“NORM” ASC şirkəti 2006-cı ildə təsis edilmiş, 2008-ci ildən isə Sement Zavodu layihəsinin həyata keçirilməsinə start vermişdir. Hazırda “Norm Sement Zavodu” adı altında inşa edilmiş və artıq istismara verilmiş bu zavod Cənubi Qafqazın Xəzər regionunun ən iri sement istehsalçısıdır. Zavodun əsas texnoloji avadanlıqları Avropa ölkələrinin ən qabaqcıl şirkətləri tərəfindən təchiz edilmişdir. Zavodun
günlük sement istehsal gücü 5 min ton, illik istehsal gücü ise 2 mlilyon tondur. NORM Sement Zavodu ümumilikdə 8 növ sement istehsalı və satışını planlaşdırır. Hazırda, zavod CEM II/ A-P 32.5 R, CEM II/ B-L 32.5 R və CEM II/A-P 42,5 R markalı sement növlərinin istehsalını həyata keçirir. Bundan əlavə, Azərbaycanda ilk olaraq API (American Petroleum Institute) standartlarına uyğun quyu-tamponaj sementinin istehsalı şirkətin əsas hədəflərindən biridir.
“NORM” öz fəaliyəti boyunca üç faktoru vacib hesab edir: ölkə iqtisadiyyatının inkişafına xidmət etmək, əhalinin yüksək keyfiyyətli məhsul ilə təmin edilməsi üçün çalışmaq, adından da göründüyü kimi ətraf mühitin çirklənməməsi üçün normalara və standartlara uyğun fəaliyyət göstərmək.
Şirkətimiz haqqında daha ətraflı məlumatı web-səhifəmizdə əldə edə bilərsiniz: www.norm.az
Norm Sement Zavodunun ünvanı:
Qaradağ rayonu, Ümid qəsəbəsi, Salyan şossesi, Səngərqaya-1 yolu, 7-ci km
Bakı, Azərbaycan
Tel: (+99412) 310 10 10 / Faks: (+99412) 310 10 20