03/12/2022
طريقة مذاكرة 📖
في مننا كتير بيعاني انه مش قادر يقعد يذاكر وقت طويل بيزهق بسرعة 🥱انا اعتقد ان ده راجع لان الشخص مش قادر ينظم وقته بشكل إن هو ما يرهقش نفسه وما يزهقش ⏳️
انا عن نفسي جربت حاجه اسمها pomodoro timer ⏰️ في ويبسايت اونلاين وفي برامج على التليفون تقدر تستخدمها والطريقه ده خلتني أنجز كتير 📝 عن طريق إن هي خلتني التزم بوقت معين للدراسة وهي عبارة عن إن هتخليك اول حاجه تحط أهدافك بتاعت اليوم في ليست 🎯 بعدين تختار اول هدف هتشتغل عليه مثلا في الدراسة ممكن تحط اول هدف ليك هي المحاضرة الأولى مادة الجيناتيكس 🤔
ولتطبيق هذه الطريقة عليك بالخمس خطوات الأساسية التالية:
👈اختر العمل الذي تريد القيام به.
⏱️اضبط المؤقت على 25 دقيقة (عادةً).
💪ابدأ في العمل حتى ينتهي المؤقت.
🧘♂️خذ فترة راحة قصيرة لمدة 3-5 دقائق ثم عد مرةً أخرى للاستكمال.
انصحك في فترة الراحة ده ما تمسكش الموبايل 📵 لانه بيخلي الواحد مكسل وفيديو بيجر فيديو وكده اعمل حاجه انت بتحبها وتخرجك من قعدة الدراسة ده زي تمارين بسيطة مثلا وغيره...🤸♂️
🤗عند كل 4 برومودوروس (فترات عمل) خذ راحة من 15 إلى 30 دقيقة.
بعدين هتلاقي نفسك خلصت المهمة اللي وراك✔️ ده بيساعد إنك تبقى ملتزم شويه عشان في تايمر ولازم تحط to do list 🗒 ولما تبدأ المهمة لازم تفضل مركز عليها لغاية ما تخلص ٤ بومودوروس لو اتشتت انتباهك وما خلصتش الاربع فترات عمل دول لازم تعيدهم من الاول تاني🤭 لأنك لازم تفضل مركز في مهمتك لغاية ما تخلص ال٤ بومودوروس لأن التقنية ده مش بتتجزأ 🙅♂️وفي نفس الوقت انت بتشتغل بدون ضغط لان في فترات راحه وكده وغير ده بقا الشعور بعد لما تخلص المهمة و تشطبها كده من الليست اللي عملتها✍️ ما لهوش وصف وبيعزز ثقتك في نفسك وان انت تقدر تخلص اي حاجه مهما كانت وفي تطبيقات🤳 بتخلي في منافسة مع الناس اونلاين على وقت الدراسة او العمل على حاجه معينة عايز تنجزها
