Enxeñería Agrícola Ourense

18/06/2026

🎓✨ Un ano máis, tivemos a honra de acompañar o acto de graduación do IES O Ribeiro, un centro de referencia que continúa formando profesionais preparados para impulsar o futuro dos sectores agroalimentario e vitivinícola da nosa terra. 🌱🍇

Nun marco tan especial como o Castelo de Ribadavia, compartimos unha xornada chea de emoción, ilusión e recoñecemento ao esforzo de todo o alumnado que remata unha importante etapa da súa formación. 🤝🎉

Durante o acto, o noso presidente, Pepe Paz, fixo entrega dos recoñecementos ao mellor expediente académico de cada un dos ciclos formativos, destacando o compromiso, a dedicación e a excelencia demostrados ao longo do curso. 🏅📘

✨ Queremos felicitar especialmente aos estudantes premiados nesta edición:

🥇 𝐒𝐚𝐫𝐞𝐥𝐚 𝐌𝐨𝐬𝐪𝐮𝐞𝐫𝐚 𝐄𝐬𝐭𝐞́𝐯𝐞𝐳
➡️ Mellor expediente no Ciclo Básico en Industrias Alimentarias

🥈 𝐉𝐮𝐥𝐢𝐚́𝐧 𝐃𝐨𝐦𝐢́𝐧𝐠𝐮𝐞𝐳 𝐀𝐥𝐨𝐧𝐬𝐨
➡️ Mellor expediente no Ciclo Medio en Aceites de Oliva e Viños

🥉 𝐌𝐚𝐧𝐮𝐞𝐥 𝐇𝐞𝐫𝐦𝐢𝐝𝐚 𝐆𝐨́𝐦𝐞𝐳
➡️ Mellor expediente no Ciclo Superior en Vitivinicultura

Dende o Colexio trasladámoslles os nosos parabéns aos premiados e premiadas, así como ao profesorado e ao equipo do IES O Ribeiro polo seu compromiso constante coa formación de novos profesionais. 💚

A educación, o esforzo e o talento son os alicerces sobre os que se constrúe o futuro do noso sector. Actos coma este lembran a importancia de apoiar a formación e recoñecer o mérito académico como motor de desenvolvemento, innovación e excelencia para o agroalimentario galego. 🌿✨

16/06/2026

O pasado 12 de xuño, o noso presidente, Pepe Paz, participou en Madrid no 114º Pleno Ordinario e no 53º Pleno Extraordinario do Consello Xeral de Colexios Oficiais de Enxeñeiros Técnicos Agrícolas de España.

Durante a xornada abordáronse cuestións estratéxicas para o presente e o futuro da profesión, entre elas a análise de novas titulacións universitarias vinculadas ao ámbito agroalimentario, a revisión do proxecto de Real Decreto para o recoñecemento de títulos obtidos no estranxeiro e diferentes iniciativas relacionadas coas atribucións e competencias profesionais.

Tamén se aprobaron as contas e a memoria de actividades correspondentes ao exercicio 2025, presentouse o protocolo de prevención e xestión do acoso laboral e desenvolveuse un amplo debate sobre a profesión, a colexiación e o borrador da futura Lei da Enxeñaría.

Un dos momentos máis relevantes da reunión foi a elección da nova Presidencia do Consello Xeral, así como a toma de posesión dos novos cargos no Pleno Extraordinario celebrado a continuación.

15/06/2026

O noso compañeiro Enrique González López, enxeñeiro agrícola e representante do Colexio, participou no IX Congreso de Territorios Pastoreados, celebrado na Estación Experimental do CSIC do Zaidín, en Granada.

Durante o encontro, presentou o traballo “𝐏𝐚𝐬𝐭𝐨𝐫𝐞𝐬 𝐝𝐨𝐬 𝐂𝐮𝐫𝐫𝐨𝐬 𝐝𝐞 𝐌𝐚𝐧𝐳𝐚𝐧𝐞𝐝𝐚: 𝐐𝐮𝐞 𝐬𝐞𝐫𝐚́ 𝐝𝐨𝐬 𝐧𝐨𝐬𝐨𝐬 𝐦𝐨𝐧𝐭𝐞𝐬 𝐜𝐚𝐧𝐝𝐨 𝐟𝐚𝐥𝐭𝐞𝐧?”, unha experiencia que pon en valor o papel fundamental do pastoreo tradicional na conservación da paisaxe, na prevención de incendios forestais e na sustentabilidade das montañas do interior de Galicia.

O congreso foi unha excelente oportunidade para coñecer experiencias doutros territorios, intercambiar coñecementos e establecer sinerxías, co obxectivo de trasladar boas prácticas e novas ideas ás nosas montañas interiores galegas.

🌿 Os curros de Manzaneda representan un exemplo vivo de como o saber tradicional, transmitido de xeración en xeración, continúa a ser unha ferramenta esencial para a xestión sostible do territorio e a protección do noso patrimonio natural e cultural.

👏 Desde o Colexio queremos agradecer e felicitar a Enrique pola súa participación e polo seu compromiso coa divulgación do valor da enxeñaría agrícola, do pastoreo e do mundo rural galego.

09/06/2026

🌱 𝐑𝐞𝐥𝐞𝐯𝐨 𝐱𝐞𝐫𝐚𝐜𝐢𝐨𝐧𝐚𝐥 𝐞 𝐟𝐮𝐭𝐮𝐫𝐨 𝐝𝐨 𝐦𝐞𝐝𝐢𝐨 𝐫𝐮𝐫𝐚𝐥

A nosa compañeira 𝐏𝐚𝐮𝐥𝐚 𝐕𝐚́𝐳𝐪𝐮𝐞𝐳, membro da Xunta de Goberno, participou no encontro celebrado en Sandiás no marco do 𝐩𝐫𝐨𝐱𝐞𝐜𝐭𝐨 𝐍𝐨́ 𝐑𝐮𝐫𝐚𝐥, que reuniu representantes de Galicia e Cataluña para compartir experiencias sobre o relevo xeracional, a mobilización de terras, explotacións e vivendas no medio rural.

Durante as xornadas constatouse que os retos son comúns en ambos territorios: dificultades de acceso á terra, falta de servizos que faciliten a actividade agraria e unha crecente carga burocrática para as persoas que se incorporan ao sector.

Desde o Colexio seguimos apoiando iniciativas que contribúan a facer do rural un espazo con oportunidades para as novas xeracións. 🌾

05/06/2026

🌱 𝟓 𝐝𝐞 𝐱𝐮𝐧̃𝐨 | 𝐃𝐢́𝐚 𝐌𝐮𝐧𝐝𝐢𝐚𝐥 𝐝𝐨 𝐌𝐞𝐝𝐢𝐨 𝐀𝐦𝐛𝐢𝐞𝐧𝐭𝐞

O medio ambiente non se protexe só nos parques naturais. Tamén se protexe nunha explotación agrícola, nun sistema de rega eficiente, nun proxecto de restauración do solo ou na elección dunha variedade máis adaptada ao clima.

Cada centímetro de solo fértil alberga máis organismos vivos ca persoas hai no planeta. E, sen ese universo invisible baixo os nosos pés, non existirían nin os cultivos, nin os bosques, nin a vida tal e como a coñecemos.

𝑨 𝑬𝒏𝒙𝒆𝒏̃𝒂𝒓𝒊́𝒂 𝑨𝒈𝒓𝒊́𝒄𝒐𝒍𝒂 𝒕𝒓𝒂𝒃𝒂𝒍𝒍𝒂 𝒑𝒓𝒆𝒄𝒊𝒔𝒂𝒎𝒆𝒏𝒕𝒆 𝒂𝒊́: 𝒐𝒏𝒅𝒆 𝒂 𝒑𝒓𝒐𝒅𝒖𝒄𝒊𝒐́𝒏 𝒆 𝒂 𝒔𝒖𝒔𝒕𝒆𝒏𝒕𝒂𝒃𝒊𝒍𝒊𝒅𝒂𝒅𝒆 𝒅𝒆𝒊𝒙𝒂𝒏 𝒅𝒆 𝒔𝒆𝒓 𝒄𝒐𝒏𝒄𝒆𝒑𝒕𝒐𝒔 𝒐𝒑𝒐𝒔𝒕𝒐𝒔 𝒑𝒂𝒓𝒂 𝒄𝒐𝒏𝒗𝒆𝒓𝒕𝒆𝒓𝒔𝒆 𝒏𝒖𝒏 𝒎𝒆𝒔𝒎𝒐 𝒐𝒃𝒙𝒆𝒄𝒕𝒊𝒗𝒐.

Desde a xestión responsable da auga ata a conservación dos solos, desde a innovación agraria ata a protección da paisaxe rural, os enxeñeiros agrícolas contribuímos cada día a construír territorios máis resilientes, produtivos e sostibles.

Porque o mellor indicador ambiental é un solo vivo, unha auga ben xestionada e un rural con futuro.

🌍 Coidar o medio ambiente é tamén cultivar o seu futuro.

03/06/2026

🌱 𝐎 𝐞𝐦𝐩𝐫𝐞𝐧𝐝𝐞𝐦𝐞𝐧𝐭𝐨 𝐟𝐞𝐦𝐢𝐧𝐢𝐧𝐨 𝐞 𝐚 𝐢𝐧𝐧𝐨𝐯𝐚𝐜𝐢𝐨́𝐧, 𝐚𝐥𝐢𝐚𝐝𝐨𝐬 𝐩𝐚𝐫𝐚 𝐨 𝐝𝐞𝐬𝐞𝐧𝐯𝐨𝐥𝐯𝐞𝐦𝐞𝐧𝐭𝐨 𝐫𝐮𝐫𝐚𝐥

A igualdade de oportunidades, o emprendemento agroalimentario e as axudas para as mulleres do medio rural centraron unha intensa xornada de formación e intercambio de experiencias en Verín.

O presidente do Colexio, 𝐏𝐞𝐩𝐞 𝐏𝐚𝐳, e as colexiadas 𝐏𝐚𝐮𝐥𝐚 𝐕𝐚́𝐳𝐪𝐮𝐞𝐳 𝐑𝐨𝐜𝐡𝐚 e 𝐁𝐞𝐠𝐨𝐧̃𝐚 𝐆𝐨́𝐦𝐞𝐳 participaron como relatores, compartindo coñecementos e ferramentas para impulsar novos proxectos, fortalecer o papel das mulleres no sector agrario e contribuír ao desenvolvemento sostible do territorio.

Tres voces, un mesmo obxectivo: fortalecer o noso rural e abrir novos camiños de futuro.

27/05/2026

O relevo xeracional no rural foi o tema central dunha mesa redonda na que participaron representantes do GDR, do INORDE, do Polo de Emprendemento e persoal técnico das Oficinas Rurais de Allariz e Xinzo. Un encontro pensado para compartir reflexións, experiencias e iniciativas arredor dun dos grandes retos do noso territorio: garantir o futuro do rural e das persoas que o habitan.

A xornada desenvolveuse nun formato próximo e participativo, favorecendo o intercambio directo de ideas entre as persoas asistentes. En representación do Colexio asistiu Paula Vázquez Rocha, membro da Xunta de Goberno, participando neste espazo de diálogo e posta en común sobre os desafíos e oportunidades do medio rural galego.

26/05/2026

“𝐀 𝐜𝐨𝐧𝐬𝐭𝐫𝐮𝐜𝐢𝐨́𝐧 𝐞́ 𝐮𝐧𝐡𝐚 𝐞𝐱𝐩𝐫𝐞𝐬𝐢𝐨́𝐧 𝐝𝐨 𝐩𝐫𝐨𝐠𝐫𝐞𝐬𝐨 𝐡𝐮𝐦𝐚𝐧𝐨 𝐭𝐚𝐦𝐞́𝐧 𝐧𝐨 𝐫𝐮𝐫𝐚𝐥”.

Nun contexto cada vez máis esixente, a enxeñaría agrícola segue demostrando o seu papel fundamental no desenvolvemento dun rural máis sostible, eficiente e integrado coa paisaxe e coa identidade do territorio.

Desde explotacións gandeiras ata industrias agroalimentarias, os profesionais do sector traballan para crear infraestruturas funcionais, respectuosas coa contorna e adaptadas ás necesidades do presente e do futuro.

💬 Como destaca Pepe Paz:
“𝐀 𝐛𝐨𝐚 𝐜𝐨𝐧𝐬𝐭𝐫𝐮𝐜𝐢𝐨́𝐧 𝐞́ 𝐚𝐪𝐮𝐞𝐥𝐚 𝐪𝐮𝐞 𝐫𝐞𝐬𝐨𝐥𝐯𝐞 𝐧𝐞𝐜𝐞𝐬𝐢𝐝𝐚𝐝𝐞𝐬, 𝐦𝐞𝐥𝐥𝐨𝐫𝐚 𝐚 𝐯𝐢𝐝𝐚 𝐝𝐚𝐬 𝐩𝐞𝐫𝐬𝐨𝐚𝐬 𝐞 𝐚𝐨 𝐦𝐞𝐬𝐦𝐨 𝐭𝐞𝐦𝐩𝐨 𝐬𝐚𝐛𝐞 𝐝𝐢𝐚𝐥𝐨𝐠𝐚𝐫 𝐜𝐨𝐚 𝐩𝐚𝐢𝐬𝐚𝐱𝐞 𝐞 𝐜𝐨𝐚 𝐢𝐝𝐞𝐧𝐭𝐢𝐝𝐚𝐝𝐞 𝐝𝐨 𝐭𝐞𝐫𝐫𝐢𝐭𝐨𝐫𝐢𝐨”.

Seguimos construíndo rural. Seguimos construíndo futuro. 🌱🏗️

25/05/2026

Pepe Paz sobre a situación actual do rural ourensán e os retos pendentes en materia de prevención de incendios, xestión do territorio e apoio ao sector produtivo.

Cómpre seguir impulsando solucións técnicas, planificación a longo prazo e medidas que axuden a fortalecer o medio rural e ás persoas que viven e traballan nel.

A falta dun mes para que arranque o verán o monte ourensán segue sen solucións que eviten incendios

21/05/2026

O noso compañeiro Enrique González López, membro da Xunta de Goberno do Colexio , participou esta fin de semana na XI Reunión de Primavera da Sociedade Galega de Pastos e Forraxes, celebrada en Montederramo, coa ponencia “𝐓𝐫𝐚𝐝𝐢𝐜𝐢𝐨́𝐧 𝐚𝐨 𝐥𝐢́𝐦𝐢𝐭𝐞: 𝐚 𝐬𝐞𝐦𝐢-𝐭𝐫𝐚𝐧𝐬𝐡𝐮𝐦𝐚𝐧𝐜𝐢𝐚 𝐬𝐞𝐧 𝐫𝐞𝐥𝐞𝐯𝐨 𝐱𝐞𝐫𝐚𝐜𝐢𝐨𝐧𝐚𝐥”..

Na súa intervención puxo en valor o papel da gandaría extensiva e do pastoreo tradicional como ferramentas fundamentais para a prevención de incendios, a conservación da biodiversidade e a protección do territorio, destacando a importancia de garantir o relevo xeracional para asegurar o futuro do noso rural.

💬 Un encontro de referencia para reflexionar sobre os retos e oportunidades do rural galego, onde quedou patente a necesidade de seguir unindo tradición, innovación e sustentabilidade.