AMB tools co.

08/04/2026

08/04/2026

‼️اخييرا رجع المنتج اللي مشهورين بيه الفريزة كربيد!!
✅متوفر لدينا جميع الاشكال مقاسات 6مم 8مم 10مم 12مم اكس 6مم
✅ متوفر اكس 3مم
✅متوفر single cut , double cut
✅متوفر فريزة مخصوصة للالونيوم خطوة واسعة

اسال عن عروض الكميات ‼️

الاستخدام
لو عايز تشيل زيادات اللحام
لو عايز تنظف اي رايش لازق
تنظيف جميع الاماكن صعبة الوصول

09/09/2025

تم اضافة اندميلات و فريزة و مبروم كربيد و فصوص كربيد جميع المقاسات

We are delighted to welcome you to our website, where all of your desired products can be found. We are specialists in cutting tools, power tools, and every machinist’s needs.

17/09/2024

الأسبوع ده حنتكلم ان شاء الله على استخدامات الفصوص في الخراطة
اول حاجة عملية الخراطة الخارجية و استعدال الوجهة او الفاسينج دول بنستخدم غالبا الفصوص من نوع C
زاوية الفص 80 درجة و الهولدر الأفضل ليها يكون بزاوية دخول 95 درجة او 93 درجة لو مش موجود فالبديل للفص حيكون ال
D او W
تاني عملية لو انا بعمل شكل معين في زاوية ومنحنيات فالافضل اني اشتغل بفصوص D او V
الاتنين دول زوايا الفص 55 درجة و30 درجة و دول حيبقوا احسن لو انا عندي زوايا مختلفة في الشغل و الهولدر المستخدم يكون زاويته 93 افضل
طبعا دول الحاجات المهمة او الاستخدامات اللي دائما مفيش غنى عنها يعني لو انت عايز تبدا جديد او لسه بتأسيس فانت محتاج 3 أنواع أساسية ممكن يتلخصوا لنوعين بس الأفضل التلاتة
C و Dو V
الحاجات البديلة و اللي ممكن تكون بنعمل نفس الشغل بس ال
دول ممكن يكونوا بديل بس ال C تعتبر اكثر شمولا S و Wو T
الاختلافات حتكون في الزوايا و عدد الحدود القاطعة المستخدمة عشان تنجز الشغل
وطبعا R عشان لو محتاج تعمل جيب في الشغلة والزاوية تبقى منحنية
الخراطة الداخلية بنستخدم نفس الحاجات بضبط بس زيادة عليها عملية البورينج او التوسعة بنستخدم فيها فص من نوع
T المثلث و في الحالة ديه الهولد بيبقى بزاوية 90 درجة على الشغلة
ممكن بردو نشتغل بانواع فصوص تانية بس ده الاحسن

27/08/2024

الأسبوع ده حنتكلم على فصوص الخراطة وأنواعها و نفهم الكود و الرموز بتاعتها
أولا الكود بيتكون من 4 حروف و3 ارقام حنتكلم مبدايا على ال 4 حروف بالترتيب ان شاء الله
- اول حرف ده بيحدد شكل الفص والزاوية بتاعته وهنا عندنا اشكال مختلفة و زواية مختلفة كل ما كانت الزاوية اكبر كل ما كان احسن اني استخدمه في اني اشيل اكتر من الشغلة و الزواية الصغيرة غالبا للفينش و الصورة الأولى بتوضح الاشكال و الرموز

- تاني حرف بيحدد حاجة اسمها زاوية الخلوص يعني الفص ده عدل ولا فيه ميل و الميل ده بكام و هنا في 3 حروف أساسية و الصورة التانية بتوضح ده
N زاوية الخلوص ب صفر يعني الفص عدل و ده اهم حرف
C زاوية الخلوص هنا ب 7 درجات و ده تاني اهم حرف
B زاوية الخلوص هنا ب 5 درجات

- تالت حرف بيرمز للسماحيات في الفص
و هنا في اربع حروف اكثرهم استخدما و اهمهم هو ال M

- رابع حرف و ده بيعبر عن فص ده بيشتغل بكام جنب الموضوع ليه ابعاد تانية في الجزء اللي بيكسرالرايش و شكل مسمار التثبيت وتالت صورة بتوضح ده
انا حعرض عليكم الصورة للفهم الحروف و شكلهم و اكتر حرفين مستخدمين هما G و T

-- ندخل على الأرقام اول رقم ده بيعبر عن طول الفص من الحد القاطع للحد القاطع اللي بعده على طول

-- تاني رقم بيعبر عن تخانه الفص في معلومة مهمة هنا ساعات علبة الفصوص في الجزء ده بيبقى مكتوب حرف و رقم في الحالة ديه معناها انه اكبر من الرقم اللي بعده بحاجة بسيطة يعني مثلا لو مكتوب
T3 معناها تخانة الفص اكبر من ال 3 ملم و اصغر من ال4 ملم

-- اخر رقم بيعبرعن نصف قطر الحد القاطع للفص و رابع صورة بتوضح ده و لو الرقم مثلا 04 يعني نصف قطر الحد القاطع 0.4 ملم في حاجة هنا مهمة و هى ان لازم عمق القطع يبقى اكبر من نصف القطر ده
فعشان كدة نصف القطر القليل للفينيش 04
08 ده اكتر مقاس شغال عشان متوسط و شامل
12 ده لو انا عايز اشيل كتير من الخامة بتاعتي

12/08/2024

الأسبوع ده حنتكلم على الخراطة TURNING
قبل منبدا في موضوع الخراطة واختيار الفصوص المناسبة و الأقلام لازم بس نبدأ ببعض المفاهيم في موضوع الخراطة
في البداية عشان تحصل عمليه القطع لازم يكون في 3 عناصر مهمة وهي أداة القطع والخامة اللي حتقطع فيها طبعا والأهم من ده كله الحركة النسبية بين أداة القطع والشغلة.
اول حاجة عندنا بتأثر على عملية الخراطة بشكل مباشر هي سرعة دوران الظرف N ودية بتناظرها سرعة خطية VC
و تاني حاجة مهمة هي التغذية FEED
وحركة التغذية ديه مهمة جدا في تحديد خشانة السطح و بتتحسب ب مم في اللفة يعني انت بتشيل كام مم في اللفة الواحدة و ديه طبعا حركة خطية لاداه القطع و ليها اتجاهين حسب انت شغال خراطة طولية ولا عرضية على محور دوران الظرف (في حالة بتعمل استعدال وجه الشغلة مثلا)
تالت حركة مهمة هي عمق القطع في الوجهة الواحد يعني مثلا انا المفروض حشيل 10 مم حشيلهم على كام مرة مع العلم اني بيبقى ليا حدود معينة حسب الخامة و الفص المستخدم و حنعرف ده بعدين
التلات حركات دول بياثروا تاثير مباشر على عملية القطع و الفص المستخدم يعني مثلا
كبيرة يعني عدد لفات اكتر يعني فص يتاكل بسرعة و حرارة عالية جدا و سطح غير جيد N
و لو قلت جدا ده إنتاجية اقل
تاثيرها اقل على الفص من سرعة الدوران لكن لو عالية حتعمل تاكل للفص و بردو سطح مش جيدF
ولو قلت جدا حتعمل اهتزازات و إنتاجية اقل بردو
ونفس الكلام بردو على عمق القطع
دول عوامل أساسية قبل منعرف أنواع الفصوص و كل فص احسن يشتغل في ايه