SOCAR

SOCAR Rəsmi səhifə/Official page Azərbaycan Respublikası Dövlət Neft Şirkətinin rəsmi səhifəsi. Official page of the State Oil Company of Azerbaijan Republic.

12/06/2026

Qabaqcıl texnologiyalar, güclü tərəfdaşlıq və innovativ yanaşmalar SOCAR və bp-nin “Azəri-Çıraq-Günəşli” yatağında birgə həyata keçirdiyi pilot layihənin uğurlu icrasında mühüm rol oynayıb.

Layihə hasilatın artırılması və əməliyyatların optimallaşdırılması baxımından innovativ həllərin effektivliyini bir daha təsdiqləyib.

“Mərkəzi Azəri” platformasından qazılan “B18W” quyusunda təxminən 1,1 km uzunluğunda horizontal açıq lülənin tətbiqi, eləcə də qabaqcıl qazma və tamamlama texnologiyalarından istifadə layihənin müvəffəqiyyətlə həyata keçirilməsinə mühüm töhfə verib.

11 iyun 2026-cı il tarixində SOCAR-ın prezidenti Rövşən Nəcəf Mərakeş Krallığının Kasablanka şəhərində keçirilən III Dün...
12/06/2026

11 iyun 2026-cı il tarixində SOCAR-ın prezidenti Rövşən Nəcəf Mərakeş Krallığının Kasablanka şəhərində keçirilən III Dünya Korporativ Oyunlarında tarixi uğura imza ataraq turnirin qalibi olan SOCAR-ın minifutbol komandası ilə görüşüb.

Görüş zamanı Rövşən Nəcəf III Dünya Korporativ Oyunlarında ölkəmizi layiqincə təmsil edən komanda üzvlərini qələbə münasibətilə ürəkdən təbrik edib. SOCAR prezidenti 54 komandanın iştirak etdiyi turniri məğlubiyyətsiz başa vuraraq Dünya Korporativ Oyunlarının vahid liqa formatında qalibi olan, ilk Azərbaycan komandası kimi tarixə düşən SOCAR komandasının nəticəsini yüksək qiymətləndirib.

Rövşən Nəcəf bu uğurun peşəkarlığın, intizamlı oyunun, əzmkarlığın və güclü komanda ruhunun parlaq nümunəsi olduğunu vurğulayıb. ⚽🏆

10/06/2026

🎥 Enerji Dialoqu Platforması çərçivəsində gənc media nümayəndələrinin Səngəçal terminalına səfərindən hazırlanmış videoçarxı təqdim edirik.

Səfər zamanı iştirakçılar Azərbaycanın enerji strategiyası, müasir texnoloji həllər və enerji infrastrukturunun fəaliyyəti ilə yaxından tanış olublar.

Tədbir çərçivəsində enerji sektorunun əsas inkişaf istiqamətləri, həyata keçirilən layihələr və gələcək perspektivlər barədə təqdimatlar keçirilib, həmçinin terminal ərazisinə sahə turu təşkil olunub.

10 iyun 2026-cı il tarixində Enerji Dialoqu Platforması təşəbbüsü çərçivəsində gənc media nümayəndələri üçün Səngəçal te...
10/06/2026

10 iyun 2026-cı il tarixində Enerji Dialoqu Platforması təşəbbüsü çərçivəsində gənc media nümayəndələri üçün Səngəçal terminalına səfər təşkil olunub.

Səfər zamanı ilk öncə bp-nin Xəzər regionu üzrə vitse-prezidenti Bəxtiyar Aslanbəyli Azərbaycanın enerji strategiyası, ölkəmizin təşəbbüsü ilə həyata keçirilən strateji layihələr, eləcə də Səngəçal terminalının əhəmiyyətindən bəhs edən təqdimatla çıxış edib.

SOCAR-ın Qaz Marketinqi Departamentinin rəisi Nəriman Şahsuvar çıxışında gənc media nümayəndələrinə milli enerji siyasətinin əsas istiqamətləri, icra olunan layihələr və gələcək hədəflər barədə məlumat verib.

Daha sonra bp-nin “Azəri-Çıraq-Günəşli” yatağında sahənin işlənməsi üzrə rəhbəri Əfqan Hüseynov təqdimat ilə çıxış edərək bp şirkəti tərəfindən Azərbaycanda icra olunan layihələrdə tətbiq olunan texnoloji həllərdən və müasir qazma qurğularından bəhs edib.

Səfərin davamında media nümayəndələri üçün Səngəçal terminalı ərazisində sahə turu təşkil olunub və sonda xatirə fotosu çəkilib.

10/06/2026

🎓 9 iyun 2026-cı il tarixində Enerji Dialoqu Platforması təşəbbüsü çərçivəsində gənc media nümayəndələri üçün silsilə məlumatlandırma sessiyalarına start verilib.

SOCAR-ın və Azərbaycan Respublikasının Medianın İnkişafı Agentliyinin birgə təşkilatçılığı ilə “Qlobal enerji bazarlarında yeni çağırışlar: etibarlı tərəfdaşlıq və Azərbaycanın strateji rolu” mövzusunda təşkil olunan məlumatlandırma sessiyaları enerji sahəsində ixtisaslaşmış jurnalistlər üçün 4 həftəlik proqram formatında nəzərdə tutulub.

Proqramın məqsədi enerji sahəsi üzrə məlumatlılığın artırılması, regional və qlobal enerji gündəliyinə dair daha dolğun anlayışın formalaşdırılması, həmçinin SOCAR-ın fəaliyyət istiqamətləri, korporativ strategiyası, uzunmüddətli hədəfləri və strateji layihələri barədə ətraflı məlumatların təqdim edilməsidir.

Media nümayəndələri ilə davamlı əməkdaşlıq platformasının formalaşdırılmasına xidmət edən proqram çərçivəsində iştirakçılar rəqəmsal transformasiya, innovativ texnoloji həllər və yaşıl enerji istiqamətləri daxil olmaqla müasir enerji gündəliyinin əsas mövzuları üzrə təqdimatları dinləyəcək, həmçinin bir sıra istehsalat obyektlərində sahə səfərlərində iştirak edəcəklər.

9 iyun 2026-cı il tarixində Enerji Dialoqu Platforması çərçivəsində SOCAR-ın və Azərbaycan Respublikasının Medianın İnki...
09/06/2026

9 iyun 2026-cı il tarixində Enerji Dialoqu Platforması çərçivəsində SOCAR-ın və Azərbaycan Respublikasının Medianın İnkişafı Agentliyinin birgə təşkilatçılığı ilə gənc media nümayəndələri üçün “Qlobal enerji bazarlarında yeni çağırışlar: etibarlı tərəfdaşlıq və Azərbaycanın strateji rolu” mövzusunda silsilə məlumatlandırma sessiyalarına start verilib.

Milli Mətbuat Gününə həsr olunmuş və 3 iyul 2026-cı il tarixinədək davam edəcək tədbir çərçivəsində 30-dan çox media qurumundan olan jurnalistlər enerji təhlükəsizliyi, qlobal enerji transformasiyası, beynəlxalq enerji bazarlarında baş verən əsas tendensiyalar, eləcə də SOCAR-ın “upstream”, “midstream” və “downstream” fəaliyyət istiqamətləri barədə təqdimatları dinləyəcək, müzakirələrdə və sahə turlarında iştirak edəcəklər.

Daha ətraflı: ⤵️

🔗 (AZ) https://socar.az/az/post/enerji-dialoqu-platformasi-tesebbusu-cercivesinde-genc-media-numayendeleri-ucun-silsile-melumatlandirma-sessiyalarina-start-verilib

🔗 (EN) https://socar.az/en/post/enerji-dialoqu-platformasi-tesebbusu-cercivesinde-genc-media-numayendeleri-ucun-silsile-melumatlandirma-sessiyalarina-start-verilib

🌍 5 iyun 2026-cı il tarixində Heydər Əliyev Mərkəzində Ümumdünya Ətraf Mühit Gününə həsr olunmuş beynəlxalq tədbir çərçi...
08/06/2026

🌍 5 iyun 2026-cı il tarixində Heydər Əliyev Mərkəzində Ümumdünya Ətraf Mühit Gününə həsr olunmuş beynəlxalq tədbir çərçivəsində “Metan Emissiyalarının Azaldılması üçün Birgə Fəaliyyət: Kənd Təsərrüfatı, Enerji və Tullantıların İdarə Edilməsi üzrə Həllər” (Joint Action for Methane Reduction: Agriculture, Energy and Waste Solutions) mövzusunda xüsusi sessiya keçirilib.

Sessiyada SOCAR-ın “Ətraf mühit ilə bağlı məlumatların açıqlanması və əlaqələrin idarə edilməsi Departamenti”nin rəisi Mustafa Qurbanlı çıxış edib.

Çıxış zamanı SOCAR-da ətraf mühitin mühafizəsi, enerji keçidi və dekarbonizasiya istiqamətində həyata keçirilən fəaliyyətlər, aşağı karbonlu layihələr və emissiyaların azaldılmasına dair strateji hədəflər barədə məlumat verilib. 🌱

Eyni zamanda, beynəlxalq təşkilatlar və təşəbbüslərlə əməkdaşlıq çərçivəsində görülən işlər və metan emissiyalarının azaldılması sahəsində birgə fəaliyyətin əhəmiyyəti vurğulanıb.

SOCAR-ın minifutbol komandası 5 - 7 iyun 2026-cı il tarixlərində Mərakeş Krallığının Kasablanka şəhərində keçirilən III ...
07/06/2026

SOCAR-ın minifutbol komandası 5 - 7 iyun 2026-cı il tarixlərində Mərakeş Krallığının Kasablanka şəhərində keçirilən III Dünya Korporativ Oyunlarında tarixi uğura imza ataraq turnirin qalibi adını qazanıb.

7 iyun tarixində keçirilmiş final görüşündə əzmkar oyun nümayiş etdirən SOCAR komandası futbol ölkəsi kimi tanınan Mərakeşin ən böyük media qurumlarından birini təmsil edən “Le Matin” komandası üzərində 1:0 hesabı ilə qələbə qazanıb.

Bu qələbə sayəsində SOCAR komandası 54 komandanın iştirak etdiyi turniri məğlubiyyətsiz başa vuraraq bu idman növü üzrə Dünya Korporativ Oyunlarının qalibi adını qazanan və kuboka sahib olan ilk Azərbaycan komandası kimi də tarixə düşüb.

Qeyd edək ki, komandamız Oyunlarda Azərbaycan Respublikası Gənclər və İdman Nazirliyi, AFFA və Azərbaycan Minifutbol Federasiyası tərəfindən təşkil olunan, Ulu Öndər Heydər Əliyevin xatirəsinə həsr edilən dövlət qurumları arasında keçirilən IV minifutbol turnirinin qalibi olaraq iştirak edib.

Bu münasibətlə SOCAR komandasının bütün üzvlərini ürəkdən təbrik edir, gələcək yarışlarda yeni nailiyyətlər arzulayırıq!

🌿 5 iyun – Ümumdünya Ətraf Mühit Günüdür.Ətraf mühitin qorunması, təbii resurslardan məsuliyyətli istifadə və ekoloji ta...
05/06/2026

🌿 5 iyun – Ümumdünya Ətraf Mühit Günüdür.

Ətraf mühitin qorunması, təbii resurslardan məsuliyyətli istifadə və ekoloji tarazlığın təmin olunması dayanıqlı gələcəyin formalaşdırılmasında mühüm rol oynayır.

ekoloji məsuliyyət prinsiplərini rəhbər tutaraq enerji səmərəliliyi, dekarbonizasiya və dayanıqlı gələcək naminə həyata keçirilən təşəbbüslərə töhfə verməyə davam edir.🌍

Address

Heydər Əliyev Prospekti 121, SOCAR Tower
Baku
AZ1029

Telephone

+994125210000

Website

Alerts

Be the first to know and let us send you an email when SOCAR posts news and promotions. Your email address will not be used for any other purpose, and you can unsubscribe at any time.

Contact The Business

Send a message to SOCAR:

Shortcuts

Share

Category