20/03/2025
NJIHU ME KANDIDATIN
Etleva Budini- Eva është një menaxhere e suksesshme dhe një figurë e njohur publike në Durrës, me një eksperiencë të gjerë në administratë publike dhe sektorin privat. Ajo është diplomuar në Administrim Biznesi dhe ka ndjekur trajnime të avancuara në fushën e menaxhimit dhe turizmit, duke forcuar më tej aftësitë e saj profesionale. Deri më mars 2025, ka shërbyer si Drejtore e Filialit Durrës të Postës Shqiptare, duke udhëhequr një prej institucioneve kyçe të shërbimit postar në vend. Me një përvojë të gjatë në fushën e sigurimeve dhe menaxhimit të bizneseve, ajo vazhdon të kontribuojë në përmirësimin e sektorit publik dhe privat. Aktualisht, është Kryetare e Forumit të Gruas Socialiste në qytetin e Durrësit dhe një promotore aktive e zhvillimit social dhe përfshirjes së grave në politikë. Përveç angazhimit të saj profesional dhe politik, ajo ka iniciuar dhe mbështetur projekte të rëndësishme sociale dhe aktivitete bamirësie për të ndihmuar komunitetin. Përkushtimi i saj ndaj kauzave sociale e bën një figurë të respektuar dhe një lidere të angazhuar në Durrës.
Për të ndjekur aktivitetin e saj ndiqeni në linqet e mëposhtme:
https://www.facebook.com/share/1BTsR39cPi/?mibextid=wwXIfr
https://www.instagram.com/eva.budini1?igsh=MTY1MGh3NWQ0czBiNg==
