中大天文 CUHK Astronomy Club

中大天文 CUHK Astronomy Club 香港中文大學天文學會 官方專頁

Official page of The Astronomy Club, The Chinese University of Hong Kong

聽日就係2026 DSE開考嘅日子📖，我哋喺度向所有考生送上祝福✨！努力咗咁耐，嚟緊呢一個月就係檢驗成果嘅最好時機。你哋每一位都有獨一無二嘅潛能💡，期待你哋喺考場上發揮所長，奮筆疾書✍️，寫出屬於自己嘅未來！最後提提大家臨出門口前望多次 c...
08/04/2026

聽日就係2026 DSE開考嘅日子📖，我哋喺度向所有考生送上祝福✨！努力咗咁耐，嚟緊呢一個月就係檢驗成果嘅最好時機。你哋每一位都有獨一無二嘅潛能💡，期待你哋喺考場上發揮所長，奮筆疾書✍️，寫出屬於自己嘅未來！

最後提提大家臨出門口前望多次 checklist，確保自己帶齊嘢先至考試！📄

祝大家DSE一切順利，關關難過關關過！
————————————————————————
#中大 #天文

你有冇諗過，抬頭見到嘅夜空係由咩組成🌌？喺漆黑嘅宇宙入面，隱藏住神秘嘅暗物質◾。暗物質係宇宙最大嘅未解謎團之一💭：我哋無法用望遠鏡直接觀測🔭，但係卻可以透過引力證明佢嘅存在。暗物質到底係咩🤔？佢又點樣影響我哋身處嘅宇宙🌃？想探索更多，就唔好...
26/03/2026

你有冇諗過，抬頭見到嘅夜空係由咩組成🌌？喺漆黑嘅宇宙入面，隱藏住神秘嘅暗物質◾。暗物質係宇宙最大嘅未解謎團之一💭：我哋無法用望遠鏡直接觀測🔭，但係卻可以透過引力證明佢嘅存在。

暗物質到底係咩🤔？佢又點樣影響我哋身處嘅宇宙🌃？想探索更多，就唔好錯過我哋嚟緊嘅天文講座喇！✨

【天文講座・暗物質】
日期：4月9日（四）
時間：18:45 - 21:00
地點：香港中文大學科學館L1演講廳
講者：香港中文大學物理系朱明中教授
語言：粵語
形式：實體 + Zoom

講座連結：https://cuhk.zoom.us/j/95598831193?pwd=sj8iaJNpwX18lLcBmklCq9y4ZDaLMa.1 (link in bio)
Zoom ID: 955 9883 1193
Passcode: cuastroo52

講座歡迎所有人士參與。如天氣許可，講座後將設有實體觀星環節；惟觀星環節不設網上直播。
————————————————————————
#中大 #天文 #天文講座 #宇宙 #暗物質

境外觀星——內蒙古觀星團完sem有咩做？嚟緊5月，我哋將會舉辦為期8日嘅「內蒙古觀星團」，帶大家遊覽內蒙古草原🏕️同沙漠🏜️，喺遠離城市光害嘅地方仰望滿天繁星✨，度過難忘嘅草原星夜！🌌我哋仲會去南京進行學術交流、參觀南京紫金山天文台🔭，同埋...
12/03/2026

境外觀星——內蒙古觀星團

完sem有咩做？嚟緊5月，我哋將會舉辦為期8日嘅「內蒙古觀星團」，帶大家遊覽內蒙古草原🏕️同沙漠🏜️，喺遠離城市光害嘅地方仰望滿天繁星✨，度過難忘嘅草原星夜！🌌

我哋仲會去南京進行學術交流、參觀南京紫金山天文台🔭，同埋參加各種特色活動，深入了解當地文化！🏮

活動詳情如下：
日期：19-26/5（8天）
地點：內蒙古、南京
費用：$9,800
對象：本會會員（如非會員，請先入會）
報名表格：https://forms.gle/sVuDomZRj5UEGYCz8 (link in bio)
截止報名日期：27/3（五）

無論你想觀星，抑或遊覽沙漠、草原，都千祈唔好錯過呢個難得嘅機會！

*如有任何疑問，歡迎聯絡Eva (6345 4288) 或 Cara (9264 7162) 查詢
————————————————————————
#中大 #天文 #內蒙古 #南京 #觀星團

喺3月3號（星期二），即係農曆正月十五，香港嘅夜空將會上演一個特別嘅天文現象——月全食🌕。📖月食係咩嚟㗎？ 簡單嚟講，就係地球喺太陽同月球中間，擋住咗太陽嘅光。當月球進入地球投射出嚟嘅陰影區，就會出現月食。 地球嘅陰影分為兩個部分：本影同半...
01/03/2026

喺3月3號（星期二），即係農曆正月十五，香港嘅夜空將會上演一個特別嘅天文現象——月全食🌕。

📖月食係咩嚟㗎？
簡單嚟講，就係地球喺太陽同月球中間，擋住咗太陽嘅光。當月球進入地球投射出嚟嘅陰影區，就會出現月食。
地球嘅陰影分為兩個部分：本影同半影。如果月球完全進入本影，就會發生月全食，食甚期間個月亮會變成暗紅色，形成俗稱嘅「血月」。如果月球只有一部分進入本影，就係月偏食。因為只有部分太陽光被本影遮擋，月亮會好似被人咬咗一啖咁，因此古代俗稱月食為「天狗食月」。而如果月球只係經過半影，就叫做半影月食，月亮只會變暗少少，較難用肉眼觀察。

🤔點解月全食嘅時候個月亮會變紅？
太陽光係由唔同波長組成，藍光波長較短，容易喺大氣層被空氣粒子散射走，剩低波長較長嘅紅光就可以通過地球大氣層，折射到月球表面，令月亮變得暗紅。

🔭點先可以睇到今次月食？
今次月食食甚時間比較早，月亮嘅仰角比較低 ，所以建議揀選面向東邊、前面又冇太多樓宇或山阻擋嘅地方。

如果未能外出觀賞月食，亦都可以透過天文台、太空館、嗇色園主辦可觀自然教育中心暨天文館、保良局顏寶鈴書院同香港青年協會創意教育組嘅聯合網上直播觀賞月食過程。

🌕月食詳情：
月出：18:22
食既：19:04
食甚：19:34
生光：20:03
復圓：21:18
半影食終：22:25

天文台預計，當日大致多雲，有幾陣驟雨。初時局部地區可能有雷暴。香港下一次出現月食（半影月食）為明年2月21日；而香港下一次出現月全食為2029年1月1日。

資料來源：https://www.news.gov.hk/chi/2026/02/20260220/20260220_150634_619.html

我哋身處喺太陽系其中一個行星——地球入面🌍，但其實除咗太陽系嘅八大行星以外，喺廣闊嘅宇宙裏面，仲隱藏住無數咁多嘅行星🪐。今次演講帶大家深入探索呢啲神秘嘅天體🌑，從最早嘅發現到最新嘅科學研究。我哋將會探討系外行星嘅形成過程同埋佢哋嘅環境，並介...
09/11/2025

我哋身處喺太陽系其中一個行星——地球入面🌍，但其實除咗太陽系嘅八大行星以外，喺廣闊嘅宇宙裏面，仲隱藏住無數咁多嘅行星🪐。今次演講帶大家深入探索呢啲神秘嘅天體🌑，從最早嘅發現到最新嘅科學研究。我哋將會探討系外行星嘅形成過程同埋佢哋嘅環境，並介紹最新嘅觀測技術🔭同太空任務🛰️。想揭開呢個星際世界嘅神秘面紗，就記得參加今次嘅講座啦🤩

講座歡迎所有人士參與。如天氣許可，講座後將設有實體觀星環節；惟觀星環節不設網上直播。

【天文講座•系外行星之謎】
日期：2025年11月13日（四）
時間：18:45 - 21:00
地點：香港中文大學科學館L2
演講廳講者：香港中文大學物理系梁寶建博士
語言：粵語
形式：實體+Zoom

講座連結：
https://cuhk.zoom.us/j/2286932967?pwd=lCw8fnFurpyujItxwMSTwRMgbWxqxM.1&omn=96605037254
Zoom ID: 228 693 2967
Passcode: 123456
———————————————————————
#中大天文 #中大 #天文 #星汐 #講座 #天文講座 #梁寶建博士 #宇宙學 #宇宙演化

🌌星語留影 Society T-shirt【產品介紹】夜空無聲，滿天星辰卻在訴說。一張照片，能留住與星語相伴的回憶，亦能照亮着小小心靈。【布料設計】100%棉【尺寸】S、M、L、XL相關尺寸表請於訂購表格或Instagram story H...
23/10/2025

🌌星語留影 Society T-shirt

【產品介紹】
夜空無聲，滿天星辰卻在訴說。
一張照片，能留住與星語相伴的回憶，亦能照亮着小小心靈。

【布料設計】
100%棉

【尺寸】
S、M、L、XL
相關尺寸表請於訂購表格或Instagram story Highlight 「星語留影Tshirt」中查閱

【顏色】
黑色（洗水）

【售價】
會員 $70 / 非會員 $90

__________________________
🌌”Whispers of Stars” Society T-shirt

【Product Description 】
The stars whisper to those who listen.
The photo stores the moment under the starlights and let them shine upon your heart.

【Composition & Design】
100% cotton

【T-shirt Size】
S、M、L、XL

【Color】
Black（washed）

【Price】
Member：$70 / Non-member：$90

我哋中大天文嘅傾四已經喺 9 月 26 號（星期五）完滿結束⭐，恭喜各位成莊🥳🥳。喺呢度祝福你哋，無論遇到乜嘢事情，都可以同莊員共同進退🤩，一齊創造更美好嘅回憶😉 #中大天文 #中天 #天文 #星汐 #天文活動 #迎新活動 #迎...
07/10/2025

我哋中大天文嘅傾四已經喺 9 月 26 號（星期五）完滿結束⭐，恭喜各位成莊🥳🥳。

喺呢度祝福你哋，無論遇到乜嘢事情，都可以同莊員共同進退🤩，一齊創造更美好嘅回憶😉

#中大天文 #中天 #天文 #星汐 #天文活動 #迎新活動 #迎新夜 #傾莊 #傾四 #成莊日 #香港中文大學 #中大 #大學生

我哋中大天文嘅傾二已經喺 9 月 18 號（星期四）順利舉行😁，多謝各位嘅熱烈參與💫！當晚我哋玩咗各式各樣嘅 mass game😎，當中唔少遊戲都需要互相合作，令到大家可以互相認識，希望大家玩得開心🤩，亦都更加認識我哋中大天文😊。今個星期五...
24/09/2025

我哋中大天文嘅傾二已經喺 9 月 18 號（星期四）順利舉行😁，多謝各位嘅熱烈參與💫！
當晚我哋玩咗各式各樣嘅 mass game😎，當中唔少遊戲都需要互相合作，令到大家可以互相認識，希望大家玩得開心🤩，亦都更加認識我哋中大天文😊。

今個星期五（9 月 26 號）就係我哋嘅成莊日喇！有興趣上入莊嘅各位，記住mark實呢個日子啦😉。

傾四 / 成莊日 ➡️ 食宵
日期：9 月 26 日（五）
時間：18:45－21:00
地點：蒙民偉樓 703 室
_______________
#中大天文 #中天 #天文 #星汐 #天文活動 #迎新活動 #迎新夜 #傾莊 #傾一 #香港中文大學 #中大 #大學生

我哋中大天文嘅迎新夜/傾一喺大家熱情參與下已經喺 16/9（二）圓滿結束喇😆！！我哋玩咗好多唔同類型嘅mass game，俾大家可以玩得開心之餘更加可以學到唔少嘅天文知識🧐。同時，我哋有幸邀請到第四十九屆外務副會長justin分享佢各種上莊...
24/09/2025

我哋中大天文嘅迎新夜/傾一喺大家熱情參與下已經喺 16/9（二）圓滿結束喇😆！！

我哋玩咗好多唔同類型嘅mass game，俾大家可以玩得開心之餘更加可以學到唔少嘅天文知識🧐。同時，我哋有幸邀請到第四十九屆外務副會長justin分享佢各種上莊嘅感受同經歷，希望大家借此可以更了解我哋中大天文喇🫶🏻。

今個星期五 26/9就係我哋嘅成莊日喇！有意上莊嘅各位就記住mark實日子喇😉。

傾四/成莊日➡️食宵
日期：9月26日（五）
時間：18:45-21:00
地點：蒙民偉樓703室

_______________
#中大天文 #中天 #天文 #星汐 #天文活動 #迎新活動 #迎新夜 #傾莊 #傾一 #香港中文大學 #中大 #大學生

新學年開始啦 😁講到新學年，又點少得一年一度嘅上莊呢？如果你對宇宙充滿好奇☄️，咁就一定要嚟參加中大天文嘅⭐迎新夜同傾莊⭐～ 唔單止可以認識一班唔同學系嘅朋友😎，仲可以一齊學到好多有趣又實用嘅天文知識🔭無論你係天文發燒友，定係純粹想認識多啲...
09/09/2025

新學年開始啦 😁講到新學年，又點少得一年一度嘅上莊呢？

如果你對宇宙充滿好奇☄️，咁就一定要嚟參加中大天文嘅⭐迎新夜同傾莊⭐～ 唔單止可以認識一班唔同學系嘅朋友😎，仲可以一齊學到好多有趣又實用嘅天文知識🔭

無論你係天文發燒友，定係純粹想認識多啲人💫，又或者仲猶豫緊上唔上莊，我哋都非常歡迎你🤩～ 開啟一段只係屬於你嘅獨特經歷！✨

🚀 記得喺手機mark實個時間，到時見😉

報名方式：
https://docs.google.com/forms/d/16tIFDibqmRmKpruBhcaKCjW9CJImSLFPFNeVwRyC9ok/edit
——————————————
*有意上莊者必須出席三次傾莊（必須包括傾四）

迎新夜/傾一
日期：9月16日（二）
時間：18:45-21:00
地點：蒙民偉樓703室

傾二
日期：9月18日（四）
時間：18:45-21:00
地點：蒙民偉樓703室

傾三
日期：9月22日（一）
時間：18:45-21:00
地點：蒙民偉樓703室

傾四/成莊日
日期：9月26日（五）
時間：18:45-21:00
地點：蒙民偉樓703室
——————————————
#中大天文 #中大 #天文 #星汐 #天文活動 #傾莊 #迎新夜

✨藝墟✨話咁快又一年👀今年我哋會繼續喺藝墟度擺攤😖想知🔎嚟緊中天有乜活動可以join嘅就唔好錯過喇😗聽講呢個時候入會✅仲會有靚靚蘇粉攞🗣️🫣仲要交一次會費就有四年會籍😱🤩之後想參加我哋活動同埋訂soc T👕都會平啲😁如果天氣好嘅話仲可以試下...
09/09/2025

✨藝墟✨

話咁快又一年👀
今年我哋會繼續喺藝墟度擺攤😖
想知🔎嚟緊中天有乜活動可以join嘅就唔好錯過喇😗

聽講呢個時候入會✅仲會有靚靚蘇粉攞🗣️🫣
仲要交一次會費就有四年會籍😱🤩
之後想參加我哋活動同埋訂soc T👕都會平啲😁

如果天氣好嘅話仲可以試下用望遠鏡🔭睇太陽☀️攤位不定時會有專人😎🥸介紹比你知點用支鏡🧐💡

🗓️日期：10-12/9/2025
🕚時間：11:00-18:00
📍地點：百萬大道
❗️攤位：C17
_____________________
#中大天文 #中大 #天文 #星汐 #天文活動 #中大藝墟 #藝墟 #中學生 #大學生

我哋中大天文喺7月19號舉行咗全港學界天文問答比賽2025。好多謝大家嘅積極參與，讓比賽順利進行。今次我哋好榮幸可以邀請到香港中文大學物理系朱明中教授擔任呢次比賽嘅評判同講座講者，讓大家從佢嘅講座同評語中獲益良多。另外，都好感謝香港中文大學...
18/08/2025

我哋中大天文喺7月19號舉行咗全港學界天文問答比賽2025。好多謝大家嘅積極參與，讓比賽順利進行。
今次我哋好榮幸可以邀請到香港中文大學物理系朱明中教授擔任呢次比賽嘅評判同講座講者，讓大家從佢嘅講座同評語中獲益良多。另外，都好感謝香港中文大學物理系同埋 贊助我哋精美嘅獎品。
再次恭喜所有得獎隊伍，未攞到獎嘅同好都唔好灰心住，最緊要係玩得開心，又學到新嘢，仲認識到其他同好。
我哋「星汐」好開心可以見到有咁多對天文抱有熱誠嘅中學生，我哋未來係同一片星空下再見！
#中大天文 #中天 #中大 #天文 #星汐 #天文教育 #天文活動 #中學生 #天文講座 #全港學界天文問答比賽 #中問 #朱明中教授 #心動不如行動

Address

香港新界沙田香港中文大學龐萬倫學生中心2樓201室A區
Hong Kong

Website

Alerts

Be the first to know and let us send you an email when 中大天文 CUHK Astronomy Club posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 中大天文 CUHK Astronomy Club:

Shortcuts

Share

Category