07/02/2026
السلام عليكم
موجه لحديثي التخرج وفرقة رابعة.
🔶 هجاوب علي بعض الأسئلة الفكرية اللي ممكن تتعرض ليها لم تنزل سوق العمل كحديث تخرج.
السؤال الأول
✅ لو أنا واخد كورسات في مجال معين وربنا كرمني واشتغلت فيه فترة مش كبيرة أو موفقنيش لفرصة لسا وجتلي فرصة في مجال تاني كويس وشركة كويسه ومرتب كويس أعمل اي ؟
👈👈 تحديد مجال شغلك مش بناء علي كورس اتعلمته ف تشتغل فيه وخلاص عشان أخدت كورس فيه دا تفكير غلط ❌ طب ليه غلط؟
📌 لأنك أخدت الكورس بناء علي حد قلك اتعلم كورس كذا بدون وعيك لمجالات القسم كاملة وفرص عمل القسم وأفضل تخصصات تؤهلك يكون ليك كارير مستقبلي قوي في ظل منافسة أعداد مش قليلة من المهندسين.
📌 بالتالي انت مخترتش لنفسك مجال معين انت لقيت نفسك بتاخد كورس مؤهل لمجال معين ولقيت نفسك شاطر فيه واتخرجت وبدور علي شغل في المجال دا فقط في ظل أعداد كبيرة بدور في نفس المجال برضو.
📌 بس سألت نفسك هل اللي بعمله دا صح ؟ او اي اللي محتاج أتعلمه فعلياً بدون ما أضيع وقت كبير في حاجات كدا كدا هتعلمها لم أنزل شغل في أي مجال ؟ سألت نفسك لو أنا مهندس شاطر ومميز بس معرفش غير مجال واحد هل المجال دا أي حد ممكن يشتغله ويخرج شغل منه وتميزك وعقليتك متظهرش في المجال دا في حين ممكن مجال تاني تلاقي نفسك قوي جداً ومميز فيه وربنا كرمك بفرص كويسه جدا بسبب تميزت مبقتش عادي فيه.
⚡✅ يبقي وارد جدا تتخرج وانت متعلم كورس معين في مجال واحد ويجيلك فرص أفضل في مجالات تانية كويسه فتوكل علي الله وابدء من جديد فيه وهتتعلم في الشغل مع اجتهادك الشخصي والناس الخبره اللي هتكون معاك.
📌📌 بالتالي تحديد مجال شغلك مينفعش يكون بناء علي كورس
المفروض بناء علي شخصيتك الهندسية دي أول حاجة تاني حاجة دراستك لتخصص قسم كهرباء كويس وتشوف احتياجات الشركات الكبيرة في التخصصات وأفضل مجالات كمستقبل هندسي تقدر تتميز فيها وتعرف مجالات العمل والتخصصات في كل شركة بالأخص الكبري وازاي أوصلها.
📌📌 هتكتشف في الآخر ان skills والعقلية هي اللي بتبني مهندس جاهز لأي تجربة وفرصة ويكون عارف إزاي يطور من نفسه تكنكال واحتياجاته التكنكال في المجال اللي هيركز فيه.
⚡✅عادي بعد التخرج تصحح مسارك وتعرف الصح ليك وتعمل شيفت في الآخر فكر في مصلحتك الشخصية اللي تخدمك كمهندس لأن لو مفتحتش مخك بدري وانت صغير هتبص حواليك هتلاقي ناس عرفت توصل لأماكن ومرتبات مميزه وشركات قوية بتوفيق ربنا وشطارته وسعي في طريق صح وفكر صح وسوق لنفسه صح ووصل لمعارف بشطارته برضو.
⚡✅ النهاية إن مكنتش انت هتتعب عشان تخلي كاريرك الهندسي أفضل ليك كمهندس فمش هتتشاف حتي لو كنت جواك عارف انك شاطر بس انت اخترت مجال لا يليق بفكرك ولا بشخيصتك ولا طورت فكرك ولا اشتغلت علي skills وسعيت في تخصصك عشان ربنا يكرمك بالأحسن .
⚡✅ الحكاية مش بتنتهي بمجرد ما بتتخرج وتشتغل وبتاخد مرتب دي مجرد بداية لكل واحد عايز يبني مستقبل أفضل ليه كمهندس لو هو اختار كدا.
بالتوفيق
https://www.linkedin.com/posts/engmahmoudelzeiny_aepaesaeqaewaebaesabraepaesaelaewaes-share-7425910214664671232-MbEd?utm_source=share&utm_medium=member_android&rcm=ACoAAEbQwuMBWwRfD8nzfN4oP13TvV2KCZePHXo
