06/09/2026
🌾 من الأرض
في كل مزرعة قصة إحنا بنشوفها بنفسنا كل يوم.
«من الأرض» سلسلة هنحكي فيها مواقف حقيقية من مزارع اشتغلنا معاها .. قصص من الأرض فعلاً.
ونبدأ من مزرعة يثرب في البحيرة.
المزرعة كانت شغالة على الكهرباء التقليدية بالكامل بتشغل عنابر دواجن، ومعاها طلمبات ري بقدرة 30 حصان لازم تشتغل في وقتها.
والمشكلة اللي كل صاحب مزرعة يعرفها كويس:
حِملين على نفس العداد، وفاتورة بتكبر كل شهر عن اللي قبله.
التشغيل مستمر … لكن المكسب بيتاكل جزء منه في الفاتورة.
اللحظة اللي اتغيّرت فيها الصورة مكانتش «قرار إنه يشتري محطة».
كانت إنه بدأ يحسب تكاليف التشغيل كل جنيه بيروح في الكهرباء كل سنة، ولكام سنة جاية.
العميل تواصل معانا و قعدنا معاه وحسبنا الأحمال: الري، والعنابر، وطريقة التشغيل.
وكان الأنسب لحالة المزرعة تركيب منظومة On-Grid من غير ما يدفع في بطاريات هو أصلاً مش محتاجها، طالما الشبكة موجودة ومستقرة.
ركّبنا محطتين طاقة شمسية On-Grid، إجمالي قدرتهم 144 كيلووات.
وبعد سنة تشغيل، الأرقام اللي طلعت من الأرض:
▪️ إنتاج حوالي 259,000 كيلووات ساعة من الشمس
▪️ توفير سنوي وصل لحوالي 600,000 جنيه في فاتورة الكهرباء
المحطة مش عبء تشغيلي … دي بتحوّل جزء كبير من فاتورتك لتوفير بيفضل معاك سنين.
والأهم إنك تحسب صح من الأول و النظام يتظبط على أحمالك و جدول تشغيلك إنت،مش نظام جاهز لأي مزرعة .
سؤال ليك:
لو عندك مزرعة، هل إنت عارف فاتورة الكهرباء بتاكل قد إيه من مكسبك ؟
#الطاقةالمتجددة #الطاقةالشمسية
