Lunes 08:30 - 14:30 15:00 - 17:00 Martes 08:30 - 14:30 15:00 - 17:00 Miércoles 08:30 - 14:30 15:00 - 17:00 Jueves 08:30 - 14:30 15:00 - 17:00 Viernes 08:00 - 15:00

Clúster TIC Galicia

Name: Clúster TIC Galicia
Address: Monte Gaias/Edificio CEM (Centro de Emprendemento), Santiago de Compostela, 15707, ES
Telephone: 881939651

Casa
España
Santiago de Compostela
Clúster TIC Galicia

Asociación que reúne empresas, asociacións empresariais, colexios profesionais, centros tecnolóxicos e todos os axentes do sector TIC de Galicia.

O Clúster TIC Galicia é o vertebrador do macrosector TIC de Galicia, e traballa para transformalo nun modelo de cooperación competitiva.

07/09/2026

🔴 Hoxe damos a benvida a unha nova asociada! 👋 planCiber, unha firma de ciberseguridade B2B que ofrece multitude de servizos ás empresas, con enfoque de seguridade xestionada, blue team e read team.

Con sede en Vigo, está formada por profesionais cunha dilatada experiencia que desempeñan dende roles de xestión e responsabilidade ata outros máis técnicos, especializados en estratexia, hacking, redes ou cloud.

Realizan tamén análises integrais de requisitos e necesidades no ámbito da ciberseguridade e dispoñen de formación na materia, tanto en liña como presencial, ademais de laboratorios forenses e de probas.

🌐 Solicita xa o teu diagnóstico de ciberseguridade gratuíto, aquí ⤵️
https://planciber.com

03/09/2026

✈️🇨🇴 Viaxamos a Colombia! Estes días estamos explorando novas oportunidades de negocio para o sector neste país cunha delegación de empresas socias e co apoio do Igape - Instituto Galego de Promoción Económica.

Facémolo xunto a Altia , APDTIC, authUSB, QUOBIS, Redegal e Sg Tech, coincidindo con Andicom, o congreso tecnolóxico máis importante e influente de Latinoamérica, que se está a celebrar en Cartagena de Indias, e que este ano se centra no poder da IA.

Ademais de asistir a este evento, mantivemos diferentes reunións con autoridades e organismos da rexión, como o Ministerio TIC Colombia, a Cámara de Comercio Hispano Colombiana - Página Oficial, a Cámara Colombiana de Informática y Telecomunicaciones, Invest in Bogotá, Asobancaria, ETB e Fedesoft.

Con esta viaxe, dende o Clúster TIC Galicia buscamos facilitar ás compañías tecnolóxicas galegas o acceso a mercados globais, favorecer o desenvolvemento dos seus negocios e contribuír a visibilizar as súas capacidades e experiencia.

ℹ️ https://www.clusterticgalicia.com/news/o-cluster-tic-galicia-explora-en-colombia-novas-oportunidades-para-o-sector/

31/08/2026

O Plan Director da Industria das TIC da Xunta de Galicia recoñece un papel estratéxico á nosa entidade: vertebrar o sector e conectar empresas, centros de investigación e outros axentes para impulsar a transformación dixital do ecosistema dentro e fóra das nosas fronteiras 👇

✔️ A nosa prioridade é actuar como punto de encontro da comunidade tecnolóxica galega, seguir construíndo unha actividade sólida e colaborativa para o desenvolvemento e implantación de solucións dixitais, ademais de xerar novas oportunidades de cooperación, innovación e internacionalización.

✔️ A creación dun portelo único, no que xa estamos a traballar, contribuirá a este obxectivo, de xeito que calquera empresa galega teña acceso á oferta e demanda TIC de Galicia.

✔️ Con carácter paralelo, estamos a poñer en marcha accións que promoven o desenvolvemento e a implantación de solucións baseadas en áreas estratéxicas como a IA a través de grupos de traballo intersectoriais e interclúster, como os dous itinerarios de innovación que realizamos en maio con diferentes entidades e co apoio do Igape.

✔️ Outra das medidas nas que estamos a avanzar é o despregamento de servizos permanentes para as compañías tecnolóxicas que contribúan a establecer novas sinerxías e impulsen a súa visibilización e expansión internacional.

✔️ A creación dun xemelgo dixital do sector TIC galego permitiranos monitorizar a súa evolución, identificar oportunidades e establecer diferentes estratexias, facilitando a toma de decisións.

Estas e outras actuacións contempladas no Plan Director axudarán a fortalecer e cohesionar o sector tecnolóxico de Galicia, sentando as bases para aumentar as súas capacidades e a súa proxección no ámbito nacional e global.

📑 https://transparencia.xunta.gal/es/tema/transparencia-institucional/planificacion/plans-e-programas-anuais-e-plurianuais

26/08/2026

Unha das oito prioridades sectoriais que recolle o Plan Director da Industria das TIC da Xunta de Galicia é a relativa á competitividade e á innovación, un ámbito no que a nosa entidade xoga un papel fundamental para a coordinación do ecosistema tecnolóxico galego ⬇️

▸ Favorecendo a cooperación entre empresas, universidades, centros de investigación e administracións.
▸ Actuando como catalizador dos proxectos colaborativos e das plataformas dixitais sectoriais.

Neste marco, as actuacións pasan por poñer en valor a calidade dos servizos das empresas galegas, de xeito que estas adopten as certificacións propias do sector, por exemplo, no ámbito ciberseguridade.

Por outra banda, crearase un servizo de apoio ás compañías que desenvolvan, comercialicen ou empreguen sistemas de intelixencia artificial considerados de alto risco para que cumpran coa IA Act da Unión Europea, que entrou en vigor o pasado 27 de xullo.

ℹ️ https://transparencia.xunta.gal/es/tema/transparencia-institucional/planificacion/plans-e-programas-anuais-e-plurianuais?content=actuacion_0210.xml
📋 https://digital-strategy.ec.europa.eu/es/policies/regulatory-framework-ai

25/08/2026

🔴 A competitividade sectorial e a consolidación de proxectos TIC é outra das prioridades do Plan Director da Industria das TIC, presentado recentemente pola Xunta de Galicia.

Co obxectivo de fortalecer a capacidade innovadora do sector tecnolóxico galego, poranse en marcha diferentes actuacións orientadas a reforzar a colaboración entre empresas e organismos de coñecemento, promover proxectos en tecnoloxías profundas e ampliar a súa presenza nas cadeas de valor internacionais ⤵️

🔹 Unidades Mixtas de Investigación: grupos de traballo integrados por profesionais de centros de investigación e persoal de empresas para a realización de proxectos de I+D+i axustados ás demandas de innovación.
🔹 Axudas para a creación e mellora de infraestruturas en centros tecnolóxicos galegos.
🔹 Servizos tecnolóxicos do CESGA para empresas.
🔹 Igape Innova: Financiamento de actividades que contribúan a fortalecer a innovación das empresas.
🔹 Industria Innova: impulso de proxectos de investigación industrial, desenvolvemento experimental e a innovación de procesos e organización.

📑 Accede ao documento completo:
https://www.xunta.gal/plans-programas?content=actuacion_0210.xml

21/08/2026

🔊 Anota na túa axenda! O vindeiro 8 de setembro, a Axencia para a Modernización Tecnolóxica de Galicia organiza unha xornada no centro GaiásTech sobre o proxecto dos xemelgos dixitais da Xunta de Galicia 👇

Baixo o epígrafe "Estado, avances e problemáticas na implementación de xemelgos dixitais", a xornada abordará as posibilidades dos xemelgos dixitais na xestión do territorio.

O foro servirá como espazo de análise sobre a aplicación de casos reais, a avaliación da madurez tecnolóxica dos proxectos actuais e a resolución de desafíos técnicos clave como a integración de datos e a interoperabilidade.

https://gaiastech.xunta.gal/gl/actividades/estado-avances-e-problematicas-na-implementacion-de-xemelgos-dixitais-o-proxecto-de

20/08/2026

🔊 Non perdas a segunda edición de ! Un evento ao redor da IA, organizado polo hub de Innovación Dixital DATAlife, con relatorios de profesionais referentes no desenvolvemento e a aplicación desta tecnoloxía.

Entre as persoas que acudirán á cita figuran José Manuel García Oya, sociodirector de Plexus Tech e presidente do Cluster Saúde de Galicia; Senén Barro, director do CiTIUS, ou Amparo Alonso, investigadora do CITIC Centro de Investigación TIC - Universidade da Coruña.

contempla, ademais, un espazo de demostradores, así como actividades de networking con empresas, centros de coñecemento e axentes do ecosistema innovador.

🗓️ 17 de setembro, ás 9:00 h
📍 Lux Events Center (Santiago de Compostela)

🌐 Reserva xa a túa praza, aquí ⤵️
https://www.dihdatalife.com/ii-edicion-galia-tech

19/08/2026

O vindeiro 25 de agosto presentararse Destino Turístico Intelixente "Ourense Cerca DeTI", unha iniciativa impulsada pola Deputación de Ourense para reforzar a competitividade, a sustentabilidade e a innovación do sector turístico provincial 👇

📍 Centro Cultural Marcos Valcárcel (Ourense)

Durante a xornada daranse a coñecer as principais solucións desenvolvidas no marco deste proxecto, así como as novas experiencias dixitais para mellorar a xestión turística.

Consulta o programa e inscríbete ⤵️
https://www.depourense.gal/gl/inscripcion-pid-ourense

14/08/2026

▶️ A Xunta de Galicia vén de abrir a convocatoria do Programa de recuperación de excelencia co obxectivo de rescatar proxectos innovadores excelentes de empresas galegas que foron seleccionados na última convocatoria estatal pero que quedaron fóra por falta de crédito.

As potenciais destinatarias son pequenas empresas con sede social ou centro de traballo permanente en Galicia, sendo a subvención máxima de 325.000 euros por proxecto.

🔴 O prazo de presentación remata o 30 de setembro ⤵️

https://xunta.gal/notas-de-prensa/-/nova/027244/xunta-abre-convocatoria-para-rescatar-proyectos-empresas-innovadoras-que-quedaron
📋 https://xunta.gal/dog/Publicados/2026/20260730/AnuncioG0198-160726-0002_gl.html
📥 https://sede.xunta.gal/detalle-procedemento?codtram=IN870A&ano=2026&numpub=1&lang=gl

13/08/2026

🔊 O CDTI Innovación vén de anunciar a apertura en outubro de INNTERCONECTA STEP, unha convocatoria para financiar, con 138 M€, proxectos de I+D en cooperación en ⬇️

✅ Tecnoloxías dixitais
✅ Tecnoloxías limpas e eficientes
✅ Uso de recursos e biotecnoloxía

Galicia concentra a maior dotación, con 51 M€, con subvencións en concorrencia competitiva, con intensidades que poden alcanzar o 65% do orzamento elixible para gran empresa, o 75% para mediana empresa e o 80% para pequena empresa.

Poderán concorrer agrupacións de entre 2 e 6 empresas, sen personalidade xurídica propia, coa participación obrigatoria de, polo menos, unha peme.

O anuncio da apertura faise con antelación para que estas entidades poidan deseñar e madurar as súas propostas con tempo suficiente.

ℹ️ https://www.cdti.es/gl/noticias/cdti-innovacion-feder-convocatoria-subvencion-innterconecta-step-2026-138-millones

Dirección

Monte Gaias/Edificio CEM (Centro De Emprendemento)
Santiago De Compostela
15707

Horario de Apertura

Lunes	08:30 - 14:30
	15:00 - 17:00
Martes	08:30 - 14:30
	15:00 - 17:00
Miércoles	08:30 - 14:30
	15:00 - 17:00
Jueves	08:30 - 14:30
	15:00 - 17:00
Viernes	08:00 - 15:00

Teléfono

881939651

Página web

http://www.clustertic.gal/

Notificaciones

Sé el primero en enterarse y déjanos enviarle un correo electrónico cuando Clúster TIC Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.