05/09/2026
🧪 Saturation Behavior | نسب التشغيل
إزاي تقدر تحدد نسب تشغيل الزيوت العطرية ❗️
الموضوع بيتحدد بتجربة بسيطة ومنظمة، مش بنسبة ثابتة لكل الزيوت.
الطريقة العملية 🧪
اعمل Graduated Trials لنفس الزيت مع نفس نوع الكحول في تيستر 10 مللي :
10% = 1 جرام زيت عطري و 9 مللي كحول
15% = 1.5 جرام زيت عطري و 8.5 مللي كحول
20% = 2 جرام زيت عطري و 8 مللي كحول
25% = 2.5 جرام زيت عطري و 7.5 مللي كحول
30% = 3 جرام زيت عطري و 7 مللي كحول
35% = 3.5 جرام زيت عطري و 6.5 مللي كحول
40% = 4 جرام زيت عطري و 6 مللي كحول
وتثبت باقي الظروف : نفس الكحول، نفس درجة الحرارة، ونفس وقت التعتيق .
بعد كل تركيز تراقب:
1. Clarity
هل الخليط صافي ولا بدأ يعكّر؟
2. Precipitation
هل فيه ترسيب أو فصل بعد فترة؟
3. Stability
هل بيظل ثابت بعد التخزين، ولا بيظهر عكارة/فصل مع الوقت؟
4. Odor Performance
هل زيادة الزيت فعلًا حسّنت الرائحة والفوحان، ولا وصلت لنقطة الزيادة فيها مش مفيدة؟
5. Saturation Point
أول تركيز تبدأ عنده علامات عدم الذوبان أو عدم الاستقرار هو مؤشر مهم جدًا لنقطة التشبع.
مثال:
لو زيت معين كان صافي ومستقر عند 20% و25%، وبدأ يعكّر عند 30% → يبقى الـ Saturation Point عمليًا حوالين المنطقة دي، ونسبة التشغيل التجارية ممكن تختارها أقل منها بهامش أمان.
الـ Saturation Point مش رقم ثابت للزيت وحده؛ بيتأثر بنوع الكحول، المكونات الموجودة في الزيت، الحرارة، والماء/المذيبات المستخدمة.
مجرد ما توصل لنسبة التشغيل المثالية بتاخد أعلي أداء فوحان و ثبات و تدرج .. أتعب عشان تظبط شغلك صح مفيش حاجة بتيجي سهلة 👌
