07/10/2025
لاحبابي قائدي السيارات
( مشتريها جديده او مستعمله)
مسافات طويله وشغل شاق جدا.
يرجي قرائه التعليمات دي جيدا 👉👉👉
تجيب ورقه بيضه وقلم وترميهم في الدرج..👌
وتكتب👇
كل 6 ل 7 شهور تغيير ميه ريدياتير بحاجه كويسه.
كل 60 الف كاتينه وبلي
كل 30 ل 40 الف 3 سيور وتيل
كل 3 شهور تكشف علي الخراطيم والريدياتير والكوعه
بنفسك كل يوم تفتح الغطا وتبوص علي الميه وتقفله كويس.
الريدياتير بيترمي بالكوعه بالخراطيم والغطا كل 4 سنين👉.
تغيير زيت كل 5000 كيلو بالفلتر
تغيير فلتر هوا فلتر بنزين بوجيهات كل 20 الف
احذر من سواقين التاكسي ( مع احترامي وتقديري للمهنه الشريفه ولكن مش تخصصه يفتيلك ) وقعدات القهوه وكهربائي وميكانيكي الرصيف..
ماتفتحش الكبوت الا علي صيانه ضروريه فقط
تتبع التعليمات السابقه👆
كل ساعتين ونص سواقه تنزل تمشي علي رجلك جنب العربيه دقيقه وترجع تسوق تاني.✊✊✊
تانك البنزين مايتحطش فيه غير البنزين👉
الزيت مايتحطش فيه غير الزيت👉
ابعد عن الافتكاسات والفتا ووجع القلب
مسامير العجل تتربط بعزم الايد بس..ماحدش يقف عليها.
الكاوتش يتغير لو جاب بلونه او سلك او فيه عالي وواطي
ماتدوسش فرامل قفش علي ميه او رمل👉👉
هدي بس.
صيانات العربيه 3 بس..
ال 20 بوجيهات وفلاتر
ال 40 3 سيور وتيل
ال 60 كاتينه بالبلي
((( بس )))
وماتتعلمش في عربيتك بفلوس
زيت الباور زيت الدبرياج زيت الفتيس المانيوال سيبهم دلوقتي خالص وماحدش يزودهم ولا يجي نحيتهم..
زيت الفتيس مع تغيير بليه وديسك واسطوانه .باور وباكم عند تسريب .
عالج التسريب ويتغير او لما لونهم يروح للاسود بعد 8 سنين ( ده كلامي ) مش كلام التوكيل.
عربيتك 3 بس ميه وزيت وكاتينه ( بس )
احذر شغل الكهربا الغبي
احذر من الشواحن المضروبه فالولاعه
الطفايه تكون ورا كرسي السواق علي الارض
سرعتك 90-100-110 وترجع تاني👉👉👉👉👉
ظبط زوايا فقط لو العربيه دايما بتروح ناحيه وسيبالك ناحيه
ترصيص بس ف حاله الغربله بعد ال 90
ماتروحش لعفشجي لتربيط عفشه..بتروح لو سمعت صوت متصل في نفس المكان مع مطب او حفره..غير كده لا.
( ماتصاحبش ميكانيكي ) ليه شغله عاوز فلوسه وانت ليك عربيتك عاوز خبرته....
مطباتك علي هداوه وبلاش فرامل كتير
اركن في مكان ماتضايقش بيه حد ولا تقفل عليه
ماتتخانقش مع حد فالطريق ماتعرفش ظروفه ايه
خليك جنتل مع السيدات في القياده وماتفتريش علي حد
خطط للطريق قبل ماتمشي فيه بدماغك
عينك علي الطريق مش علي الموبايل
امسك الدريكسيون كويس وسيب مسافه بين عربيتك وبين اللي وراك مش عاوز يبعد عنك ابعد انت عنه
تذكر..دي عربيه اكل عيش.. حلال
حبيبي ربنا يكرمك🌹
لو كتبت دول في ورقه وطبقتهم☝☝
موتور عربيتك يجيب معاك 900.000 الف كيلو سليم وعلي بعضه
ملاحظه..في عربيات شوفتها عدت ال 550.000 الف والموتور علي بعضه ..بدون نقص زيت او حراره او جوان الوش
يعني مواتير الفيرنا مش ضعيفه ولا تعبانه زي مابيقولو..
هذا والله علي ما اقوله شهيد .
بالتوفيق حبيبي اتمنالك السلامه
