30/07/2025
صباح الخير
ليه ممكن أكتر من شخص يحط نفس العطر لكن الريحة بتختلف؟
كان فيه سؤال بصيغة قريبه من السؤال دا شفناه في بعض الأماكن و جوابنا عليه هناك وحبينا نجاوب عليه هنا علشان الإفادة
من الناحية الفسيولوجية
الجلد مش مجرد سطح
الجلد فيه غدد دهنية وغدد عرقية، وكل واحدة بتفرز مواد مختلفة بتتفاعل مع العطر:
الغدد الدهنية بتفرز زيوت طبيعية (sebum) بتعمل كحامل للعطر وتخليه يدوب وياخد وقته في الظهور.
الغدد العرقية بتفرز مياه + أملاح + نيتروجين + بروتينات، وده بيخلي العطر ممكن "يتشوّه" أو يطلع ريحة جديدة تمامًا حسب التفاعل.
الميكروبيوم الجلدي (Skin Microbiome)
الجلد عليه ملايين البكتيريا الطبيعية (النافعة)، زي البكتيريا على اللسان والمعدة.
كل شخص ليه بصمة بكتيرية مختلفة، وده بيأثر في تكسير جزيئات العطر وإعادة تركيبها.
بعض البكتيريا بتحول المركبات لمركبات تانية ليها ريحة مختلفة، زي ما الخميرة بتحوّل السكر لكحول!
لو مهتم تعرف أكتر تابعنا في التعليقات
K&M
