03/07/2019
**توفير الطاقة الشمسية للمصانع:
طبعا معظم المصانع بتدفع شهريا فواتير كبيرة جدا منكن توصل ل ٥٠الف شهريا😩
**طيب ايه التوفير اللي منكن تقدمه الطاقة الشمسية في الحالة دي؟!😊
احنا منكن نركب محطة توليد طاقة شمسية متصلة بشبكة الكهرباء هتنتج كهربا وتخزنها علي شبكة الكهربا لحد متستخدمها فتقلل عنك الفاتورة الشهرية
**بالتفصيل شوية: ان احنا بنركب محطة عبارة عن الواح شمسية وانفرتر وعداد ثنائي الاوجه اللي بيحسب انتاج الطاقة الشمسية قد ايه وانت استهلكت قد ايه من شبكة الكهربا والطاقة الشمسية ويحاسبك علي الفرق فقط...
**بالنسبة لفاتورة الكهربا في ٣ سيناريوهات منكن يحصلوا:
١-ان الطاقة الشمسية اللي انت هتركبها تكفي استهلاكك بالظبط وساعتها الفاتورة هتبقي (صفر)😉
٢-ان الطاقة الشمسية متكفيش استهلاكك فتستهلك شوية كهربا من شبكة الحكومة وساعتها الفاتورة الشهرية هتبقي قليلة نسبيا
٣-ان الطاقة الشمسية تنتج كهربا اكتر من اللي انت محتاجها وساعتها تحاسب شركة الكهربا عن كل كيلووات زيادة انتجته (يعني اكنك بتبيع كهربا )
ومتخافش هتاخد فلوس من الحكومة الموضوع مقنن ١٠٠٪ 😂
**طيب ايه اللي بيحدد كمية الكهربا اللي هتوفرها الطاقة الشمسية؟!🤔
مساحة السطح هي اللي بتحجم قد ايه الواح شمسية ينفع تركب علي السطح (تقريبا كل ٤ الواح ٢٨٠وات بيحتاجوا مساحة من ٧-١٤ متر مربع)
**طيب لو انت عندك مواتير قدراتها كبيرة جدا وشفاطات كبيرة ومكن كبير....هينفع تركب طاقة شمسية تشغل المكن ده؟🤔
الاجابة ايوة ينفع وكمان هتستحمل لحد اضعاف المكن ده...وده لان اصلا انت في النهاية مشغل المكن ده مباشرة علي شبكة الكهربا العمومية يعني اسحب كهرباء زي ما انت عايز..في كل الحالات الطاقة الشمسية هترمي الكهربا علي الشبكة وانت في النهاية اسحب من الشبكة زي ما انت عايز.
**اقتصاديات واستثمار الطاقة الشمسية للمصانع:
الحقيقة ان افضل تطبيق للطاقة الشمسية هو المصانع والمستشفيات والڤلل لان فيهم بيظهر التوفير الفعلي في الفاتورة الشهرية...وكمان بتقدر تسترجع تكلفة المحطة في ٥سنين تقريبا بعديها معاك كهربا ببلاش لمدة ٢٠سنة🤩
**تواصل معنا واحنا نعمل لحضرتك دراسة كاملة لتكاليف المحطة والعائد من التوفير ونعمل معاينة للمصنع🙋
