايي.

۴۷- په جنت کې د جنتیانو د معاشرت او له هغوی سره د مېرمنو ملګرتیا او د خوند ډک ژوند داسې انځور شوی. ژباړه: ( نن جنتیان په خوند اخیستلو کې بوخت دي هغوی او د هغوی مېرمنې په ګڼو سیورو کې وې، پر تختونو ناست بالښتونو ته تکیه کوونکي، د خوراک څښاک هر ډول خوندور شیان هلته د هغوی لپاره موجود دي، هر څه چې هغوی وغواړي د هغوی لپاره حاضر دي د مهربان پروردګار لخوا هغوی ته سلام ویل شوی) ۵۸ سورت یس.

۴۸- که یوې ښځې په د نیا کې له څو کسانو سره واده کړی وي په جنت کې به اختیار ورکړل شي دا به له خپلو خاوندانو څخه د غوره اخلاقو خاوند غوره کړي.

۴۹- رسول الله ص ویلی (د دنیا مېرمنې له حورو نه داسې غوره دي لکه غوره والی د یو څیز د ښکاره طرف په استر باندې). د دنیا په ښځو به د لمنځونو، روژې، عبادت او بندګی کولو په خاطره پر مخ نور خپور کړي.

۵۰- په جنت کې به د اولاد زیږون نه وي خو که څوک وغواړي د غوښتلو د آرزو څخه په کم وخت کې به یې الله ورته پیدا کړي، خو دا به ځکه نه وي چې د نسل بقا یوازې په دنیا کې ده او په جنت کې ژوند تلپاتې او نه پای ته رسېدونکی دی.

۵۱- ابو سعید رض له رسول الله ص نه روایت کړی چې د ادنی جنتي لپاره ۸۰ زره خدمتګاران دي.

۵۲- په جنت کې یو بازار دی چې په هغه کې به د نارینه او ښځینه له څېرو پرته بل شی نه پېرل او پلورل کیږي څوک چې کوم شکل وغواړي په هغه څېره به یې برابر کړي. په دغه بازار کې به د شمال له لوري باد ولګیږي چې په لګېدو سره به یې د جنتیانو ښکلا زیاتیږي.

۵۳- کله چې تا الله ج جنت ته ننباسي او ته په اس د سپرلۍ هیله وکړې، نو ته به په جنت کې د سرو یاقوتو په اس سپور کړای شې هغه به والوزي چېرې چې تلل غواړې هغه ځای ته به د رسوي.

۵۴- د دنیا ښځې چې زړې او بوډۍ شوي وي په جنت کې به نوې نجونې او پېغلې وي.

۵۵- په جنت کې به مؤمنان الله ج داسې ویني لکه څرنګه چې د څوارلسمې سپوږۍ ته کتلی شي.

۵۶- جابر بن عبدالله رض روایت کړی چې رسول ص ویلی: کله چې د الله ج نور ښکاره شي او خپل بندګان یې وویني دوی به الله تعالی ته په سجده پریوځي، الله ج به ووايي له سجدې نه سرونه پورته کړئ دا د عبادت ورځ نده.

۵۷- په جنت کې به ستړیا، غوغا او ستونزې نه وي د دوی لپاره به ځانګړي خدمتګاران وي. ژباړه( او د هغو په خدمت کې به هغه هلکان (غلمان) اوړي را اوړي چې د هغوی لپاره به ځانګړي وي داسې ښایسته لکه پټې ساتل شوې مرغلرې).۲۴ سورت الطور

۵۸- غلمان به تلپاتې ښایسته خدمتګاران هلکان وي، چې الله ج به یې په جنات النعیم کې د پرېښتو په څېر پیدا کوي، دا به هم د جنتیانو لپاره د نعمت یو ډول وي.

۵۹- د انس بن مالک رض په روایت د ټولو جنتیانو څخه د ټیټې درجې جنتي ته به لس زره خدمتګاران ولاړ وي.

۶۰- ابو سعید رض له رسول الله ص څخه حدیث نقل کړی چې د ادنی جنتي لپاره به اتیا زره خدمتګاران وي.

۶۱- ځینې کسان به د جنت او دوزخ تر منځ په پاس ځای کې وي چې اعراف ورته وايي، ویل کیږي دا هغه کسان دي چې نېکۍ او بدۍ یې مساوي دي، ځینې وايي دا د هر امت عادل کسان دي، چې د قیامت په ورځ به د خلکو په اعمالو ګواهي ورکوي. یو ځای کې ویل کیږي دا هغه کسان دي چې جنت ته ننوتل به یې یو څه وځنډول شي.

۶۲- خو له رسول الله ص څخه د اعراف په اړه وپوښتل شول هغه وویل: دا به هغه وروستي بندګان وي چې الله ج به یې په اړه پرېکړه کوي، خو وروستی دا چې دا هغه کسان دی چې نېکیو جنت ته ندي بیولی او بدیو دوزخ ته، اخر کې به ورته وویل شي ځئ لاړ شئ جنت ته چېرې مو چې خوښه وي. ژباړه؛( دا خلک به په جنت کې ننوتلي نه وي خو د هغه هیله من به وي) ۴۶ سورت الاعراف

۶۳- په جنت کې چې کوم قسم مېوې او خواړه او د څښلو شیان وغواړې تا ته به حاظر کیږي.

۶۴- دا هغه نعمتونه دي چې هېڅ سیال نلري او په قدسي حدیث کې دي چې د خپلو صالحو بندګانو لپاره مې داسې نعمتونه تېار کړي چې سترګو لیدلي ندي، غوږونو اورېدلي ندي او د بشر په زړه کې ورتېر شوي ندي.

نوټ: په را ټولو مې یې تر خپل وسه خواري کړې په دې هیله چې په لوستو یې د زړه له تله دعا راته وکړئ، او له نورو سره لیکنه شریکه کړئ.
درنښت
محب الله شریفزی

07/04/2022

لکه مخامخ یې چې ګورې!♥

" رسول الله صلی الله علیه وسلم نه ډېر لوړ قد لاره او نه یې مبارک قد ډېر ټیټ و، خو په نورو خلکو کې تر ټولو لوړ مالومېده، غنم رنګی، نمکي، سرخۍ ته مایل و، مبارک سر یې یو څه غټ و، مبارکه ږیره یې ښه ګڼه وه، د ږیرې ویښتان یې تور او یو څه ګوړګوتي وو، مبارکې سترګې یې ګردې، تورې او ښکلې غټې وې، د سر ویښتان یې سم، زیاتره به د غوږونو تر پستو (نرمیو) پورې؛ کله کله تر اوږو پورې او کله به د غوږونو له پستو هم پورته وو، مبارکې وروځې یې یو تر بله سره نښتې او په منځ کې یې یو نری شان رګ و، چې د غوسې په وخت کې به شین ښکاره کېده، د مبارکو سترګو په سپینو کې یې سره رګونه هم وو، رخسارونه یې نرم او غوښین وو، پر مبارک سر به یې تېل لګول او په سترګو کې به یې رانجه اچوول، غاښونه یې د مروارید په څېر تک سپین وو، له موسکا پرته یې هیڅ کله په قهقهه نه خندل، نبی کریم صلی الله علیه وسلم بې اندازې خندرویه خوږ ژبی، فصیح، زړور او ګردې بشري ښېګړې پکې را ټولې وې، د هغه د دواړو ولیو تر منځ د نبووت مهر و، هغه خپل کار په خپل لاس کاوه، د چا سوال یې نه کاوه."

د اسلام تاریخ ۱ /۲۰۳

17/06/2021

که بې موخې پاڅېږې؛ ښه ده چې بیرته ویده شې!

07/06/2021

دا پوسټ هتما له نورو سره شریک کړئ.
د رسول الله صلى الله علیه وسلم لنډه پیژندنه
نوم: محمد. صلی الله علیه وسلم
د پلار نوم: عبدالله
د مور نوم: آمنه

ژبه: عربي

قوم: قریش

هیواد: حجاز

د زيږيدنې ځای: مکه مکرمه

د زيږيدنې کال: د فیل کال

د زيږيدنې ورځ:۱۲ دوولسم د ربیع الاول دوشنبه (دونۍ)

عمر: ۶۳ دری شپیته کاله

د رسول الله صلى الله علیه وسلم په نکاح شوي ښځې:

1 خديجه بنت خويلد
2 عائشة بنت أبى بكر
3 حفصة بنت عمر بن الخطاب
4 أم سلمه
5 جويريه بنت الحارث
6 أم حبيبه
7 زينب بنت جحش
8 صفية بنت حيي
9 زينب بنت خزيمه
10 ميمونه بنت الحارث
11 ماريه القبطية

د هغه “صلى الله علیه وسلم” د استوګنې ځایونه:

مکه مکرمه: ۵۳ دريپنځوس کاله

مدینه منوره: ۱۰ لس کاله

د هغه “صلى الله علیه وسلم” زامن:

1 القاسم
2 عبد الله
3 إبراهيم

د هغه “صلى الله علیه وسلم” لورانې:

1 زينب
2 رقية
3 أم كلثوم
4 فاطمة

د هغه “صلى الله علیه وسلم” له دنیا څخه د رحلت نېټه:

له دنیا څخه د رحلت کال: ۱۱ یوولسم هجري

د رحلت ورځ: ۱۲ دوولسم د ربیع الاول دوشنبه (دونۍ)=

د هغه “صلى الله علیه وسلم” اخلاق الله جل جلاله بیانوي :

وَإِنَّكَ لَعَلٰى خُلُقٍ عَظِيمٍ [سُوۡرَةُ القَلَم : 4]

او بېشكه ته د لوړو اخلاقو مرتبه لرې.

صلى الله علیه وسلم

ليکوال: مفتي نقيب احمد حميدي

11/05/2021

له کارغه يې وپوښتل!
که ته چېرې تور نه وای نو څومره به ښه وای.
له سمندره يې وپوښتل!
که ته چېرې ډوب جوړ شوی نه وای نو څومره به ښه وای.
له ګلابه يې وپوښتل!
په دومره ښکلا دې که اغزي درسره نه وای نور به هم ښکلی ښکارېدې.
ټولو په ګډه ځواب ورکړ!
ای انسانه...!
ستا په زړه او سوچ کې چې د نورو د عيبونو لټولو عادت نه وای نو ته به هم لکه د ملايکو داسې ښه وای...!!

کاش!

28/04/2021

د یؤ صحابي لور پېغله شؤې وه غوښتل یې چې کوم ځوان ته یې نکاح کړي نو د یؤ ښۀ ځوان پۀ لټه کې ؤ تر څو د لورکۍ پاتې ژؤند یې ورسره وتړي
یؤ مناسب ځوان یې پیدا کړ خو زلمي ورته ووېل زۀ باید لومړی ستا لور وګورم اؤ وروسته بیا فیصله وکړم
ځوان یې کور ته بوتلو کله یې چې لور راغله نو لور یې پرده کړې وه ځوان یې ولیدو اؤ بېرته پرته لۀ کومو وئیلو لاړه
زلمي ورته ووېل! ما خو ستا لور ونۀ لیده هغې خو حجاب/پرده کړې وه
صحابي ورته ووېل! لور مې وېل کۀ چېرته مې زلمی خؤښ شي نو مخ به ورته ښکاره کړم نو دا چې خؤښ یې نۀ شوې نو ځکه بېرته لاړه
دوی فکر کؤي چې اسلام یواځې نارینه ته حق ورکړی دی خو نه پۀ اسلام کې د ښځې اؤ نارینه حقوق یؤ برابر دي اؤ دا چې دلته مونږ لۀ اسلام څخه "پښتو" ته ډېر اهمیت ورکړی دی دا زمونږ خپله تېرؤتنه ده
د همدې پښتو د لاسه زمونږ د ډېرو ځوانانو/پېغلو هیلې ارمانونه تورې خاؤرې شؤل ټول ژؤند یې د ناخؤښو سره پۀ عذاب کې تېر کړ اؤ تېرؤي یې
#درنښت

24/04/2021

وايي يوسف عليه سلام چې د قحطۍ پر مهال غنم وېشل ، يو ماشوم دري واري راغی او غنم يې يوړل ، اخر يوسف عليه سلام مجبور شو ماشوم ته يې وويل: اې ماشومه !
خلکو ته يو ځل غنم نه رسېږي ستا دا څووم ځل دی چې غنم وړې نور يې بس که ، ډير اړ خلک پاتی دي.
ماشوم جواب ورکړ ، يوسفه ؟ که دي وپيژندم نو څه چې وايم هغه به منې او څه چې غواړم هغه به راکوي.
يوسف عليه سلام ورته وويل ته څوک يې؟ ماشوم جواب ورکړی ! زه هغه ماشوم يم چې د زليخا په تور کي مي ستا د پاکي شاهدي در باندې وويله .
يوسف عليه سلام ماشوم غيږ ته نېږدې کړ او بيا يې امر وکړ چې دغې ماشوم ته خزانې خلاصي کړی څه چې وړای شي مه يې ورڅخه ستنوئ.
په دې وخت کې الله ﷻ ورته وحي وکړه !
ويې ويل ای يوسفه ته يو بنده يې يو چا ستا پاکي بيان کړه ټولي خزانې دي ورته خلاصي کړې ، نو څوک چې زما پاکي ياده کړي ، ذکر مي وکړي ، نو څه به ور سره کوم ؟
فکر وکړئ ، چېري د يوسف خزانې او چېري د الله ﷻ خزانې !
چېرته د يوسف ورکړه چېرته د الله ﷻ ورکړه ! راځئ چې الله ﷻ تل ياد وساتو او پاکي يې بيان کړو!!!
شيرکول يې صدقه جاريه ده!

17/04/2021

له عزرائیل څخه پوښتنه وشوه:
چې ته خو د انسانانو روحونه آخلې تر اوسه دې د چا په حال ژړلي دي؟
عزرائیل جواب ورکړ:
یو ځل مې خندلي دي،
یوځل مې ژړلي دي،
یو ځل ویریدلی یم،

هغه وخت وخندیدم چې ما ته امر وشو چې د یوه سړي روح واخلم او هغه مې د یو موچي ( څپلۍ جوړونکي ) سره پیدا کړ چه څپلۍ جوړونکي ته یی ویل،. چې څپلۍ مې داسې راته وګنډه ("جوړې کړه ) چې یو کال دوام وکړي، نو دده په خبره مې وخندل او روح مې ترې واخيست.
هغه وخت مې وژړل چې کله ماته امر وشو چې د یوې ښځې روح واخلم او هغه مې په یوه ګرم، بې اوبو او بې ونې بيابان کې د زیږون په حالت کې (Delivery) وموندله او لږ منتظر شوم چې ماشوم یې نړۍ ته راوړ، روح مې ترې واخیست،. نو زړه مې په هغه بې سرپناه، بې څوکه او په ګرم بيابان کې پاتې ماشوم باندې وسوزیده او وژړیدم.
هغه وخت وویریدم، کله چې ماته امر وشو چې د یوه فقیه (عالم)
روح واخلم چې رڼا یې (نور ) له کوټې راتله، ځومره چې ور نيژدې کیدم رڼا یې زیاتیدله، کله چې مې روح ترې واخیست دده د مخ د زیات نور (رڼا) څخه وویریدم، په دې وخت کې الله راته وویل چې، پوهیږې دا نوراني عالم، فقیه څوک دی؟
دا هماغه ماشوم دی چې په ګرم بيابان کې دده د مور روح تا واخیست او دا ماشوم بې کسه، بې وسه او بې سر پناه په ګرم بيابان کې پاتې شو،. د هغه ساتنه او روزنه زما پر غاړه وه، هیڅ وخت داسې ګمان مکوه، الله ج بهترین پالونکی دی په جهان کې به یو موجود هم بې سر پناه پاتې نه شي.
که هرچاترپایه لوستلې وي کمینټ کي دي سبحان الله ولیکي.
دثواب په نیت یی #شیر کړئ

فروشګاه حاجی محمد زمان و پسران

21/05/2025

17/11/2022

07/04/2022

17/06/2021

07/06/2021

11/05/2021

28/04/2021

24/04/2021

17/04/2021

Address

Telephone

Website

Alerts

Contact The Business

Shortcuts

Share

Category