17/10/2025
Në mbështetje të ish-krerëve të Ushtrisë Çlirimtare të Kosovës dhe për sqarim publik 🇦🇱🤝🇽🇰
Në kuadër të protestës mbarëkombëtare të datës 17 tetor 2025 në Tiranë, e organizuar në nderim të sakrificës së Ushtrisë Çlirimtare të Kosovës, kompania Albanian Highway Concession sh.p.k. shpreh solidaritetin e saj me këtë nismë, që përfaqëson një moment bashkimi dhe respekti.✊
Në përputhje me këtë qëndrim, i publikuar në kanalet zyrtare shtetërore dhe në media, është vendosur që kalimi i mjeteve pjesëmarrëse në këtë protestë të jetë pa pagesë, nga ora 09:00 e datës 17 tetor deri në ora 09:00 e datës 18 tetor 2025.
Kompania dëshiron të sqarojë se mjetet që kanë kaluar përpara orës 09:00 të mëngjesit të datës 17 tetor kanë qarkulluar jashtë orarit të përcaktuar dhe janë trajtuar sipas procedurës normale të pagesës. Që nga hyrja në fuqi e vendimit, asnjë mjet që kalon në autostradën Milot-Morinë nuk tarifohen dhe nuk do të tarifohen gjatë gjithë periudhës së përcaktuar.
Kompania respekton ndjeshmërinë e kësaj dite dhe u bën thirrje qytetarëve që të mos bien pre e keqkuptimeve ose interpretimeve të pasakta, që mund të cenojnë frymën e bashkimit që kjo ditë simbolizon.
Faleminderit qytetarëve për mirëkuptimin dhe solidaritetin e treguar në këtë ditë me rëndësi kombëtare.
