Aqualectra Utility

Aqualectra Utility Curacao Water & Power Company

Konstruyendo energia pa futuro: Aqualectra ta yega punto di mas haltu den konstrukshon di Salu Power Plant.
05/06/2026

Konstruyendo energia pa futuro: Aqualectra ta yega punto di mas haltu den konstrukshon di Salu Power Plant.

05/06/2026

Trabounan na nos planta nobo di koriente, Salu Power Plant, ta den ful swing i nos ta yegando na un punto importante den e proseso di konstrukshon.

Den e vidio akí, Renaldo de Oliveira ta splika un tiki mas tokante progreso den trabounan riba e planta di koriente. Na momentu di e grabashon ya tabatin 2 di e motornan grandi di Wärtsilä instalá riba e planta i tabata falta solamente 2 mas pa keda instalá. Kada motor ku kapasidat di 10 MW. Na e momentunan akí, tur 4 motor ta na nan lugá den e ‘Engine Hall’ di Salu Power Plant.

Tambe nos a kòmbersá ku Jeffreyson Paris i e ta splika ku konstrukshon di e 'Engine Hall' ta yegando su punto di mas haltu. Salu Power Plant ta bai oumentá nos kapasidat di produkshon ku un total di 40 MegaWatt (MW). Segun plan, nos ta spera ku pa fin di e aña akí e promé kWh por sali for di Salu Power Plant pa bo kas i negoshi.

Ku kada paso, Aqualectra ta dal un stap mas serka di nos kompromiso pa brinda abo servisio konfiabel, pagabel i duradero. Salu Power Plant ta parti di nos esfuersonan pa fundamentalmente sigui sirbi abo.

Si bo a pèrdè nos vidionan anterior tokante desaroyonan di Salu Power Plant, bo por wak nan via e siguiente lenknan:
Promé Video: https://www.facebook.com/share/v/1D9EAUaaBw/
Di dos Video: https://www.facebook.com/share/v/1CnMuoFhxU/

[𝐀𝐭𝐞𝐧𝐬𝐡𝐨𝐧] Inspekshon i mantenshon kontinuo ta nesesario pa salvaguardá suministro di awa i koriente. Tene kuenta ku tra...
05/06/2026

[𝐀𝐭𝐞𝐧𝐬𝐡𝐨𝐧] Inspekshon i mantenshon kontinuo ta nesesario pa salvaguardá suministro di awa i koriente. Tene kuenta ku trabounan di mantenshon den e áreanan indiká den e post aki, riba e dia i na e orarionan menshoná. Danki di antemano pa bo komprenshon.

Pa mas informashon subi nos wèpsait: https://www.aqualectra.com/interruptions

Atenshon na habitante i outomobilistanan ku ta trafiká den área di Kaminda San Sebastian na St. Willibrordus.Porfabor tu...
30/05/2026

Atenshon na habitante i outomobilistanan ku ta trafiká den área di Kaminda San Sebastian na St. Willibrordus.

Porfabor tuma nota di trabounan riba nos ret ku ta bai tuma lugá den bo bario/besindario. Kada paso, ku e promesa pa fundamentalmente sigui sirbi abo.

30/05/2026

Djaweps, 28 di mei, Aqualectra huntu ku Gobièrnu di Kòrsou ofisialmente a inougurá dekorashon di “Ola Blou di Lus” den Punda i Otrobanda. Ku esaki a duna inisio na e 'Blue Nation' selebrando e logro históriko di nos partisipashon na Mundial 2026!

For di adorno di lus i dekorashonnan den Punda i Otrobanda, vèltnan di futbòl na miniatura te na e pantayanan grandi ku ta pasa video di momentunan krusial di nos ruta pa yega mundial, nos sentro di siudat ta kla pa trese nos komunidat huntu den un ambiente úniko. Manera nos CEO di IUH sra. Neysa Isenia a suprayá, e kompromiso ta pa keda aportá na momentunan manera esaki ku ta trese nos komunidat huntu. Sra. Isenia a hasi un yamada na nos pueblo pa semper sigui soña den grandi. Klasifikashon di nos ekipo nashonal pa mundial ta prueba ku un isla chikí uní por logra tur kos.

Aqualectra ta invitá henter komunidat di Kòrsou pa bini huntu ku famia i disfrutá di e ambiente úniko akí den nos sentro di siudat. Tur hende ta bon biní pa hunga futbòl riba e vèltnan i diferente wega òf djis sinta huntu i forma un ambiente, sea riba Plasa Brion òf Plasa Wilhelmina.

Un petishon ta bai pa huntu nos kuida e dekorashon i lusnan i krea rekuerdonan bunita di e temporada di Mundial akí ku pa nos nashon ta algu históriko.

Adres

Pater Eeuwensweg 1
Willemstad
NONE

Openingstijden

Maandag 08:00 - 16:00
Dinsdag 08:00 - 16:00
Woensdag 09:00 - 16:00
Donderdag 08:00 - 16:00
Vrijdag 08:00 - 16:00

Website

Meldingen

Wees de eerste die het weet en laat ons u een e-mail sturen wanneer Aqualectra Utility nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact

Stuur een bericht naar Aqualectra Utility:

Snelkoppelingen

Delen

Type