Bio Life

19/02/2021

11/02/2021

Crohs disease genes , symptoms, diagnosis and medications

03/12/2019

النهاردة هنكمل معاكم سلسلة التحاليل و هنتكلم النهاردة عن واحد من اهم التحاليل وهي تحاليل السكر وهتكون معاكم فيه Donia Ahmed
لو في اي سؤال ممكن تسبولنا كومنت
#السكر

18/11/2019

حلقه انهارده مميزة جدا

هتكون لطلاب البايتكنولوجي المهتمين بالحقن المجهري وكمان للاشخاص ال حابين يكون عندهم خلفيه عن الموضوع ده .
كتير مننا حابين يعرفوا ايه دور البايتكنولوجيست او (ايه دور طالب بايو او علوم او زراعه )ف المعمل وازاي يطور من نفسه وازاي يقدر يشتغل ف المجال ده
الفيديو ده معاكو فيه ميار هتتشرحلكو عن ال ivf
وكمان ياريت تكملوا الفيديو للاخر هنحاول نعرضلكو كل الجزء النظري وان شاء الله ف الاجازة هنتفق مع مكان كويس بحيث نوفر فيه تدريب عملي
دور البايتكنولوجيست كبير وليه مجالات كتير تابعونا عشان تستفادو اكتر واستننوا الحلقات الجايه لو في موضوع معين حابين نركز فيه متنسوش تسيبولنا كومنت واحنا هنتواصل معاكو
Mayar Abu-Zeid كان معاكو في البوست ده
montag : Abdullah Mohamed

25/10/2019

مساء الخير
فيديو النهاردة بتقدمه عبلة وبنكمل فيه سلسلة التحاليل اللي بدأناها معاكو
فيديو ده عن تحاليل وظائف الكبد كاملة
لو في اي استفسار عن حلقة النهاردة تقدروا تسببوا كومنت و Appla EzzEldinهتجابكو عليه
ولو في تحاليل معينة تانية حابين نتكلم عنها ممكن تسيبوا اي كومنت بيها
وده لينك الفيديو كامل علي يوتيوب عشان منطولش عليكو https://www.youtube.com/watch?v=toxQhrlPDjY
متنسوش اللايك وال subscribe

تحاليل وظائف الكبد كاملة|liver function instagram https://www.instagram.com/biolife214/ facebook https://www.facebook.com/pg/Bio-Life-109301457120254/posts/?...

05/10/2019

حلقه انهارده هتكون عن ال microbiology
يا تري عندو فكرة ان جسم الانسان بيتكون من microbial cell اكتر من ال normal cells
فبالتالي دراسه ال microbiology مهمه جدا
البكتريا ال ف جسمنا مش كلها ضاره في منها مفيد وعايش معانا عادي وبيفيدنا
هنتكلم انهارده بس ك over view عن الميكرو
بحيث ان مريم هتتكلم ع الجانب الكويس لل bio volt
ومحمد هيتكلم عن نوع بكتريا عصوية بتصيب الوجه وهنشرحها بالتفصيل في حلقه لوحدها
الفيديو الجاي هيكون موضوع مهم جدا وهو البكتريا المضاده للمضادات الحيوية ودي من اكبر المشاكل ال بتواجهنا حاليا
كمان قريب هنعمل حلقه عن اساسيات معمل الميكرو واسامي الحاجات ال بتقابلنا جواه وطريقة التعامل معاها
استنونا ف الحلقات الجايه

29/09/2019

البوست ال فات اتكلمنا عن فيتامين b12
وف البوست ده هنتكلم عن فيتامين ب6 b6
وده واحد من اهم الفيتامينات للجهاز العصبي(مهم للنمو الطبيعي للمخ) وكمان بيحمي من العدوي وليه دور ف المناعة و بيخفف من الام الحيض وبيحافظ ع مستوي السكر ف الجسم
و ليه تاثير ع امراض القلب وليه دور هام في هضم البروتين والدهون والكربوهيدرات وتحليل الجليكوجين وكمان ليه دور مهم ف تعزيز قدرات الدماغ يعني بيخلي عندك ذاكرة افضل كمان الفيتامين ده ليه دور كويس ف الخصوبة بحيث انه ليه دور ف رفع مستوي هرمون البروجسترون وده من الهرمونات الرئيسيه ف اعداد الجسم للحمل وكمان بيزود من انتاج هرمونات الذكورة وليه دور مهم جدا ف الحمل بحيث انه بيطور خلايا الدماغ الخاصه بالجنين وبيساعد الام الحامل ف حالات غثيان الصباح وبيساعد كمان ف الحفاظ ع صحه الشعر وبيمنع تساقطه وبيساعد ف علاج مرض الثعلبة

⦁ الفيتامين ده بيمتص ف الجزء العلوي للامعاء الدقيقه وبيتخزن منه حوالي من 80 ل90 % ف العضلات وبما انه بيمتص ف الامعاء الدقيقه فبالتالي مرضي السيلياك ممكن يواجهوا مشكله في امتصاصه و كمان بيقل نسبته ف الجسم لما بنمشي علي حميه
⦁ gluten free(خالي من الجلوتين )
⦁ طيب ممكن نعوضه منين بدل القمح لان ده ممنوع منه مرضي السيلياك او الحساسيات ؟؟
ممكن من الحمص والسالمون والتونة والاسماك والكبد والبيض والموز والافوكادو والبطاطا واللحوم الحمرا والرز البني والصويا والسبانخ واللبن والديك الرومي والعدس وعصير الخضار والجزر والمكسرات وصدور الفراخ

⦁ طيب مين اكتر الناس ال بيعانوا من نقصه ؟؟
⦁ هما مدمنين الكحول وكمان الناس ال بتاخد ادوية السل وبعض ادوية منع الحمل وفي حالات تسمم الحمل ومرضي السمنة والحوامل وال بيعانوا من الاضطرابات الهضمية والكرون والتهاب القولون التقرحي وال بيعانوا من امراض الغده الدرقيه واضطرابات ف وظائف الكليتين
وطبعا الناس ال بتتحس من القمح او عندها سيلياك لان من اهم مصادره القمح

طيب ايه ال بيحصل لما نسبته بتقل ف جسمنا؟؟
⦁ بيحصل تغيرات عصبيه ممكن اكتئاب او ارتباك وكمان قله النوم والتهاب الشفة واللسان والفم واختلال المناعه و تقصف الشعر وتساقطه وظهور حبوب ف الوجه وهشاشه الاظاف وجفاف الجلد وشيب الشعر المبكر وتشقق الشفتين وفي الحالات المتقدمة بتظهر التشنجات

⦁ بالنسبه للادويه المكملة للفيتامين مفيدة كمان في الحمل لانها بتقلل الغثيان والقئ للحوامل
⦁ ساعات نقص الفيتامين بيكون بسبب وراثي وهنا بنفضل المكملات الغذائية

⦁ لازم نخلي بالنا من الجرعة بتاعته لان لو اخدنا بجرعه اكبر و لفترات اطول ده بيعمل اضرار كبيره زي مشاكل عصبيه ومينفعش خالص ناخده من غير استشارة طبيب

⦁ طيب امتي نعرف ان الجرعه دي بقيت زياده او اننا اتعرضنا ل سمية من الفيتامين ده؟؟
⦁ الاعراض مشابهه اوي لاعراض نقصه عشان كده لازم ناخد بالنا
⦁ لما بيزيد ساعات بنلاقي تغيرات في المشي او سرعة المشي وكمان تغيرات ف الاحساس ف الاطراف واكتئاب وتهيج وارهاق وصداع وضعف العضلات وفقدان الشهيه وقئ والام ف المعدة والكسل والتشنجات والقرح الجلديه وحساسيه من الشمس جروح جلديه مؤلمة

⦁ وزي مقولنا لازم ناخده بجرعه محدده لان لما الجرعه بتزيد بيعمل مشاكل كتير خصوصا للحوامل والمرضعات لانه ممكن يعمل نوبات للاطفال حديثي الولادة
كمان مينفعش يتاخد مع الكيماوي (CHEMO THERAPY)

⦁بالنسبة لاستخدامتها ف مجال التجميل ففي ناس كتير بتستخدم لماسكات للشعر
كان معاكوا ف البوست ده
Mona Elsayed صيدلة القاهرة

استنونا الحلقه الجايه هنتكلم عن فيتامين جديد ولو في اي استفسار ممكن تسيبولنا كومنت

25/09/2019

حلقه انهارده تكون من طب عين شمس
هنتكلم فيها عن فطر الكانديدا وده نوع من انواع الخميرة بيبقي متعايش معانا عادي ف الاغشيه المخاطيه موجود بكميات قليله لكن نموه بشكل مفرط بيسبب مشاكل
من اهم اعراضها (امساك او اسهال و التهابات ف القولون او المهبل او البروستاتا وانسداد ف الجيوب الانفيه و صداع وحرقان في المعده واللسان وسوء رائحه النفس واهمهم ظهور بقع بيضا فالفم واللسان وحكه ف المستقيم وتنميل ف الوجه والاطراف واحتقان وسعال)
وبالنسبه للاختبارات ال نقدر نتابع بيها الكانديدا بتكون مزرعة فطريات فالبراز وده بيطون اكتر دقة
او اختبار الدم
العلاج بيكون مهم جدا بحيث نمشي علي حمية اكل مناسبه وادويه مضاده للفطريات ولازم نقلل التوتر او القلق عشان الكانديديا بتتاثر جدا بالحاله النفسيه والجهاز المناعي وطبعا بنتابع مع دكتور عشان يحدد الاكل اللازم والادويه المناسبه
وكمان الكانديدا ممكن تتنقل من الام للجنين او للطفل اثناء فترة الرضاعه عشان نتجنبها لاوم الام تتابع قبل الحمل
ولازم نتابعها كويس عشان متوصلش للدم او القلب او الدماغ(المخ)
اتمني نكون افدناكم بالحلقه دي والحلقه الجايه هتكون عن السيلياك
لو في اي استفسار تاني عن الكانديدا او حابين نوضح حاجه فيها اكتر ممكن تسيبولنا كومنت واحنا هنتواصل معاكو
وممكن subscribe ل channel اليوتيوب بتاعنا هنكون مجمعين فيها كل موضوع ف playlist لوحده https://www.youtube.com/channel/UCVK4jPz_ZPncrmuE9Lc7pnQ

#كانديدا

24/09/2019

ده اول فيديو لينا في سلسله التحاليل الطبيه حبينا نقدم فيه بس introduction عن التحاليل او شغل المعامل
وان شاء الله الفيديوهات الجايه كل حلقه هنتكلم عن مجموعات تحاليل معينة وان شاء الله هنحاول نلم التحاليل كلها
لو في اي استفسار عن حلقه انهارده تقدروا تسيبوا كومنت و Appla EzzEldin هتجاوبكو عليه
ولو في تحاليل معينه حابين نتكلم عنها ممكن تسيبولنا كومنت بيه


https://www.youtube.com/watch?v=vC-RwYdjHuk&t=29s&pbjreload=10
ده لينك الفيديو بليز لايك وsubscribe

22/09/2019

هنتكلم انهارده عن فيتامين مهم جدا للناس كلها خصوصا لمرضي السيلياك او الحساسيات (حساسيه القمح ...الجلوتين.....اللبن)
الفيتامين ده اولا اهميته ف الهضم و تكوين خلايا الدم الحمراء وتجديد نخاع العظام وبطانة الجهاز الهضمي والجهاز التنفسي،والقيام بوظائف الجهاز العصبي بشكل سليم،
معظم الاشخاص ال بيعانوا مشكله ف الفيتامين ده ال بيعانوا من امراض الجهاز الهضمي خاصة مرضي السيلياك ومرضي الكرون لان بيبقي عندهم مشاكل ف الامتصاص والتهاب البنكرياس والاشخاص النباتيون لأنّ الأطعمة النباتية مفيهاش فيتامين ب12 إلّا لو كانوا بيتناولو منتجات الحليب والبيض لانها فيها الفيتامين وكبار السن عندهم مشكله ف امتصاص الفيتامين ده وبعد العمليات الجراحية ف المعدة لان بعد العمليات الجراحيه ف المعده او الامعاء ممكن تضرر المنطقه المسؤلة عن امتصاص الفيتامين .
طيب ايه ال بيحصل لما يكون عندنا نقص ف الفيتامين ده ...عندنا مجموعه من الاعراض ممكن نلخصها ف(انيميا,ضيق تنفس,اكتئاب,تلف ف الاعصاب,ارهاق,تعرق,حمي,مشاكل ف الجهاز الهضمي,كثرة النسيان ,التهاب ف اللسان ,تلف ف الاعصاب,ضعف ف العضلات,رؤية غير واضحه وتساقط الشعر والشعور بالدوران خاصة عند المشي )
طيب عشان نتجنب الاعراض دي ... يبقي لازم الدايت بتاعنا يكون فيه الاكلات الغنية ب فيتامين ب12 ال هي (اللحوم و البيض واللبن والتونة والسردين و كبد البقر والغنم و الدجاج )
ولو ف مشاكل ف الامتصاص او لو ف حساسيه متعدده من الاكلات دي او الاكلات دي مش كافيه وجسمنا محتاج للفيتامين بردو ممكن نخده ف صورة كبسولات او حقن و طبعا الدكتور هو ال بيحددالجرعة حسب السن ويفضل تحليل الفيتامين عشان نحدد الجرعة صح
لو بعد التحليل لقينا نسبته زايده ده بيكون بسبب مرض ف الكبد (التهاب او تليف الكبد) او سرطان الدم.
بالنسبة لمرضي السيلياك بمجرد المريض ميكتشف المرض ويبدا يمشي ع الحمية المناسبة بتبدا الامعاء ف الالتئام وبتبدا كمان تمتص الفيتامينات مرة تانية من غير منحتاج اي ادوية خلال مده تتراوح بين شهرين ل 8 شهور من بداية الحمية الغذائية
وطبعا لو اهملنا موضوع نقص الفيتامين عند مريض السلياك او الشخص الطبيعي حتي الاعراض دي هتزيد
نتمني نكون افدناكم ف البوست ده واستنونا ف بوست تاني هنتكلم عن فيتامين جديد
كان معاكم ف البوست ده Mona Elsayed
كلية الصيدلة جامعة القاهرة
لو في اي استفسار عن الفيتامين او الادوية الخاصة بيه ممكن تسيبولنا كومنت او تبعتولنا مسدج ولو ف فيتامين معين حابين نتكلم عنه ممكن تكتبولنا واحنا هننزله ف اقرب وقت

10/09/2019

في اول فيديو لينا ف الpage حبينا نوضح ال activity بتاعنا احنا نهتم بفروع البايو وهنجيب حد مختص يتكلم عن كل فرع خاص بيه
وكمان هيكون معانا ناس من طب وصيدلة وعلوم وزراعة بحيث نناقش كل المجالات ونجمع كل فروع البايو
وبالنسبه لمرضي الحساسيات والسيلياك هيكون ليهم حلقات خاصه مع شيف للاكلات ال بتناسبهم وهيكون ف استشارات طبيه ليهم هنحدد ايامها وهنوضح المرض كله من الناحيه الوراثيه والطبية
وقريب هيكون في مكان لينا هيكون متوافر فيه الاكل بتاعهم وكمان هيكون موجود فيه استشارات طبية سواء للفيتامينات ال محتاجنها او النظام الغذائي بتاعهم مع مختصين ف المجال ده .

youtube channel

https://www.youtube.com/channel/UCVK4jPz_ZPncrmuE9Lc7pnQ?view_as=subscriber

instagram

https://www.instagram.com/biolife214/