ستركشر - Structure

ستركشر - Structure تصميم | تنفيذ | إشراف

15/03/2026

عشان كدة لازم يكون في إشراف على التنفيذ والمقاولين والصنايعية
#تنفيذ #مقاولات #تشطيبات #ستركشر

14/03/2026

توفير أجر مهندس إشراف على التنفيذ نتيجته بتكون أخطاء كارثية
حرّص من المقاول ولا تخوّن
#تنفيذ #مقاولات #مقاولات #ستركشر

05/03/2026

إنتشار استخدام الخراطيم الفليكسيبل في التمديدات الكهربية بقى كبير، لكن استخدامها داخل الحوائط أو الأسقف ممكن يكون خطر.

المشكلة إن الخراطيم دي غالبًا بلاستيك خفيف قابل للاشتعال، ولو حصل حمل زائد على السلك أو قفلة كهربائية ممكن السلك يسخن وتطلع شرارة، وساعتها الخرطوم ممكن يسيح أو يشتعل ويساعد على انتشار النار داخل الحائط.

كمان حمايتها الميكانيكية ضعيفة، فممكن تتضغط أو تتقطع بسهولة مع الوقت.

على العكس، المواسير الكهربائية الصلبة مصممة للتمديدات:
• سمكها أكبر وتتحمل الحرارة.
• كثير منها ذاتي الإطفاء لو حصلت شرارة.
• لا تساعد على انتشار اللهب مثل الخراطيم الخفيفة.

علشان كده الفليكسيبل يُستخدم فقط في التوصيلات القصيرة أو الأماكن التي تحتاج مرونة، لكن لا يُفضل استخدامه في التمديدات الأساسية داخل الحوائط.

الكهرباء لازم تتعمل صح… عشان الأمان قبل أي شيء.

تابع صفحة ستركشر عشان تستفيد وتعرف تريكات التنفيذ بأساليب علمية بسيطة

#مقاولات #انشاءات #تشطيبات #ستركشر

21/02/2026

تثبيت حامل التكييف مش محرد كام مسمار في حيطة… ده حمل ديناميكي لازم يتحسبله صح لأنه شايل:
- وزن الوحدة الخارجية (ممكن يوصل 35–60 كجم حسب السعة)
- إهتزاز مستمر أثناء التشغيل
- أحمال رياح
- إجهاد متكرر مع الزمن
وأي خطأ في التثبيت = خطر سقوط لا قدر الله.

الاشتراطات الصح لتثبيت حامل التكييف:

1️⃣ نوع الحائط
خرسانة مسلحة => أفضل اختيار
طوب مصمت => ينفع بخوابير قوية
طوب مفرغ أو محارة فقط => ممنوع

2️⃣ الخوابير (Anchor Bolts)
يفضل استخدام:
مسامير تثبيت قطر 10 مم أو 12 مم على الأقل
طول لا يقل عن 8–10 سم داخل الخرسانة الصافية
خامة صلب مجلفن أو ستانلس مقاوم للصدأ

3️⃣ عمق التثبيت الفعلي
مش مهم طول المسمار كله
المهم طول الجزء داخل العنصر الإنشائي
لا يقل عن 7–8 سم صافي داخل الخرسانة.

4️⃣ توزيع الأحمال
4 نقاط تثبيت على الأقل
المسافة بين الخوابير تكون كافية (ماينفعش متقاربين قوي)
يفضل مسافة 5 سم على الأقل من حافة الخرسانة

5️⃣ منع الاهتزاز
تركيب ورد عريضة (Washers)
شد متوازن لكل المسامير
التأكد إن الحامل أفقي تمامًا

أخطر أخطاء ممكن نقع فيها:

❌ التثبيت في المحارة
❌ استخدام مسامير خشب
❌ خوازيق بلاستيك رفيعة
❌ عمق تثبيت أقل من 5 سم
❌ تجاهل الصدأ

وخلي بالك الحمل الديناميكي (إهتزاز) أخطر من الحمل الثابت
فلازم معامل أمان مناسب مش “على قد الوزن وخلاص”.

التثبيت الصح = أمان لبيتك وأهلك وجيرانك

تابع صفحة ستركشر عشان تستفيد وتعرف تريكات التنفيذ بأساليب علمية بسيطة

#إنشاءات #مقاولات #تشطيبات #تنفيذ #هندسةمدنية #ستركشر

17/02/2026

وقفت الشغل فورًا… لأن المحارة اتعملت بدون طرطشة!

الموضوع مش تشدد ولا استعراض… الموضوع أصول شغل

الطرطشة تعتبر أهم مرحلة قبل محارة السقف لأنها بتعمل 3 حاجات أساسية:

أولًا: بتزود التماسك
الطرطشة بتعمل سطح خشن يخلي المونة تمسك في الخرسانة كويس… بدل ما تبقى معلقة ومعرضة تقع مع الوقت.

ثانيًا: بتقلل امتصاص الخرسانة للمياه
الخرسانة بتمتص مياه المونة بسرعة… وده بيضعف تفاعل الأسمنت ويقلل قوة المحارة. الطرطشة بتظبط الامتصاص ده.

ثالثًا: بتوزع الإجهادات وبتمنع التشققات
وجود طبقة فاصلة بين الخرسانة والمحارة بيخلي الطبقتين يشتغلوا مع بعض بدون انفصال أو شروخ.

⚠️ المحارة بدون طرطشة ممكن تبان سليمة أول ما تتعمل… لكن غالبًا مشاكلها بتظهر بعد فترة على شكل تشرخ أو سقوط.

الشغل الصح مش بكام متر خلصنا… الشغل الصح هو اللي يعيش سنين بدون مشاكل 👍

لو مهتم تعرف أصول التنفيذ الصح بأسلوب علمي مبسط … تابعنا وهتوفر على نفسك فلوس وإصلاحات كتير.

#انشاءات #مقاولات #تشطيبات

15/02/2026

🔬 علميًا… قوة تماسك المحارة مع السقف بتعتمد على 3 عوامل رئيسية:

✅ أولًا: التماسك الميكانيكي
لازم سطح الخرسانة يكون خشن نسبيًا عشان عجينة الأسمنت تدخل في المسام والتعرجات.
الأسطح الناعمة أو المليانة أتربة وزيوت بتمنع التشابك ده… فالمحارة تبقى معلقة بدون رابط حقيقي.

✅ ثانيًا: الترابط الكيميائي للأسمنت
الأسمنت بيحتاج مياه كفاية عشان يحصل تفاعل الإماهة (Hydration).
لو السقف كان ناشف وسحب المية بسرعة:
المحارة مش هتكمل تفاعلها الكيميائي وبالتالي تضعف مقاومتها ويفشل التماسك.

✅ ثالثًا: الإجهادات الناتجة عن الوزن والانكماش
كل ما سمك المحارة يزيد… وزنها بيزيد ومع الجاذبية بيحصل شد على منطقة الالتصاق.
كمان الجفاف السريع بيعمل انكماش… وده يولد إجهادات بتفصل المحارة عن السقف.

📌 عشان تتجنب ضعف المحارة في السقف لازم تطبق القواعد دي:

🔹 تنظيف السطح من الأتربة والمواد العازلة
🔹 تخشين السقف أو تنفيذ طرطشة قوية لزيادة التماسك
🔹 ترطيب الخرسانة قبل المحارة لمنع سحب المية
🔹 الالتزام بنسب الخلطة الصحيحة
🔹 تنفيذ السمك الكبير على طبقات
🔹 المعالجة بالمياه بعد التنفيذ لتقليل الانكماش وزيادة المقاومة

المحارة القوية مش بتعتمد على مهارة الفرد بس… لكنها نتيجة فهم علم المواد وطبيعة التفاعل بين الأسمنت والخرسانة.

👷‍♂️ تابع صفحة ستركشر تعرف أكتر في الانشاءات تفهم التفاصيل الخفية اللي بتفرق بين شغل شكله مظبوط وشغل قائم على أسس هندسية صحيحة.👌

#انشاءات #مقاولات #تشطيبات

14/02/2026

📌 ليه السوكة في المحارة بتتشرخ أو تتكسر؟

كتير بنلاقي الشروخ بتظهر في سوك الحيطان بعد التشطيب … والسبب إن السوكة تعتبر أضعف نقطة في المحارة للأسباب دي:👇

🔹 لأنها مكان التقاء حيطتين
🔹 الإجهادات والحركة بتتركز عند الركن
🔹 سمك المحارة في الزوايا بيبقى أقل وأضعف

علشان كده بنستخدم زاوية الشبك المعدنية أو اللى بنسميها زاوية فريسبيكو
واللي وظيفتها مش شكل بس… لكنها بتشتغل زي تسليح للمحارة وتعمل الأتي: 👇

✅ بتوزع الإجهادات
✅ بتربط المحارة في الاتجاهين
✅ بتقلل ظهور الشروخ مع الزمن
✅ بتقوي الركن ضد الخبط والاستخدام

⚠️ بس أهم شرط إنها تتركب صح:
لازم تتدفن جوه المحارة وتتغطى كويس بالمونة… مش تتحط على الوش وخلاص.

السوكة دايمًا أول مكان بيظهر فيه عيوب التشطيب…
والتفصيلة الصغيرة دي بتفرق جدًا في عمر الشغل وجودته 👌

👉 متابعتك لينا هتوفر عليك أخطاء كتير وهتعرّفك أصول الإنشاءات والتشطيبات بأسلوب علمي بسيط

#إنشاءات #تشطيبات #مقاولات

12/02/2026

خلط الجبس مع مونة المحارة من الأخطاء الشائعة في التشطيبات ❌

بعض الصنايعية بيضيفوا الجبس للمونة عشان يسرّع زمن الشك، لكن علمياً ده بيعمل مشاكل خطيرة في خواص المونة.

📌 الجبس مادة بتتميز بسرعة التفاعل مع الماء (زمن الشك للجبس بيكون من دقائق قليلة)، بينما مونة الأسمنت زمن شكها أطول وبتحتاج وقت كافي لإتمام تفاعلات الإماهة اللي بتديها القوة.

📌 عند خلط الجبس مع الأسمنت بيحصل تضارب في زمن الشك، وده بيؤدي لتكوّن بلورات جبسية داخل المونة بتضعف الترابط الداخلي.

📌 الجبس كمان بيتميز بمعدل انكماش وتمدد مختلف عن الأسمنت والرمل، وده بيخلق إجهادات داخلية تؤدي لظهور الشروخ مع الزمن.

📌 وجود الجبس داخل المونة بيقلل مقاومة الضغط ومقاومة الرطوبة، وده ممكن يؤدي لتفكك المحارة أو سقوطها خصوصاً في الأماكن المعرضة للرطوبة.

الخلاصة أن الجبس بيتميز بسرعة الشك، وده اللى بيخلي كتير من الصنايعية يضيفوه عشان يسرّع الشغل… لكن النتيجة غالباً بتكون مشاكل على المدى القريب والبعيد، زي:

🔸 ضعف تماسك المحارة
🔸 حدوث شروخ وتفكك مع الوقت
🔸 اختلاف في الانكماش بين المواد
🔸 تقليل العمر الافتراضي للمحارة
🔸 احتمالية سقوط أجزاء من المحارة لاحقاً

المونة لازم تشتغل بتركيبتها الصحيحة عشان تديك قوة وتحمل واستمرارية في التشطيب.

خلي بالك من التفاصيل الصغيرة لأنها بتفرق في جودة التنفيذ 👍

التشطيب الصح مش سرعة تنفيذ… التشطيب الصح هو تنفيذ بعمر افتراضي طويل وجودة حقيقية 👍

#إنشاءات #تشطيبات #مقاولات

11/02/2026

إزاي نحقق أقصي مقاومة زلازل للمنشأ بدون زيادة أبعاد الأعمدة والكمرات
#ستركشر #إنشاءات #مقاولات

09/02/2026

ليه اللمبة بترعش بليل
#ستركشر #تشطيبات #مقاولات #إنشاءات

Address

23 G Abdel Nasser Street Cross 45 St
Alexandria

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Telephone

+20-01006253300

Website

Alerts

Be the first to know and let us send you an email when ستركشر - Structure posts news and promotions. Your email address will not be used for any other purpose, and you can unsubscribe at any time.

Shortcuts

Share

Category