11/08/2026
⬅️ إزاي تحل أي فراغ معماري أو مشروع ممكن يجيلك؟
الموضوع مش إنك تحفظ حلول أو اشتراطات جاهزة..
أو تطبق نماذج وأفكار جاهزة.
خصوصا في التصميم المعماري، لأنه عصب المشروع مهما كان حجمه أو نوعه.
لكن فيه طريقة تفكير لو اتعودت عليها، هتعرف تبدأ أي مشروع تقريبا مهما كان نوعه.
ابدأ بـ 5 أسئلة:
1️⃣ مين هيستخدم المكان؟
مش بس عدد الأشخاص.. لكن طبيعة استخدامهم، حركتهم، واحتياجاتهم.
2️⃣ إيه الوظائف الأساسية؟
حدد كل الأنشطة المطلوبة قبل ما ترسم أي خط.
3️⃣ إيه العلاقة بين الوظائف دي؟
مين لازم يكون قريب من مين؟
ومين لازم يتفصل عن مين؟
4️⃣ الحركة هتمشي إزاي؟
الدخول، الخروج، الخدمة، الخصوصية، ومناطق التوقف.
خصوصا في المشاريع الخدمية والتجارية.
5️⃣ إيه أهم مشكلة في المشروع؟
كل مشروع تقريبا عنده مشكلة رئيسية، لو حليتها صح هتلاقي باقي التصميم بدأ يركب مكانه.
والأهم بقى..
إجابة الـ 5 أسئلة دول عند العميل.. مش عندك إنت 😁
أو بمعنى أوضح:
حط احتياجات العميل في كفة، والأسئلة دي في كفة تانية..
هتلاقي إن أغلب الإجابات بدأت تظهر من تلقاء نفسها.
وساعتها دورك كمعماري مش إنك تخترع احتياجات للعميل..
دورك إنك تحول احتياجاته لمكان شغال صح بمنطق هندسي واضح ومدروس
هتطلع بنتيجة معمارية مرضية ليك وللعميل
