Eng/Bassam Adely

04/09/2024

Repost 💜😀

طريقة عملها بتعتمد بشكل أساسى على الإنشطار النووى لذرة اليورانيوم أو البلاتينيوم ،تعالوا اقولكم بنولد كهرباء أزاى من المحطات النووية عملية الأنشطار بتحصل لما نيوترون يصطدم بذرة يورانيوم فيكسرها لجزئين... كتلة الجزئين دول أقل من كتلة الذرة فى حالتها الإصلية قبل الإنشطار طيب كدة الكتلة اللى نقصت اختفت فين ؟!..بيتحول الفرق فى الكتلة إلى طاقة حركة تكتستبها الجزيئات اللى اتكسرت فتزيد من معدل التصادمات واللى بتترجم لحرارة طبعا لازم التحكم فى معدل التصادمات دى والا هتتحول ل*قنبلة نووية طرق التحكم وكدة حوار كبير ميخصكش 😅، المهم الحرارة بتنتقل من المفاعل النووى لمبادل حرارى ويستخدم الحرارة فى تبخير الماية وبعدين ندخلها على تربينه تدور بسرعة بفعل البخار المحمص اللى بيصطدم بريشها وبعد كدة بنربط مع التربينة چنريتور يحول من الطاقة الميكانيكية على عمود التربية إلى طاقة كهربية كل يوم احكيلكم طريقة محطة بملخص بسيط اوى يكون عندكم فكرة بس هو الحوار أعمق واكبر من كدة بس مش لازم اصدعكم بيه 😅🤝🖤

02/02/2024

لقد وصلت إلى ‏‏٥٠٠‏ من المتابعين‏! شكرًا على الدعم المتواصل. لم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏

01/12/2023

السلام عليكم ورحمة الله وبركاته ♥️..
يا ترى لو عاوز أعمل protection(حماية ) لأى جهاز equipment ( generator-motor- transformer...etc) أو ( transmission line) فى منظومة power system لإن الحاجات دى سعرها غالي جدا ومكلفة يعنى المحول مثلا او المولد ممكن سعره يوصل لملايين فمش معقول أسيب الملايين دى من غير حماية 👀🙂... طيب السؤال أنا هحميها من أى ؟! ... هحميها من زيادة الحمل وبالتالى زيادة التيار اللى ممكن يتسبب فى تدمير الآلات دى وهحميها أن يحصل عليها short circuit يعنى تيار قصر بسبب مثلا سلوك لمست بعضها ... هحميها من أن منسوب الزيت فى المحولات يقل ودة بستخدمة لتبريد المحول ولعزل الملفات عن بعضها فلو قل الزيت عن منسوب معين تبقى مصيبة🙂 !
طيب اى العناصر اللى بستخدمها ع اعمل حماية على الحاجات دى ؟! وازاى احدد هو فيه مشكلة ولا لا وفين مكانها بالضبط من المنظومة ؟! وإزاى احل المشكلة دى ؟؟
دة اللى هنعرفه مع بعض أن شاء الله فى سلسلة البوستات القادمة ونبدء بالسؤال الأول : اى العناصر المطلوبة لعمل نظام حماية 👀؟؟
خمس عناصر لعمل منظومة حماية لأى معدة أو خط نقل
1-Relays(المرحلات )
ودة أهم عنصر لإن دة العقل المدبر دة اللى بيفهم أنا عاوز احمى اى وازاى واخد أمر الحماية بالفصل أو بغيره ودة أهم فرع من فروع علم الكهرباء اللى بيهتم بتحديد اى شئ مش مظبوط فى الsystem وازاى هيحله فى أسرع وقت
2-Transducers (Voltage transformer and current transformer)
تانى أهم مكون فى نظام الحماية وهو المحولات لإن المنظومة الفعلية جهودها وتياراتها عاليا جدا جدا جدا ، فلازم أستخدم محولات اخفض بيها قيم الجهد والتيار ع أقدر اتعامل معاهم واعمل مقارنات وغيره
3-(Batteries)
البطاريات مكون مهم جدا ومنطقى لإن المنظومة لما يحصل فيها عطل أو الحاجة اللى هحميها يحصلها اى حاجة فلازم أجهزة الحماية تفضل شغالة ولو اعتمدت فى تغذية أجهزة الحماية على تغذية المصدر الرئيسى كدة لو فصل مفيش حماية 🙂، فلازم تغذيها من مصدر زى البطارية علشان نزود الاعتمادية
4-(circuit breakers)
ودى قصة كبيرة اوى ، وبإختصار هى المفاتيح اللى هتفصل التيار عن المعدة فى حالة العطل ع ميحلصلهاش damage طيب هو بيعرف ازاى ؟! بيعرف من الRelay هو اللى بيبعتله إشارة يفصل أو يفتح ودة هنتكلم فيه بالتفاصيل قدام بس لازم تعرف أن السيركت بريكر بيتصنف عدة تصنيفات بناء على ليڤل الجهد عندى(منخفض -متوسط -عالى ) وبناء على نوع المصنع(شنايدر-سيمنز-ABB) ونوع العزل المستخدم فى حالة الفصل(Air -oil-sf6-vaccum) ..الخ عاوزة بوست لوحدها الصراحة لانه حوار ممكن نتكلم فيه بعدين أن شاء الله ♥️
5-(communication)
ازاى بقى هربط المكونات الأربعة مع بعض عن طريق المكون الخامس وهو الموصلات وممكن تبقى (wire or wireless or optical fibre or signals)
وكل طريقة ليها مميزات وعيوب بس الإشارات نخاف نستخدمها ع ممكن يحصل تداخل بينها وبين الإشارات اللى فى الجو سواء موجات صوتية أو تليفونات أو إزاعة راديو....الخ فبنفضل استخدام الأسلاك لنقل المعلومة بأمان .
دى صورة توضح الكلام اللى قلته الBus دة هو القضيب النحاسي اللى باخد منه الجهد اعتبره كدة محطة توليد صغيرة 😂،والF دة رمز الfault يعنى المكان دة حصلت فيه مشكلة سلكين لمسوا بعض مثلا ،والCB اختصار السيركت بريكر ، وملف الريلاى وملف الtrip coil دة ملف بيراقب عمل السيركت بريكر لحسن ميشتغلش لما ياخد الأمر وكفاية كدة ع مطولش عليكم ، سلام عليكم ♥️

29/11/2023

من الحاجات الجميلة اللى قابلتنى فى تصميم الإضاءات عامل مهم جدا، لإنه ممكن يخدعك جدا
لما بنيجى نصمم إضاءة لمكان معين أهم حاجة نراعى عامل مهم وهو "CRI" أو ال(color index rendering) ودة معناه اى 👀🤔؟! ضوء المصباح هو عبارة عن مجموعة من الألوان المتراكبة لتكوين لون المصباح الأساسى فلما ضوء المصباح يسقط على جسم معين لو كان ضوء المصباح بيحتوى على اللون الخاص بالجسم الساقط عليه فالجسم بيظهر بشكله الحقيقى ولو مش بيحتوى على لون الجسم فالجسم مش هيظهر بلونه الحقيقى 😃 ، ولذلك الأجسام بتظهر بلونها الحقيقي بس فى ضوء النهار لانه الضوء الوحيد اللى بيحتوى على كافة الالوان بداخله وعلشان كدة لو عاوز تشوف أى حاجة على حقيقتها شوفها بالنهار تحت ضوء الشمس ، وتتوقف كفاءة الأضواء فى إظهار لون الجسم الحقيقي ع مدى قربها من ضوء النهار ، والمعامل دة بقى بياخد قيم بتترواح من (0----100)وكل ما قرب من 100 يبقى افضل ، ويدل على كفائة عالية للضوء المستخدم ولازم نراعى حاجة زى كدة لأن المعامل دة ممكن يؤدى للخطر والوفاة كمان 😃، هتقولى ازاى هقولك لو شغالين فى معمل تحاليل مثلا وفيه عينه معينة فى ايد الدكتور وشافها بلون غير الحقيقي بسبب إضاءة المكان واخد قرار وتشخيص وأدوية بناء ع كدة هل دة شئ كويس ! ... طيب لو فى متحف مثلا والوان الفراعنة الزاهية لم يتم ايضاحها ...الخ
فإنى اخد بالى من العامل دة خاصة فى الأماكن الحساسة شئ مهم جدا .

29/11/2023

الحياة كلها عبارة عن موجة جهد متردد(Ac voltage waveform)
حقيقي هى بتمثل حياتنا اجتماعيا دينيا ماديا ثقافيا ، حتى الجماد والإنسان والحيوان والنبات عبارة عن أجسام مهتزة بتردد قد لا يلاحظ بالعين المجردة لأن اى مادة فيها إهتزاز وبالتالى الحياة كلها موجة جهد بتمثلنا بأجسامنا بأخلاقنا بصفاتنا بمستوياتنا.... كل حاجة كل حاجة 🤝🥲
Pure sinusoidal wave (sine wave without any harmonics)🙂👌
في ناس عند ال zero point وناس عند الmaximum point وفيه ناس بينهم وكذا كل شئ وفيه الناس بقى القيمة العظمى بردو بس فى الاتجاة السالب كما بعض النماذج ف الحياة ، الموجة دى لمن يتأملها يجد فيها حياة البشر والكوكب كله وكأن الpositive half cycle بيمثل الخير وال negative half cycle بيمثل الشر 👌
Eng:/Bassam adely

01/03/2023

البوست الجديد للناس اللى هتابع ❤️😂...
النهاردة معلومة عرفتها من فترة بس شيقة جدا وهى إنك أكيد تسائلت عن طريقة عمل الأبواب الزجاج اللى لما تقرب منها تفتح لوحدها أو أرضيات الديسكو اللى بتنور بشدة بالرقص عليها ... ودة لإن فيه نوع من المواد عندها خاصية إسمها الpeizoelectricity (البيزو إلكتريسيتى) الخاصية دى يسيدى فى المواد مهمة فى أى وبتميز المواد دى بأى ؟!
لما المواد اللى من النوع دة بيتم عليها ) mechanical deformation)... او يعنى نضغط أو ندوس عليها بيحصلها تشوه ميكانيكي ودة بينتج عنه إزاحة للشحنات داخل المادة زى اللى اللى فى الصورة كدة وطبعا حركة شحنات يعنى فرق جهد وڤولت يعنى كهرباء وكهرباء يعنى توزع زى ما أنت عاوز وتعمل اللى نفسك فيه 😂 ع كدة المواد دى بيتم صناعة مستشعرات ومحثات منها وع كدة بيبقى فيه سجادة قدام الباب ولما بتدوس عليها بتعمل العملية اللى فوق دى والمادة بيتولد فيها طاقة ويفتح الباب وكذلك الأمر فى الديسكو كل ما الهلافيت يرقصوا أكتر ويضغطوا أكتر الشحنات تنضغط وتولد جهد أعلى والنور يلعلع 😂
أتمنى تستفادوا 💜...الناس اللى قالت هتابع تحضر ناو 😂❤️
سلام !

01/03/2023

بوست النهاردة للمتابعين 😂❤️...
الحقيقة مش كهربي النهاردة هو مدنى والتنويع مطلوب بس الموضوع دة كنت عاوز أفهمه شخصيا كراجل مهندس 😂
وهو إزاى بيقدروا يصمموا وينفزوا الكبارى دى اللى فى المية ويصبوا خرسانة وحديد والماية مش بتوقعه لية موضوع شغلنى نوعا ما والإجابة فى البوست دة 💜...بداية كدة فيه تلت طرق للبناية فوق سطح الماء ودة بيتوقف على نوع التربة تحت الماية (رملية-طينية-طفيلية ...الخ ) وكمان على نوع الماية عذبة أو مالحة وهكذا وكمان الأحوال الجوية والظروف المناخية اللى هيتم فيها عمل الكبرى أو الركائز والأوتاد تحت الماء كل دة بيدخل فى الحسابات المبدئية ...

😊
وهى عبارة عن حجرة تصنع جدرانها من الصفائح المدعمة على شكل غرفة وتوضع فى أرضية البحيرة لحجز الماء والرمل ويتم ضخ الماء الذى بداخلها واى مواد غير مرغوب فيها حتى تجف تماما ويبدء العمل بداخلها طبعا فيه منه انوع وتفاصيل تانية كتير جدا دى الزتونة👍

🙂
ودى مش بيخرجوا فيها الماء زى الحالة الأولى لأن الحجرة بتكون ضدد تسرب الماء وبيستخدموا ضغط الهواء ع مفيش ماية تدخلها وبيركبوا صمامات للتحكم في الماء ويبدء الحفر ع كدة وكل ما المائة تذيد يزودوا ضغط الهواء وبعد كدة يملوها بالخرسانة ..
طبعا دة بمقاسات واطوال تناسب اى عمق للمية
وكفاية كدة ع البوست مايطولش وتملوا منى 💜
أتمنى تستفادوا... المتابعين تحضر ...سلام 😂❤️

01/03/2023

طريقة عملها بتعتمد بشكل أساسى على الإنشطار النووى لذرة اليورانيوم أو البلاتينيوم ،تعالوا اقولكم بنولد كهرباء أزاى من المحطات النووية عملية الأنشطار بتحصل لما نيوترون يصطدم بذرة يورانيوم فيكسرها لجزئين... كتلة الجزئين دول أقل من كتلة الذرة فى حالتها الإصلية قبل الإنشطار طيب كدة الكتلة اللى نقصت اختفت فين ؟!..بيتحول الفرق فى الكتلة إلى طاقة حركة تكتستبها الجزيئات اللى اتكسرت فتزيد من معدل التصادمات واللى بتترجم لحرارة طبعا لازم التحكم فى معدل التصادمات دى والا هتتحول ل*قنبلة نووية طرق التحكم وكدة حوار كبير ميخصكش 😅، المهم الحرارة بتنتقل من المفاعل النووى لمبادل حرارى ويستخدم الحرارة فى تبخير الماية وبعدين ندخلها على تربينه تدور بسرعة بفعل البخار المحمص اللى بيصطدم بريشها وبعد كدة بنربط مع التربينة چنريتور يحول من الطاقة الميكانيكية على عمود التربية إلى طاقة كهربية كل يوم احكيلكم طريقة محطة بملخص بسيط اوى يكون عندكم فكرة بس هو الحوار أعمق واكبر من كدة بس مش لازم اصدعكم بيه 😅🤝🖤

01/03/2023

من أسمها كدة محطات بخارية فمحتاجين بخار ومش اى بخار دة بخار محمص يعنى محتوى الرطوبة فيه صفر وهقول لية بعد شوية المهم لازم المحطة تكون جنب مصدر مائى ع بتحتاج ماية كتير بشكل مستمر ومصدر وقود دائم زى آبار الغاز الطبيعى بندخل الماية دى على الغلاية ومع احتراق الوقود المية بتتبخر وبتمر بكذا مرحلة لحد ما يبقى بخار جاف ليه لانه بيدخل على نوزل دى بتزود سرعته فيصطدم بريش التربية ولو فيه اى قطرة مئة هيؤدى لتآكلها وتدميرها المهم التربية بتدور وبنربط ع العمود بتاعها چنريتور ونطلع كهرباء (كل المحطات بإختلاف مسمياتها وكيفية عملها هدفها واحد بس وهو تدوير عمود التربينه ولما بيحصل من اول هنا كله متشابه فى جميع المحطات يعنى كل ما فى الأمر أن المحطة نحصل منها ع طاقة ميكانيكية متمثلة فى دوران عمود التربينة ومن ثم الچنريتور هيحول الحركة دى لكهرباء ) وشكرا 😅❤️

27/08/2022

👍
معلومة حلوة عجبتنى النهاردة الدكتور قالها كدة ع الماشى فى وسط المحاضرة وهى إن الألكترونات (التيار الكهربى ) بتحب تمشى على السطح الخارجى للسلك فبالنسبة للسلك المصمت الإلكترونات بتمشى ع السطح الخارجى ويسيبوا السلك أجوف من الداخل وفارغ زى ما فى الصورة اللى قدامكم ودة بيخلى المساحة الفعالة اللى فى السلك قليلة جدا وبيزود المقاومة الكلية تبعا لقانون R=pl/A... ع كدة بيتم تقسيم السلك لأسلاك صغيرة جدا (اسلاك شعر) ومن هنا ندخل للنوع التانى واللى هو سلك مشعر ودة لإنه بيكتر عدد السلوك ويقسم المساحة الكبيرة ع مساحات صغيرة فيقلل الفراغ ويزود المساحة وبالتالى تقل المقاومة تبعا للقانون اللى فوق برضو وبكدة تذداد كفاءة السلك ويقل الفقد فى القدرة الكهربية ... الخلاصة السلك المشعر بتشديد العين أحسن من المصمت😂،❤️
كل يوم هفيدكم بمعلومات عامة كثقافة للجميع مش بتوع هندسة بس من اللى هتعلمها وهسيقها بأسلوبى أتمنى تعجبكم سلام ،❤️

11/04/2020

"اللهم نور قبري يوم يبات جسدي فيه و ارحمني يوم لا يذكرني ذاكر و لا يزرني زائر."