16/03/2026
Team J**O ta yega Kòrsou despues di un partisipashon eksitoso na St. Maarten Heineken Regatta
Despues di un partisipashon eksitoso na St. Maarten Heineken Regatta, e tim di bela internashonal, Team J**O, a yega Kòrsou diabierne 14 di mart ultimo.
E tim, ku ta konta ku sosten di Janssen de Jong Group, a mustra prestashon fuerte durante un di e evento di bela mas grandi i prestigioso den region di Karibe.
Team J**O ta nabega ku un VO65 (Volvo Ocean 65), un yate di kompetensia offshore di prestashon haltu ku ta wordu husa mundialmente den kompetensianan grandi riba laman. Ku e tipo di boto aki, e tim ta partisipá den kompetensia offshore internashonal i evento di bela prestigioso, manera The Ocean Race VO65 Sprint Cup i diferente Regatta internashonal.
Despues di e Regatta na Sint Maarten, Team J**O ta sigi ku nan programa na Kòrsou, kaminda relashonnan di Janssen de Jong Caribbean i su empresanan ruman, Betonindustrie Brievengat, Curaçaose Wegenbouw Maatschappij i Mijnmaatschappij Curaçao, a haña e oportunidat pa eksperensiá un trip úniko rond di Kòrsou riba e boto di bela aki.
“Nos ta orguyoso ku Team J**O, despues di nan partisipashon eksitoso na St. Maarten Heineken Regatta, awor a yega Kòrsou. Ta un bon oportunidat pa eksperensiá e isla for di laman huntu ku nos relashonnan, i mesora sinti e forsa di teamwork i kolaborashon internashonal,” segun Kurt Verbist, Direktor General di Janssen de Jong Caribbean.
E bish*ta di Team J**O ta mustra e relashon fuerte entre Janssen de Jong Groep i su aktividatnan den region di Karibe.
