Ahmed Zakaria - A.Z center

09/06/2026

وحيد أول مرة يقف على مخرطة كان معانا
لكنه شخص عنده طموح
واحنا بنحب الناس المجتهدين الي عندهم طموح
كلنا نقول كلمة حلوة لــ وحيد 🌹

08/06/2026

الخطوة قبل الأخيرة 🤌🏼

#فوازير

06/06/2026

أيوه بقى
فيه ناس حياتها هتتغير
وممكن يتفتح لهم باب رزق كبير
وربما تبقى سبب تحول في مسيرته
إن شاء الله
يا ترى إنت منهم؟
قول لي لو كسبت إن شاء الله
إيه طموحاتك؟

#فوازير

05/06/2026

متع عنيك 😎

04/06/2026

عطل مفاجئ 😱
ركّبنا الاسطمبة على ماكينة الحقن.

وبعد ما ربطنا الكلامبات، ووصلنا خراطيم التبريد، ووصلنا خراطيم الهواء علشان بلوف الهواء تشتغل، وراجعنا على كل حاجة، بدأنا نعاير قفل الاسطمبة.

وفجأة حصلت مفاجأة…

المنجلة بتاعة ماكينة الحقن مش بتقفل ولا بتفتح.

مش بتكلم هنا عن الركب وبستم الهيدروليك، أنا بتكلم عن ضبط المنجلة كلها على مقاس الاسطمبة.

مفيش حركة.

فيه صوت… لكن مفيش أي نتيجة.

أنا عارف إن فيه موتور هيدروليك بيحرّك ترس كبير في ضهر الماكينة، وهو اللي بيقوم بالمهمة دي، لكن بصراحة ما كنتش اتعاملت مع الجزء ده قبل كده.

والمشكلة إن الماكينة مقفولة من الخلف بصاج، ومش باين أي حاجة.

أعمل إيه يا ترى؟

أتصل بالصيانة؟

أكيد لو حد هييجي، هيتأخر يوم أو يومين؛ لأننا بعيد عن القاهرة. ولو طلعت المشكلة كبيرة، ممكن نتعطل أكتر.

طيب أعمل إيه؟

مبدهاش بقى…

هفك الصاجة اللي في ضهر الماكينة، وأشوف هلاقي إيه، وبعدها أقرر.

وفعلًا بدأت أفك المسامير.

مسامير كتير…

فوق.

وتحت.

يمين.

وشمال.

وأخيرًا الصاجة اتفكت.

ظهر الترس الكبير.

كل حاجة شكلها طبيعي.

مفيش زيت واقع.

الحمد لله، مفيش تسريب.

بس يا ترى إيه المشكلة؟

الترس كله شحم.

قلت أمد إيدي ناحية مكان الترس الصغير بتاع الموتور الهيدروليك، أشوف هلاقي إيه.

ربنا يستر، وما يكونش مكسور.

يا رب ما تكونش أسنانه متآكلة.

مع إنّي بيني وبين نفسي بقول: وإيه اللي هيأكلها أصلًا؟ مفيش حمل منطقي ممكن يعمل كده.

مديت إيدي…

وكانت المفاجأة.

مفيش ترس صغير أصلًا.

عمود الموتور فاضي.

فين الترس؟

المكان ضيق ومش باين حاجة، فبدأت أحس بإيدي في الفراغ بين الترس الكبير وحامل الموتور.

والمكان كله شحم.

وبعد شوية تدوير…

لقيت الترس واقع على حامل الموتور.

طلعته.

بصيت عليه.

سليم وزي الفل.

دورت على الخابور.

لقيته.

كأنه جديد.

مسمار الزنق سليم.

والقلوظ سليم.

حاجة عجيبة فعلًا.

لكن الحمد لله.

يلا بقى نركبه مكانه ونشوف إيه اللي هيحصل.

وده اللي هتشوفوه في الفيديو.

بس قبل ما تشوفوا التكملة…

يا ترى إيه السبب في إن الترس يتفك بالطريقة دي؟

وهل المشكلة مجرد مسمار زنق ما كانش مربوط كويس؟

ولا فيه سبب تاني ممكن يخلي الترس يخرج من مكانه رغم إن الخابور والمسمار والقلوظ كلهم سليمين؟

مستني رأيكم وتحليلكم.

وبالمناسبة: إيه رأيكم في طريقة السرد والحكاية؟

ملاحظة مهمة: القصة دي أنا اللي كاتبها بنفسي، مش ذكاء اصطناعي.

03/06/2026

لماذا لا نقبل النقاش الهادف؟

ليست كل ضجة دليلًا على قوة الفكرة، وليست كل معارضة دليلًا على جهل المعترض.

أحيانًا يختار بعض الكُتّاب أو المتحدثين عبارة صادمة لجذب الانتباه، ثم ينشغل الناس بالاعتراض على العبارة نفسها، لا على الفكرة التي وراءها. وهذا أمر طبيعي؛ لأن الكلمات ليست مجرد أوعية للمعاني، بل هي جزء من المعنى نفسه.

المشكلة الحقيقية تبدأ عندما يتحول النقاش من البحث عن الحق إلى البحث عن الانتصار. فيصبح كل معترض جاهلًا، وكل مخالف سيئ النية، وكل ناقد غير فاهم، بينما يبقى الكاتب وحده صاحب الفهم الصحيح.

عندها لا يعود الهدف من الحوار الوصول إلى الحقيقة، بل إثبات التفوق على الآخرين.

الإنسان الواثق من فكرته يناقش الاعتراض نفسه، ويحاول فهم سبب رفض الناس لعبارته أو طرحه. أما من ينشغل بتوصيف المخالفين أكثر من مناقشة حججهم، فإنه غالبًا لا يدير حوارًا، بل يدير معركة.

وقد يكون بعض المعترضين مخطئين فعلًا، لكن من الخطأ أيضًا افتراض أن كل معترض جاهل أو سيئ النية أو يتهرب من المسؤولية. فكم من فكرة صحيحة أُسيء عرضها، وكم من عبارة أثارت اعتراضًا مشروعًا رغم أن صاحبها كان يقصد معنى حسنًا.

الحوار الحقيقي لا يبدأ من سؤال: "كيف أثبت أنني على صواب؟"

بل يبدأ من سؤال: "لماذا اعترض الناس؟ وهل يمكن أن يكون في اعتراضهم شيء يستحق التأمل؟"

فالغاية من النقاش ليست أن يخرج أحدنا منتصرًا، وإنما أن نخرج جميعًا أقرب إلى الحق.

برأيك ما السبب في ذلك؟

02/06/2026

الثقوب العميقة أساس في الاسطمبات
يا ترى بتعملوها ازاي؟

02/06/2026

PowerMill _ Patterns _ Curve Editor

Share your videos with friends, family, and the world

01/06/2026

البنوز ذات الصلابة العالية محتاجة مجهود اضافي علشان السطح يكون أنعم🛠
ايه إقتراحاتكم لسطح أنعم🤔