Transportmix.az

21/10/2025

KATALİZATOR:
Katalizator avtomobildə işlənmiş qazların ixrac sisteminin ən vacib hissələrindən biridir. O, ixrac sisteminin sonlarında deyil, mühərrik blokuna yaxın yerləşir və onun əsas funksiyası avtomobildən ixrac olunan zərərli qazların qarşısını almaqdır. Katalizatorun daxilində minlərlə kiçik boruya bənzər boşluqlar vardır ki, mühərrikdən çıxan zərərli qazlar (azot oksidi, karbon monoksidi və karbohidrogen) bu boruların içərisinə daxil olub daha zərərsiz olan su, karbon qazı və ya azot formasında ixrac olunurlar. Bu proses katalizatorun daxilində saniyədən də qısa bir müddət ərzində baş verir.
Katalizatorun tutulması halları tez-tez rast gəlinən hallardandır. Tutulmuş katalizator daxil olunan qazları normal şəkildə ixrac edə bilmədiyi üçün burada daha çox qızma baş verir və birbaşa mühərrikə təsir edir. Bu da mühərrikin də normadan çox qızması ilə nəticələnir.

10/10/2025

Yaşayış məntəqələrindən kənarda piyadaların yolun hərəkət hissəsilə getməsi qaydası
Yaşayış məntəqələrindən kənarda piyadalar yolun hərəkət hissəsilə getdikdə, NV-nin hərəkət istiqamətinə
qarşı getməlidirlər. Bu zaman velosiped sürən şəxslər də belə halda NV-lərin hərəkət istiqamətində getməlidirlər. Əgər piyadaların keçməsi üçün xüsusi yer müəyyən edilməmişdirsə və görmə sahəsində yol ayrıcı yoxdursa, piyadalar yolu digər yerlərdən də keçə bilərlər. Bu zaman nəzərə almaq lazımdır ki, yolun keçildiyi yerdən hər iki istiqamətdə aydın görünmə məsafəsi 150-200 m olmalıdır.

01/10/2025

26/09/2025

METROBUS NƏDİR?
Metrobus, metro ilə avtobusun kombinasiyası nəticəsində meydana çıxmış bir ictimai şəhər sərnişindaşıma növüdür.
Metrobus həmçinin ən müasir, əlverişli və üstün şəhər nəqliyyatı növü sayılır.
Üç əsas müsbət parametri vardır:
1. Qısa hərəkət intervalı və tez çatdırma;
2. Əhalinin yüksək sıxlığı olan şəhərin mərkəzi hissələrinə işləyə bilməsi;
3. Uyğunlaşma, ekoloji təmiz, alternativ nəqliyyat rejimi və komfortluq.
Metrobuslar inkişaf etmiş naviqasiya sistemi ilə təchiz edilmişdir. Hazırda, dünyada bu texniki özəlliklərə və yüksək texniki standartlara malik başqa bir nəqliyyat vasitələri mövcud deyildir.
Metrobus sisteminin qurulması və texniki istismar xərcləri metro və digər oxşar ictimai sərnişindaşıma sistemlərindən dəfələrlə ucuz olduğundan dünyada inkişaf etmiş bir çox ölkələrdə geniş şəkildə tətbiq edilməkdədir.

08/07/2025

SƏSBOĞUCU:
Səsboğucu işlənmiş qaz axınının yaratdığı səsin səviyyəsini azaldır Xaricetmə klapanları açıldığı anda işlənmiş qazların təzyiqi 0,3-0,5 MPa, temperaturu isə 1000 C-dən yüksək olur. Buna görə də qazlar klapandan böyük sürətlə keçir və onların xaric olunması zamanı kəskin səs əmələ gətirir. Xaricetmə klapanları açıldıqda şaqqıltı eşidilir, şaqqıltının tezliyi silindirlərin sayından və dirsəkli valın fırlanma tezliyindən asılıdır. Səsboğucularda qaz axınının axma istiqamətinin dəfələrlə dəyişdirilməsi, kələ-kötürlü səthlər boyu hərəkət etdirilməsi, qaz şırnaqlarının daralması və sonradan genişlənməsi, işlənmiş qaz axınının soyudulması onların enerjisinin azalmasına və yaratdığı səsin səviyyəsinin azaldılmasına səbəb olur. Mühərrikin gücünün azalmasının böyük olmaması üçün səsboğucu axına böyük müqavimət yaratmamalıdır.

02/07/2025

MONORELS NƏDİR?
Monorels-hərəkət yolu tək bir relsdən ibarət olan dəmiryol nəqliyyatı vasitəsidir. Bu termin ilk dəfə 1897-ci ildən başlayaraq işlədilmişdir (alman mühəndisi Eugen Langen tərəfindən) və birxətli dəmiryol mənasını verir.
Monorelsi digər nəqliyyat vasitələrindən fərqləndirən əsas xüsusiyyət onun hərəkət yolundan asılı olaraq istər yer səthindən yuxarıda, istər yer səthi səviyyəsində, istərsə də metro tunellərində işləyə bilməsidir.

21/06/2025

AVTOMOBİL SERVİSİ ÜZRƏ TƏLİMLƏR:

28/04/2025

AVTOMOBİL SERVİSİ ÜZRƏ TƏLİMLƏR DAVAM EDİR: Növbəti təlimdən:

04/04/2025

DİFERENSİAL HAQQINDA:
Diferensialın vəzifəsi ötürülən burucu momenti avtomobilin aparan təkərləri, oxları və bortları arasında möyyən nisbətdə paylamaqla, onların müxtəlif bucaq sürətləri ilə fırlanmalarını təmin etməkdir.
Avtomobil döngələrdə hərəkət edərkən və ya aparan oxun təkərləri kələ-kötür yol səthilə diyirləndikdə onlar müxtəlif məsafə qət edirlər. Deməli, onlar müxtəlif bucaq sürətilə fırlanmalıdırlar. Aparan təkərlərin yol səthinə nəzərən sürüşmədən diyirlənməsini və müxtəlif bucaq sürətləri ilə fırlanmalarını təmin etmək üçün oxlar baş ötürücüyə diferensial mexanizmi vasitəsilə birləşdirilirlər.
Diferensialların müxtəlif növləri mövcuddur. Avtomobildə yerləşmə yerindən asılı olaraq onlar təkərlərarası, oxlararası, bortlararası və bəndlərarası olmaqla 4 növə bölünürlər.