04/10/2024
♦ قولي يا سيدي ناوي تدخل مدرسة ايه ان شاء الله ؟؟
✧ نويت يا بابا بإذن الله وبعد موافقة حضرتك طبعا ادخل مدرسة المعلمين العليا
✦المعلمين العليا ؟! لازم تعرف ان المدرسة دي من النادر انك تلاقي فيها ولاد ناس طيبين ثم ان مهنة المعلم مهنة
تعــيسة وغير محــترمة، هاتلي عيلة محترمة ترضى تجوز بنتها لواحد معلم !! .. بقى فؤاد ابن جميل الحمزاوي اللي بتديله بِدلك القديمة يدخل مدرسة الحقوق وانت عايز تطلعلي خوجة !
✧ العلم فوق المال والجاه يا بابا
✦ كلام فارغ ! .. مش قادر أفهم ايه اللي مش عاجبك في الحقوق ؟! مش بتخرج الكبار والوزرا ؟!
✧ انا مبحبش القانون يا بابا
✦ ايه اللي دخل الحب في العلم والمدارس ؟! قولي ياخويا بتحب ايه في مدرسة المعلمين ؟! عايز اعرف ايه إمارات الحسن اللي فتنتك بيها ولا انت من اللي بيحبوا الرمـ. ـامة ؟! اتكلم
✧ مدرسة المعلمين بتدرس علوم جليلة زي تاريخ الإنسان الحافل بالعظات وكمان بتدرس لغة انجليزية
✦ العلم في ذاته لا شيء ، العبرة بالنتيجة .. القانون هيوصلك لوظيفة محترمة لكن التاريخ والمواعظ اخرتهم حتة
مدرس بائــس
✧ في الواقع يا بابا العلوم ليها تقدير كبير في الأمم الراقية ، النوابغ في أوروبا بيعملولهم تماثيل
✦ اللهم طولك يا روح مالنا احنا ومال أوروبا ؟! فيه في بلدنا تمثال اتعمل لمدرس ؟! انت عايز وظيفة ولا عايز تمثال ؟!
✧ انا معنديش رغبة خاصة اني أكون معلم لكن مدرسة المعلمين الطريق الوحيد لثقافة الفكر
✦ هعععععع كلمة الفكر دي جات في غنوة لعبده الحامولي "الفكر تاه اسعفيني يا دموع العين" .. وايه بقى ثقافة الفكر دي يا سيد أمك؟!
✧ البحث عن أصل الحياة ومآلها
✦ أصل الحياة يا روح أمك آدم ، ومصيرها الجنة او النار .. فيه حاجة تانية ؟؟!
♦ قصر الشوق ... ١٩٦٦
تأليف : نجيب محفوظ
