Cubicon

Name: Cubicon
Address: Balanachini Plaza, 142 Beliashvili Street, Tbilisi, 0159, GE
Telephone: +995 591 116 444

Home
Georgia
Tbilisi
Cubicon

Call Directions Website Contact the business

Full package of Structural Engineering Consultancy Service Full package of structural and engineering design, As well as expert assessments of any difficulty.

30/10/2026

„კუბიკონის“ გუნდი ამჯერად შუაგულში შეიკრიბა! ✨

კიდევ ერთი დღე სავსე მხიარულებით, საინტერესო აქტივობებით, დადებითი ემოციებითა და ერთად შექმნილი ახალი მოგონებებით 🤝🍂

16/10/2026

🟥 იორგ შლაიხი თანამედროვე სტრუქტურული ინჟინერიის პიონერია, რომელმაც მინიმალური მასალით მაქსიმალური სიმტკიცის მიღწევის ხელოვნება სრულყოფილებამდე მიიყვანა.

მისი ხედვის საუკეთესო მაგალითია Killesberg Tower - 50-მეტრიანი სათვალთვალო კოშკი, რომელიც ტრადიციული მასიური ბეტონის ნაცვლად, სრულად მსუბუქი საბაგირო სტრუქტურებითა და ჭიმვადი ბადით არის დაპროექტებული.

📐 კოშკის სტრუქტურული მდგრადობა უზრუნველყოფილია ცენტრალური ფოლადის სვეტითა და წინასწარ დაჭიმული ფოლადის ბაგირების ქსელით. ეს სისტემა ქარის დინამიკურ დატვირთვებსა და რყევებს მთლიან სტრუქტურაზე თანაბრად ანაწილებს, რაც კონსტრუქციის წონას მინიმუმამდე ამცირებს.

შლაიხმა დაამტკიცა, რომ სტრუქტურული ინჟინერია არის ელეგანტურობა, მასალის ეკონომია და გარემოსთან სრული ჰარმონია.

07/10/2026

🟥 Cubicon-ში გვჯერა, რომ ძლიერი საინჟინრო გუნდი ცოდნის მუდმივი გაზიარებითა და მაღალი შიდა სტანდარტებით იქმნება.

მაისში დავიწყეთ 3-თვიანი შიდა მომზადების პროგრამა, რომლის ფარგლებშიც შერჩეულმა კანდიდატებმა, გიორგი ჭიღლაძემ და ანდრია ბეჭვაიამ, გაიარეს სიღრმისეული პრაქტიკული მომზადება Revit-ის, AutoCAD-ისა და საინჟინრო სპეციფიკაციების ავტომატიზაციის მიმართულებით.

🎓 პროგრამა მოიცავდა ყოველკვირეულ შეფასებებს, პრაქტიკულ დავალებებსა და მუდმივ უკუკავშირს გამოცდილი მენტორებისგან - სალომე ბოლქვაძესა და ნინო სახელაშვილისგან.

პროგრამის წარმატებით დასრულების შემდეგ, გიორგი და ანდრია ოფიციალურად გახდნენ Cubicon-ის გუნდის წევრები. დღეს ისინი, უფროსი ინჟინრების უშუალო მენტორობითა და ხარისხის მუდმივი კონტროლით, აქტიურად მონაწილეობენ კომპანიის რეალური პროექტების დამუშავებაში.

ვულოცავთ მათ გუნდში შემოერთებას და ვუსურვებთ წარმატებულ პროფესიულ სტარტს!

05/10/2026

🟥 როგორ გარდაიქმნა ნარჩენების გადამამუშავებელი ენერგო-სადგური საზოგადოებრივ პარკად და 90 მეტრის სიმაღლის ტრასად?

გაეცანით CopenHill-ის მრავალშრიან გადახურვასა და სტრუქტურულ საინჟინრო გადაწყვეტებს.

28/09/2026

Revit-ში ელემენტების დაარმირება და სპეციფიკაციების ხელით შედგენა დიდ დროს მოითხოვს.

ამიტომ, „კუბიკონში“ GCON AI-ის ავტომატიზაციას ვიყენებთ: სვეტების, ფილების და საძირკვლების არმირებასთან ერთად, მომენტალურად ითვლება მასალის ზუსტი ხარჯი და ავტომატურად გენერირდება სამშენებლო ნახაზები.

22/09/2026

არქიტექტურული ესთეტიკა სტრუქტურულ ინჟინერიას ხშირად ყველაზე საინტერესო გამოწვევების წინაშე აყენებს. 📐

„ასკანელი ძმების“ ყვარლის ღვინის ქარხნის 6,000 კვადრატულ მეტრიანი კომპლექსი ამის ბრწყინვალე მაგალითია - სადაც ტრადიციული მეღვინეობის სივრცეები, მუზეუმი და კავკასიონის ხედზე გადაკიდებული ტერასა შთამბეჭდავ, საფეხუროვან არქიტექტურაში ერთიანდება. 🍇

თუმცა, შენობის ასეთ არარეგულარულ გეომეტრიას იდეურ მხარესთან ერთად რთული საინჟინრო თავსატეხიც მოჰყვება: მასათა და სიხისტეთა ასიმეტრიული განაწილება შიდა ძალების არათანაბარ გადანაწილებას იწვევს, რაც სეისმური ზემოქმედებისას გრეხითი ეფექტების წარმოქმნის რისკს მკვეთრად ზრდის.🏗️

ამ პროექტზე „კუბიკონის“ მთავარ ამოცანას სწორედ ამ რთული გეომეტრიის დამორჩილება წარმოადგენდა. კონსტრუქციული გაანგარიშებისას, ლითონის კარკასული კოჭებისა და რკინაბეტონის მზიდი ელემენტების დინამიკური მოდელირებით, განსაკუთრებული ყურადღება დაეთმო შენობის
სეისმომედეგობისა და სიხისტის ოპტიმალურ გადანაწილებას. შედეგად, მივიღეთ სტრუქტურა, სადაც რთული ინჟინერია უხილავად იცავს არქიტექტორთა კონცეპტუალურ ჩანაფიქრს და უზრუნველყოფს ნაგებობის აბსოლუტურ მდგრადობას. 📍

11/09/2026

🟥 ხის, როგორც მზიდი მასალის გამოყენება მაღალ ნაგებობებში დიდხანს შეუძლებლად ითვლებოდა. CLT პანელებისა და Mass Timber ინჟინერიამ ეს შეზღუდვები მოხსნა და მრავალსართულიანი ხის კონსტრუქციების პროექტირება შესაძლებელი გახადა.

CLT პანელები მზადდება ხის ფენების ჯვარედინი (90-გრადუსიანი) დაწებებით. ეს სტრუქტურა უზრუნველყოფს დატვირთვის ეფექტურ გადანაწილებას და ზრდის სტაბილურობას. ხოლო კონსტრუქციის შედარებით მცირე წონა ამცირებს საძირკველზე დატვირთვას.

🏗️ მასიური ხის კონსტრუქციის ცეცხლმედეგობა ნახშიროვანი შრის წარმოქმნის პრინციპს ეფუძნება. ხანძრისას CLT პანელის გარეთა ზედაპირი ნახშირდება განსაზღვრული სიჩქარით (დაახლოებით 0.65 მმ/წუთში). ეს ნახშიროვანი შრე მოქმედებს როგორც თბოიზოლატორი - ის მნიშვნელოვნად ანელებს ჟანგბადის შეღწევასა და თბოგადაცემას, რითაც ინარჩუნებს შიდა მზიდი გულის ტემპერატურასა და სტრუქტურულ სიმტკიცეს.

მიოსტორნეს (Mjøstårnet, 85.4 მ) პროექტი ადასტურებს, რომ სწორი საინჟინრო გაანგარიშებით Mass Timber ტექნოლოგია უზრუნველყოფს როგორც სეისმურ და ხანძარსაწინააღმდეგო უსაფრთხოებას, ისე გარემოზე მინიმალურ ზემოქმედებას.

09/09/2026

🟥 1960-იან წლებამდე ცათამბჯენების მშენებლობა ტრადიციულ ფოლადის ჩარჩოს ეფუძნებოდა. სიმაღლის ზრდასთან ერთად, დატვირთვების დასაძლევად საჭირო მასალის ხარჯი მკვეთრად იზრდებოდა, რაც 40 სართულს ზემოთ მშენებლობას ეკონომიკურად არარეალურს ხდიდა.

SOM-ის (Skidmore, Owings & Merrill) პარტნიორმა და სტრუქტურულმა ინჟინერმა, ფაზლურ რახმან ხანმა, მაღალი ნაგებობების მექანიკა ფუნდამენტურად შეცვალა. მან დაამტკიცა, რომ შენობა უნდა მუშაობდეს არა როგორც ცალკეული სვეტებისა და კოჭების ერთობლიობა, არამედ როგორც მიწაში ჩამაგრებული ერთიანი სივრცითი მილი (Tube System). ამ მიდგომამ გვერდითი დატვირთვები გარე პერიმეტრს გადააკისრა და მასალის ხარჯი მკვეთრად შეამცირა.

ხანი გახდა ცათამბჯენების მშენებლობაში რევოლუციური მიგნებების ავტორი - მის მიერ შემუშავებულ კონსტრუქციულ პრინციპებს დაეფუძნა ყველა შემდგომი სისტემა, რომლითაც თანამედროვე ცათამბჯენები იგება.

📐 ხანმა თითოეული პროექტისთვის სტრუქტურის ინდივიდუალური, ოპტიმიზებული ვარიაცია შექმნა:

Plaza on DeWitt - გარე პერიმეტრზე მჭიდროდ განლაგებული სვეტები ერთიან მზიდ მილად მუშაობს და გვერდით დატვირთვებს ითვისებს.

John Hancock Center - გარე ფასადზე ინტეგრირებული დიაგონალური კავშირები (Trussed Tube) შენობის გვერდით გადაადგილებას (Sway) მინიმუმამდე დაჰყავს და გვერდით სიხისტეს უზრუნველყოფს.

Willis Tower - ცხრა დამოუკიდებელი მილოვანი სტრუქტურის გაერთიანება (Bundled Tube) შენობას სიმაღლეში ეტაპობრივად შევიწროების საშუალებას აძლევს, რაც ეფექტურად ზღუდავს გვერდით გადახრას.

One Shell Plaza & Petronas Towers - შიდა რკინაბეტონის სიხისტის ბირთვისა (Core) და გარე მზიდი პერიმეტრის კომბინაცია (Tube-in-Tube). ხანის მიერ შექმნილი ამ მეთოდოლოგიით მოგვიანებით Petronas Towers-იც აშენდა, რომლის შიდა ბირთვი და გარე ჩარჩო ერთობლივად აღიქვამს ვერტიკალურ, სეისმურ და ქარის დინამიკურ დატვირთვებს.

Brunswick Building - პირველი პროექტი, რომელშიც გამოყენებული იყო სიხისტის კედლებისა (Shear Wall) და გარე ჩარჩოს ურთიერთქმედების სისტემა, რაც კონსტრუქციის მაღალ გვერდით სიხისტესა და მდგრადობას უზრუნველყოფს.

03/09/2026

გაიცანით რატი ზაუტაშვილი - ჩვენი ინჟინერ-კონსტრუქტორი, რომელიც გუნდში შერეული კონსტრუქციების მიმართულებით მუშაობს.

რატიმ საინჟინრო განათლება აკაკი წერეთლის სახელმწიფო უნივერსიტეტსა და იტალიის ლაქვილას უნივერსიტეტში მიიღო. "კუბიკონში" მოსვლამდე მას უკვე ჰქონდა საერთაშორისო და რეგიონული მნიშვნელობის პროექტებზე მუშაობის გამოცდილება.

უკვე 1 წელია, რაც რატი ჩვენი გუნდის წევრია და ამ პერიოდში 10 წარმატებული პროექტი განახორციელა.

მისი თქმით, „კუბიკონში“ არსებული პროფესიული გარემო და რთული საინჟინრო ამოცანები საუკეთესო პირობაა თეორიული ცოდნის პრაქტიკაში ეფექტურად გამოსაყენებლად.

მოხარული ვართ, რომ რატი ჩვენი გუნდის ნაწილია! 📐🏗️

31/08/2026

რატომ შეიძლება მიწისძვრისას 10-სართულიანი შენობა დაზიანდეს, ხოლო 20-სართულიანმა გადარჩეს? 🏢

მიზეზი რეზონანსის საფრთხეა, რომლის თავიდან აცილებაც მხოლოდ ზუსტი საინჟინრო ანალიზით, დინამიკური მოდელირებითა და სწორი კონსტრუქციული დაპროექტებით ხდება. ⚡️

Address

Balanachini Plaza, 142 Beliashvili Street
Tbilisi
0159

Telephone

+995 591 116 444

Website

http://cubicon.ge/

Alerts

Be the first to know and let us send you an email when Cubicon posts news and promotions. Your email address will not be used for any other purpose, and you can unsubscribe at any time.