見造．建造

09/06/2026

東何文田配水庫對向常樂街方向，近期暫存咗啲似乎係水務署維修 contract 嘅地盤物料。呢隻和興建築 Wo Hing 貨櫃塗裝有啲特別，影低揾 Gemini 調查下。

貨櫃窄身同闊身方向都有門。門上除咗有 contract 貼紙，亦印有「深水生態 生態和諧之道」；一條未連到嘅網址 www.szwatereco.com (連 QR code)，同埋一個波浪形 logo。查返原來叫「深圳市深水生態環境技術有限公司」，為深圳環境水務集團子公司，係國家隊。

追跡到 2017年嘅第19屆中國國際高新技術成果交易會，已經有提及深水生態嘅產品「移動式固液分離設備」- Mobile Solid-Liquid Separation Equipment, 3D render 圖中形狀同現場見到嘅貨櫃相近，似係方便運去地盤開檔處理污泥。

——————————
3/WSD/21 新界西風險爲本水管改善定期合約 Term Contract for Risk-Based Improvement of Water Mains - New Territories West

Consultant: 賓尼斯 Binnies
Contractor: 君龢-俊和-義合聯營 Amain-Chun Wo-Yee Hop Joint Venture

君龢係俊和子公司，專做維修同 A&A。咁搞法似係兩間 JV only, 順便幫君龢刷main contract job reference?

07/06/2026

校舍保養工程 School Premise Maintenance

呢類工程通常喺學校紅日/暑假開得足啲，錯開返學嘅時段。

摘錄於 2023年4月刊登嘅 《審計署署長第八十號報告書》第五章 (https://www.aud.gov.hk/pdf_ca/c80ch05.pdf) ，教育局於 2014年4月1日從房署接手返屋邨資助學校已獲批核嘅修葺工程項目，而 2019年4月1日起從建築署接手非屋邨資助學校已獲批核嘅修葺工程項目。呢一日之前獲批出，重喺建築署手上而>200萬 budget 嘅項目，就維持由建築署完成埋。

至於聖三一堂中學呢度嘅維修工程分類同內容，冇詳細資料。只能夠從工人衣著同欄河嘅承建商 logo 去估咗contract先。
———————————————-
TC PM012 定期保養合約(指定合約區: 油尖旺、九龍城及離島)
Maintenance Term Contract (Designated Contract Area: Yau Tsim Mong, Kowloon City and Islands)
Contractor: 迪臣-聯合金輝聯營 Deson-Goldfield Joint Venture

特格鋁架 Uniframe

05/06/2026

03/06/2026

C3089-24C 大窩口站新增出口工程 Provision of New Entrance with Escalator at Tai Wo Hau
Contractor: 新福港(土木)有限公司 Sun F**k Kong (Civil) Limited

合約於 2024年7月29日批出，Contract Sum 為 HKD 4700 萬。 現時出口上蓋石矢結構已經出世。站內圍街板告示預計新出入口工程喺 2028年上半年會完成。

地盤內外見有宏宗建築同偉金建築嘅 logo.
——————————————————
行上少少去探下傅屋路嘅石屎廠，廠圍街未有留意到係邊間公司，只係見到有新輝/永輝logo嘅公司車出入。睇返以往google map 街景，都曾影到永輝混凝土石屎車喺入邊。2009年街景直頭見到新鴻基logo.

今年掛上標語，寄語「2026年目標 - 克服困難，開拓新路」。

31/05/2026

街坊心聲牆 Community Opinion Wall

————————
P4039 中環威靈頓街64-70號商業重建項⽬ PROPOSED COMMERCIAL DEVELOPMENT AT NO. 64-70 WELLINGTON STREET, CENTRAL

Client: 威成投資有限公司 Well Grand Investment Ltd. (under 南豐集團 Nan Fung Group?)
Architect: 呂元祥建築師事務所 RLP
Engineer: 建盛 AIS
Contractor: 建榮地基 Kin Wing Foundation

照舊，鑽達-永峰 Drilltech-Everest 嘅 logo 並列用作contractor logo，但查返 4S website main contractor 都係只報咗建榮個名。

睇返 Google Map 街景，上一手嘅駿慧工程 Wise Trend 喺 2023年已經做緊 foundation 同retaining wall+grout curtain。2024年2月見駿慧工程好似拆緊 hoarding。
建榮地盤就喺 2025年9月開工。根據建榮官網，scope of work 包括 shaft grouted friction Mini-pile, grout curtain, ELS, pile cap。地形所限，未有睇到地盤裏面，係見到有個杉/竹棚工作台。

建榮整咗個街坊心聲牆，左上角貼住心心提示: 「街坊心聲牆，歡迎留言，告訴我們你的意見 🙂 」塊膠板就孤伶伶豎立喺車閘一旁。到底冇咗街坊，定係街坊冇咗心聲，抑或唔存在街坊心聲? 多得台灣插畫家 - 快樂林 happieslin 巧手一筆，塊板先冇咁冷清。

28/05/2026

夏日熱辣辣，相對上喺夜間做道路工程就舒服啲。偶遇祥業街嘅路面重舖工程。

Wirtgen W215 Cold Milling Machine 冷銑刨機

02/HY/2023 路政署定期合約(九龍東道路(快速公路及高速道路除外)之管理及維修 2024-2029) Highways Department Term Contract (Management and Maintenance of Roads in Kowloon East excluding Expressways and High Speed Roads 2024 – 2029)
Contractor: 新福港-ASL 聯營 SFK-ASL Joint Venture
-———————————————————
另外隨著 Trunk Road T2 TBM works 收尾，CEDD public lab 同嘉里危險品倉旁嘅 STP (Slurry Treatment Plant) 地盤都著手清場。詳細情況留待另一個 post 再睇。Project 似乎申請咗 2026年5月26日至8月20日，每日晚上9時至翌日上午6時臨時封咗啟興道車閘對出嘅路段。已見有用雞頭喺車閘附近工作，唔知係做清拆 roadwork, uu works, 抑或其他工程?

ED/2018/04 T2主幹路及前南面停機坪發展項目的基礎設施工程 Trunk Road T2 and Infrastructure Works for Developments at the Former South Apron
Consultant: 安誠-邁進聯營 Hyder-Meinhardt Joint Venture
Contractor: 布依格土木工程有限公司 Bouygues Travaux Publics

26/05/2026

TC J517 建築署在香港所有地區負 責的建築物、土地及其他物 業的小型工程定期合約
Minor Works Term Contract to Buildings and Lands and Other Properties for which the Architectural Services Department is Responsible for the Whole Territory of Hong Kong
Works Order No.: ASD012776 重置垃圾收集站至九龍灣宏展街
Reprovisioning of Refuse Collection at Wang Chin Street, Kowloon Bay
Contractor: 瑞安承建有限公司 Shui On Building Contractors Limited

睇返 Google Map 街景，最遲 Dec 2023 宏照街帝豪停車場已經清場收返做地盤。
——————————————————
TCL519 為建築署負責的建築物、土地及其他物業的小型工程進行設計及建造的定期合約[公廁及垃圾收集站]
Term Contract for the Design and Construction of Minor Works to Buildings and Lands and other Properties for which Architectural Servcies Department is Responsible for the Whole Territory of Hong Kong (Public Toilets and Refuse Collection Points)
Works Order No.: ASD13002 啟德發展區 3A5 垃圾收集站建造工程 Construction of Refuse Collection Point at Site 3A5
Contractor: 偉工有限公司 Wecon Limited

承佑街垃圾收集站都繼續做緊，外牆已見到臨時食環 logo 同站名試樣。

睇返 Google 街景，2009年啟福道呢個位有 Esso, Caltex, Shell。2019年中間嘅 Caltex 走咗丟空，2020年 Shell 搬去中間。南邊 Shell 嘅舊位就一路空置，近期再現裝修，為藍白色嘅 SINOPEC PIT。

對出嘅 Ksn23D sign gantry 似乎重有係臨時牌掛緊。中九龍通車將近半年，唔知臨時路牌幾時拆得呢?

24/05/2026

ND/2024/10 新田科技城第一期第一階段（東）—合約一—地盤平整和基礎設施工程
San Tin Technopole Phase 1 Stage 1 (East) – Contract 1 – Site Formation and Engineering Infrastructure Works
Consultant: 奧雅納—賓尼斯顧問聯營 Arup - Binnies Joint Venture (CE 16/2023 (CE))
Contractor: 豐利建築 Kuly Construction & Engineering Company Limited

豐利呢單 contract 主要做 site form, GI，同埋新建嘅地面L27道路，及下底嘅 box culvert。透過圍街水馬張貼嘅滅火筒位置圖航拍相可以了解更多。
順利達停車場會喺 2026年5月31日完全停止營運，以便進行新田科技城工程。
-—————————————
YL/2020/02 落馬洲河套地區發展：第一期主體工程 — 合約二　西面連接道路第二期，粉嶺／新田公路連接道路及直接道路第一期
Development of Lok Ma Chau Loop: Main Works Package 1 - Contract 2 Western Connection Road Phase 2, Connection Roads to Fanling/San Tin Highway and Direct Road Link Phase 1
Consultant: 艾奕康 AECOM
Contractor: 中國路橋工程有限責任公司 China Road and Bridge Corporation

行人及單車天橋都起到七七八八，欄河同 covered walkway 都出世。
——————————————
ND/2025/01 新田科技城第一期第一階段（東）—合約二—地盤平整和基礎設施工程
San Tin Technopole Phase 1 Stage 1 (East) – Contract 2 – Site Formation and Engineering Infrastructure Works
Consultant: 奧雅納—賓尼斯顧問聯營 Arup - Binnies Joint Venture (CE 16/2023 (CE))
Contractor: 中國路橋 - 美聯聯營 CRBC - MAYLON Joint Venture

麒麟山鄉村對出嘅古洞路工程準備中，粉嶺公路嘅斜坡樹木陸續鏟走，行人隧道口整咗個有蓋圍板結構。附近有張地政 banner, 通知收地範圍同限期。成個麒麟村同古洞路沿途工業用途嘅倉地似乎都入曬射程範圍。
——————————————
ND/2024/03 古洞北新發展區餘下工程–粉嶺公路（古洞段）改善工程及相關工程
Kwu Tung North New Development Area, Remaining Phase: Improvement Works of Fanling Highway (Kwu Tung Portion) and Associated Works
Consultant: 艾奕康 AECOM
Contractor: 中國建築 – 隧道股份聯營 China State – Shanghai Tunnel Engineering Co., Ltd. Joint Venture

大範圍起路、site form、渠務，遲啲多啲進度再去拜訪。

23/05/2026

香港理工大學何文田校園發展計畫
The Hong Kong Polytechnic University Campus Expansion at Ho Man Tin Slope
Site Formation and Foundation Works Contractor: 俊和 Chun Wo

呢單 project 由 2020年11月開波，去到近月有啲起貨嘅跡象? 臨時鐵台拆咗、天秤、鏈板、膠呔都唔見埋? 剩低幾部雞頭。樁頭鐵睇落露曬，不過又有啲疑似起啲唔起啲 pile cap 企身板，又有啲做咗一 part 仔嘅 pile cap(?)，天秤石矢 footing 連 cast in crane leg 未拆，斜坡棚架未拆，地盤內嘅俊和啲 banner 都未拆。

詭異嘅係，山腳地盤圍街嘅俊和告示，除咗大招牌 banner, 其餘告示左上/右嘅俊和 logo 全部被牛皮膠紙遮住，唔知係咪代表已離場抑或另有意思? 山上迦密中學隔離嘅閘口就未有時間去睇。還望俊和同事指教。

講返呢單嘢，Meinhardt 嘅 project introduction website (https://meinhardt-china.com/project/polyu-campus-expansion-at-ho-man-tin-slope/) 依家重寫 completion by 2026，未 update。而 ALKF project introduction website (https://www.alkf.com/poly-u-campus-at-homantin-slope/) 直頭寫 “Completion Year - Under Construction”。根據理大 FR2024/25 (up to 2025年6月30日), 當時預係”move-in anticipated for 2028”

參考 2025年11月25日，Council of The Hong Kong Polytechnic University 136th meeting of Executive Committee - Report of Decisions (https://www.polyu.edu.hk/ppoffice/web/images/Decisions_in_2025.pdf) ，似乎 consultancy 都有 VO 處理緊? 以下 quote 原文，以防有譯錯:
“APPROVED, with authority delegated by Council and on the recommendation of the Campus Development Committee, the additional fee proposals from Andrew Lee King Fun & Associates Architects Ltd and Arcadis Hong Kong Limited for the Additional Consultancy Services for Modular Integrated Construction Works and Design Optimisation of Superstructure for Campus Expansion at Ho Man Tin Slope, subject to the approval of the Health Bureau.”

21/05/2026

Tomorrow’s CENTRAL
中環香港置地擁有嘅幾棟鄰近物業包括置地廣場、文華東方酒店、歷山大廈、太子大廈都相繼 under 呢單 project 有翻新工程。唔知係咪業主意思，好難從圍街板揾到有關翻新工程嘅資料。暫時只知 Atrium A&A 合約係有金門參與，其他物業嘅翻新合約只唔清楚了。

怡和持有金門 50% 股權，持有香港置地 ~50%(?)股權，另外喺2026年1月亦已私有化文華東方。

德輔道中 Louis Vuitton Landmark 上方棚網5月頭都重係用緊金門黃網，充足陽光嘅日子可以清楚睇到棚架同金門紅欄河。唔知點解月尾改用灰色或白色棚網，網孔亦細好多，難以睇到網後情況。
————————————————————
J9088 Main Contract of Landmark Atrium A&A Works at The Landmark, 11 Queen’s Road Central, Hong Kong
Contractor: 金門建築 Gammon

上月金門出片宣傳嘅環保石矢，指早前已有BD approval, 片中做例子嘅似乎係2025年11月6日落嘅石矢：

C45/20D Slump 150mm, 40% GGBS, CarbonCure 8hrs with Admix DELVO RH100 RWD, Tuen Mun Batching Plant

BD approval 就未見有宣傳，小弟揾咗陣BD網嘅 “Summary of Decisions if Committee” 都暫未摷到。另外CIC Green Product Certification 官網已有record (CICGPC-L-25256(RMC)), PLATINUM Rating, CFP Value: 200.258kg CO2e/m3 product, current licence end date at 26 Aug 2028.
——————————————————
香港置地太子大廈 (Prince Building) 面向 皇后像廣場 (Statue Square) 嗰邊角亦有金棚。
Scaffold Supplier: 金源通架 Canyon
——————————————————
另一邊嘅香港文華東方酒店亦起咗圍街板，搭建棚架準備工程。
Scaffold Supplier: 華保 Wah Po Scaffolding Equipment & Engineering Co. Limited

踢腳板上嘅電話號碼 29509123，正正亦係梁杯板模工程有限公司 Leung Pui Form Mould & Engineering Company Limited 嘅電話。

根據建成控股官網 (https://www.kinshingholdings.com.hk/tc/company_profile.php), 1994年先有「萬利」由梁志杰與周兆裕成立，及後 2001 成立「豪業建築」及「梁杯板模」，2013年成立「五龍板模」。根據 HK Company Directory 資料, 為五龍板模有限公司 Five Dragon Form Mould Limited 喺 2023年3月16日改名華保。