09/10/2026
⚓🌊 Unha semana de visitas e aprendizaxe en Astilleros Catoira!
Esta semana tivemos o pracer de recibir no noso estaleiro dúas visitas moi especiais.
Por unha banda, alumnado de Arquitectura de Bilbao, que se achegou a coñecer o noso traballo acompañado pola Fundación Casa da Ría. Por outra, recibimos o alumnado do IES Félix Muriel de Rianxo xunto con estudantes doutros centros educativos de Portugal e Croacia, no marco do proxecto europeo SAILING & SUSTAINABILITY 🌍
Durante estas xornadas, puidemos compartir os nosos coñecementos sobre a construción naval tradicional en madeira, amosar os procesos de traballo e achegar ás novas xeracións o valor da carpintería de ribeira e do patrimonio marítimo.
É un orgullo abrir as portas de Astilleros Catoira, intercambiar experiencias con estudantes de diferentes lugares e contribuír a manter viva unha tradición tan ligada á nosa identidade e ao mar. 🪵⚓
💙 Moitas grazas á Fundación Casa da Ría, ao IES Félix Muriel, aos centros participantes e a todo o alumnado e profesorado polas visitas e polo interese no noso oficio!
