https://www.facebook.com/529981434169161/

Abdel-Karim Essam, Damietta (2026)

23/12/2022

Hollow blocks slab الاسقف الهوردي وطريقة تشغيلها ✅✅

30/12/2020

بسم الله
نصائح مهمه جدا قبل البدء قي تنفيذ بيت العمر او مبناك الخاص .
❤

15/11/2020

لا_خير_في_كاتم_علم ❤
‏اخطاء مؤلمه ومزعجه جدا ان يتم التلاعب بأرواح الناس بالمنظر الفج ده "تنفيذ قواعد مسلحه ملاصقه للتربه بدون صبة نضافه ومشاكل في تفريد وتقسيط وتربيط الحداده " يا جماعه لا تبنوا فلل ولا عمارات الا تحت اشراف هندسي بيحترم شروط السلامه الانشائيه و وبيطق اصول الصناعه غير كدا متصرفوش فلوسكوا في حاجه غلط ، ويبقي هدر للمال ولأرواح الناس ولأعصابنا لما نشوف خزعبلات زي دي .

31/05/2020

❤
كبسوله تنفيذ السباكه (الصرف)
يتم الزام السباك بعمل مواسير الصرف علي قايمين
-
١- قايم عمل ودا بيكون غالبا ماسوره قطرها ٤ بوصه متصله بمدفع القاعده لصرف مخلفات القاعده (التقيل ) ، متصله بماسوره ٢ بوصه نفس نفس للتهويه وتقليل الروايح الكريهه
-
٢- قايم صرف ودا غالبا بيكون ٣ بوصه بيتم عليه صرف الاحواض والدش والمطبخ (الخفيف )
-
المسافه من تشطيب السيراميك لبداية ماسورة مدفع القاعده من ٥ ل ٨ سم وممكن توصل ل ١٠ سم
-
بيتم وضع بيبة صرف في الحمام ب ٣ مداخل بقطر ١.٥ بوسه ومخرج ٢ بوصه لصرف مياه الحمام ولو ضغط المايه في الحمام يفضل تكون بيبه ٢×٣ بوصه وصرف البانيو والحوض وتصرف علي قايم الصرف مباشرة
-
بيتم تجميع مياه قايم الصرف في جليتراب بوكس بلاستيك ابعاده ٣٠×٣٠ او ٤٠×٤٠ لتجميع المياه في مداد واحد قبل صرفها علي غرفة التفتيش لمنع انتقال الرواح الكريهه لقايم الصرف وتنظيف غرفة التفتيش
- بيتك صرف قايم العمل علي غرفة التفتيش مباشرة
-
غرفة التفتيش هي غرفه لجمع قايمي الصرف والعمل في مداد وصرفهم علي المطبق الرئيسيي ابعادها تحدد حسب خدمتها في الغالب تكون ٦٠ ×٦٠ .

30/05/2020

❤
الشروخ في المباني الخرسانيه
-
مبدئيا كدا الشروخ الي يتظهر في حوائط المبني بتاعك بيتم تفصيلها ببساطه شديده جدا لانواع متعارف عليهم حاليا نتيجة اسباب زي الشغل البلدي ال هو اكبس وخلص ومفيش تقرير تربه ودا انا شايفه اهم حاجه في المبني عموما حاجه بسيطه متوسط سعرها من ٥ ل ١٠ الاف جنيه تمن نصف طن حديد وممكن يهد مبناك ال اتكلف ملايين بالكامل لو تجاوزته لا قدر الله ، مفيش مراعاة لمتطلبات المالك في تصميمك انت ، وتنفيذ شغل اساسات لا يتوافق مع التربه ولا مع احتياجات المبني ، مينفعش اطلاق مبني تصميمه لبشه عاديه ثم مسلحه ف اشغل دماغي واوفر واعملها قواعد منفصله عشان المالك زعلان بسبب التكلفه )
-
طيب اي انواع الشروخ الشائعه الي هنشوفها يوميا تقريبا
وترتيب اقلهم ضرر ثم الاكثر وطرق الحلول
-
١- الشروخ الافقيه بين الكمره الساقطه من السقف والحائط ودا شرخ غير مؤذي بالمره حاجه بسيطه جدا وعلاجه بسيط ودا ظهر نتيجة وجود فراغ بين الحائط والكمره وعدم (تشحيط) الحائط في الكمره ومع اختلاف معامل التمدد بين مادة الخرسانه والطوب حصل شرخ بسيط بيتم علاجه عن طريق تكسير المحاره وضع كسر طوب بمونه بسيطه وملى الفراغ بين الكمره والحائط واستخدام سلك شبك حديد للربط في المحاره بين الحائط والكمره
-
٢- شروخ طوليه بين العمود والحائط ودا نتيجة اختلاف معامل التمدد للخرسانه والطوب وبيتم حلها عن طريق عمل كانات ربط (اسياخ حديد في العمود بطول ٢٥ سنتي بيتم تزريعها بمادة تزريع ) لربط العمود بالحائط واستخدام سلك شبك يفضل حديد بعرص ٢٠ سم للربط بين العمود والحائط
-
٣- شروخ افقيه (نايمه) في منتصف الحائط ودا نتيجة هبوط منتظم في الاساسات (ببساطه يعني لو كان عندك قعدتين شايلين عمودين بينه الحائط فالقعدتين ريحوا نفس المسافه ودي مفيش منها ضرر لو الشروخ تنميله بسيطه في المحاره بيتم فتح الشرخ ومعالجتة بمعجون شروخ امريكي او كيم كراك كويس
-
٤- شروخ حول علب الكهربا والمفاتيح ودي بسبب تكسير الكهربا ووضع الخراطيم وسحب السلوك وبعدها صنايعي المحاره مستخدمش سلك شبك فايبر ودي يفضل تكسيرها ووضع سلك الشبك
-
٥- شروخ حول فتحات الشبابيك وتحدث نتيجة تركيز الاجهادات وبيتم ظهور الشروخ نتيجة عدم وضع عتب بركوب ٢٥ سنتي يمين ويسار الشباك فوق وتحت
ونفس الحال لفتحات الابواب بيتم عمل عتب بركوب ٢٥ سنتي وبتخانه ١٠ % من عرض الفاتحه
-
٦- شروخ رأسيه في منتصف الحائط او مائله بزاويه ٤٥ و ودي ممكن نقول عليها الشروخ الخطيره ودي بتحصل نتيجة حاجتين والله اعلم اول حاجه حدوث هبوط في السقف او الكمره المتصل بيها الحائط فوق او اسفل الحائط او نتيجة هبوط غير منتظم في اساسات المبني ودي بيتم معالجتها بمعاينة مهندس فقط فقط فقط
-
حاجه اخيره بس ربنا من ستره وفضله علينا مجعلش انهيار الخرسانه انهيار لاحظي لازم يبقي فيه مؤشرات ولكن انت يمكن معندكش الضرايه الكامله ولا ممكن تحس ب ده لانه مش تخصصك فياريت لو موجود شروخ في بيتك في اماكن متعدده تستشير مهندس مش عيب حماية لنفسك ولبيتك ولاهلك ٠

28/05/2020

❤
عزل المبني للصوت
مبدائيا كدا البوست للي عايش في منطقة شعبيه زينا او community الرحاب والتجمع والشيخ زايد عشان هيبقوا منطقه شعبيه بعدين ، لو صوت جارك مزعج لو جمبك مصنع او انت اصلا عندك مصنع مزعج في منطقه سكنيه يبقي حلك الصوف الصخري Rock wool
-
الصوف الصخري هو منتج طبيعي بيتوفر من البازلت لما ينصهر عند درجة حراره معينه اليافه صغيره ، معامل توصيله للحراره صغير جدا وغير منفذ للصوت ، عشان كدا بيستخدم احيانا في عزل الصوت والحراره ومقاومة الحريق ، اي مبني حديث بيتم بناءه انا شايف انو المفروض حاجه اساسيه يتم تنفيذها او في شقتك علي أضعف الايمان .
-
موجود ليه موردين كتير جدا ف مصر متوسط سعر اللوح ٨٠ جنيه يزيد او يقل حجات بسيطه جدا موجود علي موقع سوق . كوم ابعاد اللوح ١٢٠×٦٠ وتخانة ٥ سم وفيه اماكن بتورده بالرول ودا بيكون رخيص نسبيا عن الالواح لوحدها
-
بيتم تركيبه في المنشأت الخرسانيه عموما عن طريق حوائط الطوب الخارجيه ، بيتم عمل الحائطه ساندوتش نص طوبه ثم وضع الصوف الصخري ثم بناء نص طوبه اخري بحيث يكون عرض الحائط ٣٠ سم وفي الاسقف وبيتم تركيبه علي شاسيه و تغطيته بالواح الجبسمبورد مبيحاجتش لمصنعيه لتركيبه صنايعي البناء عارف هيعمل اي ، حاجه بسيطه جدا ويمكن هتوفر عليك كتير جدا اعرف ناس بيسيبوا بيوتهم ال اتولدوا واتربوا فيها عشان الازعاج وعدم الخصوصيه ، المشكله ممكن يكون حلها بسيط جدا لو استشيرت مهندس متخصص ، المعلومات صدقه جاريه علي روح اخي ياريت تدعوله ومتنسوش تعملوا لايك ومتابعه عشان تتابع احتياجات اي مبني حديث واي معلومه هندسيه تخص البناء والمنشأت عموما .

27/05/2020

❤
عزل الاسطح للرطوبه ومياه الامطار
-
كتير مننا بيكون ساكن في الدور الاخير وبيعاني من تنشيع المايه من السقف وتساقطها عليه ، او بيعاني من تنشيع المايه ف سقف شقته بسبب تسريب المياه من حمام جاره في الادوار العلويه طيب مبدائيا عشان نقنن ونحل المشكله لازم نعرف اضرارها في البدايه
-
ببساطه شديده صدأ حديد السقف اكبر ضرر بيسببه تنشيع المايه ثم بدايه ف التأكل ثم الانهيار ولولا ستر ربنا ان انهيار الخرسانه مبيكونش انهيار لحظي لا بيديك مؤشرات مره واتنين ولو تجاهلتها لا قدر الله ممكن تؤذي اهلك ونفسك ، غير الاضرار علي اثاث وفرش الشقه ، ضرر علي التشطيبات والدهانات ، مش مبرر اطلاقا انك تشتري شقه او تعمل بيت يكلف ملايين الجنيهات وتطشب تشطيب سوبر لوكس وتيجي توفر ف بنود اساسيه انا شايفها مهمه جدا
-
طب اي هي انواع العزل المائي (رطوبه)
اول نوع وهو البيتومين
البيتومين بيتقسم ٣ انواع
١ -بيتومين بارد
٢ - بيتومين ساخن
٣ ممبرين (خيش مقطرن)
تاني نوع وهي الالواح المعدنيه
الواح الومنيوم ونحاس بتستخدم في عزل الرطوبه
تالت نوع وهو عزل مائي وحراري وهو البولي يوريثين
رابع عزل مائي ورطوبه وبفضله للحوائط وهو منتج شركة سيكا (سيكا ١٠٧)
-
افضل انواع العزل المائي للارضيات من وجهة نظري وهي لفائف الممبرين بسبب انها خفيفه ورخيصه نسبيا باهميتها ، ملهاش ضرر صحي ، سريعة التنفيذ ، ودي بيتم استخدامها عن طريق عمل طبقة لياسه اسمنتيه ناعمه ع السقف وعمل رقبة الازازه (تموت الزاويه القايمه بين السطح وسور الدروه او حائط الحمام) عشان يسهل العزل ودهان طبقة اللياسه ب بيتومين بارد ثم فرش الممبرين (بواسطة صنايعي عزل ) ولحام الوصلات بواسطة باشبوري لحام (لازم يحدث تداخل يين اللفه واللفه ١٥ سم ) ، ولو فيه بيبه صرف ف الحمام او جرجروي صرف ع السطح بيتم حلقمتة جيدا ، ويتم عمل وزرة مميرين لا تقل عن ١٥ سم ، بعد العزل بالممبرين بيتم اختبار السطح ٢٤ ساعه بملئه مايه بارتفاع ١٠ سم ونتابع حدوث تنشيع مايه من عدمه ، بعدها بيتم عمل طبقة لياسه اخري لحماية الممبرين ، ثم فرش مشمع وعمل العزل الحراري (الفوم ) في المناطق مرتفعة الحراره ومن ثم تغطية الفوم وعمل خرسانة ميول لصرف مياه الامطار والتشطيب ببلاط موزايكوا .

26/05/2020

❤
عزل الاسطح للحراره
-
كتير مننا بيكون ساكن في الدور الاخير ، ومع ارتفاع درجات الحراره بتحس فعلا ان الشقه نار ودا بسبب ان مفيش حاجه تعزل اشعة الشمس ال بتكون سبب في ارتفاع درجة حرارة السقف وبيتم انتقال الحراره بعد كدا لداخل الشقه ومهما كان فيه مراوح او تكييف مهما كانت قوته لا يفيد ولا يغني ، طيب اي الحل وببساطه شديده جدا
-
الفوم الازرق او البوليسترين polystyrene foam
بيتم الحصول علي البولي سيترين من مخلفات البترول وبيتم تصنيع الالواح بتخانات مختلفه تبدء من ( ٣ ، ٤ ، ٥ ) سم وفيه احيانا تخانات تصل ل ١٠ سم
ابعاد اللوح الواحد (١٢١ × ٦١ ) سم
يعني المتر المكعب من الفوم الازرق ( البوليسترين ) بيفرد في حدود ٢٠ متر مسطح
-
عزل الاسطح للحراره بالفوم ، خفيف جدا ميحملش علي السطح، رخيص جدا مقارنه بالخساير ال ممكن يسببها ارتفاع درجات الحراره ، ملوش اي اثار سلبيه علي الصحه ، هيخلي بيتك رطب في اقصي درجات الحراره الصيفيه ، ممكن تعزل سطحك في وقت قليل جدا ، عمره الافتراضي كبير من (١٠ الي ١٥ ) سنه هيمنع ظهور تصدعات وتشققات فيها وبالتالي هتحافظ علي عمر السقف ، هيقلل الطاقه الكهربيه المستهلكه من التكييف عشان يحافظ علي درجة حراره بارده نوعا ما في المبني ودا بيستهلك كهربا كتير جدا ، هيحافظ علي مستوي التشطيب الداخلي لان هيمنع وصول درجات الحراره داخل المبني وبالتالي هيحافظ علي الدهانات ال بتتأثر باختلاف درجات الحراره ، هيحميك من اثار سلبيه كتير جدا بلاش نتدخل فيها لانها امور فنيه جدا بس ممكن تسبب خطر علي اهل بيتك ودا احنا كلنا في غني عنه ، بنصح اي حد بيعمل منشأ خاص بيه لاي غرض ان يعزل سطحه بالعزل المائي ال هنتكلم عليه بعدين والعزل الحراري مع التطشيب ببلاط موزايكو .

Abdel-Karim Essam

23/12/2022

30/12/2020

15/11/2020

31/05/2020

30/05/2020

28/05/2020

27/05/2020

26/05/2020

Address

Website

Alerts

Contact The Business

Shortcuts

Share

Category