Instituto de Ciencias del Patrimonio - Incipit

18/06/2026

Hoxe estamos en Madrid participando nas V Xornadas de Cultura Científica e Ciencia Cidadá do CSIC. Pola mañá, Yolanda Seoane fala dun fermoso resultado da nosa colaboración co Cra Babia Babia : a Ruta BabiLú (podedes ler máis nesta peza; https://www.incipit.csic.es/es/pieza/ruta-babilu ).
Pola tarde, David González, do equipo Equipo Rurarq, Incipit-CSIC participa na mesa de debate titulada
"Ruralidad, periferia: conectar con lo local".
Hai vida no rural, e aí tentamos estar...

16/06/2026

Esta semana temos un Colloquium Incipit moi especial. Recibiremos a dous prestixiosos arqueólogos da Palestina: Ibrahm Abu Aemar e Ibrahim Abu Iremeis, que nos falarán dos desafíos que enfronta o patrimonio cultural plaetiniano.
Será o vindeiro xoves, 18 de xuño, ás 19:00 da tarde, no auditorio do Museo das Peregrinacións e de Santiago.
Non volo perdades!

15/06/2026

Algunhas compañeiras (Lucía, Aina e Juan) estiveron traballando no Archivo Histórico Nacional (AHN) durante o mes de abril, xusto cando estaban preparando un documental sobre a investigación (IH-CSIC) e restauración (AHN) dun conxunto de cartas diplomáticas otomanas e árabes do século XVII.
O contexto deste traballo é o proxecto “Diplomacia intercultural Mediterránea de la Monarquía Hispana” dirixido por Rubén González Cuervas (IH).
As nosas compañeiras fixeron a análise non invasiva dos materiais das cartas: análises do papel, das tintas de escritura e dos selos, así como das firmas douradas do sultán e o emir (chamadas tugras) e da decoración pictórica das cartas, utilizando técnicas non destructivas in situ no AHN: espectrometría de fluorescencia de raios X (XRF), espectrocopía infravermella por transformada de Fourier, imaxe hiperespectral e microscopía.
Aquí tedes o trailer do documental:

https://vimeo.com/1198821563/b3cf69fa28?&signup=true =_

Un traballo preciso ao que estamos orgullosas de contribuír.

This is "CLIP CARTAS" by Tras Imágenes on Vimeo, the home for high quality videos and the people who love them.

12/06/2026

Debido a un problema técnico, a nosa compañeira Carolina Cornax-Gómez tivo que defender a súa tese doutoral, titulada "Unha Arqueoloxía da Islamización. Cultura material, Identidades e Islam no C***o de África medieval (séculos XIII-XVI)", desde o lugar reservado aos doutores do tribunal, no marabilloso paraninfo da Facultade de Historia, o cal foi un presaxio da nota que lle agardaba ao final do acto: un máis que merecido sobresaínte por unanimidade. Parabéns, Carol!!

05/06/2026

O INCIPIT-CSIC organiza no Centro Arqueolóxico do Barbanza (Neixón) o obradoiro Arqueoloxía dos Sentidos, unha actividade sensorial na que os nenos e nenas, organizados en grupos, explorarán a arqueoloxía a través do tacto, o olfacto e o oído, identificando diferentes elementos cos sentidos. Terá lugar o venres 12 de xuño de 2026 ás 16:30 h, está dirixido a rapazada de 6 a 12 anos e conta con prazas limitadas (máximo 20 participantes). As inscricións poden realizarse contactando con [email protected]

03/06/2026

Onte andivemos algunhas pola Misión Biolóxica de Galicia (grazas pola acollida!), en Salcedo, no III Encontro de Cultura Científica organizado pola UCC CSIC Galicia. Alí, a nosa compañeira Yolanda Seoane avanzou en primicia a preciosa Ruta Babilú, xestada con escolares e docentes do Cra Babia Babia no marco do proxecto Cultur-Monts Sudoe, e que será presentada mañá xoves 4 de xuño.

23/05/2026

Este martes 26 de maio teremos, na nosa sede da Cidade da Cultura, a primeira Conferencia Incipit, un seminario aberto titulado
"Tiris, la novia de los poetas, y el mar en la literatura saharaui", a cargo do escritor e antropólogo saharaui Bahia Mahmoud Awah.

Será ás 12 horas. Vinde até o Fontán!

Podedes ler a peza no nosa web: https://www.incipit.csic.es/es/pieza/tiris-la-novia-de-los-poetas-y-el-mar-en-la-literatura-saharaui

22/05/2026

A semán que ven teremos o privilexio de poder ver e escoitar a un sabio da arqueoloxía ibérica, Gonzalo Ruiz Zapatero, que nos falará moito e polo miudo dos celtas no século XXI.

Un novo Colloquium Incipit que será, desta volta, na Sede de Afundación, na moi compostelana Rúa do Vilar.

Vémonos aí!

12/05/2026

Buenos días. La semana que viene acaba el plazo de inscripción para nuestro estupendo curso de iniciación al Trabajo de Campo Etnográfico para profesionales del patrimonio. Una experiencia única y un aprendizaje valioso. Registraos ahora para no quedaros sin sitio...

07/05/2026

Video da produción de chalecos de divulgación para o INCIPIT e IIM elaborados polo taller textil de La Canalla (Vigo), un traballo artesanal feito con moito cariño e baixo criterios de sostibilidade. Agradecemento especial a La Canalla porque foi fácil traballar con eles. La canalla está dentro de Artesanía de Galicia.
Nós sempre levamos postos estes chalecos con moito orgullo!

Produción de chalecos do INCIPIT e IIM (CSIC) con La Canalla