20/01/2026
هنتكلم عن خريطه اسمها مولر دي بكل بساطه عباره عن رسمه بتوضح شكل دورة التكييف بالاربع مراحل المعروفين من 1-2 دا الضغط و من 2-3 دا التكثيف و من 3-4 دا الامتداد و من 4-1 دا التبخير و نرجع تاني لنقطه 1 و نكرر الدورة , طب انا هستفاد ايه من الخريطه اقولك اني اقدر اعرف الضغوط و درجات الحراره و الحجم النوعي و خصائص الفريون نفسه و كميه الطاقه في كل مرحله من الاربعه يعني من الاخر عندي كل معلومه في النظام في كل نقطه انا عايزها.
تاني صورة بتوضح اكتر برسم تفصيلي خصائص الفريون و درجات الحراره عند كل مرحله و كل نقطه و للعلم ان كل التفاصيل دي في الصيانه و التشغيل فهي مهمه جدا ببساطه لاني عارف كل الارقام القياسيه زي ما بيقولوا الخواجه عاملها كدا فا انا عند دراسه الدورة بكل الارقام دي هقدر بكل سهوله افهم فين العطل او المشكله عند ظهور اي خلل في مرحله من المراحل و دا هيتم شرحه بالتفصيل اكتر
