27/05/2026
🔴 - ඇමතුම් 84ක් සහ ශුක්රාණු තැවරුණු පාපිස්සක් නීතියේ හිස්තැන්වල වැළලී ගිය හැටි👇
🔰 - නිර්මල කහ සිවුරේ මුවාවෙන් සිදුවූ අඳුරු අපරාධයක ලේ තැවරුණු රහස් අධිකරණය හමුවේ දිගහැරෙද්දී, මුළු මහත් සමාජයකම හෘද ස්පන්දනය මොහොතකට නතර විය.
🔰 - වයස අවුරුදු 14ක අහිංසක මල් කැකුළක්, තමාගේම මව සහ සමාජයේ මුදුන්මල්කඩ සේ සැලකූ ආගමික නායකයෙකු විසින් අතිශය කෲර ලෙස පාවාදීමේ ඛේදනීය පුවත අනුරාධපුර අධිකරණය කැලඹීය.
🔰 - ඊයේ අධිකරණ ශාලාව දිස්වූයේ දැරිය වෙනුවෙන් සාධාරණය ඉල්ලූ ළමා ආරක්ෂක අධිකාරියේ හුදකලා සටනත්, සැකකාර හිමිනම බේරාගැනීමට වෙර දැරූ පොලිසියේ දියාරු සහ පක්ෂපාතී හැසිරීමත් අතර ගැටුම් පිටියක් ලෙසිනි.
🔰 - බාලවයස්කාර දැරියක බරපතළ ලෙස අපයෝජනය කිරීමේ අමානුෂික චෝදනාව මත රක්ෂිත බන්ධනාගාරගත කර සිටි අනුරාධපුර අටමස්ථානාධිපති පල්ලේගම හේමරතන හිමියන් සහ මුදලට ගිජුව තම ලෙයින් උපන් දියණියව බිලිදුන් මව, දැඩි ඇප කොන්දේසි මත මුදා හැරීමට අනුරාධපුර ප්රධාන මහේස්ත්රාත් සියපත් සසිදු වික්රමරත්න මහතා නියෝග කළේය.
🔰 - හිමිනමට නියම වූයේ රුපියල් ලක්ෂ 50 ක් වටිනා ශරීර ඇප දෙකක් සහ ලක්ෂයක මුදල් ඇපයකි.
🔰 - මවට නියම වූයේ රුපියල් ලක්ෂ පහ බැගින් වූ ශරීර ඇප දෙකකි.
🔰 - දෙපාර්ශ්වයටම විදේශගත වීම තහනම්ය.
🔰 - සාක්ෂිකරුවන්ට බලපෑම් කළහොත් වහාම ඇප අවලංගු කර යළි හිරේට යවන බවට මහේස්ත්රාත්වරයා දැඩිව අවවාද කර ඇත.
🔰 - වෛද්ය පරීක්ෂණ මගින් තහවුරු වී ඇත්තේ සෑම දින තුනකට වරක්ම දැරියව ගෙන්වාගෙන ඇති අතර, ඇයට දීර්ඝකාලීන ලිංගික ප්රවේශයක් සිදුකර ඇති බවයි.
🔰 - අතවරයට ලක්වූ දින ඇඳ සිටි, ලේ තැවරුණු යට ඇඳුම් බියට පත්ව පොළොවේ වළදමන්නට තරම් ඒ අහිංසක දැරිය අසරණ වී ඇත.
🔰 - දැරියව අපයෝජනය කිරීමෙන් අනතුරුව හිමිනම විසින් මවගේ අතට රුපියල් ලක්ෂයක මුදලක් ලබාදී ඇති අතර, "නැතිබැරිකම නිසා" එම මුදල ගත් බව මව විසින්ම පොලිසියට පාපොච්චාරණය කර තිබේ!
🔰 - දැරිය සිය පෙම්වතා සමඟ නිවසින් පලාගොස් පොලිස් අත්අඩංගුවට පත් නොවන්නට, මේ මහා අපරාධය තවමත් සමාජයෙන් වසන් වූ රහසක් වන්නට ඉඩ තිබිණි.
🔰 - ඇයට අහිමි වූයේ ඇගේ ළමා කාලය පමණක් නොව, මුළුමහත් ජීවිතයේම අහිංසක බලාපොරොත්තුයි.
🔰 - නඩුව කැඳවූ අවස්ථාවේ සැකකාර හිමියන් වෙනුවෙන් ජනාධිපති නීතිඥ කාලිංග ඉන්ද්රතිස්ස මහතා ප්රමුඛ විස්සකට අධික දැවැන්ත නීතිඥ බලඇණියක් පෙනී සිටි අතර, නිට්ටඹුව පොලිසියද විමර්ශන අවසන් බව කියමින් හිමිනමට ඇප දීමට පාර කපා ඇත.
🔰 - එහෙත්, ජාතික ළමාරක්ෂක අධිකාරියේ සභාපතිනි (විශ්රාමික මහාධිකරණ විනිසුරු) ඉනෝකා රණසිංහ මහත්මිය අධිකරණය හමුවේ ගෙනහැර දැක්වූ කරුණු මගින් පොලිසියේ නිරුවත සහ පක්ෂපාතීත්වය මනාව ඔප්පු විය.
🔰 - දැරිය විසින් අපරාධය සිදුවූ ආවාස ගෙයි කාමරය, එහි තිබූ භාණ්ඩ සහ සැකකාර හිමිනම අපයෝජනයෙන් පසු ශුක්රාණු පිසදැමූ පාපිස්ස පවා නිශ්චිතව පෙන්වා දී ඇත.
🔰 - දත්ත විශ්ලේෂණ වාර්තා අනුව දැරිය සහ හිමිනම අතර දුරකථන සංවාද 84ක් සිදුව ඇත.
🔰 - "ආගමික හා ධන බලයෙන් සපිරි මෙවැනි හිමිනමකට සාමාන්ය දැරියකට මෙතරම් ඇමතුම් ගන්නට වුවමනාවක් තිබේද?" ළමාරක්ෂක අධිකාරිය ප්රශ්න කළේය.
🔰 - මෙතරම් ප්රබල සාක්ෂි තිබියදීත්, නිට්ටඹුව පොලිසිය සැකකාර හිමිනම අත්අඩංගුවට නොගෙන, DNA පරීක්ෂණ සඳහා ජෛව සාම්පල ලබාගැනීම මඟහරිමින්, දින 17ක් තිස්සේ උන්වහන්සේට නිදැල්ලේ සිටීමට ඉඩ හැරියේය!
🔰 - ළමාරක්ෂක අධිකාරිය අධිකරණයේදී පැවසුවේ මෙම සැකකරු අත්අඩංගුවට ගැනීමට කෙවිටක් අරගෙන පොලිසිය පසුපස පන්නන්නට තමන්ට සිදුවූ බවයි.
🔰 - අවසානයේ අධිකරණයෙන් වරෙන්තුවක් නිකුත් කළ වහාම, මීට පෙර කිසිදු අසනීපයක් නොතිබූ සැකකාර හිමිනම නවලෝක රෝහලට ඇතුළත් වී රෝගියෙකු සේ පෙනී සිටීමට උත්සාහ කළේය.
🔰 - නමුත් ජාතික රෝහලේ විශේෂඥ වෛද්යවරුන් සය දෙනෙකුගේ පරීක්ෂාවෙන් හෙළි වූයේ වයසට යෑම නිසා ඇතිවන සාමාන්ය නිදන්ගත රෝග හැරුණු විට උන්වහන්සේට කිසිදු බරපතළ රෝගාබාධයක් නොමැති බවයි.
🔰 - ඊයේ දින අධිකරණ ශාලාව තුළ පවා උන්වහන්සේ කිසිදු අපහසුවකින් සුවසේ අසුන්ගෙන සිටිනු දක්නට ලැබිණි.
🔰 - දැරියගේ අයිතිවාසිකම් වෙනුවෙන් පෙනී සිටි ජ්යෙෂ්ඨ නීතිඥ අසිත් සිරිවර්ධන මහතා පෙන්වා දුන්නේ පොලිසිය රසපරීක්ෂකවරයා වෙත යොමු කර ඇති ප්රශ්නාවලිය පවා සකසා ඇත්තේ සැකකරුට ගැලවී යාමට හැකිවන පරිදි බවයි.
🔰 - මේ නිසා මෙම සම්පූර්ණ විමර්ශනය ජාතික ළමාරක්ෂක අධිකාරියට පවරන ලෙස ඔහු අධිකරණයෙන් ඉල්ලා සිටියේය.
🔰 - ඊයේ අධිකරණ භූමිය තුළ සැකකාර හිමිනම වෙනුවෙන් පෙනී සිටි නීතිඥ බලඇණියට අමතරව, රුවන්වැලි චෛත්යරාමාධිපති ඇතුළු ප්රබල මහා සංඝරත්නය 30කට ආසන්න පිරිසක් වැඩම කර සිටීම මගින් නිහඬව ප්රදර්ශනය කළේ කුමන ආකාරයේ සමාජීය බලපෑමක්ද?
🔰 - පුදුමයකට මෙන්, නීතිපති දෙපාර්තමේන්තුව නියෝජනය කරමින් රජයේ නීතිඥවරයෙකුවත් ඊයේ දින අධිකරණයට පැමිණ සිටියේ නැත.
🔰 - තමන්ගේ දියණියව මුදලට විකුණූ මවකට එරෙහිව 'තැනැත්තන් වෙළෙඳාම් කිරීමේ' බරපතළ චෝදනාව ගොනු කිරීමට පොලිසිය හිතාමතාම අපොහොසත් වී ඇත්තේ කාගේ වුවමනාවටද?
🔰 - ප්රධාන ප්රවාහයේ ඇතැම් මාධ්ය පවා මේ මහා අපරාධය ඉදිරියේ මුනිවත රකිද්දී, ආගමික හා ධන බලය හමුවේ නීතියේ දෙවගනගේ දෑස් බැඳ දැමීමට දරන මේ සාහසික උත්සාහයට එරෙහිව ළමාරක්ෂක අධිකාරිය පමණක් හුදකලා සටනක් කිරීමම ජාතියේ අභාග්යයකි.
🔰 - නඩු කටයුතු අවසන් වී මහා සඟ පිරිවරක් පිරිවරාගෙන සැකකාර හිමියන් නිදහසේ පිටව යද්දී, සියල්ල අහිමි වූ ඒ අහිංසක මල් කැකුළ සතර බිත්තියකට කොටුවී මුළුමහත් සමාජයෙන්ම අසන්නේ, "මේ රටේ නීතිය හා යුක්තිය ක්රියාත්මක වන්නේ බලවතාගේ හැඩයට සහ තරමට පමණක්ද?" කියාය.
Disclaimer
The commentary, analysis, and imagery featured in this article are intended strictly for informational, educational, and journalistic purposes to discuss a specific legal incident and broader concepts of justice.
Incident Reporting & Public Interest: This article addresses a matter of public interest involving a public figure and a specific real-world incident. The details provided are based on available news reports and are intended to foster constructive discussion surrounding legal proceedings and social commentary.
No Violation of Guidelines: This content is strictly editorial and does not depict, reference, or promote any form of exploitation, harm to minors, or violence.
Artistic Symbolism: The visual elements utilized, including representations of legal scales and traditional figures—are purely allegorical expressions meant to symbolically illustrate the themes of justice and legal outcomes.
Professional Commentary: The views expressed herein represent independent commentary and analysis. They are not intended to defame any individual or institution, nor do they constitute formal legal advice.
#පල්ලේගමහේමරතන
