جي ام للجبس بورد والتشطيبات

05/05/2026

24/11/2024

احدث تصميمات الجبس بورد وبديل الخشب والرخام بأقل الاسعار واجود الخامات للاستفسار 01146072073

18/11/2024

✔لو عاوز تعمل جيبسوم بورد فشقتك يبقى تركز معايا كويس
📌عندنا اقل سعر للمتر واجود الخامات الجبس كناوف وسعر خاص للمساحات
📌طب نوع الجبس ايه؟
🔹 كناوف اجود خامه في السوق واسال عليها والصاج 4,.وشامل معجون الفواصل
📌طب ايه الفرق بين الجبس الأبيض والأخضر والاحمر؟
🔹الجبس الاخضر مقاوم للرطوبه
🔹الجبس الأحمر مقاوم الحراره والرطوبه
🔴احدث عروضنا👌👌
👍👍
📌قلنا ميزانيتك واحنا نعرض عليك تصميمات تناسبك
📌طب احنا شغلنا يتضمن ايه؟؟
🔹سعر المتر شامل معالجه معجون للفواصل واللحمات+ ونمدلك مواسير الكهربا كمان😉😉
✔✔ولو عاوز تستلم الشغل بنفس بهجه الصوره
عندنا نقاشين محترفين يسلموك الشغل بنفس جوده الصوره👌👌😊
📌حددلنا الميعاد اللي يناسبك واحنا نجيلك ونعاينلك شقتك مجانا😊😊
لأي استفسار01146072073

18/11/2024

02/10/2023

٣٠ نصيحه قبل معركة تشطيب شقتك 🏋️

1- ارسم للشقه فرش افتراضي عشان تقدر تحدد أماكن مخارج الكهربا صح، بحيث لما تيجي تفرش متلاقيش كهرباء مستخبيه ورا الفرش.

2- لو هتركب بورسلين الزقه بمادة لزق ستوكس يو من شركة CMB علي بلاط موزايكو، بلاش مونه عشان ميفكش.

3- اتاكد قبل الدهان انك مغطي كل مخارج الكهرباء، وحلق الباب، والاكره، والوزرة والأرضية، عشان ميتبهدلوش.

4- متنساش تعمل سيلر (العزل المائي) في مرحلة النقاشه، لانه مهم جدا.

5- خلي الدهانات ألوان محايده، ولون في الفرش والاكسسوارات زي ما تحب.

6- بلاش دهانات مط وبلاش دهانات لامع، النص لامعه أو الربع لمعه أشيك بكتير.

7- خلي بالك لو شقتك مساحتها صغيره اعمل دهانات الوانها فاتحه بلاش غوامق.

8- ماتشتغلش غير بسلك السويدي الأصلي في بند الكهرباء.

9- اختار الأجهزة الكهربائية قبل ما تفصل المطبخ عشان المقاسات تظبط.

10- أكتر حاجة هتخلي شقتك شيك هي توزيع الإضاءة صح.

11- استلم العلب كويس في مرحلة التأسيس عشان متلاقيش حاجه مايله ساعة التشطيب وتركيب الوش النهائي.

12- لو شقتك علي شارع رئيسي ركب زجاج دوبل في الالوميتال.

13- لو لسه هتشتري شقتك يفضل تشتريها طوب احمر.

14- اهتم جدا جدا بجودة خامات التأسيس بلاش تسترخص فيهم.

15- العزل مهم.

16- رخامة المطبخ هاتها جرانيت مش رخام.

17- أسس تكييفات في كل الغرف حتي لو مش هتركب كل التكييفات دلوقتي عشان متكسرش بعد كدا.

18- بلاش ابوس ايدك سيراميك في سقف الحمامات والمطبخ.

19- بلاش تعمل نيش بياخد مكان علي الفاضي، ممكن تعمل كوفي كورنر مكانه هيكون احلي وألطف بكتير.

20- متخليش الصنايعيه يخمروا مونه جمب الحيطه عشان الرطوبه متبوظش الدنيا بعد كدا لما ندهن.

21- مسترخصش في لوحة الكهرباء الرئيسيه للشقه عشان مهمه جدا.

22- الجيبسوم بورد حاجه حلوه بس نستخدمه صح.

23- لو الحمام بتاعك ضيق ماتركبش بانيو.. اعمل شاور كابينت.

24- لو هتركب ليد لايت بلاش تجيبه الوان، الابيض والاصفر حلوين جدا.

25- هات المعجون GLC وشطب چوتن.

26- مفيش احسن ولا ارقي من الدهانات الساده بس اختار الالوان صح.

27- خلي النقاش يعملك كل سكينه معجون بلون مختلف (ابيض - بيج) عشان تتأكد إنه عمل عدد السكاكين الصح اللي اتفقتوا عليها.

28- الكرانيش الجاهزة (فيوتك) احسن من الجبس البلدي.

29- ماتنساش تركب سلك لكل الشبابيك عشان الحشرات.30- مش لازم تعمل زي الناس، انت حر.للاستفسار 1146072073
#جبسمبورد #تشطيبات #اشكال جبس بورد

15/09/2023

قبل ما تقرأ اي حاجه اعمل Save للبوست وهتعرف ليه بعد ما تخلص قراته 💯
_____________
لو حضرتك بتشطب فدا هيبقي افيد بوست ليك . تعالا 🫴

* امتي تعمل الدهان مط ؟
_لو الحوائط عندك فيها ديفوهات أو المحاره م مظبوطه فبنميل للمط سواء (مط _ريتش مط _لوكس)

*امتي اعمل ربع لمعه ؟
بنسبه 80٪ من الناس بتعمل ربع لمعه لانه وسطي في كل حاجه وبيناسب كل الاذواق .. واي نظام . ومشهور في السوق بالنسبه لجوتن تحت اسم (فينوماستك سلك - وفي GLC جيليتكس 15الف }

امتي اعمل نص لمعه ؟
تعمل نص لمعه لو اختيارتك مدمره حياتك وعملت ابيض او اوف وايت فوقتها بتحتاج حاجه ليها قدره عاليه جدا علي الاحتكاك والغسيل وطبعا كلنا عارفين أن كل ما المعه بتزيد المقاومه للغسيل بتزيد . ولكن عيوبه 🫵 لو عندك مشاكل في التأسيس . واسمه فينوماستك مذهل في جوتن . وجيليتكس 25الف في جي ال سي .

---------
الاسقف كلها تتعمل مط . ليه ؟
عشان ميبقاش في ريفلكشن للاضاءه في السقف وعشان عيوب السقف متبنش وعشان انا مش محتاج لا لمعه ولا غسيل في السقف
------
افضل نظام تعمله ؟
افضل نظام تلوين تعمله نظام اللون الواحد في المكان كلو وغوامقي في الفرش أو الديكور وكل ما توحد الالوان كل ما المكان يوسع لحد ما يبلعك .

-----
الارضيه ايا كان نوعها سواء سيراميك أو باركيه أو بورسلين.
خليك ديما ميال الفواتح بدون فورم أو اشكال .

------
الاسقف لو عامل فيها جبسمبورد خليها بلسقف لون واحد وغالبا ابيض او اوف وايت ... واعتمد في ديكور السقف علي الاضاءه .

باااس تعبت الي محتاج حاجه يسأل 🥴 #دعواتكم #جبسبورد للاستفسار 1146072073

15/09/2023

1146072073 0 للاستفسار

انت واحد داخل علي مرحله تشطيب بيبقي شغلك الشاغل انك تعرف الموضوع كلو هيكلفك كام 🫰🤔عشان امورك وتشوف دنيتك ايه ..
طيب انا بيجيلي ناس كتير تقولي شقتي كذا متر مثلا تتكلف كام ؟
طبعا أنت لو قلتي شقتك كام متر تتكلف كام وجاوبتك من غير ما اشوف واعملك مقايسه بلبنود الي هتعملها والخامات الي هتشطب بيها ابقي حاجه من اتنين يا نصاب والعياذ بالله لان ساعتها هحط نفسي ف Save Zone 😌 وهقولك رقم يأمني حتي لو هاجي عليك يا اما عديم الخبره فهدفع من جيبي . 🫤

*طيب انا بقي واحد هيشطب ولسه مشتري الشقه ولا البيت بلشيخ الفلاني عايز اعرف برضو علي الاقل ابدا بايه ؟

هقولك .
اولا ايا كان الشخص أو المكتب الي بتخاطبه لازم تديلو معطيات وداتا عن كل حاجه هتعملها وعن نوع الخامه ومستوي التشطيب والوقت .. الخ

ثانيا تقسم الدنياه عندك بنود . {سباكه_كهربا_نقاشه_ابواب _فرش_جبسمبورد .. الخ)

ثالثا/ تمسك كل بند من دول وتقسمه لخامات ومصنعيه
الخامات خليك علي قد ما تقدر مسؤل عنها مسؤول تجيبها فقط ويبقي تحت إشراف مهندس او صنايعي فاهم في البند الي بيعمله.

لو مشيت علي الخطوات دي هتوصل بنسبه 90٪ لإجمالي التكلفه . الي هتحتاجها .
_____

12/09/2023

#
- وانت بتصمم شقتك ماتشغلش بالك زيادة عن اللزوم بالضيوف ، لأنك هتشوفهم كل سنة مرة . شوف الانسب ليك انت وعيالك وحياتك اليومية
- لو شقتك على شارع ضيق وعندك بلكونة مجروحة ،
قفلها الوميتال وكبر الصالة افيدلك
- (الجيبسوم بورد)
- الدهانات البلاستيك احسن من الزيت بس تجيب نوع نضيف
- البيبان الاسطر اشيك من اللاكيه غالبا
- باب الشقة هاته المصفح التركي او الايطالي
- سيراميك الحوائط ماينفعش يركب في الارضية لكن العكس ممكن، ويفضل بلاش
- احسن سيراميك الجوهرة وكليوباترا ، ولو عايز رخيص هات ليسيكو أو اينوفا
وفكك من الامير والفا والأمراء ورويال
- لو نفسك تركب بورسلين ومستغلي ثمنه ،
هات سيراميك قطع ليزر هيكون ارخص شوية وشيك جدا .
إياك ثم إياك تجيب بورسلين صيني.
- هات الخلاطات ايديال ستاندارد عشان تعيش معاك بدل ما كل شوية تغيرهم
- في تأسيس السباكة هات كل مواسير المية واكسسواراتها باننجر او اكواثيرم ، وبعد التركيب اتصل بالشركة هيعملولك اختبار مجاني وضمان خمسين سنة
- ماتسترخصش في اسلاك الكهرباء وهات السويدي فرز تاني (عشان مش هتلاقي أول) أو السمكتين أو اسكندرية
- هات لقم ومفاتيح الكهرباء معروفة واحذر اللي ملوش اسم لأنه كل شوية هيضرب
- اصرف عالمحارة على قد ماتقدر وهات صنايعي نضيف وغالي لان عيوبها بتعمل بلاوي ومابتتصلحش
- زود فيش كهرباء كتير في كل حتى مش هتخسر بس هتفيدك جدا
- لو عرفت يبقى عندك حمامين يبقى شيء رائع جدا جدا
- المطبخ الاميريكان مريح نفسيا لست البيت
- سيراميك الحوائط بيوصل لغاية قبل السقف بحوالي 5 سم عشان بعد ماتخلص تركب كرنيشة خشب او جبس عشان الشكل
- هات أكر البيبان غالية ومتينة عشان لو رخيصة عيالك هيبوظوها بعد شهر
- في السيراميك : لو الأوضة او الطرقة أضلاعها منتظمة ممكن تعمل السيراميك عدل، لكن لو مش منتظمة والحيطان مايلة اعمله سمبوكسات عشان تداري العيب
- الرطوبة اللي بتظهر في الحيطة وتقشر الدهان مالهاش اي علاج سريع ، دي ليها حل واحد متعب، ابقى اشرحه لو حد محتاجه
- لازمٱ وحتما ولا بد ان مبيض المحارة يحط سلك شبك في اماكن التقاء الخرسانة مع الطوب ، وإلا هتشرخ بعدين ومش هتتعالج
- رخامة المطبخ ماينفعش تبقى رخام ، لازم جرانيت لأن الرخام هيتنقر ويشرخ (الا الرخام الدبل بلاك الافريقي)
- ابوس ايدك ماتعملش شباك مناولة للمطبخ وحواليه طوب حراري، عشان الموضة دي بطلت من أيام المماليك
- البلكونة هاتلها دهانات خارجية (كومبليكو) أو خلي مبيض المحارة يعملهالك (جرافياتو) أو قوله (مادة) وهو هيفهم
- لازم تقف عالشغل بنفسك وتستقصى عن كل بند لأن الصنايعية متعودين عالكروتة الا من رحم ربي
- زود فيش كهرباء في المطبخ عشان مراتك تحبك
- اختار شقة مطبخها كبير عشان تحبك اكتر
- حاول تفصل بيبان الغرف عند نجار محترم وماتشتريهاش جاهزة من السوق
#دعواتكم للاستفسار 1146072073 0 ادخل الصفحه وتستفيد كتير لو محتاج اي حاجه في التشطيب كلمني
# ممكن تشارك المنشور عشان الكل يستفاد