18/10/2026
📡 ST30 Smart Target․ նոր հնարավորություններ՝ գեոդեզիական չափագրումներում
🔹 GNSS ընդունիչ և Trimble ProPoint
ST30 Smart Target-ի ամենահետաքրքիր և եզակի առանձնահատկություններից մեկը վերին հատվածում ներկառուցված GNSS ընդունիչն է: Այն օգտագործում է Trimble ProPoint մշակման համակարգը շուկայում GNSS չափումների հնարավորինս բարձր ճշգրտություն և արդյունավետություն ապահովելու համար: GNSS ընդունիչը կարելի է օգտագործել տարբեր նպատակներով ինտեգրված չափագրումների միասնական աշխատանքային գործընթաց կազմակերպելու, օպտիկական չափումների ընթացքում այն վերջին կետերը չափելու համար, որոնք գտնվում են գործիքի տեսադաշտից դուրս կամ որպես ինքուրույն GNSS ընդունիչ, որը հնարավորություն է տալիս չափումներ կատարել նույնիսկ թեք դիրքով: Smart Target-ը համատեղելի է Trimble IBSS ծառայության ուղղիչ տվյալների, VRS ցանցային ծառայության, ինչպես նաև Trimble RTX ուղղիչ ծառայության հետ:
📐 Trimble Inertion Platform (TIP) տեխնոլոգիա
Smart Target-ի ամենաարդյունավետ առանձնահատկություններից մեկը Trimble Inertion Platform-ի (TIP) ինտեգրումն է: Այս տեխնոլոգիան հնարավորություն է տալիս կատարել անկյան տակ չափումներ ինչպես տախեոմետրային , այնպես էլ GNSS չափումների ընթացքում: TIP տեխնոլոգիայի շնորհիվ հնարավոր է չափել դժվար հասնելի և կարևոր կետեր, օրինակ շենքերի անկյունները կամ խողովակների ստորին ներքին հատվածները: Տախեոմետրական ռեժիմում հնարավոր է ձողը տեղադրել և չափել այնպիսի կարևոր տարրեր, որոնք գտնվում են անմիջական հասանելիությունից դուրս, օրինակ շենքերի տանիքների դուրս ցցված հատվածները և առաստաղին ամրացված էլեկտրական մալուխների կախիչները: Բարձր ճշգրտություն պահանջող կարևոր չափագրական աշխատանքների համար հասանելի է նաև վերին ամրացման հատուկ աքսեսուարը:
🎯 ActiveTracking, TargetID և GeoLock
ST30 Smart Target-ի միջոցով Trimble-ը շարունակում է զարգացնել իր երկարամյա փորձը շուկայում ամենահուսալի և հետևման համակարգի ստեղծման ոլորտում: ActiveTracking համակարգը TargetID տեխնոլոգիայով ներառում է նաև GeoLock հետևման գործառույթը: Անկախ նրանից` աշխատում եք խիտ բուսականությամբ տարածքում, շինհրապարակում, թե խիտ կառուցապատված քաղաքային միջավայրում, կարող եք վստահ լինել, որ տախեոմետրը կշարունակի հետևել թիրախին: ST30-ում ներկառուցված GNSS ընդունիչն օգնում է արագ վերականգնել թիրախի հետ կապը: Միաժամանակ, սարքն օգտագործում է Trimble RTX տեխնոլոգիան GNSS դիրքի բարձր ճշգրտությամբ որոշման համար: Դրա շնորհիվ տախեոմետրը կարող է շարունակել հետևել թիրախին նույնիսկ այն դեպքում, երբ վերջինս դուրս է գալիս գործիքի անմիջական տեսադաշտից: Այս գործառույթն օգտագործելու համար Trimble RTX-ի առանձին բաժանորդագրություն անհրաժեշտ չէ: Այն ներկառուցված է ST30-ի հնարավորությունների մեջ:
🔗 Ութ տարբերակիչ ալիք՝ հուսալի հետևման համար
Trimble ActiveTracking համակարգը TargetID տեխնոլոգիայով հնարավորություն է տալիս ST30-ը կարգավորել ութ տարբերակիչ ալիքներից մեկով: Նույնիսկ եթե տեսադաշտում առկա են այլ ակտիվ թիրախներ, տախեոմետրը հուսալիորեն հետևում է միայն ձեր ընտրած թիրախին:
💡 Պաշտպանված լուսադիոդներ և ուղղաձիգ դիրքի բարձր ճշգրտություն
ST30-ում լուսադիոդները տեղադրված են պրիզմայի հետևում` դրանք պաշտպանելու և պրիզմայի ուղղաձիգ դիրքի չափումների ճշգրտությունը բարձրացնելու նպատակով:
📏 Ձողի բարձրության ավտոմատ կարգավորում
Trimble ST30 համակարգում ներդրված է ձողի բարձրության ավտոմատ կարգավորման գործառույթը, որը թույլ է տալիս թիրախը տեղադրել ցանկացած բարձրության վրա և անմիջապես ստանալ համապատասխան տվյալները դաշտային ծրագրային ապահովման մեջ ձողի բարձրությունը ճշգրտելու համար: Այս գործառույթն օգնում է նվազեցնել օպտիկական գեոդեզիական չափումների ընթացքում ամենատարածված սխալներից մեկը: Այն թույլ է տալիս խուսափել ուղղաձիգ չափումներում առաջացող սխալների հայտնաբերման և ուղղման վրա ժամեր ծախսելու անհրաժեշտությունից ապահովելով թեք դիրքով կատարված չափումների բարձր ճշգրտությունը:
🔍 Ներկառուցված էլեկտրոնային հեռավորաչափ (EDM)
Սա իրականացվում է ST30-ի ստորին հատվածում ներկառուցված էլեկտրոնային հեռավորաչափի` EDM-ի միջոցով: Այն չափում է ձողի ներսի երկայնքով մինչև ներքևում տեղադրված պրիզմա եղած հեռավորությունը` ապահովելով ձողի բարձրության ճշգրիտ որոշումը:
💧 Չափումներ նույնիսկ ջրի մեջ
Ձողի ստորին հատվածը սիմետրիկ է, ուստի այն կարելի է ընկղմել ջրի մեջ չափումներ կատարելու համար, օրինակ խողովակների ստորին ներքին կետերի որոշման նպատակով:
