A.Kasem - Industrial Design Engineer

A.Kasem - Industrial Design Engineer Industrial Design Engineer with 10 years of Experience. CAD/CAM/CNC Training | 3D Modeling | Machine Design.

مهندس تصميم صناعي وميكانيكي بخبرة أكثر من 10 سنوات في تصميم الماكينات، النمذجة ثلاثية الأبعاد، والتصنيع الرقمي. متخصص في SolidWorks, AutoCAD, Fusion360، وتشغيل ماكينات CNC وLaser و3D Printing. قدت فرق ورش تصنيع وصممت مشاريع مثل UAV "Volare Dominus" وصندوق ذبح ماشية صناعي، مع خبرة في التدريب داخل FabLabs ومراكز تعليمية. أتولى تصميم المنتجات، تجهيز ملفات التصنيع، وتقديم دورات عملية في CAD/CAM/CNC.

السلام عليكم ...للاسف حقيقة مرة معظمنا كمهندسين في مصر بنواجهها .الا وهي اننا للاسف كمرتبات الموضوع غير مناسب لينا على ا...
23/07/2026

السلام عليكم ...

للاسف حقيقة مرة معظمنا كمهندسين في مصر بنواجهها .

الا وهي اننا للاسف كمرتبات الموضوع غير مناسب لينا على الاطلاق سواء للخبرة او حديث التخرج .......

نفاجا في بعض الاحيان ان مرتبات الامن او العمالة اعلى ...

مع العلم اني مش بقلل من قدرهم على العكس ...

لكن كمهندسين دورنا اكبر ..

مش افتخار ولا شكرانية في نفسنا بس هي فعليا المسؤولية ..

اي مهندس في اي مكان هو عبارة عن قائد ..

دوره تنظيم كل الادوات المتاحة علشان يقدر يوصل لاعلى نتيجة ....

فمن باب اولى انه يتم تقدير القائد بالشكل المناسب علشان يتشجع يضيف اكتر واكتر ......

بس في نقطة مهمة .

متسالش عن المرتب وانت لسا متعرفش ...

بمعنى اخر طالما لسا متعلمتش تتطبق .. مش هتقدر تقول عايز كذا .

نصيحتي لكل اخوتي حديث التخرج ..

لو لسا عايز تتعلم وتكتسب الخبرة الكافية متدورش على المرتب في الاول دور على الخبرة ..

وفي نفس الوقت خلي عندك قاعدة .

يموت المعلم وهو بيتعلم ...

لو عايز تكبر في مجالك خليك شايف نفسك لسا صغير على هدفك .

مش قلة ثقة بل على العكس ولكن علشان تتعلم اكتر واكتر.

انا على الرغم اني كملت السنادي تقريبا 10 سنين في مجالي بس لسا لغاية النهاردة بتعلم وشايف اني قدامي كتير.

ممكن اكون بطئ بالنسبة لناس غيري .

بس كون اني موقفتش هو ده الي ربنا جعله سبب اني قادر اواصل واضيف

بالتوفيق للجميع











































من الذكريات التي لا تنسى . كان ذلك منذ عام تقريبا . وبرغم بعد المسافة , الا اني قد استمتعت جدا مع تلك المجموعة . وكان شر...
21/07/2026

من الذكريات التي لا تنسى . كان ذلك منذ عام تقريبا . وبرغم بعد المسافة , الا اني قد استمتعت جدا مع تلك المجموعة . وكان شرفا لي وشئ اسعدني ان جعلني الله افيدهم ولو ببسيط . اتمنى لهم جميعا كل التفوق فيما هو ات
Creativa Hub Menofia

السلام عليكم .سؤال اتسالته في اكتر من مرة كنت بقدم فيها سمينار او كورس من اخواتي الصغار سواء المهندسين او هواة التصميم ....
24/06/2026

السلام عليكم .سؤال اتسالته في اكتر من مرة كنت بقدم فيها سمينار او كورس من اخواتي الصغار سواء المهندسين او هواة التصميم . اية الكورسات الي ممكن اخدها؟؟؟؟؟؟؟ . حبيت اشارك حضراتكم اجابة متواضعة استنجتها من الي مريت بيه... الاجابة مفيش حاجة اسمها اية الكورسات الي هاخدها لان ببساطة لو الكورسات مش بتخدم هدف في دماغك يبقى هي اخرها شهادة فقط لا غير مهما كان مكثف ومهما اتدربت ومهما كان المحتوى قوي .......... على سبيل الذكر وليس الحصر كان في صديق ليا في العمل اخد كورس سولد كان حاصل على شهادة CSWP الخاصة بالسولد . وانا كنت حتى اللحظة دي ما اخدتهاش ... واتعلمت السولد من غير كورس مباشر عن طريق كورسات على الyoutube وكدة . بس الي يهم في الموضوع انه على الرغم انه كان يعرف ادوات في السولد اكتر مني الا ان ساعة تصميم المنتج كنت انا الي بيبقى ليا النصيب الاكبر.. السبب مش ضعف منه .. الفكرة انه اعتمد على الكورس علشان يصمم .. لكن الي عملته اني اعتمدت على المجال الي وجهني للسولد علشان اقدر اطبق كل الي اعرفه ... الكلام ده مش في التصميم بس , الكلام ده في كل مجال في الدنيا ... انت الكورس بالنسبالك اداة تحسن بيها مستواك مش هو الاساس الي تقدر تشتغل منه بشكل مباشر .. لو مفيش ممارسة او هدف الكورس ده بيخدمه ... للاسف الي اتعلمته هيتحول لقلم جديد اشتريته وحطيته في الدرج مش اكتر ... ركز الاول على المجال وابدا على اساسه اتعلم كل الي يخدم عليه ..

يسرّني أن أشارككم اجتيازي الامتحان الثالث لي وحصولي على الشهادة الثالثة . SOLIDWORKS Weldments Professional من Dassault ...
23/06/2026

يسرّني أن أشارككم اجتيازي الامتحان الثالث لي وحصولي على الشهادة الثالثة . SOLIDWORKS Weldments Professional من Dassault Systèmes.
أعتبر هذه الخطوة إضافة مهمة في رحلتي المهنية، وفرصة لتطوير مهاراتي بشكل أعمق في تصميم وتصنيع أجزاء الـ Weldments باستخدام SOLIDWORKS.
أشكر كل من دعمني خلال هذه الرحلة، وأتطلع إلى مواصلة التعلم والتطور واكتساب المزيد من الخبرات في مجال التصميم الهندسي.

السلام عليكم ... في حاجة حابب انقلها لحضراتكم واذكر بيها نفسي واياكم وخاصة الاساتذة الخبراء في مجالهم .... لما كنت لسا ج...
19/06/2026

السلام عليكم ... في حاجة حابب انقلها لحضراتكم واذكر بيها نفسي واياكم وخاصة الاساتذة الخبراء في مجالهم .... لما كنت لسا جديد وبشتغل في مكان وبسال عن معلومة ناقصاني من شخص خبير.. كان بيحصل حاجة اتنين . يا اما الشخص بيديني المعلومة عن طيب خاطر . يا اما واللي للاسف كان بيحصل كتير انه كان بيحاول يتجاهل السؤال او يهرب منه وكاني بسال عن سر حربي.. الي فهمته ان تفكير الشخص اني بساله علشان اخد مكانه . المصيبة ان ده كان بيحصل مش بس من عمال خبرة او مهندسين . لا كمان بعض الدكاترة .. الي اتعلمته ان محدش هياخد رزق حد مهما حصل وان فعلا زكاة المال انفاقه و زكاة العلم نشره. لما يجيلك حد لسا جديد يسالك عن معلومة . لو معرفهاش منك هيعرفها من غيرك . ده لو حكى مع Chat gpt هيجبها . بس لما يخدها منك انت كبرت في نظره واخدت ثواب كل مرة هيستخدم فيها المعلومة دي .. وخلي عندك ثقة ان رزقك الي بايد ربنا محدش يقدر ياخده منك... انا مش بقول انك مثلا كويس في الشرح يبقى تدي كورسات ببلاش . مع العلم ان في ناس بتعملها . بس غرض الكورسات الاساسي هو التلقين وليس التعليم . يعني المعلومة بشوية بحث يقدر يوصلها . لكن في مرحلة معينة بيحتاج انه يتلقنها من حد علشان توصل صح .. الخلاصة متبخلش بمعلومة عن حد . النهاردة انت بتدي معلومة .بكرة ممكن تحتاج الي تاخدها منه






#المهندسين





18/06/2026

أحد المشاريع التي عملت عليها مؤخرًا. Smart Parking Lock

تم تصميم المنتج بالكامل باستخدام SolidWorks، وإخراج الرندرات بواسطة KeyShot، ثم إنتاج الفيديو باستخدام Flow Video AI.







السلام عليكم ورحمة الله وبركاتهحبيت أشارك مع أصدقائي في التصميم والهندسة شوية حاجات اتعلمتها من تجربة متواضعة في شغل الـ...
09/06/2026

السلام عليكم ورحمة الله وبركاته
حبيت أشارك مع أصدقائي في التصميم والهندسة شوية حاجات اتعلمتها من تجربة متواضعة في شغل الـ Freelance.

أول نصيحة، متربطش نفسك بمواقع العمل الحر فقط. معظم الشغل اللي جالي كان من خارج المنصات. انشر شغلك في كل مكان مناسب، على الجروبات، الصفحات، السوشيال ميديا، وأي مكان ممكن يوصل شغلك للناس.

في فترة كنت بنزل شغلي باستمرار على جروبات التصميم والـ Freelance. بعض الناس كانت بتنتقد، وبعضهم كان بيدي نصائح مفيدة جداً ساعدتني أطور نفسي مع الوقت.

في التصميم بشكل عام، حاول تخلي شغلك بسيط وواضح ومنظم. أغلب العملاء بيطلبوا تعديلات أثناء التنفيذ، وكل ما كان التصميم مرتب كل ما كانت التعديلات أسهل وأسرع.

اشتغل على المجال اللي حابب تتميز فيه. صمم، جرّب، اختبر، وادخل في تحديات أصعب كل مرة. الخبرة الحقيقية بتيجي من كثرة التجربة وحل المشاكل.

خلي بالك كمان إن العميل مش بيدور على وظيفة التصميم فقط، لكنه بيهتم بالشكل النهائي كمان. حاول يكون التصميم عملي وشكله جميل وسلس وبعيد عن التعقيد قدر الإمكان.

ومن أهم الحاجات اللي فرقت معايا إنك تفكر كمستخدم قبل ما تفكر كمصمم. اسأل نفسك دائماً: لو أنا اللي هستخدم المنتج ده، هل هيكون مريح وسهل وعملي؟

اتعلم الرندر كويس باستخدام KeyShot أو أي برنامج مشابه. الرندر الاحترافي بيفرق جداً في عرض الشغل وبناء سابقة أعمال قوية.

واعرض شغلك باستمرار على السوشيال ميديا والمنصات المختلفة، سواء كان شغل عملاء أو مشاريع تدريبية. وحاول يكون عندك ملف PDF مختصر ومنظم تعرف بيه نفسك وأعمالك.

أتمنى تكون النصائح دي مفيدة لأي حد في بداية الطريق أو حتى شغال بالفعل في المجال.

#سوليدووركس #فريلانسر #فريلانس #رندر

يسرّني أن أشارككم اجتيازي شهادة SOLIDWORKS Sheet Metal Professional من Dassault Systèmes.أعتبر هذه الخطوة إضافة مهمة في ...
21/05/2026

يسرّني أن أشارككم اجتيازي شهادة SOLIDWORKS Sheet Metal Professional من Dassault Systèmes.

أعتبر هذه الخطوة إضافة مهمة في رحلتي المهنية، وفرصة لتطوير مهاراتي بشكل أعمق في تصميم وتصنيع أجزاء الـ Sheet Metal باستخدام SOLIDWORKS.

أشكر كل من دعمني خلال هذه الرحلة، وأتطلع إلى مواصلة التعلم والتطور واكتساب المزيد من الخبرات في مجال التصميم الهندسي.

17/05/2026

احد الورش التي قمت بتقديمها **Digital Fabrication - CNC Laser Cutter**

والتي تم تقديمها لطلاب مدرسة
Ahmed Diefalla International Applied Technology School

خلال الورشة، تعرّف الطلاب على مفهوم التصنيع الرقمي واستخدامات ماكينة الـ CNC Laser Cutter في تحويل الأفكار والتصميمات إلى نماذج ومنتجات ملموسة.

سعداء بحماس الطلاب وتفاعلهم، وبكل خطوة بتقربهم أكتر من مهارات المستقبل، وريادة الأعمال، والتعلم العملي القائم على التجربة والتنفيذ.

جيل مبدع يبدأ من فكرة… ويتعلم كيف يحولها إلى واقع. 🚀












#ابتكار
#إبداع







السلام عليكم ورحمة اللهرسالة من أخوكم، ومن خبرة بسيطة ومتواضعة، لكل إخوتي الصغيرين في المدرسة أو الجامعة الـ AI حاجة جمي...
17/05/2026

السلام عليكم ورحمة الله
رسالة من أخوكم، ومن خبرة بسيطة ومتواضعة، لكل إخوتي الصغيرين في المدرسة أو الجامعة

الـ AI حاجة جميلة جدًا…
بيوفر وقت، بينجز، وبيساعدنا نحل مشاكل كتير.

بس خلّينا متفقين على نقطة مهمة:

إنت المفروض تروح للـ AI علشان يوفر وقتك، مش علشان يعملك حاجة إنت أصلًا مش فاهمها.

لازم تتعلم الأساس الأول.
لازم تفهم الطريقة.
لازم تعرف الحاجة بتتعمل إزاي.
بعد كده استخدم الـ AI براحتك علشان يسرّعك ويساعدك.

وده مش في التصميم الميكانيكي أو الصناعي بس…
ده في أي مجال في الدنيا.

لأن الـ AI مهما كان قوي، برضه بيغلط.
ولو إنت مش فاهم الأساس كويس، مش هتعرف تفرّق بين الصح والغلط.

زي ما اتعلمنا زمان إننا منمسكش الآلة الحاسبة غير لما نفهم الحساب الأول.
بعد كده نستخدمها علشان توفر وقت، مش علشان نعتمد عليها اعتماد أعمى.

بلاش استسهال.
اتعب شوية في الأول، وافهم الأساس، لأن ده اللي هيخليك تعرف تعتمد على نفسك في أي وقت.

وخلي السؤال ده دايمًا في بالك:

لو بكرة مفيش AI ومفيش إنترنت… هتعمل إيه؟

الأدوات دي مفيدة جدًا، بس مش مضمونة طول الوقت، ومصدرها مش في إيدك.

خليك إنت اللي بتستخدم الـ AI…
مش هو اللي بيستخدمك.

القراءة مش موضة قديمة.
فهم المواد العلمية مش رجعية.
إنك تعرف تفكر وتشتغل من غير أدوات مساعدة دي قوة، مش تخلف.

استخدم التكنولوجيا… بس ابنِ نفسك الأول. 🤝

**هاشتجات مناسبة للفيسبوك:**



#التعليم
#التعلم
#طلاب
#جامعة
#مدرسة



#التكنولوجيا
#الهندسة


Address

Asyut
71515

Telephone

+201000874485

Website

Alerts

Be the first to know and let us send you an email when A.Kasem - Industrial Design Engineer posts news and promotions. Your email address will not be used for any other purpose, and you can unsubscribe at any time.

Contact The Business

Send a message to A.Kasem - Industrial Design Engineer:

Shortcuts

Share

Category