Safe Zone

Safe Zone Contact information, map and directions, contact form, opening hours, services, ratings, photos, videos and announcements from Safe Zone, Alexandria.

Permanently closed.

Safe Zone by Candy Castle
مركز متخصص في:

✔ تعديل السلوك
✔ صعوبات التعلم والتخاطب
✔ الإرشاد النفسي والأسري
✔ تأهيل ذوي الهمم ودورات تدريبية

📍 بيئة آمنة، دعم احترافي ،نتائج ملموسة.

لأن كل طفل جواه موهبة تستحق الفرصة❤️في Safe Zone بنساعد أطفالنا يكتشفوا نفسهم، يتعلمواويستمتعوا في مكان آمن ومليان طاقة ...
15/05/2026

لأن كل طفل جواه موهبة تستحق الفرصة❤️

في Safe Zone بنساعد أطفالنا يكتشفوا نفسهم، يتعلمواويستمتعوا في مكان آمن ومليان طاقة إيجابية.

ومعانا طفلك هيتعلم كل يوم مهارة جديدة، وكل خطوة هى طريق بيبني ثقة أكبر.

⏰ المواعيد يوميًا من 7 ص لـ 2 م
ويوجد استضافات حتى 8 م

📌الاشتراك الشهري: 1500 جنيه
(شامل الأدوات والخامات)

📍العنوان : ميدان كايرو أمام سوبر ماركت الشندويلي – عمارة رقم 6

📞 للحجز والاستفسار:
01559881108
01227661049

لو الإحساس بالذنب بقى جزء متكرر من يومك،فالمشكلة مش في إنك بتغلطي المشكلة في طريقة تفسيرك للغلط.علشان كده، جمعنا ليكي بع...
11/05/2026

لو الإحساس بالذنب بقى جزء متكرر من يومك،فالمشكلة مش في إنك بتغلطي المشكلة في طريقة تفسيرك للغلط.

علشان كده، جمعنا ليكي بعض الخطوات دي اللي تقدري تتغلبي بيها على المشكلة.

1) افصلي بين “الحدث” و“حكمك على نفسك”
الموقف ممكن يكون محتاج تعديل، لكن ده ما يعرفش أنتي مين كأم.
بدل ما تقولي "أنا فشلت"، اسألي: "إيه اللي حصل؟ وإيه أتعلمه منه؟"

2) راقبي صوتك الداخلي.
الطريقة اللي بتكلمي بيها نفسك بتأثر على طاقتك وسلوكك.
حولي النقد القاسي لنقد هادي فيه فهم: "أنا كنت مضغوطة، وأقدر أتصرف بشكل أحسن المرة الجاية".

3) وسعي منظورك للموقف.
مش كل حاجة ليها سبب واحد.
سلوك الطفل ممكن يكون بسبب تعب، جوع، أو ضغط مش دايمًا بسببك.

4) ادي لنفسك مساحة استعادة.
الراحة مش رفاهية، دي إعادة شحن.
حتى دقائق هدوء بسيطة بتفرق في طريقة تعاملك بعد كده.

5) ركزي على التراكم مش اللحظة.
التربية مش موقف واحد، دي رحلة طويلة.
موقف صعب مش معناه إنك أم سيئة، زي ما موقف حلو واحد مش معناه كمال.

6) تقبلي إن “الكفاية” أفضل من “المثالية”.
محاولة الوصول للكمال بتزود الضغط،
لكن الاكتفاء إنك “بتحاولي بوعي” هو اللي بيخلق توازن حقيقي.

في النهاية:
تأنيب الضمير مش دايمًا عدولكن لو زاد عن حده، بيستهلكك بدل ما يطورك

بلاش شاشات وخلينا في الاختراعات.🧑‍🍳دايماً بنحتار نودي الولاد فين في الإجازة ؟علشان كدا في Safe Zone، قررنا نخرج طاقتهم ف...
09/05/2026

بلاش شاشات وخلينا في الاختراعات.🧑‍🍳

دايماً بنحتار نودي الولاد فين في الإجازة ؟

علشان كدا في Safe Zone، قررنا نخرج طاقتهم في حاجة مفيدة، ممتعة.

وبنقدملكم ورشة "الجلاش" مش مجرد طبخ، دي تجربة بتعلم طفلك المشاركة والثقة لما يشوف نتيجة تعبه.

كل ده في مكان آمن وتحت إشراف فريق من المركز. ❤️

📍 المكان: ميدان كابو - أمام سوبر ماركت الشندويلي.

📅 المعاد: الخميس 14 مايو - الساعة 3 عصرًا.
سعر الورشة: 50 جنيه.

للحجز والاستفسار: 01559881108

08/05/2026

من فعاليات ورشة طبخ كب كيك ❤️🧁🧁

بدل الروتين اليومي جربي نشاط جديد ومختلف لطفلك.علشان كدا عملنا ورشة طبخ كب كيك للاطفال.💙طفلك هيبدع ويختار تزيينه بنفسه ي...
03/05/2026

بدل الروتين اليومي جربي نشاط جديد ومختلف لطفلك.

علشان كدا عملنا ورشة طبخ كب كيك للاطفال.💙
طفلك هيبدع ويختار تزيينه بنفسه يخرج طاقته في حاجة مفيدة وممتعة.

الورشة مش بس لعب دي تجربة تخلي الطفل يقول: أنا عملت ده بإيدي💪

📅 معاد الورشة:الخميس 7 مايو الساعة 3 مساءً

📍 العنوان:الحضرة- امام سوبرماركت شندويلي عمارة 6

📩 ابعتيلنا دلوقتي واحجزي مكان لطفلك قبل ما يكمل العدد
📞 للحجز والاستفسار: 01559881108

تأنيب الضمير عند الأمهات طبيعي ولا محتاج وقفة؟كم مرة في اليوم بتقولي لنفسك هو أنا قصرت أو يمكن أنا السبب ؟الإحساس ده بقى...
30/04/2026

تأنيب الضمير عند الأمهات طبيعي ولا محتاج وقفة؟
كم مرة في اليوم بتقولي لنفسك هو أنا قصرت أو يمكن أنا السبب ؟

الإحساس ده بقى جزء من يوم كتير من الأمهات،وسط ضغط المسؤوليات ومحاولة إن كل حاجة تبقى مظبوطة.
لكن الحقيقة إنك مش محتاجة تكوني أم مثالية،إنتي محتاجة تكوني أم واعية وبتحاول 💛

بتغلطي أحيانًا، وبتتعبي وده طبيعي جدًا،المهم إنك بتراجعي نفسك وبتتعلمي كل يوم.
علشان كده حاولي تقللي القسوة على نفسك،وفرقي بين الخطأ الطبيعي وبين الإحساس المبالغ فيه بالذنب.
خدي لحظة هدوء،وفكري إيه ممكن يتظبط المرة الجاية بدل ما تلومي نفسك.

وادي لنفسك حقها في الراحة،
لأن الأم المرهقة صعب تدي أفضل ما عندها.

افتكري دايمًا طفلك مش محتاج أم كاملة قد ما محتاج أم حنونة.

ولو الإحساس ده بيتكرر عندك ،في البوست الجاي هنتكلم عن خطوات بسيطة تساعدك تتعاملي مع تأنيب الضمير بشكل أهدى 💛

ليه طفلك بيقول "لأ" طول الوقت؟كتير من الأهالي بيعتبروا كلمة "لأ" نوع من العناد أو قلة السمع، لكن الحقيقة إن الطفل في مرا...
28/04/2026

ليه طفلك بيقول "لأ" طول الوقت؟

كتير من الأهالي بيعتبروا كلمة "لأ" نوع من العناد أو قلة السمع، لكن الحقيقة إن الطفل في مراحل كتير من نموه بيبدأ يستخدم الرفض كوسيلة للتعبير عن شخصيته واستقلاله.

لما الطفل يقول "لأ"، هو مش دايمًا بيعارضك، أحيانًا هو بيحاول يقول:
"أنا عندي رأي"
"أنا عايز أختار"
"أنا محتاج أفهم"
وهنا بيكون دورنا إننا نوجه، مش ندخل في صراع مستمر.

🟥طيب إزاي هنتعامل بشكل صحيح؟

أولًا
ادي له مساحة بسيطة للاختيار، زي اختيار الملابس أو اللعبة، لأن الإحساس بالتحكم بيقلل الرفض المستمر.

ثانياً
حافظي على هدوئك، لأن العصبية بتزود التحدي بدل ما تحل المشكلة.

ثالثاً
كوني واضحة وثابتة في القواعد، لأن الطفل يحتاج حدود واضحة يشعر معها بالأمان.

رابعاً
بلاش تحويل كل موقف لمعركة، أحيانًا التجاهل الذكي بيكون أفضل من الجدال.

وخليكي دايما عارفة أن كلمة "لأ" مش دايما مشكلة، أحيانًا هي علامة على أن طفلك بيكبر ويتعلم ازاي يكون له رأي وشخصية مستقلة.💙

Address

Alexandria

Website

Alerts

Be the first to know and let us send you an email when Safe Zone posts news and promotions. Your email address will not be used for any other purpose, and you can unsubscribe at any time.

Shortcuts

Share