30/05/2023
Virtual Təcrübə Proqramı "VTP'23 YAY"-a müraciət 1 həftə uzadıldı!
Komfort zonasından çıxın!
Proqramın sonunda ən aktiv 3 iştirakçı qiymətli hədiyyələrlə təltif ediləcək və əlavə olaraq şöbələr üzrə ən aktiv iştirakçılar şirkətimizdə iş ilə təmin olunacaqdır.
Qeyd: Eyni zamanda proqramın aktiv iştirakçıları Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin təşkilatçılığı ilə keçirilən "İrəliləyİŞ" layihəsinin 18 saatlıq təlim proqramında iştirak etmək üçün haqq qazanacaqlar.
"Özgün Yapı Sanayi ve Ticaret A.Ş."-nin Azərbaycan Respublikasındakı Filialı böyük marağa səbəb olan "VTP'20 Payız", "VTP'21 Yaz", "VTP'21 Yay", "VTP'21 Payız", "VTP'22 Yaz", "VTP'22 Yay" və "VTP'22 Qış" təcrübə proqramlarından sonra tamamilə yenilənmiş və daha əhatəli "VTP'23 Yay" adlı virtual təcrübə proqramı layihəsini elan edir. Rəqəmsal mühitin üstünlüklərindən yararlanaraq, öyrənərək təcrübə qazanmağa və karyeranızda ilk addımı atmağa sizləri dəvət edirik. Bu fürsəti dəyərləndirməyin tam zamanıdır.
Aşağıdakı şöbələr üzrə təcrübə keçmək istəyən tələbə və yeni məzunlar müraciət edə bilərlər:
● Mühasibatlıq
● İnsan Resursları
● Logistika/Satınalma
● Yol-İnşaat Mühəndisliyi
● İnformasiya Texnologiyaları (Veb)
● İnformasiya Texnologiyaları (Rəqəmsal Marketinq)
Təcrübəçilərə tələblər:
- Ali təhsil müəssisə tələbələri və ya yeni məzun olmuş şəxslər;
- Ünsiyyət qurma bacarığı;
- Komandada işləmə bacarığı;
- Daim öyrənmək həvəsi;
- İş təcrübəsi olmayan namizədlər müraciət etsin.
Proqramın müddəti: 8 – 12 həftə.
Hədiyyələrimiz:
1-ci yer - MacBook Air
2-ci yer - iPad
3-cü yer - AirPods Pro
Namizədlər CV dəyərləndirilməsi, test mərhələsi və onlayn müsahibə əsasında seçiləcək.
* Proqramın son ayında aktiv iştirakçılarla birlikdə Mini MBA formatlı görüşlər keçiriləcəkdir.
Müraciət üçün son tarix: 31.05.2023
Təcrübə proqramı ödənişsizdir.
*Proqrama müraciət üçün keçid "bio"-ya əlavə edilmişdir.
