21/05/2026
🔔Austria Praemix ofron analiza moderne dhe të avancuara të ushqimit përmes teknologjisë NIR (Near Infra-Red), një nga metodat më të besueshme dhe më të përdorura në botë për kontrollin e cilësisë së lëndëve të para dhe ushqimit të plotë.
👉Kjo teknologji mundëson përcaktimin e shpejtë dhe të saktë të parametrave ushqyes, si proteinat, yndyra, lagështia dhe vlerat e tjera kryesore, duke i dhënë fermerit një pasqyrë të qartë mbi cilësinë reale të ushqimit që përdor në fermë.
Përmes zgjidhjeve inovative NutriOpt, Austria Praemix sjell analizën e ushqimit direkt në fermë, në fabrikë ose në terren. Me anë të skanerëve NIR portativë, aplikacionit celular dhe aksesit në databaza të specializuara ushqyese, rezultatet merren menjëherë, pa qenë nevoja për analiza të gjata laboratorike apo dërgim mostrash jashtë vendit.
Bazuar në këto 📈 rezultate, këshilluesit tanë profesionalë analizojnë parametrat ushqyes të çdo lënde të parë dhe hartojnë receta ushqimore të personalizuara sipas nevojave të fermës. Çdo formulim realizohet duke marrë në konsideratë performancën e kafshëve, fazën e prodhimit, cilësinë e ushqimit dhe optimizimin e kostove.
Kjo i ndihmon fermerët të kenë racione më të balancuara, shfrytëzim më të mirë të ushqimit, prodhim më të lartë dhe shëndet më të mirë të kafshëve. Në të njëjtën kohë, minimizohen humbjet dhe rritet efikasiteti ekonomik i fermës.
Me Austria Praemix, fermerët nuk marrin vetëm analiza të ushqimit, por një zgjidhje të plotë profesionale, ku teknologjia moderne kombinohet me eksperiencën e specialistëve për të krijuar receta ushqimore sa më të sakta, efikase dhe fitimprurëse. 🤝
