Qendra Kombëtare e Inxhinierisë Bio-Mjekësore dhe Telemjekësisë

10/03/2026

U formalizua Marrëveshja për mirëmbajtjen parandaluese të angiografisë ndërmjet Qendrës Kombëtare Teknike Bio-Mjekësore (QKTB) dhe Spitalit Rajonal “Memorial” Fier.

Kjo marrëveshje realizohet në përputhje me licencën e QKTB-së të njohur nga Komisioni i Mbrojtjes nga Rrezatimet (KMR), për mirëmbajtjen e pajisjeve me rreze - X.

Nëpërmjet kësaj marrëveshjeje synohet garantimi i funksionimit të sigurt dhe të qëndrueshëm të angiografisë, përmes realizimit të mirëmbajtjes parandaluese periodike, në përputhje me kërkesat teknike dhe standardet e sigurisë radiologjike.

10/03/2026

U formalizua Marrëveshja e Mirëmbajtjes për pajisjen me rreze X – Grafi ndërmjet Qendrës Kombëtare Teknike Bio-Mjekësore (QKTB) dhe Spitalit Universitar Obstetrik-Gjinekologjik “Mbretëresha Geraldinë”.
Kjo marrëveshje realizohet në përputhje me licencën e QKTB-së, të njohur nga Komisioni i Mbrojtjes nga Rrezatimet (KMR), për mirëmbajtjen e gjeneratorëve me rreze X, duke garantuar respektimin e kërkesave ligjore dhe standardeve të sigurisë radiologjike.

16/02/2026

U përfundua instalimi, kalibrimi dhe validimi teknik i pajisjeve kryesore të sallës operacionale në Vlore, përfshirë sistemet e anestezisë, monitorimit fiziologjik dhe infrastrukturën e gazrave medicinale.

Verifikimet funksionale dhe testimet e performancës u realizuan sipas kërkesave teknike dhe standardeve të sigurisë klinike, duke siguruar integrim të plotë të pajisjeve dhe gatishmëri për përdorim kirurgjikal.

Ky proces garanton besueshmëri operacionale dhe mbështetje të standardizuar për shërbimet obstetrikale.

12/02/2026

U realizua instalimi dhe vendosja në operim e pajisjeve mjekësore në sallën operacionale të maternitetit,Fier, duke përfshirë sistemin e anestezisë Datex-Ohmeda 9100c NXT, monitorimin e parametrave vitalë, defibrilatorin multifunksional dhe sistemin e ndriçimit kirurgjikal.
Procesi përfshiu montimin teknik, verifikimin e parametrave funksionalë dhe testimin operacional, në përputhje me specifikimet e prodhuesit dhe standardet e sigurisë klinike.
Implementimi i saktë i teknologjisë biomjekësore mbështet funksionimin e sigurt të sallave operatore dhe garanton cilësi të lartë në kujdesin obstetrikal.

10/02/2026

Më 22 nëntor 2025, u përfundua me sukses riparimi dhe rikthimi në funksion i llampave kirurgjikale në ambientin spitalor në Lushnje, duke garantuar siguri, ndriçim optimal dhe standarde teknike në shërbim të kujdesit shëndetësor. Gatishmëria dhe puna e QKTB rezultoi në funksionalitet të rikthyer, siguri dhe mbështetje teknike për shërbim shëndetësor pa ndërprerje.

30/01/2026

Më datë 26 janar, u nënshkrua marrëveshja e bashkëpunimit ndërmjet Qendrës Kombëtare të Inxhinierisë Biomjekësore dhe Telemjekësisë përfaqësuar nga drejtori i përgjithshëm Asoc. Prof. Dr Luan Kola, dhe Universitetit Mesdhetar të Shqipërisë përfaqësuar nga Rektori i universitetit, Prof. Dr. Adrian Civici.

Qëllimi i kësaj Marrëveshjeje eshtë percaktimi i drejtimeve dhe mjeteve të bashkëpunimit midis
UMSH-së , përkatësisht Fakultetit të Shkencave Mjekësore, dhe QKIBMT-s, Tirane.

Gjatë ceremonisë së nënshkrimit të marrëveshjes, UMSH angazhohet të ofrojë mundësinë për kualifikime afatgjata të të gjithë cikleve të studimeve për te cilat eshtë e licensuar apo mund të licensohet në të ardhmen (brenda kohëzgjatjes së kësaj Marrëveshjeje), për personelin e QKIBMT-s, Tiranë.

Nënvizojmë gjithashtu që në Qendrën Kombëtare Biomjekësore do të zhvillohen praktikat e studentëve të UMSH-së.

Falenderime ndaj të dyja palëve për bashkëpunimin!

31/10/2023

Në kuadër të forcimit të sistemit të monitorimit dhe raportimit të ushqyerjes dhe rritjes së fëmijëve, vazhdon trajnimi 4-ditor i personelit mjeksor të Qendrave Shëndetësore (Q.SH) në Qarkun e Tiranës, mbi fuqizimin e kapaciteteve të tyre për hedhjen e të dhënave online të indikatorëve të ushqyerjes dhe rritjes së fëmijëve 0-5 vjeç.

Ky aktivitet realizohet nga Instituti Shëndetit Publik (I.SH.P) në bashkëpunim me Operatorin Shërbimit të Kujdesit Shëndetësor dhe Qendrën Kombëtare të Telemjeksisë.

Trajnimet u moderuan nga Prof. Dr. Gentiana Qirjako, Dr. Herion Muja, Dr. Margarit Ikonomi (I.SH.P) dhe asistencën teknike të specialistit të Qendrës Kombëtare të Telemjeksisë, z. Alis Rama.

31/10/2023

30/10/2023

23/05/2023