Hassan Toora-Toorow

09/03/2026

Qiimaha shidaalka oo markii h**e maraayay $110+ ayaa hoos usoo dhacay ka dib markii uu Donald Trump uu sheegay in dagaalka Iiraan inuu dhamaaday in badan oo ka mid ah.

Hadda qiimaha Shidaalka benchmark-ka WTI-ga waxaa uu maraayaa $85 halkii Barmiil, halka benchmark-ka Brent uu maraayo $88 halkii Barmiil.

Tolow ganacsatadii Soomaaliyeed ee markii h**e qaaliyeeyay shidaalka hadda ma raqiisin doonaan?!

02/03/2026

Qiimaha shidaalka ayaa bilaabay in uu cirka isku sii shareero.

17/02/2026

Ramadan Mubarak

15/02/2026

Ka sokow shidaalka laga qodayo badda Soomaaliya, waxaa jira shidaal-qodis laga bilaabi doono barriga Soomaaliya.

Inkastoo ujeeddooyin amni dartood looga baaqsaday in si rasmi ah loo magacaabo goobaha dhanka barriga ah ee shidaal-qodista laga bilaabi doono, haddana sida la qiyaasayo, meelo ka mid ah gobolka Shabeellaha Hoose ayaa ka mid ah goobahaasi shidaal-qodista laga bilaabi doono.

Shirkad laga leeyahay dalka Turkiga ayaa ka bilaabi doonta shidaal-qodista, hase yeeshee waxaa ka horreyn doonta dhismaha waddooyinka gobolka Shabeellaha Hoose, gaar ahaan goobaha bartilmaameedka ah ee aagga magaalada Marka.

Ceelashii sahmineed ee h**e looga qoday gobolka Shabeellaha Hoose waxaa ka mid ahaa:

1. Ceelka Qoryooleey-1, oo shirkadda Sinclair ay qodday sannadihii 1960–1961.

2. Ceelka Qoryooleey-2, oo isla shirkadda Sinclair ay qodday sannadkii 1965. Ceelkan wuxuu muujiyay raadad gaas (gas shows).

3. Ceelka Marka-1, oo la qoday sannadkii 1959.

4. Ceelka Baraawe-1, oo isla shirkadda Sinclair ay qodday sannadkii 1963.

5. Ceelka Afgooye-1, oo isla shirkadda Sinclair ay qodday sannadkii 1966. Ceelkan waxaa laga helay gaas dabiici ah.

6. Ceelka Afgooye-2, oo la qoday sannadkii 1984. Ceelkan wuxuu muujiyay raad gaas (gas shows).

7. Ceelka Afgooye-3, oo la qoday sannadkii 1985.

8. Ceelka Mudun-1, oo shirkadda Amoco ay ka qodday meel u dhow magaalada Baraawe sannadkii 1990.

Sidoo kale, waxaa jiray ceelal kale oo sahmineed oo laga qoday gobolka Shabeellaha Hoose, sida ceelasha Dhoobeey-1 iyo Dhoobeey-2.

F.G: Sawirka hoose waxaan ku sameeyay AI, xogta uu xambaarsan yahay maaha mid daqiiq ah.

Hassan Abdullahi Sheikh Abdi ( Hassan Toora-toorow )

20/12/2025

Xilli batroolku uu bilaash ka noqday meelo ka mid ah caalamka.

Horay waligaa ma u maqashay sheekada ku saabsan xilli batroolku bilaash ka noqday meelo ka mid ah Maraykanka? Xitaa arrintu waxay gaartay heer la yiraahdo: "Walaalow, qaado hal barmiil oo batrool ah, annaguna lacag baan kugu dari doonnaa."

Waa sanadkii 2020-ka bishii Abriil 20-keeda.

Hassan Abdullahi Sheikh Abdi ( Hassan Toora-toorow )

16/12/2025

"Petroleum" maaha Shidaal
------------------------------------
Inta badan dadkeennu marka ay maqlaan erayga “Shidaal”, maskaxdooda waxa markiiba kusoo dhacaya batrooliyam (Petroleum) iyo gaas dabiici ah. Hase yeeshee, erayga “Shidaal” macnihiisu intaas wuu ka ballaaran yahay.

Erayga “Shidaal”, sida magaciisu muujinayo, waxa uu tilmaamayaa wax shidma, gubma, ama gubasho sameeya. Luqadaha qalaad waxa uu la micne yahay Fuel (Af-Ingiriisi), الوَقود (Af-Carabi), iyo 燃料 (Af-Shiine).

Erayga 燃料 waxa uu ka kooban yahay laba eray oo kala ah: “燃”, oo ka yimid “燃烧”, laguna micneeyo gubid, iyo "料" oo ka yimid ’’“材料”, oo loola jeedo walax.

Erayga ( الوَقود) gadgadoonka luqadeed ee uu maro waa ( وَقَدَ، يَقِدُ، وُقودًا ) tusaale ahaan
( وَقَدَ الشيءَ يَقِدُه وَقْدًا ووُقودًا: أي أشعلَه وألهبَه ).

Sidaas awgeed, erayadan (Fuel, الوَقود, 燃料) dhammaantood waxay tilmaamayaan walax gubata ama gubasho samaysa si ay u soo saarto tamar ama kul.

Waxyaabaha gubma ee tamar ama kul soo saara waxa ka mid ah: qoryaha ama xaabada, dhuxul dhagaxa, shidaalka bu’eed (nuclear fuel), shidaalka noolaha (biofuel), iyo shidaalka foosilka (fossil fuel) sida saliid dhadhaabeedka (petroleum) iyo gaaska dabiiciga ah, iyo kuwo kale.

Maaddaama erayga “Petroleum” aan si rasmi ah Af-Soomaali loogu turjumin, ama ugu yaraan aan turjumaaddiisu si fiican u faafin, dad badan ayaa u fahmay in erayga “Shidaal” uu si toos ah ula micne yahay “Petroleum”, ama “النفط”, ama “石油”. Hase yeeshee, shidaalku macni ahaan aad buu uga ballaaran yahay petroleum-ka keliya.

Anigu mar aan isku dayay in aan erayga “Petroleum” Af-Soomaaliyeeyo, waxaan u bixiyey “Saliid Dhadhaabeed”. Sababta aan u doortay turjumaaddan waxaad ka akhrisan kartaa qormada aan ku soo lifaaqay qaybta hoose ee faallada.

Hassan Abdullahi Sheikh Abdi ( Hassan Toora-toorow )

13/12/2025

11/12/2025

Hab-sameysanka Batroolka /Nidaam Batrooleedka
(Petroleum System) 3️⃣
------------------------------------‐---

Dhadhaab Kayd(Reservoir Rock/صخر المكمن/储集层)

Dhadhaab Kaydku waa dhadhaab ku astaamaysan in uu leeyahay dulduleelyo (Porous) kaydiya hooraha haaydarokarbooneed iyo astaanta habidda (Permeability) oo aad u sareysa, taa oo iyana u ogolataata hoooraha haaydarokarbooneed in ay ku dhex qulqulaan dhadhaabyada habayaasha ah (Permeable Rocks).

Tayada dhadhaab kaydyadu waxaa lagu jaangooya iyadoo la fiirinaayo astaamihiisa betrofisikeed sida inta ay la egtahay dulduleelka (Porosity) iyo habidda (Permeability). Inta badan, dhadhaab lakabeedyada (Sedimentary Rocks) kaliya ayaa si asaasi ah u leh labadaa astaan, halka dhadhaab shiileedka (Igneous Rocks) iyo dhadhaabyada dhalan-rogan (Metamorphic Rocks) waxay kaliya yeelan karaan labadaa astaan xaalado kooban tusaale ahaan haddii xoogag gilgil (Tectonic forces) ay dhadhaabyada ku keenaan duldilaacyo dabiici ah (Natural Fractures), waxaa dhici karta in dhadhaabyadaasi ay hoy u noqdaan batroolka iyo gaaska.

Maadaamada dhadhaab lakabeedyada kaliya ay si asaasi ah u leeyihiin astaamaha dulduleelka iyo habidda, in ka badan 97% beeraha batroolka (Oilfields) waxay batroolka kasoo saaraan dhadhaab lakabeedyada sida quruurux bataax (Sandstone), dhadhaabyada isku rasoobay (Conglomerate rocks) ， dhadhaab suubaan (siltstone) iyo dhadhaabyada kaarbonaydka (Carbonate Rocks) sida Dhadhaab Dhagax Nuuradeed (Limestone), Dhadhaab Dolomayt (Dolostone) iyo Dhadhaab Tabaashiireed (Chalk).

Ka dib hal-abuuridda teknoolijiyadda jeerar haaydaroolikeed (Hydraulic Fracturing), waxaa suurtagal noqday in batrool iyo gaas laga soo saaro dhadhaabyada dulduloolkooda iyo habiddooduba ay aadka u hoosaysay, sidaasi daraadeed, dhadhaabyadii noqon jiray dhadhaab batrool-beer waxay sidoo kale noqon karaan dhadhaab batrool-kayd tusaale ahaan dhadhaabyada gantaay ama shayl (shale rock). Dhadhaab kaydyada noocaani ah waxaa loo yaqaanaa dhadhaab keydyada aan taqliidiga ahayn (Unconventional Reservoirs).

Kasokow dhadhaab lakabeedka, waxaa jira beer-batrooleedyo batroolka laga soo saaro dhadhaab shiileed, sida beer-batrooleed dalka hindiya ku yaalla oo la yiraahdo Pedra Oilfield, iyo dhadhaabyo dhalan rogan sida Bohai 26-6 Oilfield oo taalla wadanka shiinaha.

Dhadhaab Dade (Caprock/ صخر الغطاء/盖层)

Dhadhaab dadehu waa dhadhaab ma habe ah oo ku daboolan dhadhaab batrool-kaydka. Howsha ugu wayn ee uu dhadhaabkani qabto waa xannibaadda hoornegiyeedka (hydrostatic containment), kaa oo loola jeedo in laga hortago xoogga caabin dareereedka (Buoyancy Force) ee haaydarocarboonnada usii hayaaminaaya dhanka sare ilaa oogada dhulka. Si kale oo ka fudud haddaan u dhigana, howsha ugu wayn ee dhadhaab dadehu waa in uusan siinin marin/ waddo ay ku baxaan haaydarocarboonnada kusoo aruuray dhadhaab batrool-kaydka.

Haddii dhadhaab dadehu uu dilaaco, batroolka waxaa uu usii hayaami doonaa dhanka sare ilaa uu oogada dhulka usoo baxo. Muuqaal-dhacdada (Phenomenon) uu batroolka qaabkan kusoo gaaraayo oogada dhulka waxaa loo yaqaanaa Siimow-Batrooleed (Oil Seep).

Dhadhaabyada noqon kara dhadhaab dade waxaa ka mid ah; dhadhaab milxeed (Salt Rock), Jibsan (Gysup), dhadhaab doobeed (Mudstone), dhadhaab gantaay/Shayl (Shale Rock) iyo dhagax- nuureedyada adag (Tight Limestone).

Hassan Abdullahi Sheikh Abdi ( Hassan Toora-toorow )

10/12/2025

10/12/2025

Hab-sameysanka Batroolka /Nidaam Batrooleedka
(Petroleum System) 1️⃣
------------------------------------‐-----

Nidaam batrooleedku waa qaabka ay ku sameysmaan keydadka shidaalka(petroleum Reservoirs). Keyd shidaalku waa goobta oogada dhulka aad uga hooseeysa lehna astaamaha dul-duleelka (porosity) ama dhul-qararka(Fracture) iyo gudbinta (permeability), halkaa oo ay ku uruureen xaddi batrool ah.

Si uu u sameysmo keyd-batroolku waxaa lagama maarmaan ah in la helaa dhadhaab batrool-beer (Source Rock), dhadhaab keyd (Reservoir Rock), dhadhaab dade (Cap Rock), dhabbe hayaan (Migration pathway), dabin (Trap), qaangaarnimo (Maturation) iyo ammin (Timing). Haddii mid ka mid ah la waayo waxaa adag in la helo keyd shidaal taqliiddi ah (conventional reservoirs).

Keydadka shidaal ee aan taqliidiga aheyn (Unconventional Reservoirs) waa uu sameysmi karta iyadoo aanan la wada helin shuruudaha aan kor kusoo xusay tusaale ahaan hayaan la’aanta batroolka taa oo sabab u ah in batroolku uusan ka tageyn goobta ama dhadhaabka uu markii h**e ba ku sameysmay, taa oo micnaheedu yahay in dhadhaab batrool beerka uu isla isagii noqonaayo dhadhaab keyd.

Kacdoonnada ugu dambeeyay ee sinaacadaan batroolka ka dhaca ayaa ku wajahnaa keydadka noocaasi ah ee aan taqliidiga aheyd. Waxaa lasoo hindisay tiknoolijiyadda lakab dharoor (Hydraulic Fracturing) iyo tiknoolijiyadda qodista ceelal jiif ah (Horizontal wells).

Qormooyinka soo socda ayaan mid mid faahfaahin dheeraad ah kaga bixin doonaa qeybaha hoos taga ee uu ka kooban yahay nidaamka batroolka kuwaa oo kala ah dhadhaab batrool-beer (Source Rock), dhadhaab keyd (Reservoir Rock), dhadhaab dade (Cap Rock), dhabbe hayaan (Migration pathway), dabin (Trap), qaangaarnimo (Maturation) iyo ammin (Timing).

Hassan Abdullahi Sheikh Abdi Hassan Toora-toorow

09/12/2025

Gaas biyeedka dabiiciga ah (Natural gas hydrates)
--‐------------------------------------------------------------------

1.Hordhac

Sida ay sheegayaan tirakoobyo dhowr ah oo la sameeyey in ka badan 80% tamarta ay dunida isticmaasho waxay ka yimaadaan ilaha tamareed ee kala ah batroolka, gaaska iyo dhuxul dhagaxa. Ilahaan tamareed inkastoo ay dunida u fureen albaabada horumarada, haseyeeshee waxay leeyihiin saameyno taban maadaama ay hawada kusii daayaan kaarboon labo oksaayd tira badan taa oo iyaduna keentay isbedelka cimilada iyo sare-u-kaca heerkulka dunida.

Mushkiladda isbedelka cimilada iyo sare-u-kaca heerkulka dunida ayaa sanadahaan dambe waxa uu mowduuc lagama tagaan ah u noqdey shirweyne waliba dunida ka dhacaya.

Si loo xaliyo mushkiladaan caalamiga ah waxaa ay xeeldheerayaasha tamarta ay soo jeedinaayaan talooyin dhowr ah. Mid ka mid ah talooyinkaasi ayaa waxaa ay tahay in la lasoo saaro Gaas biyeedka dabiiciga ah (Natural Gas hydrates) kaa oo noqon kara il tamareed loolan la gali karta il-tamareedyada soojireenka ama taqliidiga ahaa (conventional energy sources) ee kala ah batroolka, gaaska dabiicigaah, iyo dhuxul dhagaxa, kuwaa oo —kasokoow faa’idadooda— dunida kusoo kordhiyey saameynta taban ee aan kor kusoo xusney.

2.Waa maxay Natural Gas Hydrates(NGH)

Sida ay iska garan karaan dadka wax un ka yaqaanna culuumta shidaalka, rugaha uu shidaalka ku uruuro ( oil reservoirs) waxaa ay leeyihiin biyo ku sii baaqi noqdey marka uu shidaalka barabixinaayey biyaha kusii jirey rugta shidaal-uruurka (reservoir) biyahaasi waxaa loo yaqaanaa connate water. Marka biyahaasi ay la midoobaan gaaska dabiiciga ah waxaa meeshaasi ka sameysma iltamareedka aanu maanta falanqeyneyno ee aan ugu yeereyno gaas biyeedka dabiiciga ah (Natural Gas Hydrates).

3.Taariikhda daah ka rogga NGH

Sanadkii 1778kii, seynisyahan la yiraahdo Joseph Priestley isagoo qolka sheybaarkiisa ku dhex sameynaya tijaabooyin cilmiyeed ayuu si aan ku talogal aheyn ku arkey gaaskaan, laakiin maadaama ay ahayd markii ugu h**eysey ee la arko gaaskaan nuucaan ah, iskuma sii taxluujin, magacna uma bixin. Muddo 30 sano ka dib ayaa sidoo kale isla gaaskaan nuucaan ah waxaa heley seynisyahan kale oo la yiraahdo Humphrey Davy, isagaa ayaana u bixiyey magacaan ah natural gas hydrates.

Maadaama intii h**e aragtida gaaskaan uu ku koobnaa sheybaarada cilmiyeed, 1965kii markii ugu h**eysey midowga sowfiyeedka ayaa Siberia ka heley reservoir ay dhex ceegaagaan gaaskaan nuucaani ah. Maalintaasi wixii ka dambeeyey gaaskaan si rasmi ah ayaa loogu dhex arkey goobaha hydrocarbons ka laga qodo, laakiin nasiib darro marna muu noqon iltamareed asaasi ah.

Maadaama hadda ay jirto mushkiladda isbedelka cimilada iyo sare u kaca heerkulka dunida, waxaa lagama maarmaan ah in la raadiyo iltamareed waliba oo aan sii deyneyn kaarboon labo oksaaydka ama ugu yaraan xaddiga ay sii deynayaan uu ka yaryahay xaddiga ay sii daayaan iltamareedyada soo jireenka ah sida batroolka, gaaska iyo dhuxul dhagaxa. Sidaasi daraadeed hadda xeeldheerayaasha culuumta taarta gaas biyeedka dabiiciga ah waxay u tixgelinaayaan inuu yahay iltamareed booskaasi gali karta.

4.Xaddiga Keyd ee NGH

Cirifyada dhulka waqooyi iyo koonfur (north pole and south pole), badaha iyo meelo ka mid ah dhulka qalalanba waxaa laga helaayaa gaas biyeedka dabiiciga ah. Gaaskan keydkiisa guud ee dhulka ku jira (potential reserves) waxaa lagu qiyaasaa ka badan 15 tirilyan oo TOE, halka 1TOE na uu la egyahay qadarka tamarta laga helo marka 1 ton oo shidaalka ah la isticmaalo.
Runtii waa keyd aad u badan, kaliya 20% oo keydkaan ka mid ah haddii lasoo saaro, dunidu waxey isticmaali kartaa 200 oo sano.

Ilaa hadda waxaa la ogaadey in ka badan 230 goobood oo uu ku jiro gaaska nuucaan ah, kuwaasi oo inta badan laga heley cirifyada dhulka iyo badda ( polar region and offsh**e).


5.Halisyada lala kulmi karo.

Marka la qodaayo lakab uu ku jiro gaaskaan nuucaan ah haddii aan laga taxadirin waxaa ka dhalan kara musiibooyin saameeya dhulka, dadka iyo deegaanka. Khataradaasi waxaa ka mid ah dhul gariir, sunaami iyo iney folkaano qaraxdo.

Hassan Abdullahi Sheikh Abdi ( Hassan Toora-toorow )

07/12/2025

Safaynta Batroolka (Oil Refining /تكرير النفط )

Saliidda Cayriin waxa ay ka kooban tahay boqolaal kun oo iskudhisyo isugu jira haayradokarboonno iyo walxo kale oo kiimikeed. Tani waxay keenaysaa in kala duwanaasho xad-dhaaf ah uu ka dhaxeeyo batroolka laga soo saaro labo beer batrooleed (Oilfield) oo kale duwan. Xitaa waxaa suurtagal ah in batroolka ee isla hal beer batrooleed laga soo saaro uu ku kala duwanaado astaamaha. Tani waxay keenaysaa in aan Saliidda Cayriin si toos ah loo isticmaali Karin.

Hannaanka Saliidda Cayriin loogu badalaayo maxsuul si toos ah loo isticmaali karo waxaa loo yaqaannaa Safaynta Batroolka (Petroleum Refining).

Safaynta Saliidda Cayriin waxa ay martaa saddex tallaabo oo kala ah: Xareedayn (Distillation), hannaanada Badalidda (Conversion) oo isugu jira Burburin (Cracking) iyo Dib-u-habayn (Reforming) iyo Hannaanka Nadiifinta (Purification Process) ama waxaa sidoo kale la dhihi karaa Daaweynta/ La-tacaalidda (Treatments).

1) Xareedayn (Distillation / عمليات التقطير)

Si loo isticmaalo shidaalka laga soo saaray gunta hoose ee dhulka waxaa lama huraan ah in shidaalka loo qeybiyo Qeybo (Fractions) iyadoo loo fiirinaayo sida ay isugu astaamo dhow yihiin, lana isticmaalayo heerkul aad u sareeya. Hannaankaan ayaa waxaa loo yaqaanaa Xareedayn.

Saliidda Cayriin waxaa la dhex mariyaa Maraaq (Furnance) heer kulkiisa aad u sareeyo, wuxuuna Saliidda Cayriin u rogaa uumi, ka dibna uumiga ayaa u qulqula Munaaradda Xareedaynta (Distillation Tower), halkaasi ayay ku uumi hooraayaan (Condensation). Maxsuulka Xareedaynta qaybahiisa culus waxay dagayaan qaybta hoos ee munaaradda halka qaybaha fududna ay dagaayaan qaybta sare ee munaaradda.

Maxsuulka kasoo baxaa xareedeynta waa noocyada shidaalka kala ah Neef (Gas), Gasoline, Naphtha, Kerosene, Diesel, Saliidda culus iyo qeybo kale.

Sida la ogyahay qeybta Shidaal ahaan loogu isticmaal badan yahay waa Gasoline. Sidaa daraadeed waxaa aad u fiican in xaddiga Gasoline ee lasoo saaraayo uu aad u bato.

Si loo badiya xaddiga Gasoline-ta waxaa la sameeyaa in rogid ama badalid lagu sameeyo qeybaha kale sida Naphtha-da iyo Saliidda culus. Tallaabadan ayaa waxaa loo yaqaannaa Hannaanada Badalidda (Conversion processes).

2)Hannaanada Badalidda (Conversion processes العمليات التحويلية)

Hannaankani waxa uu u dhacaa in qeybaha Moolikiyuuladoodu uu ka yar yahay ama uu la egyahay lagu sameeyo Dib-u-samayn (Reforming أعادة التكوين), waxaa loo badalaayaa Gasoline. Sidoo kale qeybaha ka culus Gasoline-tana waxaa Moolikiyuulladooda lagu samayn doonaa Burburin (Cracking/التكسير) si ay ula ekaadaan moolikiyuladda Gasoline-ta.

Inkastoo Qaybaha (Fractions) kala duwan ee Shidaalka la isu raaciyay sida ay isugu astaamo dhow yihiin, haseyeeshee, wali si toos ah looma isticmaali karo. Waayo waxaa wali Kujira curiyayaal iyo iskudhisyo waxyeello u geysan karo mashiinnada lagu shubo shidaalka ama deegaanka lagu dhex isticmaalo. Taa oo macnaheedu uu yahay shidaalkaasi inuusan wali caafimaad qabin oo uu baahan yahay in la daaweeyo ama la la-tacaalo. Hannaanka lagu nadiifinaayo shidaalkaasi waxaa loo yaqaanaa La-tacaalid (Treatments).

3) La-tacaalidda (Treatments المعالجات)

La-tacaaliddu waa hannaanka shidaalka looga saaraayo usarrada (Impurities) ku dhex jira ee waxyeellada u geysan karo noolaha, deegaanka iyo mashiinnada sida iskudhisyada Salfarka, Nirogen-ta iyo Oxygen-ka, noocyo bir ah, biyo cusbo iyo haaydarokarboonnada ma dharagsanayaasha ah.

Marka la la-tacaalo ka dib waxa la isku darayaa inta isleh oo isku u jeeddo loo isticmaalo, sidaasi ayaana lagu suuqgeeyaa.

Hassan Abdullahi Sheikh Abdi ( Hassan Toora-toorow )