28/06/2021
« ناس بكري قالوا »
ثلاثة عدياني : عيني و وذني و لساني كون ما جوش هوما
نروح لقبري هاني ..
ثلاثة يربحو: النعجة و العويجة و النحل ايلا جا .. ( العويجة تعني السنبلة)
ثلاثة من الجنون: الرايح للسوق بلا مال و الرايح للبير بلا حبال و الجالس وسط الجماعة و ما دارش البال..
الزين للنساء والنساء لخيرة الرجال ..
والرجال للمحنة والمحنة لي قدر عليها ..
ماتخالط ما تقول انا الغالط ..
ماتعاشر النحل ما تشكي من لسعاتو ..
زين النساء في السترة ..
والراجل يتقاس بالهدرة ..
ومتحكمش على الناس بالنظرة ..
تحب تشرب الماء صافي شوف مجراه ..
ولا حبيت تحكم لغزال تبع خطاه ..
وعمرك لا تقول كلام وما تعرف معناه ..
لازمك كلام موزون وزيد ثبت معاه ..
لاعينك تصحب اصحب الراجل الفحل كي البارود ديما يخلي الدم يسيل معاه ..
خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم ..
عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا ..
الرجال يبانوا فالشدة وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة ..
خوذ بنت الأصول لعل الزمان يطول بنت الأصول لا تغدر ولا تخون ..
عز الطفلة مع بوها.. ومن غير بوها تتهان، حتى لو كان شيخ القبيلة خوها.. وراجلها ولد السلطان ..
طفلة تسرح بالغنم حفيانة ولا طفلة تشطح بين الرجال عريانة ..
واذا راك خاطب اخطبها على أصلها تكون عرضك ولاتخون
تروح ناس و تجي ناس وتبقى رضاية الوالدين تاج فوق الراس ..
نمشي نمشي و اذا عييت نرتاح المكتوب عليا يجي و لوكان نطير بلا جناح ..
اللي باعك بالفول بيعو بقشورو و اللي نكر الخير ما تقيمو بدورو ..
اللي نساك نساه لاتخمم فيه خليه للعالي يتكفل بيه ..
فمي مغلوق وقلبي صندوق وربي من فوق يخلص لحقوق ..
#تحية من القلب للناس لتفهم لمعاني
