16/05/2020
მიმდინარე წლის 15 მაისს ტელეკომპანია ,,მთავარი არხის“ ეთერში გავიდა სიუჟეტი, სადაც საუბარია თბილისში, ისნის რაიონში მშენებარე საცხოვრებელ კორპუსში მობინადრეთა პრეტენზიების თაობაზე.
აღნიშნულ სიუჟეტში გაჟღერებულ ინფორმაციასთან მიმართებით ნახსენები იქნა შპს ,,დელუქს დეველოპმენტი“, რომელსაც არანაირი შეხება არ აქვს ისანში არსებულ მშენებლობასთან.
სამწუხაროდ, აღნიშნულმა არასწორად გაჟღერებულმა ინფორმაციამ ნეგატიური ფსიქოლოგიური გავლენა მოახდინა შპს ,,დელუქს დეველოპმენტის“ მობინადრეებზე (თბილისი, ფარსადანის ქ. 9) და მათმა ნაწილმა ჩათვალა, რომ კომპანია უკანონო ქმედებებს ახორციელებს მობინადრეთა მიმართ.
კიდევ ერთხელ განვმარტავთ, რომ სიუჟეტში მითითებულ მშენებლობასთან შპს ,,დელუქს დეველოპმენტს“ არანაირი საერთო არ აქვს. აღნიშნული არასწორი ინფორმაციის უარყოფის მოთხოვნით ჩვენ დაუყოვნებლივ მივმართავთ ტელეკომპანია ,,მთავარი არხს“ და თუ ეს უკანასკნელი არ გამოასწორებს ხსენებულ შეცდომას, კომპანია აუცილებლად მიმართავს სასამართლოს სარჩელით ტელეკომპანიის წინააღმდეგ.
აქვე გვინდა მოგახსენოთ, რომ კომპანია მიმდინარე წლის 18 მაისიდან ჩვეულ რეჟიმში აღადგენს საქმიანობას, გაიხსნება ოფისი ფარსადანის ქ. N9-ში და ყველა თქვენთვის საინტერესო საკითხზე შეძლებთ ინფორმაციის მიღებას ადგილზე, ან კომპანიის ფეისბუქ გვერდზე.
