14/08/2022
نقول بسم الله
هو انا اصلا ايه انواع الطرق عندي الطرق عندي نوعين ياما طرق حضريه Urban
ياما طرق خلويه Rural
طيب هو ايه في الاساس الفرق بينهم الطرق الخلويه هي طرق اسرع نسبيا السرعه بتوصل فيها ل 120 كم / ساعه بتبقي رابط بين مدينتين
اما الطرق الحضريه هو طريق داخل مدينه نفسها او قريه فالسرعات بتبقي اقل نسبيا
تصنيف الطرق بالنسبه للطرق الخلويه بيندرج تحت اربع انواع
1- طريق شرياني وده ينقسم لشرياني رئيسي وثانوي
الشرياني الرئيسي Principle Rural Arterials ده طريق حر او سريع بيربط بين محافظات او مدن كبيره و الاحمال عاليه وسرعات كبيره بيتنفذ علي اعلي مواصفات للتخطيط والتنفيذ سمك الاسفلت كبير وممكن يصل الاسفلت ل24 سم وبيبقي غالبا اتجاهين وفي طريق للنقل الكبير
اما الشرياني الثانوي Secondary Rural Arterials بيربط بين مدن وبعضها و احماله اقل وسرعاته اقل وسمك طبقه الاسفلت اقل من رئيسي بيكون حوالي طبقتين اسفلت او تصل ل15 سم ولو اتجاهين للمرور وعدد حارات متوسط يصل ل 4 حارات
2- طرق تجميعيه Rural Collectors بتخدم حركو المرور داخل الاقاليم وبغض النظر عن احجام الحركه عليها فهي بتخدم رحلات اقصر من الموجوده علي الطرق الشريانيه وبتخدم حركات اقليميه مثل مراكز تسوق او تجمعات مدرسيه او مناطق ترفيهيه او مناطق تعدينيه
3- الطرق المحليه Rural Locals والوظيفه الاساسيه ليها انها بتوصل للاراضي المجاوره لشبكة المرور التجميعيه وبتخدم حركات المرور اقصر من التجميعيه
كده كل طريق اقل في تصنيفه بيربط علي طريق اسرع وهكذا
نفس الكلام علي الطرق الحضريه باختلاف الكثافه المروريه والسرعات اللي بتغير في خصائص الطرق ووظيفتها
طب كسرعات مبدئيه طبقا للكود المصري موجوده في الصوره تحت سواء طرق Urban او Rural
وكده دي فكره مبدئيه عن تصنيف الطرق وده الجزء التالت الكود المصري الباب الاول وهيترفع لينك عليه كل الاكواد مصري واشتو وقطري
لسه المره اللي جايه هنعرف ايه هي خصائص ومحددات التصميم وبصمم علي انهي نوع عربيه
