03/12/2025
ამჯერად გვინდა კიდევ ერთი ენერგიის შენახვის წყაროების შესახებ მოგაწოდოთ ინფორმაცია.
შეკუმშული ჰაერის ენერგიის შენახვის (CAES) ტექნოლოგიური კონცეფცია 40 წელზე მეტ ხანს ითვლის. შეკუმშული ჰაერის ენერგიის შენახვა (CAES) სეღრმისეულად იქნა შესწავლილი 1970-იან წლებში, როგორც ბირთვული ენერგიის ინდუსტრიაში დატვირთვის მიყოლისა და საჭირო შემთხვევაში პიკური მოთხოვნის დაკმაყოფილების საშუალება, მუდმივი სიმძლავრის კოეფიციენტის შენარჩუნებით.
შეკუმშული ჰაერის ენერგიის შენახვის (CAES) ტექნოლოგია კომერციულად ხელმისაწვდომი 1970-იანი წლების ბოლოდან გახდა. ერთი კომერციული დემონსტრაციული CAES ელექტროსადგური წარმატებით ფუნქციონირებს 24 წელზე მეტი ხნის განმავლობაში, ხოლო მეორე - 11 წელი. გარდა ამისა, მრავალი სხვა CAES ელექტროსადგური შესწავლილია ადგილმდებარეობის, ეკონომიკური მიზანშეწონილობის ან დიზაინის კვლევების მეშვეობით (EPRI, 2002).
მისი ინტეგრირება შესაძლებელია ნებისმიერი ტიპის ენერგო სადგურთან, ჰიდრო, მზე, ქარის ტურბინის, თერმულ თუ ატომურ ელექტროსადგურთან. არსებითად, ტერმინი „შეკუმშული ჰაერის ენერგიის შენახვა“ ასახავს ტექნოლოგიის ძირითად ფუნქციონირებას. ქსელში ელექტროენერგიის ჭარბი მიწოდების დროს (მაგალითად, დაბალი მოთხოვნის დროს მაღალი სიმძლავრის მიწოდების გამო), შეკუმშული ჰაერის ენერგიის შენახვის სადგურს შეუძლია ჰაერის შეკუმშვა და შეკუმშული ჰაერის შენახვა მიწისქვეშა გამოქვაბულში ან სხვა სახის საცავში. მაღალი მოთხოვნის დროს, შენახული ჰაერის გამოთავისუფლება და ენერგიის აღდგენა შესაძლებელია.
ვინაიდან დაბალი ღირებულების ელექტროენერგია ინახება დაბალი მოთხოვნის დროს, ხოლო ელექტროენერგია წარმოიქმნება შენახული ენერგიის გამოთავისუფლებით მაღალი მოთხოვნის დროს მაღალ ფასებში, ენერგიის შენახვა არა მხოლოდ გარემოს დაცვის სარგებლით არის მიზანშეწონილი, არამედ ტექნოლოგიის მიერ მოწოდებული ეკონომიკური სარგებლით. გარდა ამისა, ტექნოლოგია უზრუნველყოფს ენერგეტიკული ბაზრის მხარდაჭერას და სოციალურ-ეკონომიკურ სარგებელს.
