05/11/2014
پکتیکا: د یوه سولیز لاریون په ترڅ کې د جنګ او فساد د بس کیدو غوښتنه وشوه
۱۴ عقرب ۱۳۹۳ : ثمرګل ثمر
د پکتیکا ولایت په اورګون ولسوالۍ کې ځینو مدني ټولنو د یوه سولییز لاریون له لارې له دولت څخه د جنګ او فساد د بس کیدو غوښتنه وکړه.
د چهار شنبه په ورځ د پکتیکا په اورګون ولسوالۍ کې د یوشمېر مدني ټولنو لخوا یو سولیز لاریون په لاره اچول شوی چې د مدني ټولنو د غړو تر څنګ په سلګونو کسانو پکې برخه اخیستې وه.
دغه لاریون چې شاوخوا یونیم ساعته یې دوام وکړ لاریون کوونکو د جنګ او فساد د بس کیدو د شعارونو تر څنګ د ملي یووالي له حکومت څخه غوښتنه کوله چې د یوې پاکې او شفافې ادارې په رامنځته کیدو سره د افغانانو همیشنۍ هیلې پوره کړي......
لاریون چې دارګون ولسوالی له دروازې څخه پیل او دترافیکو په څلورلاری باندې دګرمو شعارونو اودپرېکړه لیک په لوستلو پای ته ورسېده.
ترتیب شوی پرېکړه لیک دځدراڼو دځوانانو تولنې دمشرمنصور فضلي لخوا ولوستل شوچې چې په یوه برخه کې یې راغلي (( دافغانستان ځورېدلی ولس نورله جنګ او جکړوستړي شوي دپکتیکا ولسونه دجنګ په ټولو ښکېلو اړخونوغږکوي چې نورد ورور وژنې پرځای دسولې لاره خپله کړي))
دپریکړه لیک په یوه څنډه کې د دولت څخه غوښتنه شوی چې د سولې عالې شورا د لغوه شي او پر ځای د سولې د خبرو اترو د زمینه برابرولو لپاره د یوه نوي بنسټ د رامنځته کیدو غوښتنه شوې ده.
لاریون کوونکوچې داداري فساد دپای ته راسېدو شعارونه ورکول له نوي ولسمشر محمداشرف غني څخه غوښتنه کوله چې د اداري فساد په وړاندې ددنورهم خپل دریځ کوټلی کړي او په فساد کې دښکېلو کسانوسره دقانون په چوکاټ کې جدي چلند وکړي.
دپکتیکا دمدني ټولنو دهمغږی ددفتر مشر یعقوب خان منظور لاریون والو ته په خپلو خبرو کې وویل چې په هېواد کې دروانو ناامنیو یوسترعلت په ادارو کې روانې بې عدالتی او اداري فساد شمېرل کیږي ده له نوي حکومت څخه غوښتنه وکړه چې دفسادسره دريښتیني مبارزه وکړي.
دا پداسې حال کې ده چې پدې وروستیو کې یو ځل بیا د هیواد په کچه د نا امنیو ګڼ خبرونه ورکول کیږي چې په ترڅ کې یې نن د پکتیکا مدني ټولنو د جنګ له ښکیلو اړخونو د سولییز لاریون په ترڅ کې غوښتنه وکړه چې جنګ ته د پای ټکی کیږي اودسولې لارخپله کړي.
