Akademia e të Rinjve - Akademia e Shkencave e Shqipërisë

04/08/2026

Të mërkurën, më 5 gusht 2026, në orën 16:00, transmetohet episodi i tetë i “Podcast Akademia”, me pjesëmarrjen e prof. asoc. Belfjore Qose





“Podcast Akademia” është një instrument komunikimi dhe promovimi i veprimtarisë shkencore e botuese të Akademisë së Shkencave të Shqipërisë.

Në episodin e tetë, e ftuar është kryetarja e Akademisë së të Rinjve, prof. asoc. Belfjore Qose, me të cilën diskutojmë mbi rolin e Akademisë së të Rinjve të Shqipërisë në zhvillimin e kërkimit shkencor dhe mbështetjen e brezit të ri të studiuesve.

Bisedat dhe intervistat e “Podcast Akademia” transmetohen në rrjetet sociale të ASHSH-së, për episodet e mëparshme klikoni linket:

• Episodin e I të Podcast AKADEMIA me akademik Arben Merkoçin e ndiqni këtu: https://youtu.be/lyVdRtd1RnA
• Episodin e 2 të Podcast AKADEMIA me z. Andreas Dushi, e ndiqni këtu: https://youtu.be/3878cqY1yG8
• Episodin e 3 të Podcast AKADEMIA me akademik Ilia Mikerezi e ndiqni këtu: https://youtu.be/7a00s4cXvZc
• Episodin e 4 të Podcast AKADEMIA me akademik Rrapo Ormëni e ndiqni këtu: https://youtu.be/QftTRhucfc8
• Episodin e 5 të Podcast AKADEMIA me akademik Besnik Baraj dhe prof. dr. Melissa Perry e ndiqni këtu: https://youtu.be/4FGJVypJ9zw
•Episodin e 6 të Podcast AKADEMIA me akademik Gëzim Hoxha e ndiqni këtu: https://youtu.be/Duw7U-B7iPg
•Episodin e 7 të Podcast AKADEMIA me akademik Shaban Sinani e ndiqni këtu: https://youtu.be/Lequb8eAro0

Bëni subscribe të kanalit youtube të ASHSH; https://youtube.com/...

www.akad.gov.al

01/08/2026

https://youtu.be/Lequb8eAro0?si=635AGl44cEw6q4X7

Podcast AKADEMIA 7: Intervistë me akademik Shaban Sinani ...

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Blisard Zani është lektor me kohë të plotë pranë Departamentit të Financës, FEUT, njëkohësisht dhe Kërkues Postdoktoral pranë Institutit Politeknik të Viseut, Portugali. Blisardi ka përfunduar studimet e ciklit të dytë si Master i Shkencave në Financë me Medalje të Artë pranë Fakultetit të Ekonomisë në Universitetin e Tiranës.

Ka mbrojtur gradën ‘Doktor i Shkencave në Ekonomi’ me temën "Stagflacioni – si risk që shoqëron të ardhmen e ekonomisë shqiptare". Për disa vite ka punuar si ekspert fiskal në Drejtorinë e Harmonizimit Fiskal në Ministrinë e Financave dhe Ekonomisë, në sektorin e Analizave dhe Statistikave Fiskale, duke qenë autor i raportit të parë mbi Shpenzimet Tatimore në Republikën e Shqipërisë. Ka qenë gjithashtu pjesëtar i Grupit Ndërinstitucional të Punës për Integrimin Evropian (GNPIE) për kapitullin 33 “Dispozitat Financiare dhe Buxhetore”. Prej vitit 2018 është angazhuar si Pedagog pranë Departamentit të Financës, FEUT.

Ai është anëtar aktiv i Rrjetit Europian për Bashkëpunimin në Shkencë dhe Teknologji (COST). Është pjesëmarrës në disa projekte kërkimore kombëtare dhe ndërkombëtare të financuar nga UT, AKKSHI dhe BE. Ai ka botuar një seri artikujsh shkencorë dhe referime në Konferenca Shkencore Ndërkombëtare në revista të indeksuara me faktor impakti. Ka kryer shkëmbime dhe vizita akademike në Turqi, Belgjikë, Hollandë, Lituani, Çeki, Francë, Greqi, Gjeorgji, Sllovaki, Poloni, Finlandë, Portugali, Letoni, Spanjë, etj.

Gjatë dy viteve të fundit Blisardi ka kryer gjithashtu edhe katër Misione Kërkimore - Shkencore me fokus simbiozën industriale dhe ripërdorimin e ujerave në kuadrin e ekonomisë qarkulluese pranë Universitetit të Siedlce, Poloni, Universitetit Ekonomik të Bratislavës, Sllovaki, Institutit Politeknik te Viseut, Portugali, dhe Universitetit Rīga Stradiņs, Letoni.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë





Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Xhilda Dhamo (Merkaj) është lektore në Departamentin e Matematikës së Aplikuar, Fakulteti i Shkencave të Natyrës, Universiteti i Tiranës. Ajo ka përfunduar doktoraturën në Matematikë të Aplikuar, me fokus në optimizimin e metodave spektrale për analizën e rrjetave dinamike. Veprimtaria e saj kërkimore përfshin matematikën e aplikuar, rrjetat komplekse, inteligjencën artificiale dhe analizën e sinjaleve neurofiziologjike.

Kërkimi i saj fokusohet në modelimin e rrjetave komplekse, analizën e sinkronizimit në të dhënat fNIRS dhe aplikimin e metodave të machine learning në neuroshkencë, bioinformatikë dhe analizën e të dhënave. Një pjesë të studimeve doktorale e ka zhvilluar si kërkuese vizitore pranë EuroMov Institute dhe IMT Mines Alès në Francë.

Dr. Dhamo është autore e publikimeve shkencore ndërkombëtare dhe pjesëmarrëse aktive në konferenca e rrjete kërkimore evropiane përmes COST Actions. Ajo ka përfituar mbështetje nga programet CIMPA, COST dhe DAAD, ndërsa në vitin 2026 u përzgjodh si DAAD Fellow – AI in Neuroscience dhe pjesëmarrëse në EU TalentOn 2026.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Olta Qejvani është lektore e së Drejtës Europiane në Universitetin ‘Aleksandër Moisiu’ Durrës, Fakulteti i Shkencave Politike Juridike, Departamenti i Drejtësisë që prej vitit 2016 në Shqipëri. Ajo ka përfunduar studimet e doktoratës (PhD) në Shkenca Administrative në Shkollën Kombëtare të Studimeve Politike dhe Administrative (SNSPA), në Bukuresht, Rumani.

Kërkimi i saj shkencor është fokusuar në nismat vendore dhe rajonale në Bashkimin Evropian, si dhe në qasjen ndaj referendumeve vendore në Shqipëri. Dr. Qejvani ka qenë studiuese (PhD Research Fellow) në Fakultetin e Shkencave Sociale, Institutin e Studimeve Politike të Universitetit Charles në Pragë. Ajo është diplomuar me rezultate të shkëlqyera në Fakultetin e Drejtësisë të Universitetit të Tiranës.

Me mbi dhjetë vite përvojë profesionale, Dr. Qejvani ka kontribuar në tre fusha kryesore: shoqërinë civile, akademinë dhe administratën publike. Përvoja e saj në Kryeministri ka forcuar ekspertizën në hartimin dhe përmirësimin e politikave publike dhe legjislacionit të administratës publike, me fokus të veçantë në menaxhimin e shërbimit civil. Njëkohësisht, ajo është eksperte e angazhuar në organizatat e shoqërisë civile në Shqipëri, duke kontribuar në projekte që lidhen me të drejtat e qytetarëve përballë institucioneve, të drejtat dhe pjesëmarrjen e të rinjve, integrimin evropian, si dhe forcimin e demokracisë dhe qeverisjes së mirë.

Dr. Qejvani është gjithashtu një studiuese me përvojë në nivel kombëtar dhe ndërkombëtar. Ajo është autore e një sërë artikujsh shkencorë dhe analizash në fushat e qeverisjes së mirë, administratës publike dhe procesit të integrimit të Shqipërisë në Bashkimin Evropian. Ajo ka përfaqësuar Shqipërinë në Kongresin e Autoriteteve Lokale dhe Rajonale të Këshillit të Evropës në Strasburg, ku projekti i saj "Different Local Communities, Same Youth Perspective" u vlerësua si një nga nismat më të mira për promovimin e pjesëmarrjes së të rinjve në nivel vendor.

Profili profesional i Dr. Qejvanit karakterizohet nga qasje inovative, orientim drejt zgjidhjeve efektive dhe aftësi të spikatura për të punuar si në mënyrë të pavarur, ashtu edhe në ekipe multidisiplinare.

Kompetencat e saj kryesore përfshijnë: të folurin në publik, hartimin e dokumenteve strategjike, raporteve dhe manualeve, legjislacionin dhe institucionet e Bashkimit Evropian, qeverisjen vendore, nismat qytetare, referendumet, studimet krahasuese, advokimin dhe ndërtimin e rrjeteve profesionale, vendimmarrjen në administratën publike, zhvillimin rajonal, të drejtat e njeriut, pjesëmarrjen e të rinjve në vendimmarrje, kërkimin shkencor, si dhe hartimin, koordinimin dhe menaxhimin e projekteve.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Elona Shehu me një eksperiencë disavjeçare në arsimin e lartë me kontribut akademik, kërkimor shkencor dhe administrativ është pjesë e Universitetit Mesdhetar të Shqipërisë që prej vitit 2013.

Lëndët që mbulon në mësimdhënie janë konkretisht financë, financa publike dhe tregje e Institucione financiare. Ka botuar artikuj që lidhen me fushën e studimit në revista të indeksuara në platforma ndërkombëtare të kërkimit shkencor. Pjesë e shumë konferencave shkencore të organizuara brenda dhe jashtë vendit. Ka pasur dhe mban një sërë funksionesh administrative, ndër të cilat zëvendësdekane për procesin mësimor në Fakultetin e Shkencave Ekonomike, Koordinatore Institucionale në marrëdhënie me ASCAL, dhe anëtare e bordeve drejtuese në disa institucione.

Dr. Elona Shehu gjatë viteve 2022–2026 ndoqi studimet doktorale pranë Departamentit Financë dhe Kontabilitetit në Universitetin Bujqësor të Tiranës. Kërkimi shkencor konsistoi në analizën e ndryshimeve strukturore sektoriale dhe politikave të financimit në bujqësi përmes modelit Input-Output. Ka studiuar Master i Shkencave në Financë-Bankë gjatë viteve 2011–2013 në Universitetin Mesdhetar të Shqipërisë. Ka ndjekur studimet e integruara në Financë në vitet 2007–2011 Universiteti Sevasti&Parashqevi Qiriazi.

Ka marrëse pjesë në projekte të ndryshme kombëtare dhe ndërkombëtare kërkimore në fushën e ekonomisë, financës, Inovacionit dhe zhvillimit teknologjik, konkretisht: kërkues shkencor në projektit ndërkombëtar INTERREG Blue Economy (2017–2019); financiere në projektin kombëtar në bashkëpunim me AKKSHI (2022–2023), me titull "Përzgjedhja e studimeve universitare dhe implikimet prej saj në performancën akademike dhe në tregun e punës"; pjesë e projektit të financuar nga Akademia e Shkencave të Shqipërisë (prill–dhjetor 2024), me titull "Vlerësim i gjendjes dhe sfidave të shkencave ekonomike në Shqipëri";
Aktualisht është pjesë e projektit (2025–2027) "Studim mbi Gjendjen dhe Sfidat e Përdorimit të Inteligjencës Artificiale në Institucionet e Arsimit të Lartë në Shqipëri (AI-UNIAL)”.

Ka realizuar mobilitet akademik dhe kërkimor në kuadër të programit Erasmus+, konkretisht:
Teaching Mobility në Universitetin "Neofit Rilski", Blagoevgrad, Bullgari (4–11 nëntor 2022); Research Mobility në Universitetin e Zaragozës, Spanje (15 janar–15 qershor 2023), në mbështetje të kërkimit Shkencor dhe Modelit Input-Output; Teaching Mobility në Universitetin e Rzeszow, Poloni (19.05.2025-23.05.2025);
BIP Viana do Castelo, Portugali (18–22 maj 2026).

Është anëtare aktive e disa grupeve COST, duke marrë pjesë në aktivitetet shkencore të zhvilluara në Sakarya, Turqi (2-4 prill 2025) dhe Zadar, Kroaci (4-6 shkurt 2026). Aktualisht është anëtare në COST Action CA22134, COST Action CA23108 dhe COST Action CA24102.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

-Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Morena Breshanaj është pedagoge në Departamentin e Matematikës dhe Fizikës, Fakulteti i Shkencave Teknike dhe Natyrore, Universiteti i Vlorës “Ismail Qemali”. Studimet e doktoraturës i ka përfunduar në programin Statistikë dhe Matematikë e Aplikuar në Ekonomi, në Fakultetin e Ekonomisë, Universiteti i Tiranës.

Veprimtaria e saj kërkimore fokusohet në modelimin statistikor, analizën e të dhënave, parashikimin e serive kohore dhe aplikimin e metodave të inteligjencës artificiale dhe modeleve hibride në ekonomi, turizëm dhe fusha të tjera të aplikuara.

Është autore dhe bashkautore e artikujve shkencorë të botuar në revista ndërkombëtare, si dhe pjesëmarrëse aktive në konferenca shkencore brenda dhe jashtë vendit. Krahas veprimtarisë kërkimore, është e angazhuar në mësimdhënie universitare dhe në promovimin e arsimit STEM.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë
​





Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Xhon Skënderi u doktorua në Universitetin e Passau-t, Gjermani, në fushën e së drejtës ndërkombëtare private dhe së drejtës së krahasuar civile, ku fitoi gradën Doctor iuris (Dr. iur.).

Studimet universitare i përfundoi në Fakultetin e Drejtësisë të Universitetit të Tiranës me vlerësimin summa cm laude, ndërsa në të njëjtin fakultet përfundoi, po me të njëjtin vlerësim, masterin shkencor në të drejtën civile. Është autor i monografisë “Private International Law as a Tool for the Protection of Personality Rights” (Cuvillier Verlag, 2025), si edhe autor e bashkautor i një numri botimesh shkencore në revista dhe vëllime ndërkombëtare.

Shërben si Ekspert Ligjor në projekte të asistencës teknike për institucionet shtetërore shqiptare në kuadër të procesit të negociatave për anëtarësimin e Republikës së Shqipërisë në Bashkimin Evropian.

Në këtë cilësi, ushtron funksionin e ekspertit kombëtar dhe rajonal në projekte të Bashkimit Evropian dhe organizatave ndërkombëtare, si Deutsche Gesellschaft für Internationale Zusammenarbeit (GIZ), DAI Global, Regional Cooperation Council (RCC), International Organization for Migration (IOM), Open Society Foundation for Albania dhe Civil Rights Defenders. Ka dhënë mësim në Shkollën e Magjistraturës, në Kolegjin Universitar Qiriazi dhe në Fakultetin e Drejtësisë të Universitetit të Tiranës.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Marjol Meço është doktor i shkencave në Biologji Konservimi, Drejtimi Bimor, në Departamentin e Biologjisë, Fakulteti i Shkencave të Natyrës, Universiteti i Tiranës, ku zhvillon edhe veprimtari pedagogjike dhe kërkimore në fushën e botanikës.

Veprimtaria e tij shkencore përqendrohet në biologjinë e konservimit, florën, bimësinë dhe habitatet natyrore, me fokus të veçantë në biodiversitetin e Shqipërisë, vlerësimin ekologjik të ekosistemeve dhe zbatimin e standardeve të rrjetit Natura 2000.

Ai ka një përvojë të gjerë në kërkime shkencore dhe projekte kombëtare e ndërkombëtare për studimin, hartëzimin dhe monitorimin e florës dhe habitateve natyrore, duke kontribuar në zhvillimin e politikave dhe praktikave për ruajtjen e biodiversitetit dhe menaxhimin e qëndrueshëm të zonave të mbrojtura.

Ekspert në një sërë projektesh të financuara nga Bashkimi Evropian, UNEP, AKKSHI dhe organizata të tjera ndërkombëtare, si dhe anëtar i Komitetit për Menaxhimin e Zonave të Mbrojtura dhe i organizatës ndërkombëtare botanike OPTIMA.

Dr. Meço është autor dhe bashkautor i dhjetëra artikujve shkencorë të botuar në revista dhe vëllime ndërkombëtare, me kontribute të rëndësishme në njohjen e florës shqiptare, identifikimin e habitateve Natura 2000 dhe ekologjinë e ekostemeve natyrore.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al

10/07/2026

Të njohim anëtarët e Akademisë së të Rinjve pranë Akademisë së Shkencave të Shqipërisë






Akademia e të Rinjve është një njësi në përbërje të Akademisë së Shkencave të Shqipërisë, e njohur me ligj, e cila përbëhet nga kërkuesit e rinj më të shquar në fusha të ndryshme të shkencës. Misioni i saj është të promovojë ekselencën në kërkimin shkencor, të mbështesë zhvillimin e brezit të ri të studiuesve dhe të forcojë bashkëpunimin shkencor në nivel kombëtar dhe ndërkombëtar. Akademia e të Rinjve e Shqipërisë është anëtare e Global Young Academy.

Dr. Irena Myzeqari është studiuese e komunikimit, pedagoge dhe eksperte e medias dhe gjinisë, me një veprimtari akademike e profesionale që ndërthur kërkimin shkencor, mësimdhënien dhe angazhimin publik. Prej më shumë se një dekade, puna e saj është përqendruar në mënyrën se si media, kultura digjitale dhe narrativat publike ndikojnë në formësimin e identiteteve, në përfaqësimin e grave dhe në pjesëmarrjen e të rinjve në jetën demokratike. Si pedagoge, trajnere dhe mentore, ajo e konsideron dijen jo thjesht si një vlerë akademike, por si një forcë krijuese, e aftë të nxisë mendimin kritik, të fuqizojë zërat individualë dhe të shndërrojë idetë në veprim social.

Rrugëtimi i saj akademik udhëhiqet nga bindja se shkenca është kuptimplotë kur arrin të komunikojë me shoqërinë dhe të kontribuojë qenësisht në transformimin e saj. Përmes studimeve mbi median, gjininë, kulturën e algoritmeve dhe komunikimin e brezave të rinj, ajo ka qenë pjesë integrale në projekte kombëtare e rajonale, në procese politikëbërëse, programe lidershipi ndërkombëtare dhe iniciativa për forcimin e kulturës demokratike në vend.

Për më shumë shiko linkun:
https://www.facebook.com/share/1HQqFMUK8R/?mibextid=wwXIfr

www.akad.gov.al